| ﹇ᠲᠣᠰᠪᠣᠷᠢ ᠶᠢᠨ ᠡᠮᠴᠢᠯᠡᠭᠡ﹈ ᠵᠢᠭᠤᠭᠠᠨ ᠵᠦᠢᠯ ᠢ ᠲᠣᠰᠪᠣᠷᠢ ᠦᠭᠦᠯᠡᠪᠡᠯ ᠳᠣᠣᠷᠠᠬᠢ ᠮᠡᠳᠤ᠄ | 1᠂ ᠶᠠᠰᠣᠨ ᠳᠤ ᠬᠡᠢ ᠪᠦᠷᠢᠯᠳᠦᠭᠰᠡᠨ ᠡᠪᠡᠳᠴᠢᠨ ᠢ ᠡᠮᠴᠢᠯᠡᠬᠦ᠄ ᠬᠡᠢ ᠶᠢ ᠲᠠᠷᠤᠵᠤ ᠡᠮᠴᠢᠯᠡᠬᠦ ᠶᠢ ᠭᠤᠣᠯ | ᠪᠣᠯᠭᠠᠨᠠ᠃ ᠡᠭᠦᠨ ᠳᠤ ᠲᠦᠯᠵᠢᠭᠦᠯᠬᠦ ᠰᠦᠭᠮᠧᠯ—7᠂ ᠳ᠋ᠠ ᠤᠳ ᠨᠣᠷᠴᠣᠩ ᠢ ᠬᠤᠨᠢᠨ ᠶᠠᠰᠣᠨ ᠤ ᠱᠦᠯᠦ ᠪᠠᠷ | ᠳᠠᠷᠣᠭᠤᠯᠬᠤ ᠪᠦᠭᠡᠳ ᠬᠡᠢ ᠡᠪᠡᠳᠴᠢᠨ ᠢ ᠵᠠᠰᠠᠬᠤ ᠪᠦᠯᠦᠭ ᠲᠤ ᠭᠠᠷᠣᠭᠰᠠᠨ ᠦᠮᠡᠬᠡᠢ ᠳᠠᠪᠠᠷᠬᠠᠢ—25 ᠶᠢ | ᠶᠠᠰᠣᠨ ᠤ ᠱᠦᠯᠦ ᠪᠤᠶᠤ ᠠᠷᠢᠬᠢ ᠪᠠᠷ ᠳᠠᠷᠤᠭᠤᠯᠵᠣ ᠣᠣᠭᠤᠯᠭᠠᠪᠠᠯ ᠰᠠᠶᠢᠨ᠃ ᠮᠦᠨ ᠬᠤᠨᠢᠨ ᠤ ᠤᠭᠤᠴᠠ ᠶᠢᠨ | ᠶᠠᠰᠣᠨ ᠤ ᠱᠦᠯᠦᠨ ᠳᠤ ᠣᠭᠤᠴᠠ ᠶᠢᠨ ᠮᠢᠬᠠ᠂ ᠬᠤᠯᠣᠰᠣᠨ ᠳᠣᠷᠣᠰᠣ᠂ ᠭᠤᠷᠪᠠᠨ ᠬᠠᠯᠠᠭᠤᠨ᠂ ᠰᠤᠩᠭᠢᠨᠠ ᠵᠡᠷᠭᠡ ᠶᠢ | ᠬᠢᠵᠤ ᠪᠣᠴᠠᠯᠭᠠᠭᠠᠳ᠂ ᠦᠷᠯᠦᠭᠡ ᠪᠦᠷᠢ 100g ᠢ ᠪᠦᠯᠢᠶᠡᠨ ᠢᠶᠠᠷ ᠦᠭᠬᠦ ᠪᠣᠶᠣ ᠶᠠᠰᠣᠨ ᠤ ᠠᠷᠢᠬᠢ ᠶᠢ ᠦᠭᠪᠡᠯ | ᠰᠠᠶᠢᠨ᠃ | ᠵᠠᠰᠠᠯ᠄ ᠬᠠᠯᠠᠭᠤᠨ ᠷᠠᠰᠢᠶᠠᠨ ᠳᠤ ᠰᠠᠭᠤᠯᠭᠠᠬᠤ ᠪᠣᠶᠣ ᠶᠠᠰᠣ ᠪᠣᠯᠣᠨ ᠪᠠᠰᠪᠦᠷᠣ ᠶᠢ ᠬᠠᠮᠳᠦ ᠴᠢᠨᠠᠭᠠᠳ | ᠳᠡᠪᠲᠦᠭᠡᠯᠭᠡ ᠬᠢᠬᠦ᠂ ᠡᠰᠡᠬᠦᠯᠡ ᠠᠯᠢ ᠡᠪᠡᠳᠬᠦ ᠭᠠᠵᠠᠷ ᠲᠤᠨᠢ ᠲᠦᠭᠡᠨᠡ ᠲᠠᠯᠪᠢᠬᠤ ᠵᠠᠰᠠᠯ ᠢ ᠬᠢᠪᠡᠯ ᠰᠠᠶᠢᠨ᠃ | 2᠂ ᠲᠤᠯᠤᠭᠠᠢ ᠳᠤ ᠬᠡᠢ ᠪᠦᠷᠢᠯᠳᠦᠭᠰᠡᠨ ᠡᠪᠡᠳᠴᠢᠨ ᠢ ᠡᠮᠴᠢᠯᠡᠬᠦ᠄ ᠡᠭᠦᠨ ᠢ ᠬᠡᠢ ᠶᠢ ᠳᠠᠷᠤᠬᠤ ᠡᠮ ᠵᠠᠰᠠᠯ ᠢᠶᠠᠷ | ᠭᠤᠤᠯ ᠪᠣᠯᠭᠠᠵᠣ ᠡᠮᠴᠢᠯᠡᠨᠡ᠃ ᠡᠭᠦᠨ ᠳᠤ ᠦᠮᠡᠬᠡᠢ ᠳᠠᠪᠠᠷᠬᠠᠢ—5᠂ ᠦᠮᠡᠬᠡᠢ ᠳᠠᠪᠠᠷᠬᠠᠢ—8᠂ | ᠵᠣᠷᠭᠤᠳᠠᠰᠤ—11ᠵᠡᠷᠭᠡ ᠶᠢᠨ ᠡᠮ ᠢ ᠡᠭᠡᠯᠵᠢᠯᠡᠭᠦᠯᠤᠨ ᠤᠤᠭᠤᠯᠭᠠᠨᠠ᠃ ᠶᠡᠷᠣᠩᠬᠡᠢ ᠳᠤᠨᠢ ᠲᠦᠯᠵᠢᠭᠦᠯᠬᠦ | ᠰᠦᠭᠮᠧᠯ—7 ᠶᠢ ᠷᠦᠳᠠ—2 ᠤᠨ ᠳᠠᠩ ᠪᠤᠶᠤ ᠬᠤᠨᠢᠨ ᠲᠣᠯᠤᠭᠠᠢ ᠶᠢᠨ ᠶᠠᠰᠣᠨ ᠤ ᠱᠦᠯᠦ ᠪᠠᠷ ᠳᠠᠷᠣᠭᠤᠯᠵᠣ | ᠤᠤᠭᠤᠯᠭᠠᠨᠠ᠃ ᠡᠳᠡᠭᠡᠷ ᠡᠮ ᠢ ᠤᠤᠭᠤᠭᠠᠳ ᠰᠠᠶᠢᠵᠢᠷᠠᠬᠤ ᠦᠭᠡᠢ ᠪᠤᠯ ᠳᠣᠯᠣᠭᠠᠢ ᠶᠢᠨ ᠰᠢᠵᠠ ᠶᠢ ᠨᠠᠶᠢᠷᠠᠭᠤᠯᠵᠤ | ᠢᠳᠡᠭᠦᠯᠬᠦ ᠬᠡᠷᠡᠭᠳᠡᠢ᠃ | ᠲᠤᠯᠤᠭᠠᠢ ᠶᠢᠨ ᠰᠢᠵᠠ ᠶᠢ ᠨᠠᠶᠢᠷᠠᠭᠤᠯᠬᠤ ᠠᠷᠭᠠ᠄ ᠭᠤᠷᠪᠠᠨ ᠨᠠᠰᠣᠳᠠᠢ ᠬᠤᠨᠢᠨ ᠤ ᠲᠤᠯᠤᠭᠠᠢ ᠶᠢ ᠶᠠᠰᠣ | ᠮᠢᠬᠠ ᠲᠠᠢ ᠨᠢ ᠬᠠᠮᠲᠤ ᠬᠡᠮᠬᠡᠴᠡᠨ ᠰᠠᠶᠢᠳᠤᠷ ᠴᠢᠨᠠᠵᠤ ᠰᠢᠷᠭᠢᠭᠡᠭᠰᠡᠨ ᠤ ᠰᠡᠭᠦᠯᠡᠷ᠂ ᠳᠡᠭᠡᠷᠡ ᠨᠢ ᠦᠮᠡᠬᠡᠢ ᠳᠠᠪᠠᠷᠬᠠᠢ2. | 5ᠦᠮᠡᠬᠡᠢ ᠳᠠᠪᠤᠰᠤ1.5g᠂ ᠪᠣᠷᠠᠮ50g ᠪᠠ ᠰᠤᠩᠭᠢᠨᠠ᠂ ᠲᠣᠰᠣ ᠵᠡᠷᠭᠡ ᠶᠢ ᠦᠴᠦᠬᠡᠨ ᠨᠡᠮᠡᠷᠢᠯᠡᠵᠦ᠂ ᠲᠤᠭᠤᠭᠠᠨ ᠤ | ᠠᠮᠠᠰᠠᠷ ᠢ ᠪᠢᠳᠡᠭᠦᠮᠵᠢᠯᠡᠨ᠂ ᠠᠯᠭᠤᠷ ᠢᠶᠠᠷ ᠴᠢᠨᠠᠵᠣ ᠪᠤᠯᠭᠤᠭᠠᠨᠠ᠃ ᠲᠡᠭᠡᠭᠡᠳ ᠡᠪᠡᠳᠴᠢᠳᠡᠨ ᠤ ᠢᠳᠡᠵᠣ | ᠴᠠᠳᠬᠤ ᠶᠢᠨ ᠬᠡᠮᠵᠢᠶᠡ ᠪᠠᠷ ᠲᠤᠬᠢᠷᠠᠭᠤᠯᠵᠤ ᠢᠳᠡᠭᠦᠯᠪᠡᠯ᠂ ᠬᠡᠢ ᠪᠦᠷᠢᠯᠳᠦᠭᠰᠡᠨ ᠢᠶᠠᠷ ᠲᠣᠯᠣᠭᠠᠢ ᠡᠪᠡᠳᠬᠦ ᠳᠤ ᠤᠨᠴᠠ | ᠰᠠᠶᠢᠨ᠃ | ᠴᠢᠬᠢ ᠳᠦᠯᠡᠶᠢᠷᠡᠪᠡᠯ ᠲᠠᠮᠢᠷᠵᠢᠭᠤᠯᠤᠭᠴᠢ ᠨᠠᠷᠠᠨ ᠮᠠᠨᠳᠤᠯ ᠢ ᠰᠢᠷᠠ ᠲᠤᠰᠤᠨ ᠳᠤ ᠵᠢᠭᠤᠷᠠᠵᠤ᠂ ᠴᠡᠪᠡᠷ | ᠬᠦᠪᠦᠩ ᠳᠤ ᠪᠠᠭᠯᠠᠵᠤ ᠴᠢᠬᠢᠨ ᠳᠤᠨᠢ ᠬᠢᠬᠦ᠂ ᠡᠰᠡᠬᠦᠯᠡ ᠷᠦᠳᠠ᠂ ᠯᠤᠤᠪᠠᠩ ᠬᠤᠶᠠᠷ ᠢ ᠣᠰᠣᠨ ᠳᠤ ᠴᠢᠨᠠᠵᠤ᠂ | ᠰᠢᠭᠦᠰᠦ ᠶᠢ ᠨᠢ ᠪᠦᠯᠢᠶᠡᠨ ᠪᠣᠯᠭᠠᠭᠠᠳ ᠳᠤᠰᠤᠭᠠᠪᠠᠯ᠂ ᠲᠣᠰᠠ ᠲᠠᠢ ᠪᠠᠶᠢᠳᠠᠭ ᠮᠦᠨ ᠰᠢᠳᠠᠭᠠᠭᠰᠠᠨ ᠪᠠᠶᠢᠪᠠᠩ ᠤᠨ | ᠳᠡᠭᠡᠷᠡ ᠵᠢᠭᠠᠷ ᠢ ᠪᠠᠭᠠ ᠬᠡᠮᠵᠢᠶᠡ ᠪᠠᠷ ᠨᠡᠮᠡᠵᠤ᠂ ᠰᠡᠶᠢᠮᠬᠡᠢ ᠪᠦᠰ ᠢᠶᠠᠷ ᠪᠠᠭᠯᠠᠭᠠᠳ ᠴᠢᠬᠢ ᠢ ᠨᠢ ᠪᠦᠭᠯᠡᠪᠡᠯ ᠴᠢᠬᠢᠨ ᠤ | ᠦᠭᠡᠷᠢ ᠰᠢᠭᠦᠰᠦ ᠢ ᠨᠢ ᠬᠠᠳᠠᠭᠠᠳᠠᠭ᠃ | ᠵᠠᠰᠠᠯ᠄ ᠬᠤᠨᠢᠨ ᠲᠣᠯᠣᠭᠠᠢ ᠶᠢᠨ ᠶᠠᠰᠣ ᠮᠢᠬᠠ ᠶᠢ ᠠᠷᠢᠬᠢᠨ ᠳᠤ ᠴᠢᠨᠠᠵᠤ ᠰᠢᠷᠭᠢᠭᠡᠭᠰᠡᠨ ᠤ ᠳᠠᠷᠠᠭᠠ᠂ ᠠᠯᠢ | ᠡᠪᠡᠳᠬᠦ ᠭᠠᠵᠠᠷ ᠲᠤᠨᠢ ᠵᠢᠩ ᠳᠠᠯᠪᠢᠵᠤ ᠦᠭᠬᠦ ᠪᠠ ᠬᠡᠢ ᠶᠢᠨ ᠭᠤᠷᠪᠠᠨ ᠬᠤᠷᠠᠮᠠᠯ ᠢ ᠳᠦᠭᠡᠨᠡᠪᠡᠯ ᠰᠠᠶᠢᠨ᠃ | 3᠂ ᠵᠢᠷᠦᠬᠡᠨ ᠳᠤ ᠬᠡᠢ ᠪᠦᠷᠢᠯᠳᠦᠭᠰᠡᠨ ᠢ ᠡᠮᠴᠢᠯᠡᠬᠦ᠄ ᠬᠡᠢ ᠶᠢ ᠳᠠᠷᠤᠵᠤ᠂ ᠵᠢᠷᠦᠬᠡᠨ ᠤ ᠲᠠᠮᠢᠷ ᠢ | ᠰᠠᠶᠢᠵᠢᠢᠷᠠᠭᠤᠯᠵᠤ ᠵᠠᠰᠠᠪᠠᠯ ᠰᠠᠶᠢᠨ᠃ ᠡᠭᠦᠨ ᠳᠤ ᠲᠦᠯᠦᠵᠢᠭᠦᠯᠭᠦ ᠰᠦᠭᠮᠧᠯ—7᠂ ᠽᠠᠳᠢ—5᠂ ᠠᠮᠢ ᠪᠠᠷᠢᠭᠴᠢ—9 | ᠵᠡᠷᠭᠡ ᠶᠢ ᠬᠤᠨᠢᠨ ᠮᠢᠬᠠᠨ ᠤ ᠱᠦᠯᠦ ᠪᠤᠶᠤ ᠬᠤᠨᠢᠨ ᠶᠠᠰᠤᠨ ᠤ ᠱᠦᠯᠦ ᠪᠠᠷ ᠳᠠᠷᠤᠭᠤᠯᠵᠤ ᠤᠤᠭᠤᠯᠭᠠᠨᠠ᠃ | ᠡᠰᠡᠬᠦᠯᠡ ᠦᠮᠡᠬᠡᠢ ᠳᠠᠪᠠᠷᠬᠠᠢ—25᠂ ᠭᠤᠶᠤ13᠂ ᠠᠮᠢ ᠪᠠᠷᠢᠭᠴᠢ—11 ᠵᠡᠷᠭᠡ ᠡᠮ ᠢ ᠳᠡᠭᠡᠷᠡᠬᠢ ᠡᠮ ᠤᠳ ᠲᠠᠢ | ᠡᠭᠡᠯᠵᠢᠯᠡᠭᠦᠯᠵᠤ ᠦᠭᠪᠡᠯ ᠰᠠᠶᠢᠨ᠃ ᠮᠦᠨ ᠪᠠᠴᠢ᠂ ᠪᠠᠭᠠᠪᠠᠭᠠᠢ᠂ ᠲᠠᠷᠪᠠᠭᠠ ᠵᠡᠷᠭᠡ ᠠᠮᠢᠳᠠᠨ ᠪᠦᠬᠦᠨ ᠤ ᠵᠢᠷᠦᠬᠡ ᠶᠢ | ᠤᠯᠳᠠᠭᠰᠠᠨ ᠤ ᠬᠢᠷᠢ ᠪᠠᠷ ᠪᠦᠷᠢᠯᠳᠦᠭᠦᠯᠵᠤ᠂ ᠽᠠᠳᠢ᠂ ᠭᠠᠪᠢᠷᠠ ᠶᠢᠨ ᠬᠠᠯᠢᠰᠤ᠂ ᠰᠦᠭᠯᠧᠯ᠂ ᠵᠢᠷᠦᠬᠡᠨ ᠱᠤᠱᠠ᠂ ᠡᠪᠡᠷ | ᠳᠠᠪᠣᠰᠣ᠂ ᠠᠷᠣᠷᠠ᠂ ᠦᠮᠡᠬᠡᠢ ᠳᠠᠪᠣᠰᠣ ᠵᠡᠷᠭᠡ ᠶᠢ ᠬᠤᠪᠢ ᠰᠠᠴᠠᠭᠤ ᠪᠠᠷ ᠨᠡᠮᠡᠷᠢᠯᠡᠵᠤ᠂ ᠪᠢᠳᠡᠭᠦᠦ ᠰᠠᠪᠠᠨ ᠳᠤ ᠬᠢᠵᠦ | ᠴᠢᠨᠠᠭᠠᠳ ᠲᠡᠭᠦᠨ ᠤ ᠳᠡᠭᠡᠷᠡ ᠠᠴᠠ ᠨᠢ ᠬᠤᠨᠢᠨ ᠮᠢᠬᠠ ᠶᠢ ᠬᠤᠯᠢᠵᠤ ᠪᠤᠯᠭᠤᠭᠠᠭᠰᠠᠨ ᠤ ᠰᠡᠭᠦᠯᠡᠷ᠂ ᠦᠷ ᠢᠶᠠᠷ | ᠢᠳᠡᠭᠦᠯᠪᠡᠯ᠂ ᠵᠢᠷᠦᠬᠡᠨ ᠳᠤ ᠬᠡᠢ ᠪᠦᠷᠢᠯᠳᠦᠭᠰᠡᠨ ᠡᠪᠡᠳᠴᠢᠨ ᠢ ᠠᠷᠢᠯᠭᠠᠬᠤ ᠳᠤ ᠰᠠᠶᠢᠨ᠃ | ᠵᠠᠰᠠᠯ᠄ ᠬᠡᠢ ᠶᠢᠨ ᠪᠡᠯᠴᠢᠷ ᠲᠤᠨᠢ ᠰᠢᠷᠠ ᠲᠤᠰᠤ ᠲᠦᠷᠬᠢᠭᠡᠳ ᠢᠯᠢᠵᠤ ᠨᠣᠬᠤᠯᠠᠬᠤ ᠪᠦᠭᠡᠳ ᠬᠠᠮᠤᠭ ᠤᠨ | ᠰᠡᠭᠦᠯᠡᠷ᠂ ᠭᠤᠷᠪᠠᠨ ᠦᠷᠡ ᠶᠢᠨ ᠳᠣᠰᠣᠨ ᠡᠮ ᠢ ᠦᠭᠴᠤ᠂ ᠨᠢᠷᠤᠭᠤᠨ ᠤ ᠬᠢᠨᠢ ᠵᠢᠷᠭᠤᠳᠤᠭᠠᠷ ᠦᠶᠡᠰ ᠢ ᠳᠦᠭᠡᠨᠡᠬᠦ᠂ | ᠡᠰᠡᠬᠦᠯᠡ ᠡᠯᠳᠡᠪ ᠵᠦᠢᠯ ᠤᠨ ᠠᠮᠢᠳᠠᠨ ᠤ ᠵᠢᠷᠤᠬᠡ ᠶᠢ ᠴᠢᠨᠠᠭᠠᠳ ᠳᠡᠪᠳᠦᠭᠡᠯᠭᠡ ᠬᠢᠪᠡᠯ ᠰᠠᠶᠢᠨ᠃ | 4᠂ ᠪᠦᠭᠡᠷᠡᠨ ᠳᠤ ᠬᠡᠢ ᠪᠦᠷᠢᠯᠳᠦᠭᠰᠡᠨ ᠡᠪᠡᠳᠴᠢᠨ ᠢ ᠡᠮᠴᠢᠯᠡᠬᠦ᠄ ᠪᠦᠭᠡᠷᠡᠨ ᠤ ᠬᠦᠢᠳᠡᠨ ᠬᠡᠢ ᠶᠢ ᠠᠷᠢᠯᠭᠠᠬᠤ | ᠵᠠᠷᠴᠢᠮ ᠢ ᠪᠠᠷᠢᠮᠳᠠᠯᠠᠵᠤ᠂ ᠲᠦᠯᠵᠢᠭᠦᠯᠬᠦ ᠰᠦᠭᠮᠧᠯ—7᠂ ᠵᠤᠷᠭᠤᠳᠠᠰᠤ—11᠂ ᠳᠠᠮᠢᠷᠵᠢᠭᠤᠯᠤᠭᠴᠢ ᠨᠠᠷᠠᠨ ᠮᠠᠨᠳᠤᠯ ᠶᠢ | ᠬᠤᠨᠢᠨ ᠮᠢᠬᠠᠨ ᠤ ᠱᠦᠯᠦ ᠪᠣᠶᠤ ᠶᠠᠰᠤᠨ ᠤ ᠱᠦᠯᠦ ᠪᠠᠷ ᠳᠠᠷᠤᠭᠤᠯᠵᠤ ᠤᠤᠭᠤᠯᠭᠠᠪᠠᠯ ᠤᠨᠴᠠ ᠲᠤᠰᠠᠲᠠᠢ᠃ ᠬᠡᠷᠪᠡ | ᠨᠢᠷᠤᠭᠤ ᠳᠠᠪᠣᠰᠠᠩ ᠬᠤᠯᠣᠰᠣᠨ ᠲᠣᠷᠣᠰᠤ᠂ ᠰᠤᠩᠬᠢᠨᠠ᠂ ᠭᠠᠪᠢᠷᠠ ᠶᠢᠨ ᠬᠠᠯᠢᠰᠤ᠂ ᠮᠣᠯᠣᠭᠠᠪᠠᠯ ᠤᠨᠴᠠ ᠲᠤᠰᠠᠲᠠᠢ᠃ | ᠬᠡᠷᠪᠡ ᠨᠢᠷᠤᠭᠤ ᠳᠠᠪᠣᠰᠠᠩ ᠠᠴᠠ ᠨᠢ ᠳᠤᠷᠤᠭᠰᠢ ᠬᠦᠢᠳᠡᠨ ᠤᠷᠭᠢᠵᠤ ᠰᠢᠷᠭᠢᠷᠡᠨ ᠡᠪᠡᠳᠴᠤ᠂ ᠴᠠᠭᠠᠨ ᠴᠢᠬᠢᠭ ᠠᠷᠪᠢᠨ | ᠪᠤᠯ ᠰᠠᠷᠢ ᠶᠢᠨ ᠭᠠᠷᠤᠳᠠᠢ ᠢ ᠰᠦᠭᠮᠧᠯ᠂ ᠪᠢᠪᠢᠯᠢᠩ ᠬᠤᠶᠠᠷ ᠢ ᠴᠢᠨᠠᠵᠤ ᠳᠠᠷᠤᠭᠤᠯᠵᠤ ᠤᠤᠭᠤᠯᠭᠠᠨᠠ᠃ ᠡᠰᠡᠬᠦᠯᠡ | ᠬᠤᠨᠢᠨ ᠤ ᠳᠤᠳᠤᠷ ᠪᠦᠭᠡᠷᠡ ᠶᠢ ᠦᠬᠡᠬᠦ ᠲᠠᠢ ᠢ ᠬᠠᠮᠳᠤ ᠬᠡᠷᠴᠢᠵᠤ᠂ ᠭᠠᠪᠢᠷᠠ ᠶᠢᠨ ᠬᠠᠯᠢᠰᠤ᠂ ᠨᠢᠯᠬᠠ | ᠬᠤᠯᠤᠰᠤᠨ ᠤ ᠳᠣᠷᠳᠰᠤ ᠶᠢ ᠨᠡᠮᠡᠵᠤ ᠴᠢᠨᠠᠵᠤ ᠪᠣᠯᠭᠤᠭᠠᠭᠰᠠᠨ ᠤ ᠳᠠᠷᠠᠭᠠ᠂ ᠳᠡᠭᠡᠷᠡ ᠨᠢ ᠰᠣᠩᠭᠢᠨᠠ᠂ ᠭᠤᠷᠪᠠᠨ | ᠬᠠᠯᠠᠭᠤᠨ ᠢ ᠨᠡᠮᠡᠵᠤ᠂ ᠦᠷᠯᠦᠭᠡ ᠪᠦᠷᠢ ᠢᠳᠡᠭᠦᠯᠪᠡᠯ᠂ ᠪᠦᠭᠡᠷᠡᠨ ᠳᠤ ᠬᠡᠢ ᠪᠦᠷᠢᠯᠳᠦᠭᠰᠡᠨ ᠡᠪᠡᠳᠴᠢᠨ ᠳᠤ ᠤᠨᠴᠠ | ᠳᠤᠰᠠᠳᠠᠢ᠃ | ᠵᠠᠰᠠᠯ᠄ ᠬᠠᠯᠠᠭᠤᠨ ᠵᠢᠩ ᠲᠠᠯᠪᠢᠵᠤ᠂ ᠪᠦᠭᠡᠷᠡᠨ ᠤ ᠪᠡᠯᠴᠢᠷ ᠳᠤ ᠲᠦᠭᠡᠨᠡ ᠲᠠᠯᠪᠢᠪᠠᠯ ᠰᠠᠶᠢᠨ᠃ | 5᠂ ᠬᠤᠳᠣᠭᠠᠳᠣᠨ ᠳᠤ ᠬᠡᠢ ᠪᠦᠷᠢᠯᠳᠦᠭᠰᠡᠨ ᠡᠪᠡᠳᠴᠢᠨ ᠢ ᠡᠮᠴᠢᠯᠡᠬᠦ᠄ ᠬᠤᠳᠣᠭᠠᠳᠣᠨ ᠤ ᠪᠠᠳᠭᠠᠨ ᠬᠡᠢ ᠢ | ᠠᠷᠢᠯᠭᠠᠵᠤ᠂ ᠭᠠᠯ ᠤᠨ ᠢᠯᠴᠢ ᠶᠢ ᠳᠡᠭᠰᠢᠳᠭᠡᠬᠦ ᠵᠠᠷᠴᠢᠮ ᠢᠶᠠᠷ ᠵᠠᠰᠠᠨᠠ᠃ ᠡᠭᠦᠨ ᠳᠤ ᠠᠨᠠᠷ—4᠂ ᠬᠠᠷᠠ | ᠭᠠᠷᠤᠳᠠᠢ—5 ᠶᠢᠨ ᠳᠠᠩ᠂ ᠠᠨᠠᠷ ᠭᠦᠨᠳᠡᠨᠳᠧᠵᠢᠳ᠂ ᠲᠣᠩᠭᠠᠯᠠᠭ—5᠂ ᠳᠠᠮᠢᠷᠵᠢᠭᠤᠯᠤᠭᠴᠢ ᠨᠠᠷᠠᠨ ᠮᠠᠨᠳᠦᠯ ᠵᠡᠷᠭᠡ | ᠡᠮ ᠤᠳ ᠢ ᠡᠪᠡᠳᠴᠢᠨ ᠤ ᠬᠢᠨᠢ ᠪᠣᠳᠠᠳᠣ ᠪᠠᠶᠢᠳᠠᠯ ᠲᠠᠢ ᠨᠢ ᠤᠶᠠᠯᠳᠠᠭᠤᠯᠵᠣ᠂ ᠡᠹᠡᠯᠵᠢᠯᠡᠨ ᠦᠭᠬᠦ ᠪᠠ | ᠬᠠᠪᠰᠤᠷᠠᠭᠤᠯᠵᠤ ᠦᠭᠬᠦ ᠠᠴᠠ ᠭᠠᠳᠠᠨᠠ᠂ ᠬᠤᠶᠢᠳᠣ ᠦᠨᠳᠦᠰᠦᠨ ᠤ ᠰᠠᠷᠢᠮᠰᠤᠭ ᠤᠨ ᠲᠣᠰᠣᠨ ᠡᠮ ᠢ ᠨᠠᠶᠢᠷᠠᠭᠤᠯᠵᠤ | ᠦᠭᠪᠡᠯ ᠰᠠᠶᠢᠨ᠃ | ᠵᠠᠰᠠᠯ᠄ ᠬᠤᠳᠤᠭᠠᠳᠤᠨ ᠳᠡᠭᠡᠷᠡ ᠨᠢ ᠬᠠᠯᠠᠭᠤᠨ ᠵᠢᠩ ᠲᠠᠯᠪᠢᠵᠤ᠂ ᠨᠢᠷᠤᠭᠤᠨ ᠤ ᠬᠢᠨᠢ ᠠᠷᠪᠠᠨ ᠬᠤᠶᠠᠳᠤᠭᠠᠷ | ᠦᠶᠡᠰ ᠪᠠ ᠬᠤᠳᠤᠭᠠᠳᠤᠨ ᠤ ᠪᠡᠯᠴᠢᠷ ᠢ ᠲᠦᠭᠡᠨᠡᠪᠡᠯ ᠰᠠᠶᠢᠨ᠃ | 6᠂ ᠭᠡᠳᠡᠰᠤᠨ ᠳᠤ ᠬᠡᠢ ᠪᠦᠷᠢᠯᠳᠦᠭᠰᠡᠨ ᠡᠪᠡᠳᠴᠢᠨ ᠢ ᠡᠮᠴᠢᠯᠡᠬᠦ᠄ ᠬᠡᠢ ᠶᠢ ᠳᠠᠷᠤᠵᠤ᠂ ᠰᠠᠷᠠ ᠶᠢᠨ ᠭᠬᠢᠷ ᠢ | ᠲᠡᠭᠰᠢᠳᠭᠡᠵᠤ ᠡᠮᠴᠢᠯᠡᠬᠦ ᠵᠠᠷᠴᠢᠮ ᠢᠶᠠᠷ ᠡᠮᠴᠢᠯᠡᠨᠡ᠃ ᠡᠭᠦᠨ ᠳᠤ ᠲᠦᠯᠵᠢᠭᠦᠯᠭᠦ ᠰᠦᠭᠮᠧᠯ—7 ᠪᠠ | ᠠᠮᠢᠷᠯᠠᠭᠤᠯᠤᠭᠴᠢ—13 ᠶᠢ ᠪᠣᠴᠢᠯᠠᠭᠰᠠᠨ ᠤᠰᠤ ᠪᠠᠷ ᠲᠠᠷᠤᠭᠤᠯᠵᠤ ᠤᠤᠭᠤᠯᠭᠠᠨᠠ᠃ ᠬᠡᠷᠪᠡ ᠦᠷᠬᠦᠯᠵᠢ | ᠰᠠᠭᠤᠯᠭᠠᠵᠤ ᠪᠠᠶᠢᠪᠠᠯ ᠲᠡᠮᠡᠭᠡᠨ ᠬᠦᠬᠦ—15 ᠶᠢ ᠲᠣᠬᠠᠶᠢᠳᠤ ᠬᠦᠯᠭᠡ ᠪᠠᠷ ᠳᠠᠷᠤᠭᠤᠯᠵᠤ᠂ ᠰᠠᠷᠠ ᠶᠢᠨ ᠭᠬᠢᠷ ᠨᠢ ᠴᠠᠭ | ᠪᠤᠰᠤ ᠪᠠᠷ ᠴᠤᠪᠤᠷᠠᠵᠤ ᠪᠠᠶᠢᠪᠠᠯ᠂ ᠵᠦᠭᠡᠯᠡᠨ ᠦᠷᠡ—6᠂ ᠵᠤᠩᠰᠢ—11᠂ ᠭᠢᠰᠢᠭᠦᠨᠡ—6᠂ ᠰᠠᠷᠢ ᠶᠢᠨ ᠭᠠᠷᠣᠳᠠᠢ | ᠮᠡᠳᠦ ᠶᠢᠨ ᠡᠮ ᠢ ᠤᠤᠭᠤᠯᠭᠠᠬᠤ ᠪᠤᠶᠤ ᠬᠤᠨᠢᠨ ᠤ ᠴᠢᠰᠤᠨ ᠳᠤ ᠡᠪᠡᠷ ᠳᠠᠪᠤᠰᠤ᠂ ᠭᠠᠵᠪᠢᠷᠠ ᠶᠢᠨ ᠵᠤᠵᠠᠭᠠᠨ | ᠬᠠᠯᠢᠰᠤ᠂ ᠰᠦᠭᠮᠧᠯ᠂ ᠠᠷᠤᠷᠠ᠂ ᠳᠣᠭᠤᠯ ᠡᠪᠡᠰᠣ ᠶᠢ ᠬᠢᠵᠤ᠂ ᠳᠤᠳᠣᠷᠭᠠ ᠶᠢᠨ ᠭᠤᠯᠢᠷ ᠲᠠᠢ ᠬᠤᠯᠢᠵᠤ᠂ ᠬᠤᠨᠢᠨ ᠤ | ᠭᠡᠳᠡᠰᠣᠨ ᠳᠤ ᠴᠢᠳᠬᠤᠭᠠᠳ ᠢᠳᠡᠭᠦᠯᠬᠦ ᠡᠰᠡᠬᠦᠯᠡ ᠬᠤᠨᠢᠨ ᠤ ᠴᠢᠰᠤᠨ ᠳᠤᠨᠢ ᠬᠤᠯᠤᠰᠤᠨ ᠳᠣᠷᠣᠰᠤ᠂ ᠰᠤᠩᠬᠢᠨᠠ᠂ | ᠭᠠᠪᠢᠷᠠ ᠶᠢᠨ ᠬᠠᠯᠢᠰᠤ᠂ ᠮᠤᠯᠤᠷ ᠳᠠᠪᠣᠰᠤ ᠶᠢ ᠬᠢᠵᠤ᠂ ᠬᠤᠨᠢᠨ ᠤ ᠭᠡᠳᠡᠰᠤᠨ ᠳᠤᠨᠢ ᠴᠢᠳᠬᠤᠵᠤ ᠪᠣᠯᠭᠤᠭᠠᠳ᠂ | ᠦᠷ ᠢᠶᠠᠷ ᠢᠳᠡᠭᠦᠯᠪᠡᠯ ᠭᠡᠳᠡᠰᠤᠨ ᠳᠤ ᠬᠡᠢ ᠪᠦᠷᠢᠯᠳᠦᠩᠰᠡᠨ ᠡᠪᠡᠳᠴᠢᠨ ᠢ ᠠᠷᠢᠯᠭᠠᠬᠤ ᠳᠤ ᠰᠠᠶᠢᠨ᠃ | ﹇ᠢᠳᠡᠭᠡᠨ ᠶᠠᠪᠤᠳᠠᠯ ᠤᠨ ᠡᠮᠴᠢᠯᠡᠭᠡ﹈ ᠢᠳᠡᠭᠡᠨ ᠤᠮᠳᠠᠭᠠᠨ ᠤ ᠲᠠᠯᠠ ᠪᠠᠷ ᠰᠢᠮᠡ ᠲᠡᠵᠢᠭᠡᠯ ᠰᠠᠶᠢᠳᠠᠢ ᠪᠦᠭᠡᠳ | ᠬᠠᠯᠠᠭᠤᠨ ᠪᠦᠯᠢᠶᠡᠡ ᠴᠢᠨᠠᠷᠲᠠᠢ ᠢᠳᠡᠭᠡᠨ ᠤᠮᠳᠠᠭᠠᠨ ᠢ ᠢᠳᠡᠭᠦᠯᠵᠤ᠂ ᠬᠦᠢᠳᠡᠨ ᠰᠡᠷᠢᠭᠦᠨ ᠴᠢᠨᠠᠷᠲᠠᠢ᠂ ᠲᠦᠭᠦᠬᠡᠢ᠂ | ᠰᠢᠩᠭᠡᠬᠦ ᠳᠤ ᠪᠡᠷᠬᠡ ᠢᠳᠡᠭᠡᠨ ᠤᠮᠳᠠᠭᠠᠨ ᠢ ᠴᠡᠭᠡᠷᠯᠡᠬᠦ ᠬᠡᠷᠡᠭᠲᠡᠢ᠃ ᠶᠠᠪᠦᠳᠡᠯ ᠮᠦᠷ ᠤᠨ ᠲᠠᠯᠠ ᠪᠠᠷ ᠳᠤᠯᠠᠭᠠᠨ᠂ ᠨᠠᠮ | ᠰᠡᠯᠡᠭᠦᠨ ᠣᠷᠴᠢᠨ ᠳᠣᠭᠤᠷᠢᠨ ᠳᠤ ᠰᠤᠪᠢᠯᠠᠵᠤ᠂ ᠬᠦᠢᠳᠡᠨ ᠴᠢᠬᠢᠭ ᠲᠠᠢ ᠭᠠᠵᠠᠷ ᠰᠠᠭᠤᠬᠤ᠂ ᠰᠡᠳᠭᠢᠯ ᠰᠠᠨᠠᠭᠠ ᠣᠯᠠᠨ | ᠵᠤᠪᠠᠭ᠋ᠣ᠂ ᠲᠠᠴᠢᠶᠠᠯ ᠬᠡᠳᠦᠷᠡᠬᠦ ᠮᠡᠳᠤ ᠶᠢᠨ ᠶᠠᠪᠤᠳᠠᠯ ᠮᠦᠷ ᠢ ᠴᠡᠭᠡᠷᠯᠡᠬᠦ ᠬᠡᠷᠡᠭᠳᠡᠢ᠃ |