| ᠵᠢᠷᠭᠤᠭᠠᠨ ᠠᠮᠲᠠ ᠶᠢᠨ ᠤᠨᠴᠠᠯᠢᠭ ᠢᠶᠠᠷ ᠦᠵᠡᠪᠡᠯ ᠬᠦᠮᠦᠨ ᠤ ᠤᠷᠭᠠᠨᠢᠭ ᠪᠡᠶᠡ ᠶᠢᠨ ᠴᠢᠰᠦᠨ ᠳᠤ | ᠵᠢᠷᠭᠤᠭᠠᠨ ᠠᠮᠲᠠ ᠪᠦᠷᠢᠨ ᠲᠡᠭᠦᠯᠲᠡᠷ ᠤᠷᠤᠰᠢᠵᠦ ᠪᠠᠶᠢᠬᠤ ᠪᠤᠯᠪᠠᠴᠦ ᠠᠮᠲᠠᠯᠢᠭ᠂ ᠲᠠᠪᠤᠰᠤᠯᠢᠭ ᠠᠮᠲᠠ ᠨᠢ ᠪᠤᠰᠤᠳ | ᠠᠴᠠ ᠪᠠᠨ ᠢᠯᠡᠭᠦᠥ ᠪᠠᠶᠢᠲᠠᠭ᠃ ᠢᠯᠠᠩᠭᠤᠶᠠ ᠠᠮᠲᠠᠯᠢᠭ ᠠᠮᠲᠠ ᠨᠢ ᠶᠡᠬᠡᠩᠬᠢ ᠬᠤᠪᠢ ᠶᠢ ᠡᠵᠡᠯᠡᠵᠦ ᠪᠠᠶᠢᠬᠤ ᠶᠢᠨ | ᠲᠤᠯᠠᠲᠠ ᠲᠠᠮᠢᠷ ᠢ ᠢᠯᠡᠭᠦᠥ ᠲᠦᠯᠦᠵᠢᠭᠦᠯᠬᠦ ᠶᠤᠮ᠃ ᠡᠨᠡ ᠲᠤᠬᠠᠢ ︽ᠠᠮᠢᠲᠤᠷᠠᠬᠤ ᠵᠦᠢ ᠶᠢᠨ ᠤᠬᠠᠭᠠᠨ︾ ᠳᠤ᠄ | ︽ᠴᠢᠰᠦᠨ ᠤ ᠲᠤᠲᠤᠷᠠ ᠠᠬᠤᠭᠤᠯᠵᠦ ᠪᠠᠶᠢᠬᠤ ᠰᠢᠬᠢᠷ ᠨᠢ ᠭᠤᠥᠯᠲᠠᠭᠤ ᠦᠵᠦᠮ ᠤᠨ ᠰᠢᠬᠢᠷ ᠮᠥᠨ᠃ ᠡᠭᠦᠨ ᠢ | ᠲᠦᠭᠦᠮ ᠢᠶᠠᠷ ᠦᠵᠦᠮ ᠤᠨ ᠰᠢᠬᠢᠷ ᠭᠡᠲᠡᠭ᠃ ᠡᠷᠡᠭᠦᠯ ᠬᠦᠮᠦᠨ ᠦᠷᠯᠦᠭᠡ ᠡᠷᠲᠡ ᠦᠯᠦᠨ ᠪᠠᠶᠢᠬᠤ ᠦᠶᠡ ᠳᠤ | ᠨᠠᠮᠵᠢᠭᠤᠨ ᠰᠤᠲᠠᠰᠦ ᠲᠤᠲᠤᠷᠠᠬᠢ100 ᠰᠢ ᠰᠢ ᠴᠢᠰᠦᠨ ᠳᠤ 80--120ml ᠤᠨ ᠰᠢᠬᠢᠷ ᠠᠬᠤᠭᠤᠯᠵᠦ ᠪᠤᠢ᠃ | ᠡᠭᠦᠨ ᠢ ᠵᠠᠩᠰᠢᠯ ᠢᠶᠠᠷ ᠵᠠᠭᠤᠨ ᠤ 80---120ml ᠭᠡᠵᠤ ᠪᠢᠴᠢᠨᠡ᠃ ᠴᠢᠰᠦᠨ ᠰᠢᠬᠢᠷ ᠨᠢ ᠡᠯᠡ ᠨᠡᠭᠡᠲᠡᠰᠦ | ᠡᠷᠬᠡᠲᠡᠨ ᠨᠦᠭᠦᠳ ᠤᠨ ᠬᠦᠲᠡᠯᠬᠡᠬᠡᠨ ᠳᠤ ᠬᠡᠷᠡᠭᠯᠡᠬᠦ ᠡᠨᠧᠷᠬᠢ ᠶᠢᠨ ᠴᠢᠬᠤᠯᠠ ᠡᠬᠢ ᠡᠭᠦᠰᠪᠦᠷᠢ ᠮᠥᠨ ᠪᠦᠭᠡᠳ | ᠮᠡᠲᠡᠷᠡᠯ ᠤᠨ ᠰᠢᠰᠲ᠋ᠧᠮ ᠤᠨ ᠠᠵᠢᠯᠯᠠᠭᠠᠨ ᠳᠤ ᠴᠢᠬᠤᠯᠠ ᠨᠦᠭᠦᠴᠡᠯ ᠪᠤᠯᠵᠦ ᠪᠠᠶᠢᠲᠠᠭ᠃ ᠴᠢᠰᠦᠨ ᠤ ᠰᠢᠬᠢᠷ ᠤᠨ | ᠬᠡᠮᠵᠢᠶᠡ ᠨᠢ ᠪᠠᠭᠠᠰᠪᠠᠯ ᠨᠡᠬᠡᠲᠡᠰᠦ ᠡᠷᠬᠡᠲᠡᠨ ᠤ ᠠᠵᠢᠯᠯᠠᠭᠠᠨ ᠳᠤ ᠬᠦᠨᠲᠦ ᠰᠦᠷᠡᠬᠡᠢ ᠨᠦᠯᠦᠭᠡ ᠦᠵᠡᠭᠦᠯᠦᠨᠡ᠃ | ᠢᠯᠠᠩᠭᠤᠶᠠ ᠲᠠᠷᠢᠬᠢᠨ ᠤ ᠨᠡᠬᠡᠲᠡᠰᠦ ᠪᠤᠯ ᠬᠠᠮᠤᠭ ᠤᠨ ᠰᠤᠷᠭᠤᠭ ᠪᠠᠶᠢᠲᠠᠭ᠃ ᠲᠠᠷᠦᠢ ᠴᠢᠰᠦᠨ ᠰᠢᠬᠢᠷ ᠪᠠᠭᠠᠰᠪᠠᠯ | ᠴᠢᠰᠦᠨ ᠰᠢᠬᠢᠷ ᠪᠠᠭᠠᠰᠬᠤ ᠴᠢᠨᠠᠷ ᠲᠠᠢ ᠮᠠᠨᠠᠷᠠᠯ ᠡᠭᠦᠰᠦᠨᠡ︾ ᠭᠡᠵᠤ ᠦᠭᠦᠯᠡᠭᠰᠡᠨ ᠪᠢᠯᠡ᠃ ᠮᠥᠨ ᠡᠭᠦᠨ ᠤ ᠲᠤᠬᠠᠢ | ︽ᠠᠨᠠᠭᠠᠬᠤ ᠤᠬᠠᠭᠠᠨ ᠤ ᠲᠦᠷᠪᠡᠨ ᠦᠨᠲᠦᠰᠦ︾ ᠶᠢᠨ ︽ᠤᠨᠤᠯ ᠤᠨ ᠦᠨᠲᠦᠰᠦ︾ ᠳᠤ᠄ ︽ᠡᠲᠡᠭᠡᠷ ᠵᠢᠷᠭᠤᠭᠠᠨ ᠵᠦᠢᠯ | ᠤᠨ ᠠᠮᠲᠠ ᠶᠢᠨ ᠲᠦᠷᠦᠭᠦᠴᠢ ᠶᠢᠨ ᠬᠢᠨᠢ ᠰᠡᠭᠦᠯ ᠤᠨ ᠬᠢ ᠠᠴᠠ ᠪᠠᠨ ᠪᠡᠶᠡ ᠶᠢ ᠲᠦᠯᠦᠵᠢᠭᠦᠯᠬᠦ ᠬᠦᠴᠦᠨ ᠠᠨᠦ | ᠶᠡᠭᠡ︾ ᠭᠡᠵᠤ ᠲᠤᠲᠤᠷᠬᠠᠶᠢᠯᠠᠭᠰᠠᠨ ᠪᠠᠶᠢᠨᠠ᠃ ︽ᠠᠨᠠᠭᠠᠬᠤ ᠤᠬᠠᠭᠠᠨ ᠲᠦᠷᠪᠡᠨ ᠦᠨᠲᠦᠰᠦ︾ ᠳᠤ᠄ ︽ᠠᠮᠲᠠᠯᠢᠭ | ᠠᠮᠲᠠ ᠪᠤᠯ ᠮᠠᠬᠠᠪᠤᠳ ᠲᠤ ᠵᠤᠬᠢᠷᠠᠬᠤ ᠪᠦᠭᠡᠳ ᠲᠠᠮᠢᠷ ᠬᠦᠴᠦᠨ ᠢ ᠨᠡᠮᠡᠵᠦ᠂ ᠬᠦᠭᠰᠢᠳ᠂ ᠨᠢᠯᠬᠠᠰ ᠪᠠ ᠲᠤᠷᠠᠩᠬᠠᠢ ᠶᠢ | ᠲᠡᠭᠵᠢᠷᠡᠭᠦᠯᠬᠦ᠂ ᠬᠤᠭᠤᠯᠠᠢ ᠠᠭᠤᠰᠬᠢ ᠳᠤ ᠲᠤᠰᠠᠯᠠᠬᠤ᠂ ᠪᠡᠶᠡ ᠶᠢ ᠲᠦᠯᠦᠵᠢᠭᠦᠯᠦᠨ ᠰᠢᠷᠬᠠ ᠶᠢ ᠪᠠᠷᠢᠯᠲᠦᠭᠤᠯᠵᠦ | ᠦᠩᠭᠡ ᠪᠠ ᠡᠷᠬᠡᠲᠡᠨ ᠢ ᠲᠤᠲᠤᠷᠠᠭᠤᠯᠬᠤ᠂ ᠨᠠᠰᠦ ᠶᠢ ᠤᠷᠲᠤᠳᠬᠠᠨ ᠠᠮᠢᠲᠤᠷᠠᠭᠤᠯᠬᠤ᠂ ᠬᠡᠢ᠂ ᠰᠢᠷᠠ ᠪᠠ ᠬᠤᠥᠷᠠ | ᠶᠢᠨ ᠡᠪᠡᠳᠴᠢᠨ ᠢ ᠠᠷᠢᠯᠭᠠᠬᠤ᠂ ᠬᠡᠲᠦᠷᠡᠪᠡᠯ ᠪᠠᠳᠭᠠᠨ ᠦᠬᠡᠬᠦ ᠶᠢ ᠨᠡᠮᠡᠭᠲᠡᠭᠦᠯᠦᠨ᠂ ᠭᠠᠯ ᠤᠨ ᠢᠯᠴᠢ ᠶᠢ | ᠪᠠᠭᠤᠷᠠᠭᠤᠯᠤᠨᠠ᠂ ᠪᠡᠶᠡ ᠶᠢ ᠮᠠᠷᠢᠶᠠᠯᠠᠭᠤᠯᠵᠤ᠂ ᠰᠢᠭᠡᠰᠦᠨ ᠤ ᠡᠪᠡᠳᠴᠢᠨ ᠪᠠ ᠠᠰᠢᠭ ᠪᠣᠯᠴᠢᠷᠬᠠᠢ ᠵᠡᠷᠭᠡ ᠶᠢ | ᠡᠭᠦᠰᠭᠡᠨᠡ︾ ᠭᠡᠵᠤ ᠦᠭᠦᠯᠡᠭᠰᠡᠨ ᠪᠠᠶᠢᠨᠠ᠃ | ᠴᠢᠰᠦᠨ ᠤ ᠲᠤᠲᠤᠷᠠᠬᠢ ᠠᠮᠲᠠ ᠶᠢᠨ ᠪᠦᠷᠢᠯᠲᠦᠭᠦᠨ ᠳᠤ ᠠᠮᠲᠠᠯᠢᠭ᠂ ᠲᠠᠪᠤᠰᠤᠯᠢᠭ ᠠᠮᠲᠠ ᠨᠢ ᠪᠤᠰᠤᠳ | ᠵᠦᠢᠯ ᠤᠨ ᠠᠮᠲᠠ ᠠᠴᠠ ᠪᠠᠨ ᠢᠯᠡᠭᠦᠥ ᠪᠠᠶᠢᠬᠤ ᠭᠡᠵᠤ ᠲᠡᠭᠡᠷᠡ ᠦᠭᠦᠯᠡᠭᠰᠡᠨ ᠶᠤᠮ᠂ ᠡᠨᠡ ᠲᠤᠬᠠᠢ ︽ᠠᠮᠢᠲᠤᠷᠠᠬᠤ | ᠵᠦᠢ ᠶᠢᠨ ᠤᠬᠠᠭᠠᠨ︾ ᠳᠤ ᠴᠢᠰᠦᠨ ᠤ ᠪᠦᠷᠢᠯᠲᠦᠭᠦᠨ ᠤ ᠲᠤᠬᠠᠢ ᠦᠭᠦᠯᠡᠬᠦ ᠳᠡᠭᠡᠨ᠄ ︽ᠴᠢᠰᠦᠨ ᠤ ᠡᠭᠡᠲᠡᠩ | ᠲᠤᠲᠤᠷᠠ ᠤᠯᠠᠨ ᠲᠦᠷᠦᠯ ᠤᠨ ᠤᠷᠭᠠᠨᠢᠭ ᠪᠤᠰᠦ ᠲᠠᠪᠦᠰᠦ ᠠᠬᠤᠭᠤᠯᠤᠭᠲᠠᠵᠦ ᠪᠠᠶᠢᠨᠠ᠃ ᠲᠡᠲᠡᠭᠡᠷ ᠨᠢ ᠭᠤᠥᠯᠲᠠᠭᠤ | ᠢᠶᠤᠨ ᠤ ᠰᠢᠨᠵᠢ ᠲᠦᠷᠰᠦ ᠪᠠᠷ ᠤᠷᠤᠰᠢᠵᠦ ᠪᠠᠶᠢᠨᠠ᠃ ᠡᠭᠦᠨ ᠠᠴᠠ ᠦᠵᠡᠪᠡᠯ ᠴᠢᠰᠦᠨ ᠳᠤ ᠬᠡᠷᠡᠭᠰᠡᠵᠦ ᠪᠦᠬᠦᠢ | ᠲᠠᠪᠦᠰᠤᠯᠢᠭ ᠠᠮᠲᠠᠲᠦ ᠢᠲᠡᠭᠡᠨ ᠤᠮᠲᠠᠭᠠᠨ ᠪᠤᠯ ᠭᠤᠥᠯᠲᠠᠭᠤ ᠴᠢᠰᠦᠨ ᠳᠤ ᠤᠷᠤᠰᠢᠭᠰᠠᠨ ᠪᠠᠳᠭᠠᠨ ᠤ ᠰᠠᠯᠢᠰᠦ | ᠨᠠᠭᠠᠯᠳᠤᠩᠬᠠᠢ ᠶᠢ ᠨᠢ ᠨᠦᠭᠦᠨ ᠲᠦᠯᠦᠵᠢᠭᠦᠯᠵᠦ ᠪᠠᠶᠢᠬᠤ ᠨᠢ ᠲᠠᠮᠵᠢᠭ ᠦᠭᠡᠢ᠃ ᠲᠠᠪᠤᠰᠤᠯᠢᠭ ᠠᠮᠲᠠ ᠶᠢᠨ ᠲᠤᠬᠠᠢ | ︽ᠠᠨᠠᠭᠠᠬᠤ ᠤᠬᠠᠭᠠᠨ ᠤ ᠲᠦᠷᠪᠡᠨ ᠦᠨᠲᠦᠰᠦ︾ ᠶᠢᠨ ︽ᠤᠨᠤᠯ ᠤᠨ ᠦᠨᠲᠦᠰᠦ ᠳᠤ᠄ ︽ᠲᠠᠪᠤᠰᠤᠯᠢᠭ ᠨᠢ ᠪᠡᠶᠡ ᠶᠢ | ᠴᠢᠬᠢᠷᠠᠭᠵᠢᠭᠤᠯᠤᠨ ᠬᠠᠭᠠᠭᠲᠠᠭᠰᠠᠨ ᠢ ᠭᠠᠷᠭᠠᠮᠤᠢ᠂ ᠵᠢᠩᠨᠡᠪᠡᠯ ᠬᠦᠯᠦᠰᠦ ᠪᠠ ᠢᠯᠴᠢ ᠶᠢ ᠡᠭᠦᠰᠭᠡᠨ ᠲᠤᠷᠠᠰᠢᠯ ᠢ | ᠨᠡᠭᠡᠭᠡᠮᠤᠢ᠃ ᠰᠢᠲᠦᠬᠦ ᠨᠢ ᠬᠡᠲᠦᠷᠡᠪᠠᠰᠦ ᠦᠰᠦ ᠵᠤᠯᠭᠠᠷᠠᠬᠤ ᠪᠠ ᠦᠰᠦ ᠴᠠᠶᠢᠵᠦ ᠠᠲᠦᠷᠢᠶᠠ ᠤᠯᠠᠰᠢᠷᠠᠵᠦ | ᠪᠠᠭᠤᠷᠠᠭᠤᠯᠤᠨᠠ᠃ ᠤᠮᠳᠠᠭᠠᠰᠬᠤ᠂ ᠬᠤᠯᠦᠭᠠᠨᠠ ᠶᠠᠷᠠ᠂ ᠭᠠᠯ ᠨᠠᠮᠦᠰᠦ ᠪᠠ ᠴᠢᠰᠦ ᠰᠢᠷᠠ ᠶᠢ ᠡᠭᠦᠰᠭᠡᠨᠡ︾ ᠭᠡᠵᠠᠢ᠃ | ᠲᠠᠪᠦᠰᠤᠯᠢᠭ ᠠᠮᠲᠠ ᠶᠢ ᠶᠡᠭᠡ ᠢᠲᠡᠵᠦ ᠬᠡᠮᠵᠢᠶᠡ ᠠᠴᠠ ᠨᠢ ᠬᠡᠲᠦᠷᠡᠭᠦᠯᠪᠡᠯ ᠬᠠᠨᠢᠶᠠᠬᠤ᠂ ᠬᠤᠭᠤᠯᠠᠢ ᠬᠠᠲᠠᠬᠤ᠂ | ᠴᠢᠰᠦᠨ ᠲᠠᠷᠦᠯᠲᠠ ᠦᠨᠲᠦᠷᠵᠢᠬᠦ᠂ ᠪᠦᠭᠡᠷᠡᠨ ᠡᠪᠡᠳᠴᠢᠨ ᠲᠠᠢ ᠪᠤᠯᠬᠤ᠂ ᠴᠢᠷᠠᠢ ᠬᠠᠷᠠᠯᠠᠬᠤ ᠵᠡᠷᠭᠡ ᠭᠡᠮ ᠲᠠᠢ ᠪᠤᠯᠦᠨᠠ᠃ | ᠡᠨᠡᠬᠦ ᠬᠤᠶᠠᠷ ᠲᠦᠷᠦᠯ ᠤᠨ ᠶᠤᠰᠦᠨ ᠠᠴᠠ ᠠᠩᠬᠠᠷᠪᠠᠯ ᠴᠢᠰᠦᠨ ᠳᠤ ᠬᠡᠷᠡᠭᠰᠡᠵᠦ ᠪᠦᠬᠦᠢ ᠲᠠᠪᠦᠰᠤᠯᠢᠭ ᠨᠢ | ᠬᠡᠲᠦᠷᠡᠪᠡᠯ ᠴᠢᠰᠦᠨ ᠤ ᠠᠮᠲᠠᠯᠢᠭ ᠨᠢ ᠲᠤᠲᠠᠭᠰᠠᠨ ᠠᠴᠠ ᠪᠤᠯᠬᠤ ᠶᠤᠮ᠃ ᠡᠶᠢᠮᠦ ᠠᠴᠠ ᠲᠤᠬᠢᠷᠠᠭᠰᠠᠨ ᠬᠡᠮᠵᠢᠶᠡ | ᠠᠴᠠ ᠨᠢ ᠬᠡᠲᠦᠷᠡᠭᠦᠯᠵᠦ ᠪᠤᠯᠬᠤ ᠦᠭᠡᠢ ᠶᠤᠮ᠃ ᠭᠠᠲᠠᠭᠠᠲᠦ ᠨᠦᠭᠦᠴᠡᠯ ᠤᠨ ᠡᠷᠬᠡ ᠪᠠᠷ ᠢᠲᠡᠭᠡᠨ ᠤᠮᠲᠠᠭᠠᠨ ᠤ | ᠲᠠᠯᠠ ᠪᠠᠷ ᠲᠠᠪᠦᠰᠤᠯᠢᠭ ᠢ ᠬᠡᠲᠦᠷᠬᠡᠢ ᠰᠢᠲᠦᠭᠰᠡᠨ ᠠᠴᠠ ᠪᠤᠯᠵᠦ ᠴᠢᠰᠦᠨ ᠲᠤᠲᠦᠷᠠ ᠤᠷᠤᠰᠢᠵᠦ ᠪᠠᠶᠢᠬᠤ ᠠᠮᠲᠠᠯᠢᠭ | ᠤᠨ ᠬᠦᠴᠦᠨ ᠢ ᠨᠦᠯᠦᠭᠡᠯᠡᠨ ᠲᠤᠷᠤᠶᠢᠲᠠᠭᠤᠯᠤᠭᠰᠠᠨ ᠠᠴᠠ ᠪᠤᠯᠵᠦ ᠦᠰᠦ ᠨᠢ ᠵᠤᠯᠭᠠᠷᠠᠬᠤ ᠪᠠ ᠦᠰᠦ ᠴᠠᠶᠢᠬᠤ᠂ | ᠠᠲᠦᠷᠢᠶᠠ ᠤᠯᠠᠰᠢᠷᠠᠬᠤ᠂ ᠬᠦᠴᠦᠨ ᠢ ᠪᠠᠭᠤᠷᠠᠭᠤᠯᠲᠠᠭ᠃ | ᠬᠦᠮᠦᠨ ᠤ ᠴᠢᠰᠦᠨ ᠲᠤᠲᠦᠷᠠ ᠲᠠᠩ ᠭᠠᠭᠴᠠ ᠠᠮᠲᠠᠯᠢᠭ ᠠᠮᠲᠠ ᠶᠢᠨ ᠡᠷᠲᠡᠮ ᠴᠢᠲᠠᠯ ᠨᠢ ᠡᠶᠢᠮᠦ ᠶᠡᠭᠡ | ᠬᠦᠴᠦᠨ ᠢ ᠦᠵᠡᠭᠦᠯᠵᠦ ᠪᠠᠶᠢᠬᠤ ᠲᠤᠯᠠ ᠪᠤᠰᠤᠳ ᠠᠮᠲᠠ ᠨᠢ ᠴᠦ ᠮᠥᠨ ᠡᠭᠦᠨ ᠲᠠᠢ ᠠᠲᠠᠯᠢ ᠪᠠᠷ ᠦᠪᠡᠷ ᠦᠪᠡᠷ | ᠤᠨ ᠵᠤᠬᠢᠬᠤ ᠬᠦᠴᠦᠨ ᠴᠢᠲᠠᠯ ᠢᠶᠠᠨ ᠦᠵᠡᠭᠦᠯᠵᠦ ᠪᠠᠶᠢᠬᠤ ᠶᠤᠮ᠃ ᠡᠶᠢᠮᠦ ᠶᠢᠨ ᠲᠤᠯᠠ ᠬᠦᠮᠦᠨ ᠤ ᠪᠡᠶᠡ ᠳᠤ ᠴᠦ | ᠮᠥᠨ ᠢᠲᠡᠬᠡᠨ ᠤᠮᠲᠠᠭᠠᠨ ᠤ ᠠᠯᠢ ᠨᠢᠭᠡᠨ ᠠᠮᠲᠠ ᠨᠢ ᠬᠠᠷᠢᠴᠠᠩᠭᠤᠢ ᠲᠡᠩᠴᠡᠭᠦᠷᠢ ᠲᠠᠢ ᠤᠷᠤᠰᠢᠵᠦ ᠪᠠᠶᠢᠲᠠᠭ᠃ | ᠠᠮᠲᠠᠯᠢᠭ᠂ ᠲᠠᠪᠦᠰᠤᠯᠢᠭ ᠠᠮᠲᠠ ᠪᠠᠷ ᠴᠢᠰᠦᠨ ᠳᠤ ᠤᠷᠤᠰᠢᠭᠰᠠᠨ ᠪᠤᠰᠤᠳ ᠵᠦᠢᠯ ᠤᠨ ᠠᠮᠲᠠ ᠶᠢ ᠲᠡᠷᠡ ᠮᠡᠲᠦ | ᠵᠢᠱᠢᠵᠦ ᠮᠡᠲᠡᠬᠦ ᠶᠢ ᠮᠡᠷᠭᠡᠳ ᠨᠠᠷ ᠦᠪᠡᠷ ᠤᠨ ᠤᠬᠠᠭᠠᠨ ᠢᠶᠠᠷ ᠰᠤᠲᠦᠯᠤᠨ ᠰᠢᠨᠵᠢᠯᠡᠲᠦᠭᠡᠢ᠃ |