| ᠴᠠᠢ ᠠᠷᠢᠬᠢᠨ ᠵᠠᠰᠠᠯ ᠪᠤᠯ ᠴᠠᠢ ᠪᠤᠯᠤᠨ ᠠᠷᠢᠬᠢ ᠶᠢ ᠠᠰᠢᠭᠯᠠᠨ ᠬᠡᠰᠡᠭ ᠭᠠᠵᠠᠷ ᠢ ᠪᠦᠯᠢᠶᠡᠳᠭᠡᠨ ᠬᠠᠯᠠᠭᠤᠯᠵᠤ | ᠡᠪᠡᠳᠴᠢᠨ ᠠᠷᠢᠯᠭᠠᠬᠤ ᠨᠢᠭᠡ ᠵᠦᠢᠯ ᠤᠨ ᠡᠮᠴᠢᠯᠡᠭᠡᠨ ᠤ ᠠᠷᠭᠠ ᠪᠤᠯᠤᠨᠠ᠃ | ᠨᠢᠬᠡ᠂ ᠳᠤᠬᠢᠷᠠᠬᠤ ᠡᠪᠡᠳᠴᠢᠨ | ᠬᠤᠳᠤᠭᠤᠳᠤ ᠭᠡᠳᠡᠰᠤᠨ ᠤ ᠬᠦᠢᠳᠡᠨ᠂ ᠡᠰᠡ ᠰᠢᠩᠭᠡᠭᠰᠡᠨ᠂ ᠬᠦᠢᠳᠡᠨ ᠢᠶᠠᠷ ᠪᠦᠭᠡᠯᠵᠢᠬᠦ ᠪᠠ ᠰᠠᠭᠤᠯᠭᠠᠬᠤ᠂ | ᠰᠢᠩᠭᠡᠭᠡᠯᠳᠡ ᠮᠠᠭᠤᠳᠠᠭᠰᠠᠨ᠂ ᠪᠦᠭᠡᠷᠡ ᠪᠡᠯᠭᠡᠭᠦᠰᠤ ᠳᠠᠪᠤᠰᠠᠩ ᠤᠨ ᠬᠦᠢᠳᠡᠨ ᠡᠮᠡᠭᠳᠡᠢ ᠶᠢᠨ ᠬᠡᠢ ᠪᠦᠷᠢᠯᠳᠦᠭᠰᠡᠨ | ᠡᠪᠡᠳᠴᠢᠨ᠂ ᠨᠢᠷᠤᠭᠤ ᠡᠪᠡᠳᠬᠦ ᠮᠡᠳᠤ ᠶᠢᠨ ᠬᠦᠢᠳᠡᠨ ᠴᠢᠨᠠᠷᠳᠠᠢ ᠡᠪᠡᠳᠴᠢᠨ ᠪᠠ ᠨᠢᠷᠤᠭᠤᠨ ᠪᠤᠯᠴᠢᠩ ᠤᠨ ᠭᠡᠮᠳᠤᠯ | ᠵᠡᠷᠭᠡ ᠳᠤ ᠳᠤᠬᠢᠷᠠᠨᠠ᠃ | ᠬᠤᠶᠠᠷ᠂ ᠴᠡᠭᠡᠷᠯᠡᠬᠦ ᠡᠪᠡᠳᠴᠢᠨ | ᠶᠡᠭᠡ ᠬᠠᠯᠠᠭᠤᠷᠠᠵᠤ ᠪᠠᠶᠢᠭᠠ ᠪᠤᠶᠤ ᠳᠠᠮᠢᠷ ᠬᠡᠳᠦᠷᠬᠡᠢ ᠳᠤᠷᠤᠢ ᠡᠪᠡᠳᠴᠢᠳᠡᠨ᠂ ᠠᠷᠠᠰᠤᠨ ᠤ ᠰᠡᠷᠡᠯ ᠤᠨ | ᠴᠢᠳᠠᠪᠤᠷᠢ ᠮᠠᠭᠤᠳᠠᠭᠰᠠᠨ ᠡᠪᠡᠳᠴᠢᠳᠡᠨ ᠳᠤ ᠴᠡᠭᠡᠷᠯᠡᠨᠡ᠃ | ᠭᠤᠷᠪᠠ᠂ ᠪᠤᠳᠠᠳᠠᠢ ᠬᠢᠬᠦ ᠠᠷᠭᠠ | ᠰᠠᠶᠢᠳᠤᠷ ᠨᠦᠳᠤᠵᠤ ᠪᠠᠯᠪᠠᠯᠠᠭᠰᠠᠨ ᠬᠤᠶᠠᠷ ᠪᠢᠳᠡᠭᠦᠦ ᠬᠢᠷᠢᠳᠡᠢ ᠴᠠᠢ ᠪᠠᠨ ᠤᠰᠤ ᠪᠠᠷ ᠴᠢᠬᠢᠭᠳᠦᠭᠦᠯᠦᠨ᠂ | ᠨᠢᠭᠡ ᠬᠡᠰᠡᠭ ᠪᠠᠬᠢᠯᠢᠭ᠌ ᠪᠦᠭᠡᠳ ᠵᠤᠵᠠᠭᠠᠨ ᠰᠢᠭ ᠴᠠᠭᠠᠰᠤᠨ ᠳᠡᠭᠡᠷᠡ ᠳᠠᠯᠪᠢᠨᠠ᠃ ᠡᠭᠦᠨ ᠠᠴᠠ ᠭᠠᠳᠠᠨᠠ ᠴᠡᠪᠡᠷ | ᠠᠯᠴᠢᠭᠤᠷ ᠨᠢᠭᠡ᠂ ᠠᠷᠢᠬᠢ ᠵᠤᠬᠢᠬᠤ ᠬᠡᠮᠵᠢᠶᠠ ︵ᠡᠰᠡᠭᠦᠯᠡ ᠰᠫᠢᠷᠲ︶ ᠪᠠ ᠠᠷᠢᠬᠢᠨ ᠬᠤᠨᠳᠠᠭᠠ ᠬᠢᠭᠡᠳ ᠤᠬᠤᠷ | ᠰᠢᠯᠡᠭᠡᠭᠦᠷ ᠳᠤᠰᠪᠤᠷᠢ ᠨᠢᠭᠡ ᠶᠢ ᠪᠡᠯᠡᠳᠭᠡᠨᠡ᠃ ᠳᠡᠭᠡᠭᠡᠳ ᠵᠠᠰᠠᠯ ᠬᠢᠬᠦ ᠬᠡᠰᠡᠭ ᠢ ᠢᠯᠢᠵᠤ᠂ ᠴᠡᠪᠡᠷ ᠨᠤᠶᠢᠳᠠᠨ | ᠠᠯᠴᠢᠭᠤᠷ ᠢᠶᠠᠨ ᠳᠡᠯᠭᠡᠭᠡᠳ ᠳᠡᠭᠡᠷᠡ ᠨᠢ ᠴᠢᠬᠢᠭᠳᠦᠭᠦᠯᠦᠭᠰᠡᠨ ᠴᠠᠭᠠᠰᠤ ᠲᠠᠢ ᠴᠠᠢ ᠪᠠᠨ ᠳᠠᠯᠪᠢᠨᠠ᠃ ᠳᠠᠷᠠᠭᠠ ᠨᠢ | ᠴᠠᠢ ᠳᠡᠭᠡᠷᠡ ᠪᠠᠨ ᠨᠢᠭᠡ ᠪᠤᠶᠤ ᠬᠤᠶᠠᠷ ᠬᠤᠨᠳᠠᠭᠠ ᠠᠷᠢᠬᠢ ︵ᠡᠰᠡᠭᠦᠯᠡ ᠰᠫᠢᠷᠲ︶ ᠰᠦᠷᠴᠢᠵᠤ ᠭᠠᠯ ᠵᠤᠯᠭᠠᠭᠤᠯᠤᠨ | ᠨᠤᠴᠤᠭᠠᠭᠠᠳ᠂ ᠴᠠᠢ ᠶᠢᠨ ᠵᠤᠵᠠᠭᠠᠨ ᠨᠢᠮᠭᠡᠨ ᠢ ᠲᠡᠩᠴᠡᠭᠦᠯᠦᠨ ᠡᠪᠯᠢᠭ ᠰᠢᠯᠡᠭᠡᠬᠦ ᠪᠦᠭᠡᠳ ᠠᠷᠢᠬᠢ ᠪᠦᠷᠢᠨ ᠰᠢᠳᠠᠵᠤ | ᠭᠠᠯ ᠨᠢ ᠤᠨᠳᠠᠷᠠᠪᠠᠯ ᠳᠠᠬᠢᠨ ᠠᠷᠢᠬᠢ ᠰᠦᠷᠴᠢᠨ ᠨᠤᠴᠤᠭᠠᠨᠠ᠃ ᠬᠡᠬᠦ ᠳᠡᠭᠡᠨ ᠨᠢᠭᠡ ᠤᠷᠤᠨ ᠳᠤ ᠬᠡᠳᠦᠷᠭᠡᠢ ᠬᠠᠯᠠᠪᠠᠯ | ᠴᠠᠭᠠᠰᠤᠨ ᠤ ᠬᠦᠪᠡᠭᠡ ᠠᠴᠠ ᠠᠳᠬᠤᠵᠤ᠂ ᠨᠠᠰᠢ ᠴᠠᠰᠢ ᠰᠢᠯᠵᠢᠭᠦᠯᠦᠨ ᠠᠷᠠᠰᠤ ᠭᠦᠷᠦᠰᠦ ᠶᠢ ᠬᠠᠯᠠᠭᠠᠬᠤ ᠠᠴᠠ | ᠰᠡᠷᠭᠡᠶᠢᠯᠡᠨᠡ᠃ ᠳᠤᠰ ᠵᠠᠰᠠᠯ ᠨᠢ ᠬᠡᠪᠡᠯᠢ᠂ ᠳᠠᠪᠤᠰᠠᠩ᠂ ᠠᠷᠤ ᠨᠢᠷᠤᠭᠤ ᠮᠡᠳᠤ ᠶᠢᠨ ᠠᠭᠤᠳᠠᠮ ᠲᠡᠭᠰᠢ ᠬᠡᠰᠡᠭ ᠲᠤ ᠬᠢᠬᠦ | ᠳᠤ ᠳᠤᠬᠢᠷᠠᠮᠵᠢᠳᠠᠢ ᠪᠠᠶᠢᠳᠠᠭ᠃ | ᠳᠦᠷᠪᠡ᠂ ᠠᠩᠬᠠᠷᠬᠤ ᠵᠦᠢᠯ | 1᠂ ᠴᠠᠢ ᠠᠷᠢᠬᠢᠨ ᠵᠠᠰᠠᠯ ᠬᠢᠬᠦ ᠳᠡᠭᠡᠨ ᠡᠭᠦᠳᠡ ᠴᠤᠩᠬᠤ ᠪᠠᠨ ᠬᠠᠭᠠᠵᠤ᠂ ᠭᠡᠷ ᠢᠶᠠᠨ ᠳᠤᠯᠠᠭᠠᠯᠠᠵᠤ᠂ ᠰᠠᠯᠬᠢ | ᠵᠢᠪᠡᠷ ᠠᠴᠠ ᠰᠡᠷᠭᠡᠶᠢᠯᠡᠬᠦ ᠬᠡᠷᠡᠭᠳᠡᠢ᠃ | 2᠂ ᠴᠠᠢ ᠠᠷᠢᠬᠢᠨ ᠵᠠᠰᠠᠯ ᠬᠢᠬᠦ ᠴᠠᠭ ᠢᠶᠠᠨ ᠪᠤᠳᠠᠳᠠᠢ ᠪᠠᠶᠢᠳᠠᠯ ᠢ ᠦᠨᠳᠦᠰᠦᠯᠡᠨ ᠠᠮᠢᠳᠤᠯᠢᠭ ᠢᠶᠠᠷ | ᠳᠤᠭᠳᠠᠭᠠᠵᠤ ᠪᠤᠯᠤᠨᠠ᠃ ᠶᠡᠷᠦᠩᠬᠡᠢ ᠳᠡᠭᠡᠨ 15～20 ᠮᠢᠨᠦ᠋ᠲ ᠦᠷᠭᠦᠯᠵᠢᠯᠡᠭᠦᠯᠦᠨᠡ᠃ | 3᠂ ᠴᠠᠢ ᠠᠷᠢᠬᠢᠨ ᠵᠠᠰᠠᠯ ᠤᠨ ᠰᠡᠭᠦᠯ ᠳᠤ ᠰᠢᠳᠠᠵᠤ ᠬᠠᠯᠠᠭᠰᠠᠨ ᠴᠠᠢ ᠪᠠᠨ ᠠᠯᠴᠢᠭᠤᠷ ᠢᠶᠠᠷ ᠢᠶᠠᠨ ᠪᠠᠭᠯᠠᠵᠤ᠂ | ᠵᠠᠰᠠᠯ ᠬᠢᠭᠰᠡᠨ ᠬᠡᠰᠡᠭ ᠲᠤ ᠬᠦᠷᠳᠡᠯᠡ ᠳᠠᠯᠪᠢᠨᠠ᠃ | 4᠂ ᠵᠠᠰᠠᠯ ᠬᠢᠵᠤ ᠳᠠᠭᠤᠰᠤᠭᠰᠠᠨ ᠤ ᠳᠠᠷᠠᠭᠠ ᠵᠢᠪᠡᠷ ᠰᠠᠯᠬᠢ ᠠᠪᠬᠤ ᠶᠢ ᠬᠢᠴᠢᠶᠡᠪᠡᠯ ᠪᠤᠰᠤᠳ ᠤᠨᠴᠠᠭᠠᠢ | ᠰᠤᠪᠢᠯᠠᠯᠳᠠ ᠬᠢᠯᠭᠡᠭᠰᠡᠨ ᠬᠡᠷᠡᠭ ᠦᠭᠡᠢ᠃ | ᠳᠠᠪᠤ᠂ ᠦᠢᠯᠡᠳᠦᠯ | ᠴᠠᠢ ᠠᠷᠢᠬᠢᠨ ᠵᠠᠰᠠᠯ ᠪᠤᠯ ᠭᠤᠤᠯᠳᠠᠭᠤ ᠡᠪᠡᠳᠬᠦ ᠶᠢ ᠵᠤᠭᠰᠤᠭᠠᠨ᠂ ᠬᠠᠪᠤᠳᠠᠷ ᠢ ᠬᠠᠷᠢᠭᠤᠯᠤᠨ᠂ ᠬᠦᠷᠦᠭᠰᠡᠨ ᠢ | ᠪᠦᠯᠢᠶᠡᠳᠭᠡᠨ᠂ ᠠᠵᠢᠯᠯᠠᠭᠠ ᠶᠢ ᠰᠡᠷᠭᠦᠭᠡᠬᠦ ᠵᠡᠷᠭᠡ ᠦᠢᠯᠡᠳᠦᠯ ᠲᠠᠢ᠃ ᠴᠠᠢ ᠠᠷᠢᠬᠢ ᠪᠠᠷ ᠪᠦᠯᠢᠶᠡᠳᠭᠡᠬᠦ ᠵᠠᠰᠠᠯ ᠤᠨ | ᠬᠠᠯᠠᠭᠤᠨ ᠤ ᠰᠡᠳᠡᠯᠳᠡ ᠶᠢᠨ ᠦᠢᠯᠡᠳᠦᠯ ᠨᠢ ᠳᠤᠪᠤᠶᠢᠮᠠ ᠶᠤᠮ᠃ ᠬᠡᠰᠡᠭ ᠭᠠᠵᠠᠷ ᠤᠨ ᠠᠷᠠᠰᠤ ᠬᠦᠷᠤᠰᠤ ᠶᠢᠨ | ᠬᠠᠯᠠᠭᠤᠨ ᠤ ᠬᠡᠮᠵᠢᠶᠡ ᠶᠢ ᠮᠡᠳᠡᠭᠳᠡᠮᠡ ᠳᠡᠭᠡᠭᠰᠢᠯᠡᠭᠦᠯᠵᠤ᠂ ᠴᠢᠰᠤᠨ ᠡᠷᠭᠢᠯᠳᠡ ᠵᠢᠴᠢ ᠪᠤᠳᠠᠰ ᠤᠨ ᠰᠤᠯᠢᠯᠴᠠᠭᠠ ᠶᠢ | ᠠᠬᠢᠭᠤᠯᠤᠨ᠂ ᠰᠢᠮᠡ ᠳᠡᠵᠢᠭᠡᠯ ᠢ ᠰᠠᠶᠢᠵᠢᠷᠠᠭᠤᠯᠬᠤ ᠪᠦᠭᠡᠳ ᠡᠷᠭᠢᠨ ᠳᠤᠭᠤᠷᠢᠨ ᠤ ᠮᠡᠳᠡᠷᠡᠯ ᠤᠨ ᠬᠦᠭᠡᠷᠦᠯᠳᠡ ᠶᠢ | ᠪᠠᠭᠠᠰᠬᠠᠨᠠ᠃ ᠴᠠᠢ ᠠᠷᠢᠬᠢᠨ ᠵᠠᠰᠠᠯ ᠪᠤᠯ ᠨᠡᠯᠢᠶᠡᠳ ᠦᠨᠳᠦᠷ ᠬᠡᠮᠵᠢᠶᠡᠨ ᠤ ᠬᠠᠯᠠᠭᠤᠨ ᠢ ᠪᠠᠳᠤᠯᠠᠵᠤ ᠴᠢᠳᠠᠳᠠᠭ | ᠲᠤᠯᠨ ᠬᠠᠯᠠᠭᠤᠨ ᠤ ᠰᠡᠳᠡᠯᠳᠡ ᠶᠢᠨ ᠦᠢᠯᠡᠳᠦᠯ ᠨᠢ ᠪᠤᠰᠤᠳ ᠪᠦᠯᠢᠶᠡᠳᠭᠡᠬᠦ ᠵᠠᠰᠠᠯ ᠠᠴᠠ ᠰᠠᠶᠢᠨ ᠪᠠᠶᠢᠳᠠᠭ᠃ |