| ᠬᠦᠮᠦᠨ ᠪᠤᠯᠵᠤ ᠲᠦᠷᠦᠭᠰᠡᠨ ᠤ ᠤᠴᠢᠷ ᠴᠢ | ᠬᠦᠮᠦᠨ ᠪᠦᠬᠦᠨ ᠢ ᠬᠦᠨᠳᠦᠯᠡᠵᠦ ᠶᠠᠪᠤ︕ | ᠬᠦᠮᠦᠨ ᠠᠴᠠ ᠬᠦᠴᠦᠲᠡᠢ ᠠᠮᠢᠲᠠᠨ | ᠡᠨᠡ ᠶᠢᠷᠳᠢᠨᠴᠤ ᠳᠤ ᠦᠭᠡᠢ ᠶᠢᠨ ᠤᠴᠢᠷ | ᠬᠦᠮᠦᠨ ᠠᠴᠠ ᠴᠢ ᠠᠶᠤᠵᠤ ᠪᠤᠯᠭᠤᠮᠵᠢᠯᠠᠵᠤ ᠶᠠᠪᠤ︕ | ᠪᠤᠷᠤᠭᠤ ᠪᠢᠰᠢ ᠵᠥᠪ ᠰᠡᠳᠭᠢᠯ ᠲᠠᠢ ᠶᠠᠪᠤᠪᠠᠯ | ᠪᠤᠷᠬᠠᠨ ᠪᠤᠰᠤ᠂ ᠬᠦᠮᠦᠨ ᠴᠢᠮᠠᠢᠢ ᠠᠪᠤᠷᠠᠨᠠ︕ | ᠪᠤᠯᠵᠠᠵᠤ ᠮᠡᠬᠡᠯᠡᠬᠦ᠂ ᠬᠤᠷᠤᠨ ᠰᠠᠨᠠᠭᠠᠲᠠᠢ ᠶᠠᠪᠤᠪᠠᠯ | ᠪᠤᠭ ᠪᠢᠰᠢ᠂ ᠬᠦᠮᠦᠨ ᠴᠢᠮᠠᠢᠢ ᠠᠯᠠᠨᠠ︕ | ᠰᠡᠴᠡᠨ ᠴᠦ ᠪᠠᠢ᠂ ᠲᠡᠨᠡᠭ ᠴᠦ ᠪᠠᠢ | ᠬᠦᠮᠦᠨ ᠤ ᠰᠡᠳᠭᠢᠯ | ᠴᠡᠴᠡᠭᠯᠡᠨ ᠤᠷᠭᠤᠬᠤ ᠳᠠᠭᠠᠨ | ᠠᠮᠠᠷᠬᠠᠨ ᠬᠦᠴᠦᠲᠦ ᠬᠦᠷᠦᠰᠦ ᠪᠤᠯᠳᠠᠭ ᠶᠤᠮ︕ | ᠭᠡᠷᠪᠡ ᠴᠢ︕ | ᠦᠪᠡᠷ ᠲᠤ ᠬᠡᠷᠡᠭ ᠦᠭᠡᠢ ᠵᠤᠶᠢᠯ ᠢᠶᠠᠷ ᠴᠦ ᠭᠡᠰᠡᠨ | ᠬᠡᠨ ᠨᠢᠭᠡᠨ ᠢ ᠶᠠᠳᠠᠷᠠᠵᠤ ᠶᠠᠪᠤᠬᠤ ᠳᠤᠨᠢ | ᠪᠠᠶᠠᠷᠯᠠᠭᠤᠯᠤᠭᠰᠠᠨ ᠪᠤᠯ | ᠲᠡᠷᠡ ᠬᠦᠮᠦᠨ ᠤ ᠰᠡᠳᠭᠢᠯ ᠳᠤ | ᠴᠢᠨᠤ ᠲᠦᠯᠦᠭᠡ ᠴᠡᠴᠡᠷᠯᠢᠭ ᠤᠷᠭᠤᠵᠤ | ᠲᠡᠷᠲᠡᠭᠡ ᠬᠤᠵᠢᠮ ᠴᠢ | ᠦᠷᠡ ᠵᠢᠮᠢᠰ ᠢ ᠨᠢ ᠠᠮᠰᠠᠬᠤ ᠪᠤᠯᠤᠨᠠ︕ | ᠠᠯᠢᠪᠠ ᠪᠦᠬᠦᠨ ᠭᠠᠭᠴᠠᠬᠠᠨ ᠡᠳᠦᠷ ᠢᠶᠠᠷ ᠳᠠᠭᠤᠰᠳᠠᠭ ᠦᠭᠡᠢ | ᠠᠪᠤ ᠶᠢᠨ ᠬᠦᠦ ᠲᠠᠢ ᠭᠠᠭᠴᠠᠬᠠᠨ ᠠᠭᠤᠯᠵᠠᠭᠠᠳ ᠦᠩᠭᠡᠷᠡᠳᠡᠭ ᠦᠭᠡᠢ︕ | ᠠᠮᠢᠳᠤᠷᠠᠯ ᠤᠨ ᠤᠯᠠᠨ ᠳᠠᠪᠠᠭᠠᠨ ᠤ ᠴᠤᠬᠤᠮ ᠶᠠᠮᠠᠷ ᠤᠷᠤᠢ ᠳᠤ | ᠠᠵᠠ ᠲᠠᠢ ᠪᠤᠶᠤ ᠠᠵᠠ ᠲᠠᠢ ᠲᠠᠭᠠᠷᠠᠯᠳᠤᠬᠤ ᠶᠢ ᠮᠡᠳᠡᠬᠦ ᠳᠤ ᠪᠡᠷᠬᠡ︕ | ᠵᠤᠷᠪᠤᠰᠬᠠᠨ ᠲᠤᠬᠢᠶᠠᠯ ᠢ ᠡᠭᠦᠷᠢᠲᠡ ᠦᠯᠦ ᠮᠠᠷᠲᠠᠨ | ᠵᠠᠭᠤᠨ ᠵᠢᠯ ᠤᠨ ᠬᠤᠶᠢᠨᠠ ᠴᠦ ᠭᠠᠷᠭᠠᠵᠤ ᠢᠷᠡᠵᠦ ᠪᠤᠯᠤᠨᠠ︕ | — ᠷ᠊᠂ ᠴᠤᠶᠢᠨᠤᠮ |