| ᠱᠠᠰᠢᠨ ᠤ ᠨᠣᠮᠯᠠᠯ ᠢᠶᠠᠷ ᠶᠢᠷᠳᠢᠨᠴᠦ ᠶᠢᠨ ᠣᠯᠠᠭᠠᠨ ᠲᠣᠭᠤᠰᠣᠨ ᠳᠤ ᠣᠷᠣᠰᠢᠵᠣ ᠪᠠᠶᠢᠭᠠ ᠬᠠᠷᠠ ᠲᠡᠷᠢᠭᠦᠳᠦ | ᠬᠦᠮᠦᠨ ᠠᠮᠢᠳᠣᠷᠠᠬᠤ ᠶᠢᠨ ᠡᠷᠬᠡ ᠪᠠᠷ ᠪᠡᠶᠡ᠂ ᠬᠡᠯᠡ᠂ ᠰᠡᠳᠬᠢᠯ ᠭᠤᠷᠪᠠ ᠪᠠᠷ ᠢᠶᠠᠨ ᠴᠠᠭ ᠢᠮᠠᠭᠳᠠ ᠨᠢᠭᠦᠯ | ᠦᠢᠯᠡᠳᠴᠦ ᠪᠠᠶᠢᠳᠠᠭ᠃ ᠡᠨᠡ ᠬᠦ ᠦᠢᠯᠡᠳᠦᠭᠰᠡᠨ ᠨᠢᠭᠦᠯ ᠢᠶᠠᠨ ᠨᠢᠮᠭᠡᠷᠡᠭᠦᠯᠬᠦ ᠶᠢᠨ ᠲᠣᠰᠠᠳᠠ ᠯᠠᠮᠠ ᠭᠤᠷᠪᠠᠨ ᠡᠷᠳᠡᠨᠢ | ᠳᠤ ᠨᠠᠮᠠᠨᠴᠢᠯᠠᠨ ᠰᠦᠰᠦᠭᠯᠡᠵᠦ᠂ ᠣᠯᠠᠨ ᠲᠠᠯᠠ ᠪᠠᠷ ᠪᠣᠶᠠᠨ ᠨᠣᠮ ᠦᠢᠯᠡᠳᠬᠦ ᠬᠡᠷᠡᠭᠳᠡᠢ᠃ ᠪᠣᠷᠬᠠᠨ ᠲᠡᠭᠷᠢ ᠶᠢᠨ | ᠣᠷᠣᠨ ᠠᠴᠠ ᠡᠬᠡ ᠪᠣᠯᠣᠭᠰᠠᠨ ᠵᠢᠷᠭᠤᠭᠠᠨ ᠵᠦᠢᠯ ᠤᠨ ᠠᠮᠢᠳᠠᠨ ᠢ ᠵᠣᠪᠠᠯᠠᠩ ᠤᠨ ᠳᠠᠯᠠᠢ ᠠᠴᠠ ᠬᠡᠳᠦᠯᠭᠡᠬᠦ ᠶᠢᠨ | ᠲᠦᠯᠦᠭᠡ ᠪᠣᠷᠬᠠᠨ ᠪᠣᠳᠢᠰᠠᠳ᠋ᠸᠠ ᠨᠠᠷ ᠢ ᠣᠷᠴᠢᠯᠠᠩ ᠲᠡᠯᠡᠬᠡᠢ ᠳᠤ ᠪᠠᠭᠤᠯᠭᠠᠨ ᠲᠦᠷᠦᠭᠦᠯᠵᠦ ᠠᠰᠣᠷᠣ | ᠨᠢᠭᠦᠯᠡᠰᠦᠩᠭᠦᠢ ᠶᠢᠨ ᠰᠡᠳᠬᠢᠯ ᠢᠶᠠᠷ ᠣᠯᠠᠨ ᠠᠮᠢᠳᠠᠨ ᠢ ᠠᠪᠣᠷᠠᠵᠣ ᠪᠠᠶᠢᠳᠠᠭ᠃ ᠲᠡᠳᠡ ᠨᠠᠷ ᠲᠤ ᠴᠢᠩ ᠰᠡᠳᠬᠢᠯ ᠢᠶᠠᠷ | ᠢᠶᠠᠨ ᠰᠦᠰᠦᠭᠯᠡᠨ ᠮᠦᠷᠭᠦᠵᠦ ᠠᠳᠢᠰ ᠠᠪᠣᠪᠠᠯ ᠡᠨᠡ ᠲᠦᠷᠦᠯ ᠳᠡᠭᠡᠨ ᠬᠢᠭᠰᠡᠨ ᠨᠢᠭᠦᠯ ᠬᠢᠯᠢᠨᠴᠡ ᠪᠠᠨ ᠨᠢᠮᠭᠡᠷᠡᠭᠦᠯᠬᠦ | ᠠᠴᠠ ᠭᠠᠳᠠᠨᠠ᠂ ᠬᠤᠶᠢᠳᠣ ᠲᠦᠷᠦᠯ ᠳᠡᠭᠡᠨ ᠴᠦ ᠪᠣᠷᠬᠠᠨ ᠤ ᠣᠷᠣᠨ ᠳᠤ ᠬᠦᠷᠬᠦ ᠮᠠᠭᠠᠳ ᠭᠡᠳᠡᠭ᠃ ᠡᠶᠢᠮᠦ ᠠᠴᠠ | ᠬᠤᠳᠣᠭᠳᠣ ᠬᠤᠪᠢᠯᠭᠠᠳ ᠠᠯᠢ ᠨᠢᠭᠡᠨ ᠰᠦᠮᠡ ᠲᠡᠭᠡᠷᠡ ᠵᠠᠯᠠᠷᠠᠵᠣ ᠪᠠᠭᠤᠨᠠ ᠭᠡᠪᠡᠯ ᠪᠣᠮ ᠲᠦᠮᠡᠨ ᠮᠦᠷᠭᠦᠯᠴᠢᠨ | ᠬᠤᠯᠠ ᠶᠢᠨ ᠠᠶᠠᠨ ᠢ ᠬᠦᠭᠡᠭᠡᠵᠦ ᠮᠦᠷᠭᠦᠯ ᠬᠢᠬᠦ ᠪᠠᠷ ᠣᠴᠢᠳᠠᠭ᠃ ᠵᠠᠯᠠᠷᠠᠵᠣ ᠪᠠᠭᠤᠭᠰᠠᠨ ᠬᠤᠳᠣᠭᠳᠣ ᠬᠤᠪᠢᠯᠭᠠᠨ | ᠨᠢ ᠰᠦᠮᠡ ᠲᠣᠭᠠᠩ ᠤᠨ ᠭᠤᠣᠯ ᠳᠠᠬᠢ ᠦᠨᠳᠦᠷ ᠶᠡᠭᠡ ᠰᠢᠷᠡᠭᠡᠨ ᠲᠡᠭᠡᠷᠡ ᠰᠠᠭᠠᠳᠠᠵᠣ ᠦᠢ ᠣᠯᠠᠨ ᠮᠦᠷᠭᠦᠯᠴᠢᠳ | ᠲᠤ ᠮᠦᠷᠭᠦᠯ ᠲᠠᠯᠪᠢᠳᠠᠭ᠃ ᠦᠭᠯᠢᠭᠡ ᠶᠢᠨ ᠡᠵᠡᠳ ᠣᠷᠲᠣ ᠬᠠᠳᠠᠭ ᠲᠡᠭᠡᠷᠡ ᠵᠣᠭᠤᠰ ᠮᠦᠩᠭᠦ ᠲᠠᠯᠪᠢᠵᠣ ᠴᠢᠩ | ᠰᠡᠳᠬᠢᠯ ᠠᠴᠠ ᠪᠠᠨ ᠰᠦᠰᠦᠭᠯᠡᠯ ᠢᠶᠠᠨ ᠢᠯᠡᠷᠬᠡᠶᠢᠯᠡᠵᠦ᠂ ᠮᠠᠰᠢ ᠬᠢᠴᠢᠶᠡᠩᠭᠦᠢ ᠪᠠᠷ ᠵᠠᠯᠪᠢᠷᠠᠨ ᠮᠦᠷᠭᠦᠬᠦ ᠳᠤ ᠲᠡᠳᠡ | ᠨᠠᠷ ᠰᠣᠳᠣᠷ ᠪᠣᠶᠣ ᠮᠣᠳᠣᠷ ᠢᠶᠠᠨ ᠲᠣᠯᠣᠭᠠᠢ ᠲᠡᠭᠡᠷᠡ ᠨᠢ ᠲᠠᠯᠪᠢᠰᠬᠢᠵᠣ ᠠᠪᠣᠨᠠ᠃ ᠡᠭᠦᠨ ᠢ ︽ᠠᠳᠢᠰ ᠲᠠᠯᠪᠢᠨᠠ︾ | ᠭᠡᠳᠡᠭ᠃ ᠰᠣᠳᠣᠷ ᠢᠶᠠᠨ ᠲᠠᠯᠪᠢᠭᠰᠠᠨ ᠪᠣᠯ ︽ᠰᠣᠳᠣᠷ ᠤᠨ ᠠᠳᠢᠰ︾ ᠲᠠᠯᠪᠢᠯᠠ ᠭᠡᠵᠣ᠂ ᠭᠠᠷ ᠢᠶᠠᠨ ᠲᠠᠯᠪᠢᠭᠰᠠᠨ ᠪᠣᠯ | ︽ᠮᠣᠳᠣᠷ ᠤᠨ ᠠᠳᠢᠰ︾ ᠲᠠᠯᠪᠢᠯᠠ ᠭᠡᠳᠡᠭ᠃ ᠵᠠᠷᠢᠮ ᠳᠠᠭᠠᠨ ᠠᠳᠢᠰ ᠲᠠᠯᠪᠢᠭᠴᠢ ᠶᠢᠨ ᠬᠠᠵᠠᠭᠤᠳᠠ ᠨᠢᠭᠡ ᠯᠠᠮᠠ | ᠪᠣᠮᠪᠠ ᠪᠠᠷᠢᠵᠣ ᠠᠳᠢᠰ ᠠᠪᠣᠭᠰᠠᠳ ᠲᠤ ᠠᠯᠠᠭᠠᠨ ᠲᠡᠭᠡᠷᠡ ᠨᠢ ᠨᠢᠭᠡ ᠲᠣᠰᠣᠯ ᠷᠠᠰᠢᠶᠠᠨ ᠲᠣᠰᠣᠭᠠᠵᠣ ᠦᠭᠳᠡᠭ᠃ | ᠮᠦᠷᠭᠦᠯᠴᠢᠳ ᠲᠡᠭᠦᠨ ᠢ ᠲᠣᠯᠢᠶᠠᠭᠠᠳ ᠦᠯᠡᠳᠡᠭᠰᠡᠨ ᠢ ᠨᠢ ᠮᠠᠩᠨᠠᠢ ᠳᠠᠭᠠᠨ ᠲᠦᠷᠬᠢᠳᠡᠭ᠃ ᠡᠭᠦᠨ ᠢ ︽ᠷᠠᠰᠢᠶᠠᠨ | ᠠᠳᠢᠰ ᠬᠦᠷᠳᠡᠪᠡ︾ ᠭᠡᠳᠡᠭ᠃ |