| ᠭᠡᠷ ᠤᠨ ᠠᠬᠠᠮᠠᠳ ᠪᠣᠯᠣᠭᠰᠠᠳ ᠬᠡᠨ ᠨᠢ ᠴᠦ ᠭᠡᠳ ᠥᠪᠡᠷ ᠤᠨ ᠬᠡᠦᠬᠡᠳ ᠢᠶᠠᠨ ᠬᠥᠮᠥᠨ ᠠᠴᠠ ᠳᠤᠲᠠᠭᠤ | ᠦᠭᠡᠢ᠂ ᠬᠤᠴᠣᠷᠤᠯ ᠦᠭᠡᠢ ᠶᠠᠪᠤᠭᠤᠯᠵᠤ᠂ ︽ᠠᠳᠤᠭᠤᠨ ᠳᠤ ᠪᠠᠨ ᠭᠡᠪᠡᠯ ᠬᠥᠯᠥᠭ ᠤᠨ ᠲᠣᠭᠤᠰᠣᠨ ᠳᠤ ᠪᠤᠯᠠᠭᠳᠠᠬᠤ | ᠦᠭᠡᠢ᠂ ᠠᠲᠠᠭᠠᠨ ᠳᠤ ᠪᠠᠨ ᠭᠡᠪᠡᠯ ᠬᠥᠮᠥᠨ ᠤ ᠲᠣᠭᠤᠰᠣᠨ ᠳᠤ ᠪᠤᠯᠠᠭᠳᠠᠬᠤ ᠦᠭᠡᠢ︾ ᠪᠠᠶᠢᠬᠤ ᠶᠢ ᠬᠦᠰᠡᠨ ᠪᠣᠳᠣᠳᠠᠭ᠃ | ᠰᠣᠷᠭᠠᠨ ᠬᠥᠮᠥᠵᠢᠯ ︵ᠬᠡᠦᠬᠡᠳ ᠤᠨ︶ ᠤᠨ ᠵᠢᠮᠡ ᠶᠣᠰᠣ ᠶᠢ ᠮᠥᠷᠳᠡᠪᠡᠯ᠂ ᠬᠡᠦᠬᠡᠳ ᠡᠬᠡ ᠶᠢᠨ ᠬᠡᠪᠡᠯᠢ ᠠᠴᠠ ᠤᠨᠠᠵᠤ | ᠢᠷᠡᠬᠦ ᠲᠠᠢ ᠵᠡᠷᠭᠡ ᠡᠵᠢ ᠶᠢᠨ ᠢᠶᠠᠨ ᠬᠥᠬᠦ ᠶᠢ ᠣᠯᠵᠤ ᠮᠥᠮᠥᠵᠦ ᠴᠢᠳᠠᠳᠠᠭ ᠲᠥᠷᠥᠯᠬᠢ ᠴᠢᠳᠠᠪᠤᠷᠢ ᠪᠠᠶᠢᠬᠤ ᠠᠴᠠ | ᠭᠠᠳᠠᠨᠠ ᠲᠡᠭᠦᠨ ᠳᠤ ᠨᠠᠷᠠᠲᠤ ᠬᠤᠷᠸᠠ ᠶᠢᠨ ᠠᠯᠢᠪᠠ ᠪᠦᠬᠦᠨ ᠲᠠᠢ ᠵᠣᠬᠢᠴᠠᠯᠳᠤᠨ ᠴᠢᠳᠠᠳᠠᠭ ᠲᠥᠷᠥᠯᠬᠢ ᠠᠪᠢᠶᠠᠰ | ᠪᠠᠰᠠ ᠣᠯᠠᠨ ᠣᠯᠠᠨ ᠪᠠᠶᠢᠨᠠ ᠭᠡᠳᠡᠭ ᠢ ᠦᠢᠯᠡᠳᠦᠯᠭᠡ ᠶᠢᠨ ᠳᠤᠮᠳᠠ ᠠᠴᠠ ᠰᠡᠷᠡᠵᠦ ᠮᠡᠳᠡᠯᠡ᠃ ᠰᠠᠶ᠋ᠢ ᠲᠥᠷᠥᠭᠰᠡᠨ | ᠬᠡᠦᠬᠡᠳ ᠤᠬᠢᠯᠠᠵᠤ ᠪᠠᠶᠢᠬᠤ ᠨᠢ ᠶᠡᠷᠦ ᠳᠤ ᠪᠠᠨ ᠨᠢᠭᠡ ᠪᠣᠯ ᠥᠯᠥᠰᠥᠯᠡ᠂ ᠥᠭᠡᠷᠡ ᠪᠣᠯ ᠰᠢᠭᠡᠭᠰᠡᠨ ᠪᠤᠶᠤ ᠪᠠᠭᠠᠭᠰᠠᠨ᠃ | ᠪᠤᠰᠤᠳ ᠰᠢᠯᠲᠠᠭᠠᠨ ᠴᠥᠭᠡᠨ ᠲᠣᠬᠢᠶᠠᠯᠳᠤᠨᠠ᠃ ᠬᠡᠦᠬᠡᠳ ᠢ ᠰᠠᠶ᠋ᠢ ᠲᠥᠷᠥᠭᠰᠡᠨ ᠤ ᠳᠠᠷᠠᠭᠠ ᠡᠳᠦᠷ ᠰᠥᠨᠢ ᠶᠢ | ᠲᠣᠩᠭᠤᠷᠠᠭᠤᠯᠤᠨ ᠪᠠᠶᠢᠳᠠᠭ ᠢ ᠡᠳᠦᠷ ᠳᠤᠲᠠᠭᠤ ᠤᠨᠲᠠᠭᠤᠯᠵᠤ ᠰᠥᠨᠢ ᠰᠠᠶᠢᠨ ᠤᠨᠲᠠᠭᠤᠯᠤᠶᠠ ᠭᠡᠪᠡᠯ ᠡᠴᠢᠭᠡ ᠡᠬᠡ | ᠪᠣᠯᠣᠭᠰᠠᠳ ᠡᠷᠬᠡᠪᠰᠢ ᠠᠷᠭᠠ ᠪᠣᠳᠣᠬᠤ ᠬᠡᠷᠡᠭᠲᠡᠢ᠃ ᠵᠣᠬᠢᠰᠲᠠᠢ ᠤᠬᠢᠯᠠᠬᠤ ᠨᠢ ᠬᠡᠦᠬᠡᠳ ᠤᠨ ᠥᠰᠦᠯᠲᠡ ᠳᠤ | ᠠᠰᠢᠭᠲᠠᠢ ᠭᠡᠵᠤ ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠤ ᠦᠢᠯᠡᠳᠦᠯᠭᠡ ᠭᠡᠷᠡᠴᠢᠯᠡᠳᠡᠭ᠃ ᠪᠠᠰᠠ ᠨᠢᠭᠡᠨ ᠠᠩᠬᠠᠷᠬᠤ ᠴᠢᠬᠤᠯᠠᠲᠠᠢ | ᠵᠦᠢᠯ ᠭᠡᠪᠡᠯ ᠬᠡᠦᠬᠡᠳ ᠢ ᠡᠳᠦᠷ ᠤᠨ ᠬᠡᠳᠦ ᠤᠳᠠᠭᠠ ᠪᠡᠶᠡ ᠶᠢ ᠨᠢ ᠡᠮᠴᠢ ᠰᠤᠪᠢᠯᠠᠭᠴᠢ ᠶᠢᠨ ᠵᠢᠭᠠᠨ ᠰᠤᠷᠭᠠᠯᠲᠠ | ᠳᠣᠣᠷᠠ ᠡᠷᠬᠡᠪᠰᠢ ᠢᠯᠢᠨ ᠨᠤᠬᠤᠯᠠᠵᠤ ᠥᠭᠬᠦ ᠬᠡᠷᠡᠭᠲᠡᠢ᠃ ᠡᠳᠦᠷ ᠪᠦᠷᠢ ᠢᠯᠢᠵᠦ ᠨᠤᠬᠤᠯᠠᠬᠤ ᠨᠢ ᠬᠠᠷᠢᠨ ᠬᠡᠦᠬᠡᠳ ᠢ | ᠣᠷᠣᠯᠠᠵᠤ ᠲᠠᠮᠢᠷ ᠬᠢᠵᠦ ᠪᠠᠶᠢᠬᠤ ᠲᠠᠢ ᠠᠳᠠᠯᠢ ᠪᠥᠭᠡᠳ ᠳᠣᠲᠣᠷᠠ ᠡᠷᠬᠡᠲᠡᠨ ᠤ ᠥᠰᠦᠯᠲᠡ᠂ ︽ᠪᠡᠶᠡ ᠮᠠᠬᠠᠪᠤᠳ ᠤᠨ | ᠬᠦᠷᠦᠯᠴᠡᠭᠡ︾ ᠳᠠᠪᠲᠠᠭᠳᠠᠵᠤ᠂ ᠬᠡᠦᠬᠡᠳ ᠲᠤ ᠨᠢᠭᠡ ᠵᠦᠢᠯ ᠤᠨ ᠶᠠᠭᠤ ᠪᠠᠷ ᠴᠦ ᠰᠣᠯᠢᠵᠤ ᠪᠣᠯᠳᠠᠭ ᠦᠭᠡᠢ ︽ᠠᠮᠤᠷ | ᠲᠦᠪᠰᠢᠨ ᠤ ᠰᠡᠷᠡᠭᠳᠡᠯ︾ ᠣᠯᠭᠤᠳᠠᠭ᠂ ᠡᠶᠢᠮᠦ ᠠᠴᠠ ᠡᠳᠦᠷ ᠪᠦᠷᠢ ᠶᠢᠨ ᠢᠯᠢᠵᠦ ᠨᠤᠬᠤᠯᠠᠬᠤ ᠶᠠᠪᠤᠳᠠᠯ ᠢ | ᠣᠮᠲᠣᠭᠠᠶᠢᠯᠠᠵᠤ ᠪᠣᠯᠬᠤ ᠦᠭᠡᠢ᠃ 0-3 ᠨᠠᠰᠤᠨ ᠤ ᠦᠶᠡ ᠪᠣᠯ ᠬᠡᠦᠬᠡᠳ ᠤᠨ ᠬᠠᠮᠤᠭ ᠤᠨ ᠴᠢᠬᠤᠯᠠ ᠰᠢᠵᠢᠷ | ᠠᠯᠲᠠᠨ ᠴᠠᠭ ᠦᠶᠡ ᠪᠣᠯᠣᠨᠠ᠃ ᠡᠨᠡ ᠦᠶᠡ ᠳᠤ ᠡᠩ ᠲᠡᠷᠢᠭᠦᠨ ᠳᠤ ᠡᠳᠦᠷ ᠪᠦᠷᠢ ᠲᠠᠰᠤᠷᠠᠯᠲᠠ ᠦᠭᠡᠢ ᠦᠯᠢᠭᠡᠷ | ᠶᠠᠷᠢᠵᠤ ᠥᠭᠬᠦ ᠪᠤᠶᠤ ᠬᠡᠦᠬᠡᠳ ᠲᠠᠢ ᠲᠣᠮᠣ ᠬᠥᠮᠥᠨ ᠲᠠᠢ ᠵᠣᠭᠤᠭᠳᠠᠵᠤ ᠪᠠᠶᠢᠭᠠ ᠰᠢᠭ᠋ ᠣᠯᠠᠨ ᠠᠷᠪᠢᠨ ᠵᠣᠭᠤᠭ | ᠬᠡᠯᠡᠬᠦ ᠬᠡᠷᠡᠭᠲᠡᠢ᠃ ᠡᠭᠦᠨ ᠢ ᠪᠠᠰᠠ ︽ᠥᠯᠥ ᠮᠡᠳᠡᠭᠳᠡᠮᠡ ᠪᠠᠷ ᠬᠤᠪᠢᠰᠬᠠᠬᠤ︾ ᠭᠡᠵᠤ ᠬᠡᠯᠡᠵᠦ ᠪᠠᠶᠢᠳᠠᠭ᠃ ᠲᠠᠨ ᠤ | ᠶᠠᠷᠢᠭᠰᠠᠨ ᠬᠡᠳᠦᠨ ᠲᠦᠮᠡᠨ ᠦᠭᠡ ᠠᠴᠠ ᠬᠡᠦᠬᠡᠳ ᠬᠠᠷᠢᠨ ᠨᠢᠭᠡ ᠬᠤᠶᠠᠷ ᠢ ᠨᠢ ᠴᠡᠭᠡᠵᠢᠯᠡᠨ ᠲᠣᠭᠲᠠᠭᠠᠭᠰᠠᠨ | ᠪᠠᠶᠢᠪᠠᠯ ᠬᠡᠦᠬᠡᠳ ᠤᠨ ᠬᠡᠯᠡᠨ ᠤ ᠮᠡᠳᠡᠷᠡᠮᠵᠢ ᠳᠤ ᠨᠢ ᠰᠠᠩ ᠰᠠᠭᠤᠵᠤ ᠳᠠᠷᠠᠭᠠ ᠠᠯᠬᠤᠮ ᠤᠨ ᠦᠭᠡ ᠬᠡᠯᠡᠬᠦ ᠳᠤ ᠨᠢ | ᠲᠤᠰᠠᠯᠠᠮᠵᠢ ᠪᠣᠯᠵᠤ ᠮᠡᠳᠡᠨᠡ᠃ ᠡᠨᠡ ᠨᠢ ᠬᠠᠷᠢᠨ ᠡᠷᠳᠡᠮᠲᠡᠳ ᠤᠨ ᠶᠠᠷᠢᠳᠠᠭ ︽ᠡᠬᠡ ᠶᠢᠨ ᠬᠡᠪᠡᠯᠢ ᠳᠠᠬᠢ ᠰᠣᠷᠭᠠᠨ | ᠬᠥᠮᠥᠵᠢᠯ︾ ᠤᠨ ᠦᠷᠭᠦᠯᠵᠢᠯᠡᠯ ᠪᠤᠶᠤ ᠵᠠᠯᠭᠠᠯᠲᠠ ᠪᠣᠯᠵᠤ ᠴᠢᠳᠠᠨᠠ᠃ 0-3 ᠨᠠᠰᠤᠨ ᠤ ᠬᠡᠦᠬᠡᠳ ᠤᠨ ᠤᠬᠢᠯᠠᠬᠤ ᠨᠢ | ᠶᠠᠮᠠᠷ ᠨᠢᠭᠡᠨ ᠵᠣᠷᠢᠯᠭᠠ ᠳᠤ ᠪᠠᠨ ᠬᠦᠷᠬᠦ ᠶᠢᠨ ᠲᠥᠯᠥᠭᠡ ᠶᠢ ᠭᠡᠷ ᠤᠨ ᠠᠬᠠᠮᠠᠳ ᠪᠣᠯᠣᠭᠰᠠᠳ ᠳᠡᠭᠡᠳᠦ ᠬᠡᠮᠵᠢᠶᠡᠨ ᠤ | ᠬᠠᠷᠢᠭᠤᠴᠠᠯᠭᠠᠲᠤ ᠣᠪᠣᠷ ᠢᠶᠠᠷ ᠭᠤᠣᠯᠴᠢ ᠲᠥᠪ ᠢᠶᠠᠷ ᠬᠠᠮᠵᠢᠯᠴᠠᠬᠤ ᠬᠡᠷᠡᠭᠲᠡᠢ᠃ ᠭᠡᠬᠦ ᠳᠤ ᠦᠢᠯᠡᠳᠦᠯᠭᠡ | ᠭᠡᠷᠡᠴᠢᠯᠡᠭᠰᠡᠨ ᠢ ᠦᠵᠡᠪᠡᠯ ᠡᠴᠢᠭᠡ ᠬᠥᠮᠥᠨ ᠬᠦᠢᠲᠡᠨ ᠴᠢᠷᠠᠶᠢᠯᠠᠵᠤ᠂ ᠡᠬᠡ ᠬᠥᠮᠥᠨ ᠵᠥᠭᠡᠯᠡᠨ ᠬᠠᠷᠠᠴᠠ ᠲᠠᠢ ᠪᠠᠶᠢᠬᠤ | ᠪᠣᠯ ᠬᠠᠮᠤᠭ ᠤᠨ ᠰᠠᠶᠢᠨ ᠠᠷᠭᠠ ᠪᠣᠯᠣᠨᠠ᠃ | ︽ᠬᠥᠷᠪᠡᠵᠦ ᠴᠢᠳᠠᠳᠠᠭ ᠬᠡᠦᠬᠡᠳ ᠲᠤ ᠬᠥᠨᠵᠢᠯᠡ ᠬᠤᠴᠢᠵᠤ ᠥᠭᠬᠦ ᠬᠡᠷᠡᠭ ᠦᠭᠡᠢ︾ ᠭᠡᠳᠡᠭ ᠦᠭᠡ ᠪᠠᠶᠢᠳᠠᠭ᠃ | ᠵᠠᠷᠢᠮ ᠭᠡᠷ ᠤᠨ ᠠᠬᠠᠮᠠᠳ ᠬᠡᠦᠬᠡᠳ ᠨᠢ ᠬᠥᠨᠵᠢᠯᠡ ᠬᠤᠴᠢᠯᠭᠠ ᠪᠠᠨ ᠢᠰᠬᠦᠯᠵᠦ ᠶᠠᠪᠤᠭᠤᠯᠪᠠᠯ ᠰᠥᠨᠢᠵᠢᠨ ᠮᠠᠨᠠᠭᠠᠳ | ᠬᠤᠴᠢᠵᠤ ᠥᠭᠭᠦᠭᠡᠳ ᠥᠷᠯᠥᠭᠡ ᠬᠡᠳᠦ ᠶᠠᠳᠠᠷᠠᠭᠠᠳ ᠰᠡᠷᠡᠬᠦ ᠳᠤ ᠬᠠᠷᠢᠨ ᠬᠡᠦᠬᠡᠳ ᠨᠢ ᠪᠠᠰᠠ ᠯᠡ ᠬᠥᠨᠵᠢᠯᠡ | ᠬᠤᠴᠢᠯᠭᠠ ᠪᠠᠨ ᠢᠰᠬᠦᠯᠦᠭᠡᠳ ᠨᠢᠴᠦᠭᠦᠨ ᠤᠨᠲᠠᠵᠤ ᠪᠠᠶᠢᠭᠠ ᠵᠢᠱᠢᠶᠡ ᠵᠥᠩᠳᠡᠭᠡᠨ᠃ ᠦᠨᠡᠨ ᠳᠡᠭᠡᠨ ᠬᠡᠦᠬᠡᠳ | ᠬᠠᠯᠠᠬᠤ ᠳᠠᠭᠠᠨ ᠰᠠᠶ᠋ᠢ ᠢᠰᠬᠦᠯᠵᠦ ᠪᠠᠶᠢᠨᠠ᠂ ᠬᠡᠷᠪᠡ ᠬᠦᠢᠲᠡᠨ ᠪᠠᠶᠢᠭᠰᠠᠨ ᠪᠣᠯ ᠨᠣᠮᠣᠬᠠᠨ ᠢᠶᠠᠷ ᠰᠠᠶᠢᠬᠠᠨ ᠤᠨᠲᠠᠳᠠᠭ᠃ | ᠡᠶᠢᠮᠦ ᠠᠴᠠ ᠬᠠᠵᠠᠭᠤ ᠬᠥᠨᠵᠢᠯᠡ ᠬᠤᠴᠢᠯᠭᠠ ᠲᠠᠯᠪᠢᠨ ᠥᠭᠭᠦᠭᠡᠳ ᠵᠠᠬᠠ ᠳᠤᠨᠢ ᠤᠨᠲᠠᠵᠤ ᠠᠮᠠᠷᠠᠬᠤ ᠪᠣᠯ | ᠬᠡᠦᠬᠡᠳ ᠢ ᠪᠠᠭᠠ ᠠᠴᠠ ᠨᠢ ᠬᠥᠮᠥᠵᠢᠭᠦᠯᠦᠨ ᠦᠢᠯᠡᠳᠦᠯᠭᠡ ᠳᠤ ᠣᠷᠣᠯᠴᠠᠭᠤᠯᠤᠨ ︽ᠥᠪᠡᠷ ᠤᠨ ᠤᠴᠢᠷ ᠢᠶᠠᠨ | ᠥᠪᠡᠷ ᠢᠶᠠᠨ ᠬᠢᠬᠦ︾ ᠶᠢᠨ ᠡᠬᠢᠯᠡᠯᠲᠡ ᠭᠡᠵᠤ ᠦᠵᠡᠵᠦ ᠪᠣᠯᠤᠨᠠ᠃ ᠮᠥᠯᠬᠦᠵᠦ ᠠᠯᠬᠤᠬᠤ ᠶᠢ ᠥᠭᠡᠷᠡ ᠬᠥᠮᠥᠨ | ᠣᠷᠣᠯᠠᠨ ᠭᠦᠢᠴᠡᠳᠬᠡᠵᠦ ᠪᠣᠯᠳᠠᠭ ᠦᠭᠡᠢ ᠲᠠᠢ ᠠᠳᠠᠯᠢ ᠪᠠᠷ᠂ ᠭᠡᠷ ᠤᠨ ᠠᠬᠠᠮᠠᠳ ᠠᠴᠠ ᠬᠡᠦᠬᠡᠳ ᠤᠨ ᠪᠠᠭᠠ ᠠᠴᠠ | ᠨᠢ ᠠᠵᠢᠯ ᠪᠦᠬᠦᠨ ᠢ ᠨᠢ ᠭᠠᠷᠳᠠᠨ᠂ ᠡᠵᠡᠨ ᠮᠡᠳᠡᠨ ᠣᠷᠣᠯᠠᠨ ᠬᠢᠬᠦ ᠶᠢ ᠡᠷᠡᠰ ᠲᠡᠪᠴᠢᠵᠦ ᠦᠵᠡᠪᠡᠯ ᠣᠯᠠᠩᠬᠢ ᠵᠦᠢᠯ | ᠠᠮᠠᠷᠬᠠᠨ ᠰᠢᠢᠳᠪᠦᠷᠢᠯᠡᠭᠳᠡᠨᠡ᠃ ᠪᠠᠭᠠ ᠬᠡᠦᠬᠡᠳ ᠤᠨ ᠪᠡᠶᠡ ᠶᠢ ᠤᠬᠢᠶᠠᠬᠤ ᠦᠶᠡ ᠳᠤ ᠬᠡᠦᠬᠡᠳ ᠲᠠᠢ ᠤᠰᠤ | ᠬᠠᠮᠵᠢᠯᠴᠠᠨ ᠳᠠᠮᠨᠠᠪᠠᠯ ᠬᠡᠦᠬᠡᠳ ᠪᠡᠶᠡ ᠪᠠᠷ ᠢᠶᠠᠨ ᠦᠢᠯᠡᠳᠦᠯᠭᠡ ᠳᠤ ᠣᠷᠣᠯᠴᠠᠵᠤ ᠪᠠᠶᠢᠨᠠ ᠭᠡᠰᠡᠨ ᠥᠪᠡᠷ ᠢ ᠪᠠᠨ | ᠢᠲᠡᠭᠡᠬᠦ ᠤᠷᠮᠠ ᠵᠣᠷᠢᠭ ᠨᠢ ᠨᠡᠮᠡᠭᠳᠡᠳᠡᠭ᠃ ᠡᠨᠡ ᠨᠢ ᠶᠠᠭ ᠡᠷᠲᠡᠨ ᠤ ᠮᠡᠷᠭᠡᠳ ᠤᠨ ᠦᠭᠡᠨ ᠳᠠᠬᠢ ︽ᠡᠵᠢ ᠳᠤ ᠴᠦ | ᠪᠠᠢ᠂ ᠠᠪᠤ ᠳᠤ ᠴᠦ ᠪᠠᠢ— ᠥᠪᠡᠷ ᠤᠨ ᠪᠡᠶᠡ ᠳᠤ ᠪᠠᠶᠢᠬᠤ ᠶᠢ ᠬᠦᠷᠬᠦ ᠦᠭᠡᠢ︾ ᠭᠡᠳᠡᠭ ᠦᠭᠡ ᠪᠣᠯ ᠶᠡᠭᠡ ᠰᠢᠨᠵᠢᠯᠡᠬᠦ | ᠤᠬᠠᠭᠠᠨ ᠤ ᠡᠰᠢ ᠪᠠᠷᠢᠮᠲᠠ ᠲᠠᠢ ᠦᠭᠡ ᠪᠣᠯᠣᠨᠠ᠃ | ᠪᠠᠭᠠ ᠬᠡᠦᠬᠡᠳ ᠤᠰᠤ ᠪᠠᠷ ᠨᠠᠭᠠᠳᠬᠤ ᠳᠤᠷᠠ ᠲᠠᠢ ᠪᠠᠶᠢᠳᠠᠭ᠃ ᠡᠨᠡ ᠦᠶᠡ ᠳᠤ ᠰᠠᠨᠠᠭᠠᠴᠢᠯᠠᠭᠠ ᠲᠠᠢ ᠪᠠᠷ | ᠠᠯᠴᠢᠭᠤᠷ ᠡᠨᠡ ᠲᠡᠷᠡ ᠶᠢ ᠤᠰᠤᠨ ᠳᠤ ᠨᠢ ᠬᠢᠵᠦ ᠲᠡᠳᠡᠨ ᠤ ᠪᠡᠶᠡ ᠪᠠᠷ ᠨᠢ ᠤᠬᠢᠶᠠᠯᠭᠠᠪᠠᠯ ᠬᠤᠪᠴᠠᠰᠤ ᠬᠤᠨᠠᠷ | ᠤᠬᠢᠶᠠᠬᠤ ᠦᠢᠯᠡᠳᠦᠯᠭᠡ ᠳᠤ ᠠᠩᠬᠠ ᠣᠷᠣᠯᠴᠠᠬᠤ ᠳᠤᠷᠠ ᠪᠠᠬᠠ ᠲᠠᠢ ᠪᠣᠯᠵᠤ᠂ ᠠᠵᠢᠯ ᠬᠢᠬᠦ ᠳᠤᠷᠠ ᠲᠠᠢ ᠴᠦ | ᠪᠣᠯᠣᠨᠠ᠃ ᠬᠡᠦᠬᠡᠳ ᠤᠨ ᠡᠶᠢᠮᠦᠷᠬᠦᠦ ᠦᠢᠯᠡᠳᠦᠯᠭᠡ ᠳᠤ ᠣᠷᠣᠯᠴᠠᠭᠰᠠᠨ ᠦᠶᠡ ᠳᠤ ᠵᠣᠬᠢᠰᠲᠠᠢ ᠮᠠᠭᠲᠠᠭᠠᠯ | ᠰᠠᠶᠢᠰᠢᠶᠠᠯ ᠢ ᠳᠠᠭᠠᠯᠳᠤᠭᠤᠯᠪᠠᠯ ᠬᠡᠦᠬᠡᠳ ᠤᠨ ᠪᠡᠶᠡ ᠪᠠᠨ ᠢᠲᠡᠭᠡᠬᠦ ᠤᠷᠮᠠᠰᠢᠯ ᠢ ᠳᠠᠶᠢᠴᠢᠯᠠᠭᠳᠠᠵᠤ ᠤᠯᠠᠮ ᠵᠣᠷᠢᠭᠲᠠᠢ | ᠪᠣᠯᠣᠨᠠ᠃ ︽ᠡᠬᠡ ᠪᠠᠨ ᠠᠯᠳᠠᠭᠰᠠᠨ ᠥᠨᠥᠴᠢᠨ ᠴᠠᠭᠠᠨ ᠪᠣᠲᠣᠭᠤ ᠶᠢ ᠪᠠᠨ ᠡᠨᠡᠷᠢᠵᠦ ᠪᠠᠶᠢᠭᠰᠠᠭᠠᠷ ᠨᠢᠯᠪᠤᠰᠤ | ᠤᠨᠠᠭᠠᠳᠠᠭ ᠵᠥᠭᠡᠯᠡᠨ ᠵᠠᠩ ᠲᠠᠢ ᠮᠣᠩᠭᠤᠯᠴᠤᠳ︾ ︽ᠲᠣᠶᠢᠭ ᠤᠨ ᠳᠠᠭᠤᠤ︾ ᠪᠠᠷ ᠢᠶᠠᠨ ᠮᠣᠷᠢᠨ ᠬᠤᠭᠤᠷ ᠤᠨ ᠢᠶᠠᠨ | ᠲᠡᠭᠷᠢᠯᠢᠭ ᠠᠶᠠᠯᠭᠤ ᠳᠤ ᠪᠠᠨ ᠰᠢᠲᠦᠨ ᠭᠤᠯᠣᠭᠰᠠᠨ ᠡᠬᠡ ᠶᠢᠨ ᠬᠠᠲᠠᠭᠤ ᠰᠡᠳᠬᠢᠯ ᠢ ᠤᠶᠠᠷᠠᠭᠤᠯᠵᠤ᠂ | ᠭᠤᠯᠣᠭᠳᠠᠭᠰᠠᠨ ᠲᠥᠯ ᠤᠨ ᠰᠢᠷᠠᠭᠳᠠᠭᠰᠠᠨ ᠰᠡᠳᠬᠢᠯ ᠢ ᠠᠨᠠᠭᠠᠵᠤ ᠴᠢᠳᠠᠳᠠᠭ ᠮᠣᠩᠭᠤᠯ ᠡᠬᠡ ᠶᠢᠨ ᠰᠠᠨᠠᠭᠠ ᠪᠣᠳᠣᠯ | ᠥᠪᠡᠷ ᠤᠨ ᠲᠥᠷᠥᠭᠰᠡᠨ ᠬᠡᠦᠬᠡᠳ ᠢᠶᠠᠨ ᠮᠣᠩᠭᠤᠯ ᠬᠡᠯᠡ ᠲᠠᠢ ᠪᠣᠯᠭᠠᠬᠤ ᠲᠡᠭᠷᠢᠯᠢᠭ ᠰᠠᠨᠠᠭᠠ ᠤᠷᠭᠤᠬᠤ ᠦᠭᠡᠢ | ᠭᠡᠳᠡᠭ ᠢ ᠮᠣᠩᠭᠤᠯ ᠬᠥᠮᠥᠨ ᠢᠲᠡᠭᠡᠮᠡᠷ ᠦᠭᠡᠢ᠃ ︽ᠳᠡᠪᠡᠯ ᠤᠨ ᠵᠠᠭᠠᠮᠠ ᠨᠢ ᠬᠠᠮᠢᠭᠠᠰᠢ ᠪᠠᠨ ᠪᠣᠯ ᠳᠥᠷᠪᠡᠨ ᠬᠤᠷᠮᠣᠢ | ᠲᠡᠶᠢᠰᠢ ᠪᠠᠨ︾ ᠭᠡᠳᠡᠭᠴᠢᠯᠡᠨ ᠭᠡᠷ ᠤᠨ ᠠᠬᠠᠮᠠᠳ ᠪᠣᠯᠣᠭᠰᠠᠳ ᠪᠦᠬᠦᠨ ᠥᠪᠡᠷ ᠤᠨ ᠬᠡᠦᠬᠡᠳ ᠲᠤ ᠪᠠᠨ ᠠᠯᠢᠪᠠ ᠪᠠᠨ | ᠵᠣᠷᠢᠭᠤᠯᠤᠨᠠ ᠭᠡᠵᠤ ᠬᠦᠰᠡᠳᠡᠭ᠃ ᠭᠡᠬᠦ ᠳᠤ ᠪᠠᠨ ᠵᠠᠷᠢᠮ ᠭᠡᠷ ᠤᠨ ᠠᠬᠠᠮᠠᠳ ᠬᠡᠦᠬᠡᠳ ᠤᠨ ᠨᠠᠰᠤᠨ ᠤ ᠠᠮᠠᠷᠬᠠᠨ | ᠮᠠᠷᠲᠠᠳᠠᠭ᠂ ᠠᠮᠠᠷᠬᠠᠨ ᠪᠠᠶᠠᠷᠯᠠᠳᠠᠭ ᠵᠠᠩ ᠤᠨ ᠠᠮᠠᠷᠬᠠᠨ ᠮᠠᠷᠲᠠᠳᠠᠭ ᠢ ᠨᠢ ᠣᠮᠲᠣᠭᠠᠶᠢᠯᠠᠨ ᠠᠮᠠᠷᠬᠠᠨ ᠪᠠᠶᠠᠷᠯᠠᠳᠠᠭ ᠨᠢ | ᠴᠦ ᠬᠥᠩᠭᠡᠪᠴᠢᠯᠡᠳᠡᠭ᠃ ᠴᠢᠬᠢ ᠶᠢ ᠨᠢ ᠴᠣᠭᠤᠷᠠᠲᠠᠯᠠ ᠬᠡᠯᠡᠵᠦ ᠪᠠᠶᠢᠭᠠᠳ ᠪᠠᠰᠠ ᠮᠡᠳᠡᠬᠦ ᠦᠭᠡᠢ ᠪᠠᠶᠢᠬᠤ ᠳᠤ ᠨᠢᠭᠡ | ᠬᠤᠶᠠᠷ ᠬᠡᠯᠡᠭᠡᠳ ᠮᠡᠳᠡᠴᠢᠬᠡᠪᠡᠯ ᠬᠠᠷᠢᠨ ᠬᠡᠦᠬᠡᠳ ᠪᠢᠰᠢ ᠪᠣᠯᠴᠢᠬᠠᠨᠠ ᠰᠢᠦ᠃ ᠶᠡᠷᠦ ᠶᠢᠨ ᠦᠭᠡᠨ ᠳᠤ ︽ᠨᠢᠭᠡ | ᠭᠡᠨᠡᠳᠡᠪᠡᠯ ᠨᠢᠭᠡ ᠤᠬᠠᠭᠠᠷᠠᠨᠠ︾ ᠭᠡᠳᠡᠭ ᠰᠢᠦ᠃ ᠡᠨᠡ ᠨᠢ ᠬᠠᠷᠢᠨ ᠴᠢᠨ᠋ᠸᠠ ᠪᠠᠶᠢᠳᠠᠭ ᠭᠠᠵᠠᠷ ᠤᠨ ᠬᠤᠨᠢ ᠢᠮᠠᠭᠠ | ᠬᠦᠴᠦ ᠲᠠᠷᠭᠤ ᠲᠠᠢ ᠪᠠᠶᠢᠳᠠᠭ ᠤᠨ ᠰᠢᠯᠲᠠᠭᠠᠨ ᠪᠠᠶᠢᠵᠤ ᠮᠡᠳᠡᠨᠡ᠃ ᠡᠶᠢᠮᠦ ᠠᠴᠠ ᠬᠡᠦᠬᠡᠳ ᠲᠤ ᠵᠣᠬᠢᠬᠤ | ᠬᠡᠮᠵᠢᠶᠡᠨ ᠤ ᠬᠦᠴᠢᠷ ᠪᠡᠷᠬᠡ ᠶᠢᠨ ᠪᠣᠯᠪᠠᠰᠤᠷᠠᠯ ᠬᠡᠷᠡᠭᠲᠡᠢ ᠭᠡᠵᠤ ᠪᠢ ᠥᠪᠡᠷ ᠲᠤ ᠪᠠᠨ ᠪᠣᠳᠣᠳᠠᠭ᠃ ᠬᠥᠳᠡᠭᠡ ᠭᠡᠷ | ᠲᠠᠢ ᠨᠥᠬᠦᠴᠡᠯ ᠲᠠᠢ ᠭᠡᠷ ᠪᠦᠯᠢ ᠶᠢᠨ ᠪᠣᠯ ᠬᠡᠦᠬᠡᠳ ᠢᠶᠠᠨ ᠡᠪᠦᠯ ᠵᠣᠨ ᠤ ᠠᠮᠠᠷᠠᠯᠲᠠ ᠳᠤ ᠬᠥᠳᠡᠭᠡ ᠬᠠᠷᠢᠭᠤᠯᠵᠤ | ᠨᠢᠭᠡ ᠳᠤ ᠭᠡᠷ ᠤᠨ ᠰᠠᠨᠠᠬᠤ ᠰᠡᠷᠡᠭᠳᠡᠯ ᠢ ᠨᠢ ᠬᠥᠮᠥᠵᠢᠭᠦᠯᠦᠨ ᠨᠥᠭᠦᠭᠡ ᠳᠤ ᠢᠯᠠᠭᠠ ᠪᠠᠲᠠᠭᠠᠨᠠ ᠳᠤ ᠬᠠᠵᠠᠭᠤᠯᠤᠨ᠂ | ᠲᠠᠪᠤᠨ ᠬᠤᠰᠢᠭᠤ ᠮᠠᠯ᠂ ᠬᠤᠷᠣᠬᠠᠢ ᠰᠢᠪᠠᠵᠢ ᠶᠢ ᠲᠠᠨᠢᠭᠤᠯᠤᠨ ᠥᠪᠡᠷ ᠤᠨ ᠪᠡᠶᠡ ᠪᠠᠨ ᠬᠠᠮᠠᠭᠠᠯᠠᠬᠤ᠂ ᠥᠪᠡᠷ ᠤᠨ | ᠪᠡᠶᠡ ᠪᠠᠨ ᠪᠤᠰᠤᠳ ᠢᠶᠠᠷ ᠰᠠᠨᠠᠭᠤᠯᠬᠤ ᠠᠷᠭᠠ ᠤᠬᠠᠭᠠᠨ ᠢ ᠰᠤᠷᠭᠠᠪᠠᠯ ᠬᠠᠷᠢᠵᠤ ᠢᠷᠠᠪᠠᠯ ᠠᠪᠤ ᠡᠵᠢ ᠭᠡᠳᠡᠭ | ᠣᠶᠢᠯᠠᠭᠠᠯᠲᠠ ᠨᠡᠮᠡᠭᠳᠡᠬᠦ ᠶᠢ ᠦᠢᠯᠡᠳᠦᠯᠭᠡ ᠭᠡᠷᠡᠴᠢᠯᠡᠵᠦ ᠪᠠᠶᠢᠨᠠ᠃ ᠡᠶᠢᠮᠦ ᠪᠠᠷ ᠢᠶᠠᠨ ᠭᠠᠳᠠᠭᠠᠳᠤ ᠶᠢᠨ ᠭᠡᠷ ᠤᠨ | ᠠᠬᠠᠮᠠᠳ ᠬᠡᠦᠬᠡᠳ ᠢ 18 ᠬᠦᠷᠪᠡᠯ ᠭᠡᠷ ᠠᠴᠠ ᠪᠠᠨ ᠬᠥᠭᠡᠭᠡᠵᠦ ᠭᠠᠷᠭᠠᠳᠠᠭ ᠤᠨ ᠵᠢᠮᠡ ᠶᠣᠰᠣ ᠡᠨᠡ ᠪᠢᠯᠡ᠃ ᠬᠡᠷᠪᠡ | ᠡᠶᠢᠮᠦ ᠠᠮᠢᠳᠤᠷᠠᠯ ᠤᠨ ᠰᠠᠭᠤᠷᠢ ᠲᠠᠢ ᠪᠣᠯᠴᠢᠬᠠᠪᠠᠯ ᠬᠡᠯᠡ ᠰᠡᠳᠬᠢᠬᠦᠢ ᠶᠢᠨ ᠲᠠᠯᠠ ᠪᠠᠷ ᠨᠡᠯᠢᠶᠡᠳ ᠰᠠᠭᠤᠷᠢ ᠲᠠᠢ | ᠪᠣᠯᠣᠨ᠂ ᠬᠡᠯᠡᠵᠦ ᠶᠠᠷᠢᠬᠤ᠂ ᠣᠶᠢᠯᠠᠭᠠᠬᠤ ᠰᠡᠷᠡᠬᠦ ᠴᠢᠳᠠᠪᠤᠷᠢ ᠴᠦ ᠣᠯᠠᠨ ᠠᠴᠠ ᠳᠤᠲᠠᠭᠤ ᠦᠭᠡᠢ ᠪᠣᠯᠬᠤ ᠲᠤᠯᠠ | ᠰᠤᠷᠬᠤ ᠳᠤ ᠬᠦᠴᠢᠷ ᠲᠤᠯᠭᠠᠷᠠᠬᠤ ᠨᠢ ᠬᠠᠷᠢᠴᠠᠩᠭᠤᠢ ᠪᠠᠭᠠ ᠰᠢᠭ᠋ ᠪᠣᠯᠬᠤ ᠪᠣᠯᠣᠨᠠ᠃ ᠪᠠᠰᠠ ᠨᠢᠭᠡ ᠠᠩᠬᠠᠷᠬᠤ | ᠴᠢᠬᠤᠯᠠ ᠲᠠᠢ ᠵᠦᠢᠯ ᠭᠡᠪᠡᠯ ︽ᠲᠣᠭᠠᠨ ᠳᠤ ᠪᠠᠰᠠ ᠨᠢᠭᠡ ᠬᠡᠮᠵᠢᠶᠡ ᠪᠠᠶᠢᠳᠠᠭ᠂ ᠲᠣᠰᠣᠨ ᠯᠣᠩᠬᠤᠨ ᠳᠤ ᠪᠠᠰᠠ ᠨᠢᠭᠡ | ᠠᠮᠠᠰᠠᠷ ᠪᠠᠶᠢᠳᠠᠭ︾ ᠭᠡᠳᠡᠭᠴᠢᠯᠡᠨ ᠮᠠᠭᠲᠠᠭᠠᠯ ᠰᠠᠶᠢᠰᠢᠶᠠᠯ ᠢ ᠬᠡᠮᠵᠢᠶᠡᠨ ᠠᠴᠠ ᠨᠢ ᠬᠡᠲᠦᠷᠡᠭᠦᠯᠵᠦ ᠤᠭᠲᠤ ᠪᠣᠯᠬᠤ | ᠦᠭᠡᠢ᠃ᠡᠶᠢᠮᠦ ᠳᠤ ᠪᠠᠨ ᠮᠣᠩᠭᠤᠯ ᠤᠨ ᠵᠦᠢᠷ ᠰᠡᠴᠡᠨ ᠦᠭᠡᠨ ᠳᠤ ︽ᠡᠷᠬᠡ ᠶᠢᠨ ᠰᠤᠷᠬᠤ ᠪᠠᠷ ᠪᠡᠷᠬᠡ ᠶᠢ ᠰᠣᠷ︾ | ᠭᠡᠰᠡᠨ ᠦᠭᠡ ᠪᠣᠯ ᠣᠷᠣ ᠲᠠᠢ ᠰᠢᠦ᠃ ᠮᠣᠩᠭᠤᠯ ᠬᠥᠮᠥᠨ ᠪᠣᠯ ᠳᠡᠯᠡᠬᠡᠢ ᠳᠡᠭᠡᠷᠡ ᠬᠠᠮᠤᠭ ᠤᠨ ᠣᠯᠠᠨ ᠮᠡᠨᠳᠦᠴᠢᠯᠡᠯ | ᠲᠠᠢ ᠦᠨᠳᠦᠰᠦᠲᠡᠨ᠃ ᠡᠶᠢᠮᠦ ᠪᠠᠷ ᠢᠶᠠᠨ ᠬᠡᠦᠬᠡᠳ ᠢ ᠶᠣᠰᠣ ᠨᠣᠮ ᠲᠠᠢ ᠰᠤᠷᠭᠠᠬᠤ ᠨᠢ ᠡᠴᠢᠭᠡ ᠡᠬᠡ | ᠪᠣᠯᠣᠭᠰᠠᠳ ᠤᠨ ᠳᠠᠷᠬᠠᠨ ᠡᠭᠦᠷᠭᠡ ᠬᠠᠷᠢᠭᠤᠴᠠᠯᠭᠠ ᠪᠤᠶᠤ᠃ ᠬᠡᠪᠡᠯᠢ ᠠᠴᠠ ᠪᠠᠨ ᠤᠨᠠᠭᠰᠠᠨ ᠬᠡᠦᠬᠡᠳ ᠲᠤ ᠪᠠᠨ | ᠠᠰ ᠤᠨ ᠡᠷᠳᠡᠮ ᠢᠶᠠᠨ ᠵᠢᠭᠠᠵᠤ ᠥᠭᠭᠦᠶᠡ᠂ ᠠᠭᠤᠤ ᠮᠣᠩᠭᠤᠯ ᠤᠨ ᠮᠢᠨᠢ ᠬᠥᠬᠡ ᠲᠤᠭ ᠨᠠᠮᠢᠷᠠᠨ ᠤᠯᠠᠯᠵᠠᠬᠤ | ᠴᠠᠭ ᠲᠤ ᠭᠤᠯᠣᠮᠲᠠ ᠶᠢ ᠰᠠᠬᠢᠭᠰᠠᠨ ᠮᠣᠩᠭᠤᠯ ᠬᠡᠦᠬᠡᠳ ᠮᠢᠨᠢ ᠮᠣᠩᠭᠤᠯ ᠢᠶᠠᠷ ᠢᠶᠠᠨ ᠶᠠᠷᠢᠵᠤ᠂ ᠮᠣᠩᠭᠤᠯ ᠢᠶᠠᠷ ᠢᠶᠠᠨ | ᠰᠡᠳᠬᠢᠵᠦ᠂ ᠮᠣᠩᠭᠤᠯ ᠢᠶᠠᠷ ᠢᠶᠠᠨ ᠭᠤᠶᠤᠵᠤ ᠪᠠᠶᠢᠭ︕ |