| ᠬᠠᠮᠠᠷ ᠲᠠᠳᠠᠬᠤ᠄ | ᠬᠠᠮᠠᠷ ᠲᠠᠳᠠᠬᠤ ᠪᠤᠯ ᠠᠮᠢᠰᠬᠤᠯ ᠤᠨ ᠵᠠᠮ ᠢᠪᠴᠤᠷᠠᠨ ᠠᠮᠢᠰᠬᠤᠯ ᠤᠨ ᠬᠡᠮᠵᠢᠶᠡ ᠪᠠᠭᠤᠷᠠᠵᠤ᠂ ᠶᠡᠭᠡ ᠲᠠᠷᠢᠬᠢ | ᠪᠠ ᠠᠷᠠᠰᠦ ᠮᠢᠬᠠᠨ ᠤ ᠬᠦᠴᠢᠯᠳᠦ᠋ᠷᠦᠭᠴᠢ ᠶᠢᠨ ᠬᠠᠩᠭᠠᠯᠳᠠ ᠬᠦᠷᠦᠯᠴᠡᠭᠦ ᠦᠭᠡᠢ ᠠᠴᠠ ᠪᠤᠯᠤᠭᠰᠠᠨ ᠶᠤᠮ᠃ ᠡᠨᠡ ᠨᠢ | ᠭᠤᠤᠯᠳᠠᠭᠤ ᠮᠠᠷᠢᠶᠠ ᠲᠠᠢ᠂ ᠡᠷᠡᠤ ᠨᠢ ᠵᠢᠭᠠᠬᠠᠨ ᠪᠤᠶᠤ ᠲᠡᠷᠠ ᠨᠢ ᠬᠡᠳᠦ ᠦᠨᠳᠦᠷ ᠵᠡᠷᠭᠡ ᠭᠤᠷᠪᠠᠨ ᠵᠦᠢᠯ ᠤᠨ | ᠰᠢᠯᠳᠠᠭᠠᠨ ᠠᠴᠠ ᠪᠤᠯᠵᠠᠢ᠂ ᠡᠶᠢᠮᠦ ᠠᠴᠠ ᠬᠤᠷᠬᠢᠷᠠᠬᠤ ᠲᠠᠳᠬᠠᠯ ᠲᠠᠢ ᠬᠦᠮᠦᠰ ᠵᠠᠪᠠᠯ ᠪᠡᠶᠡ ᠶᠢᠨ ᠬᠦᠨᠳᠦ ᠪᠠᠨ | ᠬᠢᠵᠠᠭᠠᠷᠯᠠᠬᠤ ᠶᠢᠨ ᠲᠠᠭᠠᠤ ᠨᠢᠭᠡ ᠨᠢᠳᠤᠷᠭᠠ ᠶᠢᠨ ᠬᠢᠷᠢᠳᠠᠢ ᠦᠨᠳᠤᠷ ᠲᠡᠷᠡ ᠲᠡᠷᠡᠯᠡᠪᠡᠯ ᠵᠤᠬᠢᠨᠠ᠃ | ᠰᠢᠳᠦ ᠬᠠᠪᠢᠷᠬᠤ᠄ | ᠨᠦᠢᠷᠰᠤᠬᠤ ᠦᠶᠡᠰ ᠲᠡᠭᠡᠨ ᠰᠢᠳᠦ ᠬᠠᠪᠢᠷᠬᠤ ᠨᠢ ᠰᠢᠳᠦ ᠶᠢ ᠬᠡᠮᠳᠦᠭᠡᠭᠦ ᠮᠦᠷᠳᠡᠭᠡᠨ ᠠᠷᠠᠭᠠ ᠰᠢᠳᠦ | ᠬᠦᠴᠦᠯᠡᠭᠦ ᠠᠴᠠ ᠪᠤᠯᠵᠤ ᠠᠳᠤᠷᠢᠶᠠ ᠰᠠᠭᠤᠳᠠᠭ ᠶᠤᠮ᠃ ᠤᠯᠠᠩᠬᠢ ᠳᠠᠭᠠᠨ ᠰᠡᠳᠬᠢᠯ ᠰᠠᠨᠠᠭᠠᠨ ᠤ ᠲᠠᠷᠤᠭᠠᠰᠦ | ᠬᠦᠨᠳᠦ ᠪᠤᠶᠤ ᠲᠡᠷᠡ ᠦᠨᠳᠦᠷ ᠠᠴᠠ ᠰᠢᠳᠦ ᠬᠠᠪᠢᠷᠳᠠᠭ ᠶᠤᠮ᠃ ᠡᠶᠢᠮᠦ ᠠᠴᠠ ᠰᠢᠳᠦ ᠬᠠᠪᠢᠷᠳᠠᠭ ᠬᠦᠮᠦᠰ ᠤᠨᠳᠠᠬᠤ | ᠠᠴᠠ ᠪᠠᠨ ᠡᠮᠦᠨᠡ ᠲᠠᠭᠤᠤ ᠬᠦᠭᠵᠢᠮ ᠰᠤᠨᠤᠰᠴᠤ ᠰᠡᠳᠬᠢᠯ ᠰᠠᠨᠠᠭᠠ ᠪᠠᠨ ᠲᠠᠶᠢᠪᠤᠷᠢᠰᠢᠭᠤᠯᠬᠤ ᠪᠤᠶᠤ ᠵᠢᠭᠠᠬᠠᠨ | ᠲᠤᠤᠷᠠ ᠲᠡᠷᠠ ᠲᠡᠷᠡᠯᠡᠪᠡᠯ ᠵᠤᠬᠢᠨᠠ᠃ | ᠠᠮᠠ ᠪᠠᠷ ᠠᠮᠢᠰᠬᠤᠬᠤ᠄ | ᠠᠮᠠ ᠪᠠᠷ ᠠᠮᠢᠰᠬᠤᠪᠠᠯ ᠬᠦᠮᠦᠨ ᠤ ᠪᠡᠶᠡ ᠠᠮᠠᠷᠬᠠᠨ ᠪᠠᠺᠲ᠋ᠧᠷᠢ ᠬᠠᠯᠳᠠᠪᠤᠷᠢᠯᠠᠳᠠᠭ᠂ ᠡᠭᠦᠨ ᠠᠴᠠ ᠪᠤᠯᠵᠤ | ᠬᠢᠮᠤᠷᠠᠬᠤ᠂ ᠠᠮᠠ ᠦᠮᠡᠭᠡᠶᠢᠷᠡᠭᠦ ᠪᠤᠶᠤ ᠬᠠᠷᠰᠢᠯᠳᠤᠬᠤ ᠡᠪᠡᠳᠴᠢᠨ ᠤᠯᠳᠠᠭ ᠶᠤᠮ᠃ ᠬᠦᠮᠦᠰ ᠬᠠᠮᠠᠷ ᠪᠢᠳᠡᠭᠦᠷᠡᠭᠦ᠂ | ᠰᠢᠳᠦᠨ ᠤ ᠵᠢᠭᠰᠠᠭᠠᠯᠳᠠ ᠲᠡᠭᠰᠢ ᠪᠤᠰᠦ ᠪᠤᠶᠤ ᠲᠡᠷᠡ ᠬᠡᠳᠦ ᠲᠤᠤᠷᠠ ᠠᠴᠠ ᠪᠤᠯᠵᠤ ᠠᠮᠠ ᠪᠠᠷ ᠢᠶᠠᠨ ᠠᠮᠢᠰᠬᠤᠳᠠᠭ | ᠶᠤᠮ᠃ ᠡᠶᠢᠮᠦ ᠠᠴᠠ ᠦᠷᠦᠭᠡᠨ ᠲᠤᠳᠤᠷᠠᠬᠢ ᠠᠭᠠᠷ ᠤᠨ ᠴᠢᠬᠢᠭᠯᠢᠭ ᠢ ᠪᠠᠳᠤᠯᠠᠬᠤ ᠪᠦᠭᠡᠳ ᠵᠢᠭᠠᠬᠠᠨ ᠦᠨᠳᠦᠷ ᠲᠡᠷᠡ | ᠲᠡᠷᠡᠯᠡᠪᠡᠯ ᠵᠤᠬᠢᠨᠠ᠃ ᠬᠡᠷᠪᠡ ᠰᠢᠳᠦᠨ ᠤ ᠠᠰᠠᠭᠤᠳᠠᠯ ᠠᠴᠠ ᠪᠤᠯᠤᠭᠰᠠᠨ ᠪᠤᠯ ᠡᠷᠳᠡᠭᠡᠨ ᠰᠢᠭ ᠡᠮᠨᠡᠵᠤ ᠵᠠᠰᠠᠭᠤᠯᠪᠠᠯ | ᠵᠤᠬᠢᠨᠠ᠃ | ᠤᠷᠪᠠᠵᠤ ᠬᠦᠷᠪᠡᠭᠦ ᠦᠭᠡᠢ ᠪᠤᠶᠤ ᠭᠡᠳᠦ ᠤᠯᠠᠨ ᠤᠷᠪᠠᠵᠤ ᠬᠦᠷᠪᠡᠬᠦ᠄ | ᠲᠡ ᠬᠡᠷᠪᠡ ᠦᠷᠯᠦᠭᠡ ᠪᠤᠰᠬᠤ ᠳᠠᠭᠠᠨ ᠶᠠᠳᠠᠷᠠᠬᠤ ᠪᠤᠶᠤ ᠵᠢᠪᠬᠤᠭᠠ ᠮᠠᠭᠤᠳᠠᠢ ᠪᠠᠶᠢᠪᠠᠯ᠂ ᠤᠨᠳᠠᠬᠤ ᠦᠶᠡᠰ | ᠲᠡᠭᠡᠨ ᠤᠷᠪᠠᠵᠤ ᠬᠦᠷᠪᠡᠭᠦ ᠦᠭᠡᠢ ᠠᠴᠠ ᠪᠤᠯᠤᠭᠰᠠᠨ ᠮᠠᠭᠠᠳ᠃ ᠰᠦᠨᠢ ᠳᠡᠭᠡᠨ ᠬᠦᠮᠦᠨ ᠲᠤᠮᠳᠠᠴᠢ ᠪᠠᠷ 20— | 30 ᠤᠳᠠᠭᠠ ᠤᠷᠪᠠᠵᠤ ᠬᠦᠷᠪᠡᠳᠡᠭ ᠶᠤᠮ᠃ ᠤᠷᠪᠠᠵᠤ ᠬᠦᠷᠪᠡᠪᠡᠯ ᠪᠡᠶᠡ ᠶᠢᠨ ᠴᠢᠰᠦᠨ ᠤ ᠰᠢᠩᠭᠡᠨ ᠪᠠ ᠯᠢᠮᠪᠠ ᠶᠢᠨ | ᠰᠢᠩᠬᠡᠨ ᠤ ᠡᠷᠬᠢᠯᠳᠡ ᠶᠢ ᠠᠬᠢᠭᠤᠯᠬᠤ᠂ ᠬᠦᠨᠵᠢᠯᠡ ᠲᠤᠳᠤᠷᠠᠬᠢ ᠴᠢᠬᠢᠭ ᠤᠨ ᠬᠡᠮᠵᠢᠶᠡ ᠶᠢ ᠲᠤᠬᠢᠷᠠᠭᠤᠯᠬᠤ ᠵᠢᠴᠢ | ᠪᠤᠯᠴᠢᠩ ᠢ ᠰᠤᠯᠠᠳᠬᠠᠨ ᠠᠮᠠᠷᠠᠭᠤᠯᠬᠤ ᠳᠤ ᠴᠦᠮ ᠠᠰᠢᠭᠳᠠᠢ᠃ ᠬᠡᠳᠦ ᠵᠦᠭᠡᠯᠡᠨ ᠤᠷᠤ ᠲᠡᠪᠢᠰᠭᠡᠷ ᠲᠡᠭᠡᠷᠡ | ᠤᠨᠳᠠᠪᠠᠯ ᠨᠦᠢᠷ ᠢ ᠨᠦᠯᠦᠭᠡᠯᠡᠳᠡᠭ ᠶᠤᠮ᠃ ᠨᠦᠢᠷᠰᠦᠵᠤ ᠪᠠᠶᠢᠬᠤ ᠳᠠᠭᠠᠨ ᠬᠡᠳᠦ ᠤᠯᠠᠨ ᠤᠳᠠᠭᠠ ᠤᠷᠪᠠᠵᠤ | ᠬᠦᠷᠪᠡᠪᠡᠯ ᠮᠦᠨ ᠰᠠᠶᠢᠬᠠᠨ ᠨᠦᠢᠷᠰᠦᠵᠤ ᠴᠢᠳᠠᠬᠤ ᠦᠭᠡᠢ ᠪᠠᠶᠢᠳᠠᠭ᠃ ᠢᠯᠠᠩᠭᠤᠶᠠ ᠵᠤᠨ ᠤ ᠬᠠᠯᠠᠭᠤᠨ ᠴᠠᠭ ᠲᠤ | ᠨᠡᠩ ᠰᠠᠶᠢᠬᠠᠨ ᠤᠨᠳᠠᠵᠤ ᠠᠮᠠᠷᠬᠠᠤ ᠴᠢᠳᠠᠬᠤ ᠦᠭᠡᠢ ᠶᠤᠮ᠂ ᠤᠨᠳᠠᠬᠤ ᠦᠶᠡ ᠳᠡᠭᠡᠨ ᠬᠡᠷ ᠤᠨ ᠲᠤᠯᠠᠭᠠᠨ ᠤ ᠬᠡᠮᠵᠢᠶᠡ | ᠪᠠᠨ 20℃— 25℃ ᠬᠤᠭᠤᠷᠤᠨᠳᠤ ᠪᠠᠶᠢᠯᠭᠠᠪᠠᠯ ᠵᠤᠬᠢᠨᠠ᠃ | ᠲᠡᠷᠡ ᠲᠡᠷᠡᠯᠡᠭᠦ ᠦᠭᠡᠢ᠄ | ᠵᠠᠷᠢᠮ ᠬᠦᠮᠦᠨ ᠦᠷᠯᠦᠭᠡ ᠰᠡᠷᠢᠭᠦ ᠳᠤ ᠶᠡᠷᠦ ᠨᠢ ᠲᠤᠯᠤᠭᠠᠢ ᠨᠢ ᠲᠡᠷᠡ ᠲᠡᠭᠡᠷᠡ ᠪᠠᠨ ᠦᠭᠡᠢ᠂ ᠡᠨᠡ ᠨᠢ ᠲᠡᠷᠡ | ᠶᠢᠨ ᠲᠤᠬᠢᠷᠠᠮᠵᠢ ᠦᠭᠡᠢ ᠠᠴᠠ ᠪᠤᠯᠤᠭᠰᠠᠨ ᠮᠠᠭᠠᠳ᠃ ᠲᠤᠰᠬᠠᠢ ᠮᠡᠷᠭᠡᠵᠢᠯᠳᠡᠳ ᠤᠨ ᠵᠠᠳᠠᠯᠤᠭᠰᠠᠨ ᠢᠶᠠᠷ᠂ ᠲᠡᠷᠡ | ᠲᠤᠬᠢᠷᠠᠮᠵᠢ ᠦᠭᠡᠢ ᠪᠤᠯ ᠤᠨᠳᠠᠬᠤ ᠳᠤ ᠲᠤᠯᠤᠭᠠᠢ ᠠᠶᠠᠨᠳᠠᠭᠠᠨ ᠲᠡᠷᠡ ᠠᠴᠠ ᠪᠠᠨ ᠰᠠᠯᠳᠠᠭ ᠶᠤᠮ᠂ ᠢᠩᠬᠢᠵᠤ | ᠤᠨᠳᠠᠪᠠᠯ ᠲᠤᠯᠤᠭᠠᠢ ᠲᠤᠭᠤᠭᠰᠢ ᠪᠠᠨ ᠬᠦᠨᠳᠦᠷᠡᠵᠤ᠂ ᠠᠮᠠᠷᠬᠠᠨ ᠨᠢᠭᠤᠷ ᠴᠢᠷᠠᠢ ᠬᠠᠪᠤᠩᠳᠤᠨᠠ᠃ ᠡᠶᠢᠮᠦᠷᠭᠦ ᠲᠠᠳᠬᠠᠯ | ᠲᠠᠢ ᠬᠦᠮᠦᠰ ᠶᠡᠭᠡ ᠪᠠᠭᠠ ᠪᠤᠶᠤ ᠬᠠᠳᠠᠭᠤ ᠵᠦᠭᠡᠯᠡᠨ ᠨᠢ ᠲᠤᠬᠢᠷᠠᠮᠵᠢᠳᠠᠢ ᠲᠡᠷᠠ ᠰᠤᠯᠢᠪᠠᠯ ᠵᠤᠬᠢᠨᠠ᠃ | ᠬᠦᠨᠵᠢᠯᠡ ᠪᠠᠨ ᠲᠡᠶᠢᠴᠢᠭᠦ᠄ | ᠰᠦᠨᠢ ᠰᠡᠷᠢᠭᠦᠨ ᠪᠠᠶᠢᠳᠠᠯᠠ᠂ ᠰᠦᠨᠢ ᠳᠡᠭᠡᠨ ᠬᠦᠨᠵᠢᠯᠡ ᠪᠠᠨ ᠲᠡᠶᠢᠴᠢᠳᠡᠭ ᠬᠦᠮᠦᠰ ᠶᠡᠷᠦᠳᠡᠭᠡᠨ ᠬᠦᠷᠢ ᠶᠢᠨ | ᠰᠢᠷᠭᠡᠭ ᠤᠨ ᠬᠦᠨᠵᠢᠯᠡ ᠮᠡᠳᠦ ᠶᠢᠨ ᠠᠭᠤᠷ ᠨᠡᠪᠳᠡᠷᠡᠭᠦ ᠴᠢᠳᠠᠪᠤᠷᠢ ᠰᠠᠶᠢᠳᠠᠢ᠂ ᠴᠢᠬᠢᠭ ᠲᠠᠳᠠᠬᠤ ᠬᠦᠨᠵᠢᠯᠡ ᠬᠤᠴᠠᠪᠠᠯ | ᠵᠤᠬᠢᠨᠠ᠃ ᠬᠡᠷᠪᠡ ᠮᠦᠨ ᠯᠡ ᠬᠦᠨᠵᠢᠯᠡ ᠪᠠᠨ ᠲᠡᠶᠢᠴᠢᠭᠡᠳ ᠪᠠᠶᠢᠪᠠᠯ ᠦᠶᠡᠯᠳᠦ ᠴᠢᠨᠠᠷᠳᠠᠢ ᠲᠦᠷᠪᠡᠨ ᠮᠦᠴᠢ ᠶᠢᠨ | ᠬᠦᠳᠡᠯᠭᠡᠭᠡᠨ ᠤ ᠰᠠᠭᠠᠳ ᠡᠪᠡᠳᠴᠢᠨ ᠤ ᠢᠯᠡᠷᠡᠯ ᠮᠦᠨ᠂ ᠲᠤᠰᠬᠠᠢ ᠮᠡᠷᠭᠡᠵᠢᠯᠳᠡᠨ ᠪᠤᠶᠤ ᠡᠮᠴᠢ ᠠᠴᠠ ᠠᠰᠠᠭᠤᠨ | ᠯᠠᠪᠯᠠᠪᠠᠯ ᠵᠤᠬᠢᠨᠠ᠃ | ᠰᠢᠯᠪᠢ ᠶᠢᠨ ᠰᠢᠷᠪᠤᠰᠤ ᠲᠠᠳᠠᠬᠤ᠄ | ᠲᠠᠭᠠᠷᠠᠵᠤ ᠵᠢᠩᠨᠠᠬᠤ᠂ ᠤᠰᠤ ᠠᠯᠳᠠᠬᠤ᠂ ᠪᠤᠯᠴᠢᠩ ᠶᠠᠳᠠᠷᠠᠬᠤ ᠵᠡᠷᠭᠡ ᠠᠴᠠ ᠪᠤᠯᠵᠤ ᠤᠨᠳᠠᠬᠤ ᠦᠶᠡ ᠳᠤ | ᠠᠮᠠᠷᠬᠠᠨ ᠰᠢᠷᠪᠤᠰᠤ ᠲᠠᠳᠠᠳᠠᠭ᠃ ᠵᠤᠨ ᠤ ᠴᠠᠭ ᠤᠨᠳᠠᠬᠤ ᠳᠠᠭᠠᠨ ᠠᠭᠠᠷ ᠲᠤᠬᠢᠷᠠᠭᠤᠯᠤᠭᠴᠢ ᠶᠢ ᠪᠢᠳᠡᠭᠡᠢ | ᠬᠡᠷᠡᠭᠯᠡᠭᠡᠷᠡᠢ᠃ ᠲᠡᠭᠷᠢ ᠬᠦᠢᠳᠡᠷᠡᠪᠡᠯ ᠢᠯᠠᠩᠭᠤᠶᠠ ᠡᠮᠡᠭᠳᠡᠶᠢᠴᠦᠳ ᠤᠷᠳᠤ ᠲᠦᠷᠡᠢ ᠲᠠᠢ ᠤᠢᠢᠮᠦᠰᠦ ᠡᠮᠦᠰᠴᠦ | ᠤᠨᠳᠠᠪᠡᠯ ᠰᠠᠶᠢᠨ ᠶᠤᠮ᠃ ᠬᠡᠭᠦ ᠳᠡᠭᠡᠨ ᠢᠯᠡᠭᠦᠦ ᠤᠰᠤ ᠨᠦᠬᠦᠪᠦᠷᠢᠯᠡᠪᠡᠯ ᠵᠤᠬᠢᠨᠠ᠃ | ᠨᠢᠳᠦ ᠨᠤᠬᠤᠯᠠᠬᠤ᠄ | ᠨᠢᠳᠦᠨ ᠤ ᠡᠷᠬᠢᠨ ᠲᠤᠭᠤᠷᠢᠨ ᠳᠠᠬᠢ ᠠᠷᠠᠰᠦ ᠮᠢᠬᠠ ᠨᠢᠮᠭᠡᠨ ᠮᠦᠷᠳᠡᠭᠡᠨ ᠰᠡᠷᠭᠡᠭ ᠪᠠᠶᠢᠳᠠᠭ᠂ ᠤᠨᠳᠠᠬᠤ ᠦᠶᠡ | ᠳᠤ ᠨᠢᠳᠦ ᠪᠠᠨ ᠦᠷᠭᠦᠯᠵᠢ ᠨᠤᠬᠤᠯᠠᠪᠠᠯ ᠬᠠᠷᠰᠢᠮᠠᠳᠠᠭᠠᠢ ᠤᠷᠪᠠᠯ ᠡᠭᠦᠰᠭᠦ ᠪᠤᠯᠤᠮᠵᠢ ᠲᠠᠢ᠃ ᠤᠨᠲᠠᠯᠭᠠ ᠶᠢᠨ | ᠦᠷᠦᠭᠡᠨ ᠳᠤ ᠠᠮᠠᠷᠬᠠᠨ ᠬᠤᠭ ᠲᠤᠭᠤᠰᠦ ᠰᠠᠭᠤᠳᠠᠭ᠂ ᠡᠶᠢᠮᠦ ᠠᠴᠠ ᠦᠷᠦᠭᠡᠨ ᠤ ᠠᠷᠢᠭᠤᠨ ᠴᠡᠪᠡᠷ ᠢᠶᠠᠨ | ᠢᠯᠡᠭᠦᠭᠡᠨ ᠠᠩᠬᠠᠷᠬᠤ ᠬᠡᠷᠡᠭᠳᠡᠢ᠃ ᠬᠡᠷ ᠢᠶᠠᠨ ᠦᠷᠭᠦᠯᠵᠢ ᠱᠦᠭᠦᠷᠳᠡᠨ ᠠᠷᠢᠯᠭᠠᠵᠤ᠂ ᠤᠷᠤ ᠲᠡᠪᠢᠰᠭᠡᠷ ᠢᠶᠠᠨ | ᠦᠷᠭᠦᠯᠵᠢ ᠤᠬᠢᠶᠠᠵᠤ ᠴᠡᠪᠡᠷᠯᠡᠪᠡᠯ ᠵᠤᠬᠢᠨᠠ᠃ | ᠰᠢᠯᠦᠰᠤ ᠭᠤᠭᠤᠵᠢᠭᠤᠯᠬᠤ᠄ | ᠤᠨᠳᠠᠬᠤ ᠦᠶᠡ ᠳᠤ᠂ ᠤᠨᠴᠠᠭᠠᠢᠢᠯᠠᠨ ᠡᠯᠢᠭᠡᠳᠡᠵᠤ ᠤᠨᠳᠠᠬᠤ ᠦᠶᠡ ᠳᠤ ᠰᠢᠯᠦᠰᠦᠨ ᠤ ᠪᠤᠯᠴᠢᠷᠬᠠᠢ ᠶᠢ | ᠠᠮᠠᠷᠬᠠᠨ ᠲᠠᠷᠤᠳᠠᠭ᠃ ᠠᠮᠠ ᠪᠠᠷ ᠠᠮᠢᠰᠬᠤᠬᠤ ᠳᠤ ᠮᠦᠨ ᠠᠮᠠᠷᠬᠠᠨ ᠰᠢᠯᠦᠰᠦ ᠭᠤᠭᠤᠵᠢᠭᠤᠯᠳᠠᠭ ᠶᠤᠮ᠃ ᠬᠡᠷᠪᠡ | ᠵᠦᠩᠳᠡᠭᠡᠨ ᠰᠢᠯᠦᠰᠦ ᠭᠤᠭᠤᠵᠢᠭᠤᠯᠳᠠᠭ ᠪᠤᠯ ᠤᠨᠳᠠᠬᠤ ᠦᠶᠡ ᠳᠡᠭᠡᠨ ᠤᠨᠳᠠᠬᠤ ᠬᠡᠯᠪᠡᠷᠢ ᠲᠦᠷᠰᠦ ᠪᠠᠨ | ᠲᠤᠬᠢᠷᠠᠭᠤᠯᠵᠤ᠂ ᠬᠠᠵᠠᠭᠤᠰᠢ ᠪᠠᠨ ᠬᠠᠷᠠᠵᠤ ᠤᠨᠳᠠᠪᠠᠯ ᠬᠠᠮᠤᠭ ᠤᠨ ᠲᠤᠬᠢᠷᠠᠮᠵᠢᠳᠠᠢ ᠶᠤᠮ᠃ |