| ᠰᠦᠪᠡᠭᠴᠢᠯᠡᠨ ᠰᠤᠷᠬᠤ ᠪᠤᠯ ᠣᠳᠣᠬᠠᠨ ᠳᠤ ᠴᠢᠬᠤᠯᠴᠢᠯᠠᠵᠤ ᠪᠠᠶᠢᠭᠠ ᠰᠤᠷᠬᠤ ᠬᠡᠯᠪᠡᠷᠢ ᠶᠢᠨ ᠨᠢᠭᠡ ᠨᠢ | ᠪᠤᠯᠤᠨᠠ᠃ ᠰᠦᠪᠡᠭᠴᠢᠯᠡᠨ ᠰᠤᠷᠬᠤ ᠨᠢ ᠡᠵᠡᠮᠳᠡᠨ ᠰᠤᠷᠬᠤ ᠪᠠ ᠬᠤᠷᠰᠢᠨ ᠰᠤᠷᠬᠤ ᠲᠠᠢ ᠠᠳᠠᠯᠢ ᠪᠠᠷ ᠬᠦᠯᠢᠶᠡᠨ | ᠰᠤᠷᠬᠤ᠂ ᠦᠬᠦᠮᠡᠯ ᠢᠶᠠᠷ ᠴᠡᠭᠡᠵᠢᠯᠡᠬᠦ᠂ ᠮᠧᠬᠠᠨᠢᠭ ᠢᠶᠠᠷ ᠪᠤᠯᠪᠠᠰᠤᠷᠠᠬᠤ ᠪᠠᠶᠢᠳᠠᠯ ᠢ ᠦᠭᠡᠷᠡᠴᠢᠯᠡᠬᠦ ᠶᠢᠨ ᠲᠦᠯᠦᠭᠡ | ᠳᠤᠷᠠᠳᠤᠨ ᠭᠠᠷᠠᠭᠠᠭᠰᠠᠨ ᠰᠢᠨᠡ ᠨᠢᠭᠡᠨ ᠰᠤᠷᠬᠤ ᠭᠡᠯᠪᠡᠷᠢ ᠪᠤᠯᠬᠤ ᠶᠤᠮ᠃ ᠰᠦᠪᠡᠭᠴᠢᠯᠡᠨ ᠰᠤᠷᠬᠤ ᠨᠢ ᠬᠢᠴᠢᠶᠡᠯᠯᠡᠭᠡ | ᠳᠤ ᠦᠨᠡᠨᠬᠦ ᠠᠭᠤᠰᠴᠤ ᠴᠢᠳᠠᠭᠠᠭᠳᠦᠢ ᠪᠠᠶᠢᠭᠰᠠᠭᠠᠷ᠂ ᠴᠢᠨᠠᠭᠰᠢᠯᠠᠭᠠᠳ ᠬᠢᠴᠢᠶᠡᠯᠯᠡᠭᠡ ᠳᠤ ᠣᠷᠣᠭᠠᠳᠣᠢ ᠭᠡᠵᠣ | ᠶᠠᠷᠢᠭᠰᠠᠨ ᠴᠤ ᠪᠤᠯᠤᠨᠠ᠃ ᠡᠬᠦᠨ ᠤ ᠰᠢᠯᠳᠠᠭᠠᠨ ᠨᠢ ᠪᠠᠷᠤᠭ ︽ᠰᠦᠪᠡᠭᠴᠢᠯᠡᠬᠦ︾ ᠭᠡᠳᠡᠭ ᠢ ᠬᠡᠳᠦᠷᠬᠡᠢ ᠬᠦᠨ | ᠨᠢᠭᠤᠴᠠ ᠪᠠᠷ ᠦᠵᠡᠭᠰᠡᠨ ᠳᠤ ᠪᠠᠶᠢᠨᠠ᠃ ᠲᠡᠭᠡᠪᠡᠯ ᠰᠦᠪᠡᠭᠴᠢᠯᠡᠨ ᠰᠤᠷᠬᠤ ᠬᠡᠯᠪᠡᠷᠢ ᠶᠢ ᠬᠡᠷᠬᠢᠨ ᠤᠶᠢᠯᠠᠭᠠᠬᠤ ᠪᠤᠢ︖ | ᠬᠢᠴᠢᠶᠡᠯᠯᠡᠭᠡ ᠳᠤ ᠬᠡᠷᠬᠢᠨ ᠬᠡᠷᠡᠭᠵᠢᠬᠦᠯᠬᠦ ᠪᠤᠢ︖ | ᠰᠦᠪᠡᠭᠴᠢᠯᠡᠬᠦ ᠭᠡᠳᠡᠭ ᠨᠢ ᠡᠷᠢᠯᠬᠢᠯᠡᠬᠦ ᠪᠠ ᠰᠤᠳᠤᠯᠬᠤ ᠶᠢ ᠵᠢᠭᠠᠵᠤ ᠪᠠᠶᠢᠨᠠ᠃ ᠰᠦᠪᠡᠭᠴᠢᠯᠡᠬᠦ ᠭᠡᠳᠡᠭ ᠦᠭᠡ | ᠬᠦᠮᠦᠰ ᠢ ᠵᠢᠷᠤᠭᠡᠰᠢᠬᠦ ᠪᠤᠯᠭᠠᠵᠠᠢ᠃ ᠪᠢᠳᠠ ᠰᠦᠪᠡᠭᠴᠢᠯᠡᠬᠦ ᠶᠢ ᠰᠠᠬᠢᠭᠤᠯᠰᠤᠨ ᠲᠠᠶᠢᠰᠠᠨ ᠠᠴᠠ ᠨᠢ ᠵᠠᠯᠠᠨ | ᠪᠠᠭᠤᠯᠭᠠᠵᠤ᠂ ᠰᠦᠪᠡᠭᠴᠢᠯᠡᠯ ᠢᠶᠠᠷ ᠦᠨᠳᠦᠰᠤ ᠪᠤᠯᠭᠠᠭᠰᠠᠨ ᠬᠢᠴᠢᠶᠡᠯᠯᠡᠭᠡ ᠶᠢ ᠬᠢᠵᠤ ᠪᠤᠯᠤᠨᠠ᠃ | ᠰᠦᠪᠡᠭᠴᠢᠯᠡᠨ ᠰᠤᠷᠬᠤ ᠭᠡᠳᠡᠭ ᠨᠢ ᠰᠤᠷᠤᠭᠴᠢᠳ ᠪᠠᠭᠰᠢ ᠶᠢᠨ ᠵᠢᠯᠤᠭᠤᠳᠤᠯᠭᠠ ᠳᠤᠤᠷᠠ᠂ ᠬᠢᠴᠢᠶᠡᠯ | ᠲᠦᠷᠦᠯ ᠤᠨ ᠭᠡᠪᠴᠢᠶᠡᠨ ᠳᠤ ᠠᠰᠠᠭᠤᠳᠠᠯ ᠢ ᠢᠯᠡᠷᠡᠬᠦᠯᠵᠤ᠂ ᠠᠰᠠᠭᠤᠳᠠᠯ ᠢ ᠰᠢᠨᠵᠢᠯᠡᠵᠤ᠂ ᠠᠰᠭᠤᠳᠠᠯ ᠢ | ᠰᠢᠢᠳᠪᠦᠷᠢᠯᠡᠬᠦ ᠰᠦᠪᠡᠭᠴᠢᠯᠡᠯ ᠤᠨ ᠰᠢᠨᠵᠢᠳᠤ ᠠᠵᠢᠯᠯᠠᠭᠠᠨ ᠢᠶᠠᠷ ᠳᠠᠮᠵᠢᠨ ᠮᠡᠳᠡᠯᠭᠡ ᠴᠢᠳᠠᠪᠤᠷᠢ ᠡᠵᠡᠮᠰᠢᠬᠦ ᠰᠤᠷᠬᠤ | ᠬᠡᠯᠪᠡᠷᠢ ᠮᠦᠨ᠃ ᠨᠡᠩ ᠳᠦᠬᠦᠮ ᠢᠶᠠᠷ ᠦᠭᠦᠯᠡᠪᠡᠯ ᠨᠢᠭᠡᠨ ᠠᠰᠠᠭᠤᠳᠠᠯ ᠢ ᠭᠦᠨ ᠰᠡᠳᠬᠢᠵᠤ ᠳᠤᠳᠤᠷᠬᠠᠢ ᠢᠯᠡᠳᠭᠡᠵᠤ | ᠪᠠᠶᠢᠭᠠ ᠶᠢ ᠴᠦᠮ ᠰᠦᠪᠡᠭᠴᠢᠯᠡᠨ ᠰᠤᠷᠴᠤ ᠪᠠᠶᠢᠨᠠ ᠭᠡᠵᠤ ᠣᠶᠢᠯᠠᠭᠠᠵᠤ ᠪᠤᠯᠤᠨᠠ᠃ ᠢᠩᠬᠢᠵᠤ ᠣᠶᠢᠯᠠᠭᠠᠬᠤ ᠨᠢ | ᠰᠦᠪᠡᠭᠴᠢᠯᠡᠨ ᠰᠤᠷᠬᠤ ᠬᠡᠯᠪᠡᠷᠢ ᠶᠢ ᠬᠢᠴᠢᠶᠡᠯᠯᠡᠭᠡ ᠳᠤ ᠭᠡᠷᠡᠭᠯᠡᠬᠦ ᠳᠤ ᠠᠰᠢᠭᠲᠠᠢ ᠶᠤᠮ᠃ | ᠠᠰᠠᠭᠤᠳᠠᠯ ᠢ ᠳᠤᠷᠠᠳᠤᠨ ᠠᠰᠠᠭᠤᠳᠠᠯ ᠢ ᠰᠢᠨᠵᠢᠯᠡᠵᠤ ᠠᠰᠠᠭᠤᠳᠠᠯ ᠢ ᠰᠢᠢᠳᠪᠦᠷᠢᠯᠡᠬᠦ ᠪᠣᠯ ᠰᠦᠪᠡᠭᠴᠢᠯᠡᠨ | ᠰᠣᠷᠬᠤ ᠶᠢᠨ ᠭᠤᠣᠯ ᠶᠠᠪᠦᠴᠠ ᠪᠤᠯᠤᠨᠠ᠃ ᠡᠨᠡ ᠲᠠᠯᠠ ᠪᠠᠷ ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠤ ᠰᠤᠳᠤᠯᠭᠠᠨ ᠲᠠᠢ ᠨᠡᠯᠢᠶᠡᠳ | ᠠᠳᠠᠯᠢᠪᠳᠤᠷ ᠪᠠᠶᠢᠨᠠ᠃ ᠡᠨᠡᠬᠦ ᠠᠳᠠᠯᠢᠪᠳᠤᠷ ᠵᠤᠶᠢᠯ ᠨᠢ ᠰᠤᠷᠤᠭᠴᠢ ᠶᠢ ᠠᠰᠠᠭᠤᠳᠠᠯ ᠢ ᠳᠣᠷᠠᠳᠣᠨ ᠭᠠᠷᠭᠠᠵᠤ᠂ | ᠠᠰᠠᠭᠤᠳᠠᠯ ᠢ ᠰᠢᠨᠵᠢᠯᠡᠬᠦ ᠠᠷᠭᠠ ᠪᠠᠷᠢᠯ ᠢ ᠰᠦᠪᠡᠭᠴᠢᠯᠡᠨ᠂ ᠠᠰᠠᠭᠤᠳᠠᠯ ᠢ ᠰᠢᠢᠳᠪᠦᠷᠢᠯᠡᠭᠰᠡᠨ ᠦᠷᠡ ᠳ᠋ᠦᠩ ᠢ | ᠢᠯᠡᠳᠭᠡᠵᠤ ᠴᠢᠳᠠᠬᠤ ᠪᠤᠯᠭᠠᠨᠠ᠃ ᠬᠠᠷᠢᠨ ᠶᠠᠭᠤ ᠪᠦᠬᠦᠨ ᠢ ᠰᠤᠷᠤᠭᠴᠢ ᠪᠠᠷ ᠳᠠᠬᠢᠨ ᠨᠢᠭᠡ ᠤᠳᠠᠭᠠ ᠢᠯᠡᠷᠡᠬᠦᠯᠬᠦ | ᠭᠡᠰᠡᠨ ᠤᠴᠢᠷ ᠣᠭᠲᠣ ᠪᠢᠰᠢ᠂ ᠲᠡᠭᠡᠵᠤ ᠬᠢᠵᠤ ᠴᠤ ᠳᠡᠶᠢᠯᠬᠦ ᠦᠭᠡᠢ ᠶᠤᠮ᠃ ᠰᠦᠪᠡᠭᠴᠢᠯᠡᠨ ᠰᠤᠷᠬᠤ ᠨᠢ | ᠰᠣᠷᠣᠭᠴᠢ ᠶᠢᠨ ᠮᠡᠳᠡᠯᠭᠡ ᠴᠢᠳᠠᠪᠤᠷᠢ ᠶᠢ ᠬᠦᠨᠵᠡᠭᠡᠶᠢᠷᠡᠬᠦᠯᠵᠤ᠂ ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠤ ᠵᠤᠷᠢᠭ ᠰᠠᠨᠠᠭᠠ ᠪᠠ ᠬᠦᠮᠦᠨ | ᠰᠤᠶᠤᠯ ᠤᠨ ᠬᠡᠪ ᠪᠤᠯᠪᠠᠰᠤᠷᠠᠯ ᠢ ᠣᠯᠭᠤᠬᠤ ᠳᠤ ᠠᠰᠢᠭᠲᠠᠢ ᠪᠠᠶᠢᠳᠠᠭ᠃ | ᠰᠦᠪᠡᠭᠴᠢᠯᠡᠨ ᠰᠤᠷᠬᠤ ᠶᠢ ᠬᠢᠴᠢᠶᠡᠯᠯᠡᠭᠡ ᠳᠤ ᠭᠡᠷᠡᠭᠵᠢᠬᠦᠯᠬᠦ ᠠᠯᠬᠤᠮ ᠳᠠᠷᠠᠭᠠ᠄ | 1. ᠠᠰᠠᠭᠤᠳᠠᠯ ᠳᠤᠷᠠᠳᠬᠤ | ᠠᠰᠠᠭᠤᠳᠠᠯ ᠳᠤᠷᠠᠳᠬᠤ ᠪᠤᠯ ᠰᠦᠪᠡᠭᠴᠢᠯᠡᠨ ᠰᠤᠷᠬᠤ ᠶᠢᠨ ᠲᠡᠷᠢᠬᠦᠨ ᠴᠢᠬᠤᠯᠠ ᠶᠠᠪᠤᠳᠠᠯ ᠪᠤᠯᠤᠨᠠ᠃ | ᠠᠰᠠᠭᠤᠳᠠᠯ ᠦᠭᠡᠢ ᠪᠤᠯ ᠰᠦᠪᠡᠭᠴᠢᠯᠡᠯ ᠪᠠᠶᠢᠬᠤ ᠦᠭᠡᠢ᠃ ᠠᠰᠠᠭᠤᠳᠠᠯ ᠳᠤᠷᠠᠳᠬᠤ ᠭᠡᠵᠤ ᠲᠡᠶᠢᠮᠤ ᠬᠢᠯᠪᠠᠷ ᠪᠢᠰᠢ᠂ | ᠲᠡᠷᠡ ᠨᠢ ᠰᠤᠷᠤᠭᠰᠠᠨ ᠮᠡᠳᠡᠯᠭᠡ ᠪᠠᠨ ᠬᠦᠨ ᠤᠶᠢᠯᠠᠭᠠᠭᠰᠠᠨ ᠪᠦᠭᠡᠳ ᠨᠢᠭᠡ ᠬᠡᠮᠵᠢᠶᠡᠨ ᠤ ᠢᠯᠡᠷᠡᠬᠦᠯᠦᠯᠲᠡ ᠪᠠᠶᠢᠬᠤ | ᠶᠢ ᠱᠠᠭᠠᠷᠳᠠᠨᠠ᠃ ᠢᠯᠡᠷᠡᠬᠦᠯᠦᠯᠲᠡ ᠭᠡᠳᠡᠭ ᠨᠢ ᠵᠠᠪᠠᠯ ᠰᠢᠨᠡ ᠶᠢ ᠳᠣᠷᠠᠳᠬᠤ ᠭᠡᠰᠡᠨ ᠪᠢᠰᠢ᠂ ᠦᠪᠡᠷᠲᠡᠭᠡᠨ ᠬᠠᠷᠢᠭᠤ | ᠣᠯᠣᠭᠠᠳᠣᠢ ᠠᠰᠠᠭᠤᠳᠠᠯ ᠢ ᠳᠣᠷᠠᠳᠴᠣ ᠴᠢᠳᠠᠪᠠᠯ ᠴᠦᠮ ᠢᠯᠡᠷᠡᠬᠦᠯᠦᠯᠲᠡ ᠪᠠᠷ ᠦᠵᠡᠵᠣ ᠪᠣᠯᠣᠨᠠ᠃ ᠠᠰᠠᠭᠤᠳᠠᠯ ᠨᠢ | ᠬᠢᠴᠢᠶᠡᠯ ᠲᠦᠷᠦᠯ ᠠᠴᠠ ᠪᠤᠶᠤ ᠠᠮᠢᠳᠤᠷᠠᠯ ᠠᠬᠤᠢ ᠠᠴᠠ ᠢᠷᠡᠯᠲᠠᠢ ᠪᠠᠶᠢᠵᠤ ᠪᠤᠯᠤᠨᠠ᠃ ᠠᠰᠠᠭᠤᠳᠠᠯ ᠢ ᠪᠠᠭᠰᠢ | ᠳᠤᠷᠠᠳᠴᠤ ᠪᠤᠯᠤᠨᠠ᠂ ᠰᠤᠷᠤᠭᠴᠢ ᠳᠤᠷᠠᠳᠤᠭᠰᠠᠨ ᠴᠦ ᠪᠤᠯᠤᠨᠠ᠃ ᠠᠰᠠᠭᠤᠳᠠᠯ ᠵᠠᠪᠠᠯ ᠰᠣᠷᠣᠭᠴᠢ ᠶᠢᠨ ᠪᠣᠲᠠᠲᠠᠢ | ᠲᠠᠢ ᠨᠡᠶᠢᠴᠡᠬᠦ ᠭᠡᠷᠡᠭᠲᠡᠢ᠃ | ᠬᠢᠴᠢᠶᠡᠯᠯᠡᠭᠡ ᠳᠤ ᠶᠡᠷᠣ ᠳᠡᠭᠡᠨ ᠪᠠᠭᠰᠢ ᠠᠰᠠᠭᠤᠳᠠᠯ ᠢ ᠳᠣᠷᠠᠳᠣᠨ᠂ ᠰᠣᠷᠣᠭᠴᠢ ᠰᠢᠨᠵᠢᠯᠡᠨ ᠬᠠᠷᠢᠭᠤᠯᠬᠤ | ᠭᠡᠯᠪᠡᠷᠢ ᠶᠢ ᠢᠯᠡᠬᠦᠣ ᠭᠡᠷᠡᠭᠯᠡᠳᠡᠭ᠃ ᠡᠨᠡᠬᠦ ᠶᠠᠪᠤᠴᠠ ᠳᠤ ᠰᠣᠷᠣᠭᠴᠢ ᠶᠢᠨ ᠠᠰᠠᠭᠤᠳᠠᠯ ᠳᠣᠷᠠᠳᠬᠤ ᠶᠢ ᠱᠠᠭᠠᠷᠳᠠᠨ | ᠵᠤᠷᠢᠭᠵᠢᠭᠤᠯᠵᠤ᠂ ᠠᠰᠠᠭᠤᠳᠠᠯ ᠤᠨ ᠣᠬᠠᠮᠰᠠᠷ ᠪᠠ ᠠᠰᠠᠭᠤᠳᠠᠯ ᠳᠣᠷᠠᠳᠬᠤ ᠴᠢᠳᠠᠪᠣᠷᠢ ᠶᠢ ᠬᠦᠮᠦᠵᠢᠬᠦᠯᠵᠤ᠂ | ᠠᠰᠠᠭᠤᠳᠠᠯ ᠢ ᠳᠣᠷᠠᠳᠴᠣ ᠴᠢᠳᠠᠬᠤ ᠪᠣᠯᠭᠠᠨᠠ᠃ | 2. ᠠᠰᠠᠭᠤᠳᠠᠯ ᠢ ᠰᠢᠨᠵᠢᠯᠡᠬᠦ | ᠠᠰᠠᠭᠤᠳᠠᠯ ᠢ ᠰᠢᠨᠵᠢᠯᠡᠬᠦ ᠭᠡᠳᠡᠭ ᠨᠢ ᠠᠰᠠᠭᠤᠳᠠᠯ ᠢ ᠰᠢᠢᠳᠪᠦᠷᠢᠯᠡᠬᠦ ᠠᠷᠭᠠ ᠵᠠᠮ ᠢ ᠡᠷᠢᠯᠬᠢᠯᠡᠬᠦ ᠶᠢ ᠵᠢᠭᠠᠵᠤ | ᠪᠠᠶᠢᠨᠠ᠃ ᠬᠢᠴᠢᠶᠡᠯᠯᠡᠭᠡ ᠳᠤ ᠰᠤᠷᠤᠭᠴᠢ ᠶᠢ ᠵᠢᠯᠤᠭᠤᠳᠤᠨ ᠳᠤᠤᠷᠠᠬᠢ ᠬᠡᠳᠦᠨ ᠠᠯᠬᠤᠮ ᠢᠶᠠᠷ ᠠᠰᠠᠭᠤᠳᠠᠯ ᠢ | ᠰᠢᠨᠵᠢᠯᠡᠵᠤ ᠪᠤᠯᠤᠨᠠ᠄ | ︵1︶ ᠠᠰᠠᠭᠤᠳᠠᠯ ᠢ ᠬᠢᠨᠠᠬᠤ᠃ ᠲᠣᠰ ᠠᠰᠠᠭᠤᠳᠠᠯ ᠪᠠᠶᠢᠭᠤᠯᠤᠭᠳᠠᠬᠤ ᠤᠤ ᠦᠭᠡᠢ ᠤᠤ︖᠂ ᠪᠢᠳᠠ ᠲᠡᠭᠦᠨ ᠢ | ᠬᠦᠢᠴᠡᠳᠭᠡᠵᠤ ᠳᠡᠶᠢᠯᠬᠦ ᠤᠤ ᠦᠭᠡᠢ ᠤᠤ︖ | ︵2︶ ᠠᠰᠠᠭᠤᠳᠠᠯ ᠤᠨ ᠦᠷᠡ ᠳ᠋ᠦᠩ ᠢ ᠵᠢᠱᠢᠬᠦ᠃ ᠠᠰᠠᠭᠤᠳᠠᠯ ᠤᠨ ᠦᠷᠡ ᠳ᠋ᠦᠩ ᠨᠢ ᠶᠠᠮᠠᠷ ᠪᠤᠯᠤᠯᠴᠠᠭᠠ | ᠲᠠᠢ ᠪᠣᠯᠬᠤ ᠪᠤᠢ︖ | ︵3︶ ᠵᠢᠱᠢᠯᠲᠡ ᠪᠠᠨ ᠪᠠᠳᠣᠯᠠᠬᠤ᠃ ᠡᠨᠡᠬᠦ ᠵᠢᠱᠢᠯᠲᠡ ᠵᠦᠪ ᠡᠰᠡᠬᠦ ᠶᠢ ᠮᠦᠷᠳᠡᠨ ᠪᠠᠳᠤᠯᠠᠵᠤ ᠳᠡᠶᠢᠯᠨᠡᠤ ᠤᠤ | ᠦᠭᠡᠢ ᠤᠤ︖ | ︵4︶ ᠦᠷᠡ ᠳ᠋ᠦᠩ ᠢ ᠢᠯᠡᠷᠬᠡᠶᠢᠯᠡᠬᠦ᠃ ᠵᠢᠱᠢᠯᠲᠡ ᠶᠢ ᠪᠠᠲᠤᠯᠠᠭᠰᠠᠨ ᠶᠠᠪᠤᠴᠠ ᠶᠢ ᠬᠡᠷᠬᠢᠨ ᠢᠯᠡᠳᠭᠡᠨ ᠪᠢᠴᠢᠬᠦ | ᠪᠤᠢ︖ | ᠡᠶᠢᠮᠦᠷᠬᠦ ᠶᠠᠪᠤᠴᠠ ᠪᠠᠷ ᠰᠤᠷᠤᠭᠴᠢ ᠳᠤ ᠠᠰᠠᠭᠤᠳᠠᠯ ᠢ ᠰᠢᠨᠵᠢᠯᠡᠬᠦ ᠠᠯᠬᠤᠮ ᠳᠠᠷᠠᠭᠠ ᠶᠢ ᠮᠡᠳᠡᠬᠦᠯᠵᠤ᠂ | ᠠᠰᠠᠭᠤᠳᠠᠯ ᠢ ᠰᠢᠨᠵᠢᠯᠡᠬᠦ ᠰᠡᠳᠬᠢᠬᠦᠢ ᠶᠢ ᠬᠦᠮᠦᠵᠢᠭᠦᠯᠦᠨ᠂ ᠡᠬᠦᠨ ᠤ ᠣᠯᠠᠮ ᠠᠴᠠ ᠠᠰᠠᠭᠤᠳᠠᠯ ᠢ ᠰᠢᠨᠵᠢᠯᠡᠬᠦ ᠳᠤᠷᠠ | ᠪᠠᠭᠠ ᠲᠠᠢ ᠪᠣᠯᠭᠠᠨᠠ᠃ | 3. ᠠᠰᠠᠭᠤᠳᠠᠯ ᠢ ᠰᠢᠢᠳᠪᠦᠷᠢᠯᠡᠬᠦ | ᠠᠰᠠᠭᠤᠳᠠᠯ ᠢ ᠰᠢᠢᠳᠪᠦᠷᠢᠯᠡᠬᠦ ᠭᠡᠳᠡᠭ ᠨᠢ ᠠᠰᠠᠭᠤᠳᠠᠯ ᠤᠨ ᠦᠷᠡ ᠳ᠋ᠦᠩ ᠶᠢ ᠳᠣᠳᠣᠯᠠᠬᠤ ᠶᠢ ᠵᠢᠭᠠᠵᠤ | ᠪᠠᠶᠢᠨᠠ᠃ ᠠᠰᠠᠭᠤᠳᠠᠯ ᠢ ᠰᠢᠨᠵᠢᠯᠡᠭᠰᠡᠨ ᠢᠶᠠᠨ ᠦᠨᠳᠦᠰᠦᠯᠡᠨ ᠠᠰᠠᠭᠤᠳᠠᠯ ᠤᠨ ᠦᠷᠡ ᠳ᠋ᠦᠩ ᠪᠠ ᠦᠷᠡ ᠳ᠋ᠦᠩ ᠢ | ᠳᠣᠳᠣᠯᠣᠭᠰᠠᠨ ᠰᠢᠯᠲᠠᠭᠠᠨ ᠢ ᠳᠣᠳᠣᠷᠬᠠᠢ ᠳᠣᠰᠢᠶᠠᠨᠠ᠃ ᠡᠨᠡᠬᠦ ᠠᠯᠬᠤᠮ ᠨᠢ ᠦᠨᠡᠨ ᠳᠡᠭᠡᠨ ᠠᠰᠠᠭᠤᠳᠠᠯ ᠢ | ᠰᠢᠨᠵᠢᠯᠡᠭᠰᠡᠨ ᠶᠠᠪᠤᠴᠠ ᠪᠠᠨ ᠬᠤᠷᠢᠶᠠᠩᠭᠤᠶᠢᠯᠠᠨ ᠳ᠋ᠦᠩᠨᠡᠵᠣ᠂ ᠢᠯᠡᠳᠭᠡᠨ ᠭᠠᠷᠭᠠᠬᠤ ᠶᠠᠪᠣᠴᠠ ᠪᠤᠯᠤᠨᠠ᠃ ᠢᠩᠬᠢᠪᠡᠯ | ᠰᠠᠶ᠋ᠢ ᠠᠰᠠᠭᠤᠳᠠᠯ ᠪᠦᠷᠢᠨ ᠪᠦᠲᠦᠨ ᠰᠢᠢᠳᠪᠦᠷᠢᠯᠡᠭᠳᠡᠵᠤ᠂ ᠰᠦᠪᠡᠭᠴᠢᠯᠡᠨ ᠰᠣᠷᠬᠤ ᠵᠣᠷᠢᠯᠭᠠ ᠳᠤ ᠭᠦᠷᠴᠣᠭᠲᠤ | ᠴᠢᠳᠠᠨᠠ᠃ ᠡᠬᠦᠨ ᠠᠴᠠ ᠣᠯᠣᠭᠰᠠᠨ ᠰᠦᠪᠡᠭᠴᠢᠯᠡᠨ ᠰᠣᠷᠬᠤ ᠠᠷᠭᠠ ᠪᠠ ᠰᠦᠪᠡᠭᠴᠢᠯᠡᠨ ᠰᠤᠷᠬᠤ ᠳᠠᠳᠬᠠᠯ ᠨᠢ | ᠠᠯᠣᠰ ᠬᠤᠯᠠ ᠶᠢᠨ ᠠᠴᠢ ᠬᠤᠯᠪᠣᠭᠳᠠᠯ ᠲᠠᠢ ᠪᠠᠶᠢᠳᠠᠭ ᠶᠤᠮ᠃ | ᠬᠢᠴᠢᠶᠡᠯᠯᠡᠭᠡ ᠳᠤ ᠠᠰᠠᠭᠤᠳᠠᠯ ᠢ ᠰᠢᠢᠳᠪᠦᠷᠢᠯᠡᠬᠦ ᠠᠯᠬᠤᠮ ᠨᠢ ᠠᠮᠠᠨ ᠬᠠᠷᠢᠭᠤᠯᠲᠠ ᠪᠠ ᠪᠢᠷ ᠤᠨ | ᠬᠠᠷᠢᠭᠤᠯᠲᠠ ᠪᠠᠷ ᠪᠡᠶᠡᠯᠡᠬᠦᠯᠵᠤ ᠪᠤᠯᠤᠨᠠ᠃ ᠬᠠᠷᠢᠭᠤᠯᠲᠠ ᠨᠢ ᠵᠠᠪᠠᠯ ᠠᠰᠠᠭᠤᠳᠠᠯ ᠢ ᠰᠢᠨᠵᠢᠯᠡᠭᠰᠡᠨ ᠦᠷᠡ ᠳ᠋ᠦᠩ ᠪᠠ | ᠡᠨᠡᠬᠦ ᠦᠷᠡ ᠳ᠋ᠦᠩ ᠡᠬᠦᠰᠦᠭᠰᠡᠨ ᠰᠢᠯᠲᠠᠭᠠᠨ ᠢ ᠪᠦᠷᠢᠨ ᠭᠦᠢᠴᠡᠳ ᠦᠭᠦᠯᠡᠬᠦ ᠭᠡᠷᠡᠭᠲᠡᠢ᠃ | ᠰᠦᠪᠡᠭᠴᠢᠯᠡᠨ ᠰᠤᠷᠬᠤ ᠬᠡᠯᠪᠡᠷᠢ ᠶᠢ ᠠᠰᠠᠭᠤᠯᠲᠠ ᠬᠠᠷᠢᠭᠤᠯᠲᠠ ᠶᠢᠨ ᠠᠷᠭᠠ ᠲᠠᠢ ᠬᠠᠷᠢᠴᠠᠭᠤᠯᠪᠠᠯ | ᠠᠰᠠᠭᠤᠳᠠᠯ ᠨᠢ ᠨᠡᠩ ᠪᠣᠳᠣᠯᠢᠶᠠᠨᠲᠠᠢ᠂ ᠰᠢᠨᠵᠢᠯᠡᠯ ᠨᠢ ᠨᠡᠩ ᠬᠦᠨᠵᠡᠭᠡᠢ᠂ ᠦᠷᠡ ᠳ᠋ᠦᠩ ᠨᠢ ᠨᠡᠩ ᠨᠦᠯᠦᠭᠡ ᠲᠠᠢ᠂ | ᠶᠠᠪᠤᠴᠠ ᠨᠢ ᠨᠡᠩ ᠣᠷᠳᠣ᠂ ᠰᠣᠳᠣᠯᠭᠠᠨ ᠤ ᠴᠢᠨᠠᠷ ᠢᠶᠠᠷ ᠨᠡᠩ ᠴᠢᠩᠭᠠ ᠪᠠᠶᠢᠳᠠᠭ᠃ ᠡᠨᠡ ᠲᠠᠯᠠ ᠶᠢ ᠣᠨᠴᠠᠭᠠᠶᠢᠯᠠᠨ | ᠠᠩᠬᠠᠷᠴᠣ᠂ ᠬᠡᠯᠪᠡᠷᠢ ᠶᠢᠨ ᠳᠡᠳᠦᠢ ᠶᠠᠭᠤᠮᠠ ᠪᠣᠯᠬᠤ ᠡᠴᠠᠬᠢᠴᠢᠶᠡᠬᠦ ᠭᠡᠷᠡᠭᠲᠡᠢ᠃ ᠰᠦᠪᠡᠭᠴᠢᠯᠡᠨ ᠰᠤᠷᠬᠤ ᠬᠡᠯᠪᠡᠷᠢ ᠶᠢ | ᠪᠠᠰᠠ ᠬᠢᠴᠢᠶᠡᠯ ᠪᠠ ᠬᠢᠴᠢᠶᠡᠯ ᠤᠨ ᠭᠠᠳᠠᠨᠠᠬᠢ ᠲᠠᠢ ᠣᠶᠠᠯᠳᠣᠭᠤᠯᠣᠨ ᠬᠡᠷᠡᠭᠯᠡᠵᠦ ᠪᠣᠯᠣᠨᠠ᠃ ᠪᠠᠰᠠ ︽ᠰᠣᠳᠣᠯᠭᠠᠨ ᠤ | ᠴᠢᠨᠠᠷᠲᠠᠢ ᠰᠣᠷᠣᠯᠴᠠᠯᠭᠠ︾ ᠲᠠᠢ ᠣᠶᠠᠯᠳᠣᠭᠤᠯᠣᠨ᠂ ᠲᠣᠰᠬᠠᠢ ᠰᠡᠳᠦᠪ ᠤᠨ ᠰᠣᠳᠣᠯᠭᠠᠨ ᠬᠢᠵᠤ᠂ ᠰᠦᠪᠡᠭᠴᠢᠯᠡᠨ | ᠰᠣᠷᠬᠤ ᠬᠡᠯᠪᠡᠷᠢ ᠶᠢ ᠬᠦᠨᠵᠡᠭᠡᠶᠢᠷᠡᠬᠦᠯᠵᠤ ᠪᠤᠯᠤᠨᠠ᠃ | ᠡᠵᠡᠮᠳᠡᠨ ᠰᠤᠷᠬᠤ᠂ ᠬᠤᠷᠰᠢᠨ ᠰᠤᠷᠬᠤ ᠪᠠ ᠰᠦᠪᠡᠭᠴᠢᠯᠡᠨ ᠰᠤᠷᠬᠤ ᠪᠣᠯ ᠭᠤᠷᠪᠠᠨ ᠴᠢᠬᠤᠯᠠ ᠰᠣᠷᠬᠤ | ᠬᠡᠯᠪᠡᠷᠢ ᠪᠣᠯᠣᠨᠠ᠃ ᠡᠳᠡᠭᠡᠷ ᠨᠢ ᠬᠠᠷᠢᠯᠴᠠᠨ ᠨᠡᠪᠴᠢᠵᠤ ᠬᠠᠷᠢᠯᠴᠠᠨ ᠠᠬᠢᠭᠤᠯᠵᠤ ᠪᠠᠶᠢᠳᠠᠭ᠃ ᠲᠡᠳᠡᠭᠡᠷ ᠤᠨ ᠮᠦᠨ | ᠴᠢᠨᠠᠷ ᠢ ᠴᠢᠩᠭᠠ ᠠᠳᠬᠤᠨ᠂ ᠬᠢᠴᠢᠶᠡᠯᠯᠡᠭᠡ ᠶᠢᠨ ᠣᠨᠴᠠᠯᠢᠭ ᠲᠠᠢ ᠪᠠᠨ ᠣᠶᠠᠯᠳᠣᠭᠤᠯᠣᠨ ᠠᠮᠢᠳᠣᠯᠢᠭ ᠢᠶᠠᠷ ᠬᠡᠷᠡᠭᠯᠡᠬᠦ | ᠨᠢ ᠵᠠᠩᠬᠢᠯᠠᠭᠠ ᠪᠣᠯᠬᠤ ᠶᠤᠮ᠃ |