| ᠬᠤᠶᠠᠷ᠂ ᠡᠪᠡᠰᠤᠨ ᠡᠮ | 27.ᠮᠤᠩᠭᠤᠯ ᠬᠤᠨᠴᠢᠷ ︵蒙古黄芪︶ ᠪᠤᠯ ᠪᠤᠷᠴᠠᠭ ᠤᠨ ᠢᠵᠠᠭᠤᠷ᠂ ᠬᠤᠨᠴᠢᠷ ᠤᠨ ᠲᠦᠷᠦᠯ ᠤᠨ | ᠤᠯᠠᠨ ᠨᠠᠰᠤᠳᠤ ᠡᠪᠡᠰᠦᠯᠢᠭ ᠤᠷᠭᠤᠮᠠᠯ ᠪᠣᠯᠤᠨᠠ᠂ ᠦᠨᠳᠦᠰᠦ ᠨᠢ ᠡᠮ ᠳᠤ ᠤᠷᠤᠨᠠ᠃ ᠲᠠᠮᠢᠷ ᠲᠤᠷᠤᠢ ᠭᠦᠯᠦᠷᠡᠭᠦ᠂ | ᠬᠠᠭᠤᠴᠢᠷᠠᠭᠰᠠᠨ ᠰᠠᠭᠤᠯᠭᠠᠭᠠ᠂ ᠴᠠᠭᠠᠨ ᠮᠢᠬᠠ ᠤᠷᠪᠠᠭ᠋ᠤ᠂ ᠤᠰᠤᠨ ᠬᠠᠪᠤᠩ᠂ ᠰᠢᠭᠡᠰᠦ ᠠᠯᠳᠠᠬᠤ᠂ ᠬᠤᠷᠢᠶᠠᠨ | ᠡᠳᠡᠭᠡᠷᠡᠭᠦ ᠦᠭᠡᠢ ᠶᠠᠷᠠ ᠵᠡᠷᠭᠡ ᠶᠢ ᠵᠠᠰᠠᠨᠠ᠃ | 28.ᠴᠠᠨᠠ ᠴᠡᠴᠡᠭ ︵白芍︶ ᠶᠢ ᠪᠠᠰᠠ ᠤᠯᠠᠭᠠᠨ ᠴᠠᠨᠠ ᠭᠡᠳᠡᠭ ᠢᠶᠠᠷ ᠽᠤᠸᠠᠪᠠᠳᠮᠠᠷᠪᠤ ᠭᠡᠳᠡᠭ᠃ | ᠴᠠᠨᠠ ᠪᠤᠯ ᠬᠤᠯᠳᠤᠰᠤᠨ ᠴᠡᠴᠡᠭ ᠤᠨ ᠢᠵᠠᠭᠤᠷ᠂ ᠴᠠᠨᠠ ᠶᠢᠨ ᠲᠦᠷᠦᠯ ᠤᠨ ᠤᠯᠠᠨ ᠨᠠᠰᠤᠳᠤ ᠡᠪᠡᠰᠦᠯᠢᠭ | ᠤᠷᠭᠤᠮᠠᠯ ᠪᠤᠯᠤᠨᠠ᠃ ᠦᠨᠳᠦᠰᠦ ᠨᠢ ᠡᠮ ᠳᠤ ᠤᠷᠤᠨᠠ᠃ ᠴᠢᠰᠤᠨ ᠬᠠᠯᠠᠭᠤᠨ ᠢ ᠠᠷᠢᠯᠭᠠᠬᠤ᠂ ᠪᠦᠷᠢᠯᠳᠦᠭᠰᠡᠨ | ᠴᠢᠰᠤ ᠶᠢ ᠲᠠᠷᠬᠠᠭᠠᠬᠤ᠂ ᠡᠪᠡᠳᠬᠦ ᠶᠢ ᠵᠤᠭᠰᠤᠭᠠᠬᠤ ᠴᠢᠳᠠᠯ ᠲᠠᠢ᠃ | 29.ᠬᠠᠷᠠ ᠵᠢᠷᠦ᠋ᠭ ︵荆芥︶ ᠪᠤᠯ ᠤᠷᠤᠭᠤᠯ ᠭᠡᠯᠪᠡᠷᠢᠳᠤ ᠴᠡᠴᠡᠭ ᠤᠨ ᠢᠵᠠᠭᠤᠷ᠂ ᠬᠠᠷᠠ ᠵᠢᠷᠦ᠋ᠭ | ᠤᠨ ᠲᠦᠷᠦᠯ ᠤᠨ ᠨᠢᠭᠡ ᠨᠠᠰᠤᠳᠤ ᠡᠪᠡᠰᠦᠯᠢᠭ ᠤᠷᠭᠤᠮᠠᠯ ᠶᠤᠮ᠃ ᠭᠠᠵᠠᠷ ᠳᠡᠭᠡᠷᠡᠭᠢ ᠡᠪᠡᠰᠦ ᠪᠤᠯᠤᠨ ᠲᠦᠷᠦᠭᠦᠦ ᠨᠢ | ᠡᠮ ᠳᠤ ᠤᠷᠤᠨᠠ᠃ ᠪᠠᠳᠭᠠᠨ ᠭᠡᠢ ᠶᠢ ᠠᠷᠢᠯᠭᠠᠬᠤ᠂ ᠳᠠᠳᠠᠯᠳᠠᠬᠤ ᠶᠢ ᠲᠠᠶᠢᠯᠠᠬᠤ᠂ ᠬᠤᠷᠤᠬᠠᠢ ᠶᠢ ᠠᠯᠠᠬᠤ᠂ ᠴᠢᠰᠤ ᠶᠢ | ᠵᠤᠭᠰᠤᠭᠠᠬᠤ᠂ ᠡᠪᠡᠳᠭᠦ ᠶᠢ ᠵᠤᠭᠰᠤᠭᠠᠬᠤ ᠦᠢᠯᠡᠳᠦᠯ ᠲᠠᠢ᠃ | 30.ᠲᠠᠤᠯᠠᠢ ᠮᠠᠩᠭᠢᠷ ︵知母︶ ᠪᠤᠯ ᠰᠠᠷᠠᠯᠠᠩ ᠤᠨ ᠢᠵᠠᠭᠤᠷ᠂ ᠲᠠᠤᠯᠠᠢ ᠮᠠᠩᠭᠢᠷ ᠤᠨ ᠲᠦᠷᠦᠯ ᠤᠨ | ᠤᠯᠠᠨ ᠨᠠᠰᠤᠳᠤ ᠡᠪᠡᠰᠦᠯᠢᠭ ᠤᠷᠭᠤᠮᠠᠯ ᠶᠤᠮ᠃ ᠦᠨᠳᠦᠰᠦᠯᠢᠭ ᠡᠰᠢ ᠨᠢ ᠡᠮ ᠳᠤ ᠤᠷᠤᠨᠠ᠃ ᠬᠠᠯᠠᠭᠤᠨ | ᠡᠪᠡᠳᠴᠢᠨ᠂ ᠤᠮᠳᠠᠭᠠᠰᠬᠤ᠂ ᠠᠭᠤᠰᠭᠢ ᠶᠢᠨ ᠬᠠᠯᠠᠭᠤᠨ ᠢᠶᠠᠷ ᠬᠠᠨᠢᠶᠠᠬᠤ᠂ ᠬᠤᠭᠤᠴᠢᠷᠠᠭᠰᠠᠨ ᠪᠠ ᠨᠢᠭᠤᠴᠠ ᠬᠠᠯᠠᠭᠤᠨ᠂ | ᠭᠡᠪᠡᠯᠢ ᠶᠢᠨ ᠭᠡᠤᠭᠡᠳ ᠭᠦᠳᠡᠯᠭᠦ ᠶᠢ ᠵᠠᠰᠠᠨᠠ᠃ | 31 ᠰᠠᠷᠠᠯᠠᠩ ︵百合︶ ᠪᠤᠯ ᠰᠠᠷᠠᠯᠠᠩ ᠤᠨ ᠢᠵᠠᠭᠤᠷ᠂ ᠰᠠᠷᠠᠯᠠᠩ ᠤᠨ ᠲᠦᠷᠦᠯ ᠤᠨ ᠤᠯᠠᠨ | ᠨᠠᠰᠤᠳᠤ ᠡᠪᠡᠰᠦᠯᠢᠭ ᠤᠷᠭᠤᠮᠠᠯ ᠪᠤᠯᠤᠨᠠ᠂ ᠬᠠᠶᠢᠷᠰᠤᠯᠢᠭ ᠡᠰᠢ ᠨᠢ ᠡᠮ ᠳᠤ ᠤᠷᠤᠨᠠ᠃ ᠲᠠᠮᠢᠷ ᠢ ᠰᠠᠶᠢᠵᠢᠷᠠᠭᠤᠯᠬᠤ᠂ | ᠬᠤᠤᠷᠠ ᠶᠢ ᠲᠠᠶᠢᠯᠬᠤ᠂ ᠰᠢᠷᠬᠠ ᠶᠢ ᠵᠠᠰᠠᠬᠤ᠂ ᠬᠠᠨᠢᠶᠠᠬᠤ ᠶᠢ ᠵᠤᠭᠰᠤᠭᠠᠬᠤ᠂ ᠠᠭᠤᠰᠭᠢ ᠶᠢ ᠰᠢᠮᠡᠵᠢᠭᠦᠯᠭᠦ᠂ ᠰᠢᠭᠡᠯᠭᠡᠭᠦ | ᠵᠡᠷᠭᠡ ᠦᠢᠯᠡᠳᠦᠯ ᠲᠠᠢ᠃ | 32.ᠭᠤᠬᠠ ᠵᠢᠮᠢᠰ ︵牛蒡︶ ᠪᠤᠯ ᠤᠳᠠᠪᠠᠯᠠ ᠶᠢᠨ ᠢᠵᠠᠭᠤᠷ᠂ ᠭᠤᠬᠠ ᠵᠢᠮᠢᠰ ᠤᠨ ᠲᠦᠷᠦᠯ ᠤᠨ | ᠬᠤᠶᠠᠷ ᠨᠠᠰᠤᠳᠤ ᠡᠪᠡᠰᠦᠯᠢᠭ ᠤᠷᠭᠤᠮᠠᠯ ᠮᠥᠨ᠃ ᠲᠦᠪᠡᠳ ᠢᠶᠠᠷ ᠵᠢᠰᠤᠩ ᠭᠡᠳᠡᠭ᠃ ᠦᠨᠳᠦᠰᠦ ᠪᠠ ᠦᠷᠡ ᠨᠢ ᠡᠮ | ᠳᠤ ᠤᠷᠤᠨᠠ᠃ ᠭᠤᠤᠯᠳᠠᠭᠤ ᠴᠢᠯᠠᠭᠤᠰᠢᠭᠰᠠᠨ ᠪᠡᠳᠡᠭᠢ᠂ ᠰᠤᠳᠠᠯ ᠤᠨ ᠡᠪᠡᠳᠴᠢᠨ᠂ ᠴᠢᠯᠠᠭᠤᠰᠢᠷᠠᠵᠤ ᠰᠢᠭᠡᠰᠦ | ᠬᠠᠭᠠᠭᠳᠠᠭᠰᠠᠨ᠂ ᠲᠠᠭᠰᠢᠭᠤᠷ ᠬᠠᠨᠢᠶᠠᠳᠤ᠂ ᠬᠤᠭᠤᠯᠠᠢ ᠵᠠᠯᠭᠢᠭᠤᠷ ᠬᠠᠪᠤᠳᠴᠤ ᠡᠪᠡᠳᠭᠦ᠂ ᠤᠯᠠᠭᠠᠨ ᠨᠢᠳᠦ | ᠭᠠᠳᠠᠭᠰᠢᠯᠠᠬᠤ ᠦᠭᠡᠢ᠂ ᠰᠠᠯᠭᠢᠨ ᠭᠦᠷᠪᠡᠰᠢ ᠵᠡᠷᠭᠡ ᠶᠢ ᠵᠠᠰᠠᠨᠠ᠃ | 33.ᠲᠡᠨᠡᠭ ᠡᠪᠡᠰᠦ ︵天仙子︶ ᠶᠢ ᠪᠠᠰᠠ ᠯᠠᠩᠲ᠋ᠠᠩᠽᠢ ︵莨菪子︶ ᠭᠡᠳᠡᠭ᠃ ᠲᠦᠪᠡᠳ | ᠢᠶᠠᠷ ᠴᠦᠳᠤᠩᠪᠦ᠋ᠷᠦ ᠭᠡᠳᠡᠭ᠃ ᠬᠠᠰᠢ ᠶᠢᠨ ᠢᠵᠠᠭᠤᠷ᠂ ᠲᠡᠨᠡᠭ ᠡᠪᠡᠰᠦᠨ ᠤ ᠲᠦᠷᠦᠯ ᠤᠨ ᠬᠤᠶᠠᠷ ᠨᠠᠰᠤᠳᠤ | ᠡᠪᠡᠰᠦᠯᠢᠭ ᠤᠷᠭᠤᠮᠠᠯ ᠪᠤᠯᠤᠨᠠ᠃ ᠦᠷᠡ ᠪᠠ ᠪᠦᠭᠦᠯᠢ ᠡᠪᠡᠰᠦ ᠨᠢ ᠡᠮ ᠳᠤ ᠤᠷᠤᠨᠠ᠃ ᠶᠠᠮᠠ᠂ ᠨᠢᠶᠠᠨ ᠬᠤᠷᠤᠬᠠᠢ᠂ | ᠬᠤᠷᠤᠬᠠᠢ ᠪᠠᠷ ᠰᠢᠳᠦ ᠡᠪᠡᠳᠭᠦ᠂ ᠮᠡᠳᠡᠷᠡᠯ ᠡᠪᠡᠳᠭᠦ᠂ ᠠᠮᠢᠰᠬᠤᠯ ᠳᠠᠪᠬᠤᠴᠠᠬᠤ᠂ ᠰᠡᠳᠭᠢᠯ ᠤᠨ ᠡᠪᠡᠳᠴᠢᠨ᠂ ᠰᠤᠯᠢᠶᠠ | ᠡᠪᠡᠳᠴᠢᠨ᠂ ᠨᠤᠶᠢᠷ ᠰᠡᠭᠡᠭᠰᠢᠭᠦ᠂ ᠳᠤᠳᠤᠷ ᠪᠠᠯᠠᠷᠠᠬᠤ᠂ ᠶᠤᠯᠬᠤᠳᠠᠰᠤ᠂ ᠭᠡᠪᠡᠯᠢ ᠡᠪᠡᠳᠴᠦ ᠰᠠᠭᠤᠯᠭᠠᠬᠤ᠂ ᠴᠠᠭᠠᠨ ᠮᠢᠬᠠ | ᠤᠷᠪᠠᠭ᠋ᠤ᠂ ᠬᠤᠳᠤᠭᠤᠳᠤ ᠳᠠᠳᠠᠯᠳᠠᠬᠤ᠂ ᠬᠤᠳᠤᠭᠤᠳᠤᠨ ᠤ ᠤᠳᠠᠭᠠᠨ ᠴᠢᠨᠠᠷᠳᠠᠢ ᠦᠷᠪᠢᠰᠦᠯ᠂ ᠰᠢᠷᠬᠠᠯᠠᠭᠠ ᠡᠪᠡᠳᠴᠢᠨ᠂ | ᠰᠢᠷᠠ ᠤᠰᠤᠨ ᠡᠪᠡᠳᠴᠢᠨ ᠵᠡᠷᠭᠡ ᠶᠢ ᠵᠠᠰᠠᠨᠠ᠃ |