| 34.ᠰᠢᠷᠭᠡᠭᠳᠦ ᠳᠡᠭᠡᠳᠦ ︵秦艽︶ ᠶᠢ ᠪᠠᠰᠠ ᠵᠢᠯᠵᠧ ᠭᠡᠳᠡᠭ᠃ ᠳᠡᠭᠡᠳᠦ ᠶᠢᠨ ᠢᠵᠠᠭᠤᠷ᠂ ᠳᠡᠭᠡᠳᠦ | ᠶᠢᠨ ᠲᠦᠷᠦᠯ ᠤᠨ ᠤᠯᠠᠨ ᠨᠠᠰᠤᠳᠤ ᠡᠪᠡᠰᠦᠯᠢᠭ ᠤᠷᠭᠤᠮᠠᠯ ᠪᠤᠯᠤᠨᠠ᠂ ᠴᠡᠴᠡᠭ ᠪᠠ ᠦᠨᠳᠦᠰᠦ ᠨᠢ ᠡᠮ ᠳᠤ | ᠤᠷᠤᠨᠠ᠃ ᠴᠡᠴᠡᠭ ᠨᠢ ᠰᠢᠷᠠ ᠶᠢᠨ ᠬᠠᠯᠠᠭᠤᠨ᠂ ᠨᠢᠶᠠᠨ ᠬᠠᠪᠤᠳᠠᠷ᠂ ᠰᠠᠬᠤᠤ ᠬᠤᠭᠤᠯᠠᠢ ᠬᠠᠪᠤᠳᠬᠤ᠂ ᠰᠢᠷᠠ ᠶᠢᠨ | ᠡᠪᠡᠳᠴᠢᠨ᠂ ᠦᠶᠡ ᠭᠡᠰᠢᠭᠦᠦ ᠬᠠᠪᠤᠳᠬᠤ ᠡᠪᠡᠳᠴᠢᠨ ᠢ ᠵᠠᠰᠠᠨᠠ᠃ ᠦᠨᠳᠦᠰᠦ ᠨᠢ ᠪᠠᠳᠭᠠᠨ ᠬᠠᠯᠠᠭᠤᠨ ᠢᠶᠠᠷ ᠪᠡᠶᠡ | ᠰᠢᠷᠠᠯᠠᠬᠤ᠂ ᠦᠶᠡ ᠭᠡᠰᠢᠭᠦᠦ ᠶᠢᠨ ᠰᠢᠷᠠ ᠤᠰᠤᠨ ᠡᠪᠡᠳᠴᠢᠨ᠂ ᠭᠦᠭᠡᠭᠡᠪᠦᠷ ᠬᠠᠪᠤᠩ᠂ ᠴᠢᠰᠤ ᠲᠠᠢ ᠪᠠᠭᠠᠬᠤ᠂ ᠰᠤᠳᠠᠯ | ᠰᠢᠷᠪᠦᠰᠦ ᠳᠠᠳᠠᠬᠤ ᠶᠢ ᠵᠠᠰᠠᠨᠠ᠃ | 35.ᠫᠤᠤᠵᠢᠩ ᠡᠪᠡᠰᠦ ︵紫花地丁︶ ᠶᠢ ᠪᠠᠰᠠ ᠳ᠋ᠠᠭᠱᠠ ︵小米口袋︶ ᠭᠡᠳᠡᠭ᠃ | ᠪᠤᠷᠴᠠᠭ ᠤᠨ ᠢᠵᠠᠭᠤᠷ᠂ ᠫᠤᠤᠵᠢᠩ ᠡᠪᠡᠰᠦᠨ ᠤ ᠲᠦᠷᠦᠯ ᠤᠨ ᠤᠯᠠᠨ ᠨᠠᠰᠤᠳᠤ ᠡᠪᠡᠰᠦᠯᠢᠭ ᠤᠷᠭᠤᠮᠠᠯ ᠪᠤᠯᠤᠨᠠ᠂ | ᠪᠦᠭᠦᠯᠢ ᠡᠪᠡᠰᠦ ᠨᠢ ᠡᠮ ᠳᠤ ᠤᠷᠤᠨᠠ᠃ ᠰᠢᠷᠠ ᠶᠢᠨ ᠭᠢᠵᠢᠭ᠂ ᠰᠢᠷᠠ ᠶᠢᠨ ᠬᠠᠯᠠᠭᠤᠨ᠂ ᠴᠢᠰᠤᠨ ᠬᠠᠯᠠᠭᠤᠨ᠂ ᠡᠯᠢᠭᠡ | ᠰᠦᠰᠦᠨ ᠤ ᠰᠢᠷᠠ ᠶᠢᠨ ᠬᠠᠯᠠᠭᠤᠨ᠂ ᠰᠢᠷᠬᠠ ᠶᠢᠨ ᠬᠠᠯᠠᠭᠤᠨ᠂ ᠪᠠᠳᠭᠠᠨ ᠰᠢᠷᠠ ᠶᠢ ᠵᠠᠰᠠᠨᠠ᠃ | 36.ᠠᠵᠠᠭᠰᠧᠷᠵᠤᠮ ︵ᠲᠦᠪᠡᠳ ᠨᠡᠷᠡ︶ ︵旋复花︶ ᠪᠤᠯ ᠤᠳᠠᠪᠠᠯᠠ ᠶᠢᠨ ᠢᠵᠠᠭᠤᠷ ᠤᠨ ᠤᠯᠠᠨ | ᠨᠠᠰᠤᠳᠤ ᠡᠪᠡᠰᠦᠯᠢᠭ ᠤᠷᠭᠤᠮᠠᠯ ᠪᠤᠯᠤᠨᠠ᠂ ᠴᠡᠴᠡᠭ ᠨᠢ ᠡᠮ ᠳᠤ ᠤᠷᠤᠨᠠ᠃ ᠬᠠᠨᠢᠶᠠᠳᠤ ᠶᠢ ᠵᠠᠰᠠᠵᠤ᠂ ᠭᠡᠢ ᠶᠢ | ᠲᠠᠷᠤᠵᠤ᠂ ᠪᠦᠭᠡᠯᠵᠢᠭᠦ ᠶᠢ ᠵᠤᠭᠰᠤᠭᠠᠨᠠ᠃ ᠭᠢᠳᠠᠳ ᠡᠮ ᠳᠤ ᠠᠷᠪᠢᠨ ᠭᠡᠷᠡᠭᠯᠡᠨᠡ᠃ ᠮᠤᠩᠭᠤᠯ ᠢᠶᠠᠷ ᠡᠯᠡᠰᠦᠨ ᠠᠯᠳᠠᠨ | ᠳᠤᠰᠤᠯ ᠴᠡᠴᠡᠭ ᠭᠡᠵᠤ ᠭᠡᠯᠡᠳᠡᠭ᠃ ᠮᠤᠩᠭᠤᠯ ᠡᠮᠨᠡᠯᠭᠡ ᠳᠡᠭᠡᠷᠡ ᠭᠠᠳᠠᠷ ᠶᠠᠷᠠ ᠶᠢ ᠵᠠᠰᠠᠬᠤ ᠳᠤ ᠵᠠᠷᠤᠵᠤ ᠪᠠᠶᠢᠨᠠ᠃ | 37.ᠶᠡᠭᠡ ᠰᠢᠷᠠ ᠴᠡᠴᠡᠭ ︵黄花萱草︶ ᠪᠤᠯ ᠰᠠᠷᠠᠯᠠᠩ ᠤᠨ ᠢᠵᠠᠭᠤᠷ᠂ ᠰᠢᠷᠠ ᠬᠤᠸᠠᠷ ᠤᠨ | ᠲᠦᠷᠦᠯ ᠤᠨ ᠤᠯᠠᠨ ᠨᠠᠰᠤᠳᠤ ᠡᠪᠡᠰᠦᠯᠢᠭ ᠤᠷᠭᠤᠮᠠᠯ ᠶᠤᠮ᠂ ᠦᠨᠳᠦᠰᠦ ᠨᠢ ᠡᠮ ᠳᠤ ᠤᠷᠤᠨᠠ᠃ ᠡᠮ ᠤᠨ | ᠦᠢᠯᠡᠳᠦᠯ ᠨᠢ ᠭᠦᠮᠦᠨ ᠢᠳᠡᠳᠡᠭ ᠰᠢᠷᠠ ᠬᠤᠸᠠᠷ ᠲᠠᠢ ᠠᠳᠠᠯᠢ᠃ | 38.ᠰᠠᠬᠠᠯᠳᠤ ᠴᠡᠴᠡᠭ ︵远志︶ ᠢ ᠲᠦᠪᠡᠳ ᠢᠶᠠᠷ ᠪᠠᠶᠠᠭᠽᠠᠸᠠ ᠭᠡᠳᠡᠭ᠃ ᠰᠠᠬᠠᠯᠳᠤ ᠴᠡᠴᠡᠭ ᠪᠤᠯ | ᠰᠠᠬᠠᠯᠳᠤ ᠴᠡᠴᠡᠭ ᠤᠨ ᠢᠵᠠᠭᠤᠷ᠂ ᠰᠠᠬᠠᠯᠳᠤ ᠴᠡᠴᠡᠭ ᠤᠨ ᠲᠦᠷᠦᠯ ᠤᠨ ᠤᠯᠠᠨ ᠨᠠᠰᠤᠳᠤ ᠡᠪᠡᠰᠦᠯᠢᠭ ᠤᠷᠭᠤᠮᠠᠯ | ᠮᠥᠨ᠂ ᠦᠨᠳᠦᠰᠦ ᠨᠢ ᠡᠮ ᠳᠤ ᠤᠷᠤᠨᠠ᠃ ᠠᠮᠢᠰᠬᠤᠯ ᠳᠠᠪᠬᠤᠴᠠᠬᠤ᠂ ᠴᠠᠷ ᠲᠠᠢ ᠬᠠᠨᠢᠶᠠᠬᠤ᠂ ᠠᠭᠤᠰᠭᠢᠨ ᠤ ᠦᠭᠡᠷᠢ᠂ | ᠰᠠᠯᠪᠤᠷᠢ ᠮᠥᠭᠡᠷᠰᠦᠨ ᠬᠤᠭᠤᠯᠠᠢ ᠶᠢᠨ ᠥᠷᠪᠢᠰᠦᠯ᠂ ᠮᠡᠳᠡᠷᠡᠯ ᠮᠠᠭᠤᠳᠠᠬᠤ᠂ ᠮᠠᠷᠳᠠᠬᠤ᠂ ᠵᠢᠷᠤᠭᠡ ᠲᠦᠭᠰᠢᠭᠦ᠂ ᠨᠤᠶᠢᠷ | ᠬᠤᠯᠵᠢᠬᠤ ᠶᠢ ᠵᠠᠰᠠᠨᠠ᠃ ᠰᠠᠬᠠᠯᠳᠤ ᠴᠡᠴᠡᠭ ᠢ ᠮᠤᠩᠭᠤᠯ ᠡᠮᠴᠢ ᠨᠠᠷ ᠪᠠᠰᠠ ᠵᠢᠷᠤᠭᠡᠨ ᠴᠡᠴᠡᠭ ᠭᠡᠳᠡᠭ᠃ | 39.ᠬᠠᠮᠪᠢᠯ ︵葶苈︶ ᠪᠤᠯ ᠲᠤᠨᠤᠯᠵᠢᠨ ᠴᠡᠴᠡᠭ ᠤᠨ ᠢᠵᠠᠭᠤᠷ ᠤᠨ ᠨᠢᠭᠡ ᠪᠤᠶᠤ ᠬᠤᠶᠠᠷ ᠨᠠᠰᠤᠳᠤ | ᠡᠪᠡᠰᠦᠯᠢᠭ ᠤᠷᠭᠤᠮᠠᠯ ᠪᠤᠯᠤᠨᠠ᠃ ᠦᠷᠡ ᠨᠢ ᠡᠮ ᠳᠤ ᠤᠷᠤᠨᠠ᠃ ᠭᠢᠮᠤᠷᠠᠭᠰᠠᠨ ᠬᠠᠯᠠᠭᠤᠨ᠂ ᠠᠭᠤᠰᠭᠢᠨ ᠰᠦᠷᠢᠶᠡ᠂ | ᠠᠭᠤᠰᠭᠢ ᠶᠢᠨ ᠬᠠᠯᠠᠭᠤᠨ᠂ ᠪᠦᠭᠡᠷᠡᠨ ᠤ ᠥᠷᠪᠢᠰᠦᠯ ᠠᠴᠠ ᠪᠤᠯᠤᠭᠰᠠᠨ ᠤᠰᠤᠨ ᠬᠠᠪᠤᠩ᠂ ᠴᠢᠰᠤᠨ ᠡᠪᠡᠳᠴᠢᠨ ᠢ | ᠵᠠᠰᠠᠨᠠ᠃ ᠲᠦᠪᠡᠳ ᠢᠶᠠᠷ ᠭᠤᠩᠲ᠋ᠤᠭ ᠭᠡᠳᠡᠭ᠂ ᠯᠤᠤ ᠶᠢᠨ ᠰᠤᠶᠤᠭᠠ ᠡᠪᠡᠰᠦ ︵甜葶苈︶ ᠤᠨ ᠦᠢᠯᠡᠳᠦᠯ | ᠨᠢ ᠡᠭᠦᠨ ᠲᠠᠢ ᠠᠳᠠᠯᠢ᠃ | 40.ᠰᠢᠭᠢᠷ ᠡᠪᠡᠰᠦ ︵甘草︶ ᠪᠤᠯ ᠪᠤᠷᠴᠠᠭ ᠤᠨ ᠢᠵᠠᠭᠤᠷ᠂ ᠰᠢᠭᠢᠷ ᠡᠪᠡᠰᠦᠨ ᠤ ᠲᠦᠷᠦᠯ ᠤᠨ | ᠤᠯᠠᠨ ᠨᠠᠰᠤᠳᠤ ᠡᠪᠡᠰᠦᠯᠢᠭ ᠤᠷᠭᠤᠮᠠᠯ ᠮᠥᠨ᠂ ᠦᠨᠳᠦᠰᠦᠯᠢᠭ ᠡᠰᠢ ᠨᠢ ᠡᠮ ᠳᠤ ᠤᠷᠤᠨᠠ᠃ ᠠᠭᠤᠰᠭᠢᠨ ᠬᠠᠯᠠᠭᠤᠨ᠂ | ᠬᠠᠨᠢᠶᠠᠳᠤ᠂ ᠬᠤᠳᠤᠭᠤᠳᠤ ᠭᠡᠳᠡᠰᠦᠨ ᠤ ᠪᠤᠷᠤ᠂ ᠰᠤᠳᠠᠯ ᠤᠨ ᠡᠪᠡᠳᠴᠢᠨ᠂ ᠬᠤᠭᠤᠯᠠᠢ ᠶᠢᠨ ᠡᠪᠡᠳᠴᠢᠨ ᠵᠡᠷᠭᠡ ᠶᠢ | ᠵᠠᠰᠠᠨᠠ᠃ | 41.ᠴᠠᠭᠠᠨ ᠦᠨᠳᠦᠰᠦ ︵玉竹︶ ᠶᠢ ᠲᠦᠪᠡᠳ ᠢᠶᠠᠷ ᠵᠠᠪᠠ ᠳᠡᠭ᠃ ᠴᠠᠭᠠᠨ ᠦᠨᠳᠦᠰᠦ ᠪᠤᠯ | ᠰᠠᠷᠠᠯᠠᠩ ᠤᠨ ᠢᠵᠠᠭᠤᠷ᠂ ᠴᠠᠭᠠᠨ ᠬᠤᠷᠠ ᠶᠢᠨ ᠲᠦᠷᠦᠯ ᠤᠨ ᠤᠯᠠᠨ ᠨᠠᠰᠤᠳᠤ ᠡᠪᠡᠰᠦᠯᠢᠭ ᠤᠷᠭᠤᠮᠠᠯ ᠪᠤᠯᠤᠨᠠ᠂ | ᠪᠠᠰᠠ ᠮᠤᠬᠤᠷ ᠴᠠᠭᠠᠨ ᠭᠡᠵᠤ ᠭᠡᠯᠡᠳᠡᠭ᠃ ᠦᠨᠳᠦᠰᠦᠯᠢᠭ ᠡᠰᠢ ᠨᠢ ᠡᠮ ᠳᠤ ᠤᠷᠤᠨᠠ᠃ ᠲᠠᠮᠢᠷ ᠲᠤᠷᠤᠢ᠂ ᠲᠤᠰᠤᠯ | ᠴᠤᠪᠤᠷᠢᠬᠤ᠂ ᠪᠡᠯᠭᠡᠰ ᠰᠤᠯᠠᠷᠠᠬᠤ᠂ ᠪᠦᠭᠡᠷᠡ ᠪᠡᠯᠭᠡᠰ ᠤᠨ ᠭᠦᠢᠳᠡᠨ᠂ ᠭᠦᠯ ᠨᠢᠷᠤᠭᠤ ᠡᠪᠡᠳᠭᠦ᠂ ᠠᠭᠤᠰᠭᠢ ᠶᠢᠨ | ᠰᠦᠷᠢᠶᠡ ᠪᠠᠷ ᠬᠠᠨᠢᠶᠠᠬᠤ᠂ ᠰᠢᠷᠠ ᠤᠰᠤᠨ ᠡᠪᠡᠳᠴᠢᠨ ᠵᠡᠷᠭᠡ ᠶᠢ ᠵᠠᠰᠠᠨᠠ᠃ | 42.ᠬᠤᠨᠢᠨ ᠱᠦᠭᠦᠷ ︵防风︶ ᠢ ᠲᠦᠪᠡᠳ ᠢᠶᠠᠷ ᠰᠤᠷᠤᠯᠤᠰᠧᠷᠪᠤ ᠭᠡᠳᠡᠭ᠃ ᠰᠢᠭᠦᠷ ᠭᠡᠯᠪᠡᠷᠢᠳᠦ | ᠴᠡᠴᠡᠭ ᠤᠨ ᠢᠵᠠᠭᠤᠷ᠂ ᠬᠤᠨᠢᠨ ᠱᠦᠭᠦᠷ ᠤᠨ ᠲᠦᠷᠦᠯ ᠤᠨ ᠤᠯᠠᠨ ᠨᠠᠰᠤᠳᠤ ᠡᠪᠡᠰᠦᠯᠢᠭ ᠤᠷᠭᠤᠮᠠᠯ ᠶᠤᠮ᠂ | ᠦᠨᠳᠦᠰᠦ ᠨᠢ ᠡᠮ ᠳᠤ ᠤᠷᠤᠨᠠ᠃ ᠬᠠᠯᠠᠭᠤᠨ ᠭᠦᠢᠳᠡᠨ ᠭᠢᠮᠤᠷᠠᠭᠰᠠᠨ᠂ ᠭᠦᠯᠦᠰᠦ ᠭᠠᠷᠬᠤ ᠦᠭᠡᠢ ᠪᠠᠷ ᠲᠤᠯᠤᠭᠠᠢ | ᠡᠪᠡᠳᠭᠦ᠂ ᠬᠤᠶᠠᠩ ᠰᠢᠷᠠ ᠤᠰᠤᠨ ᠤ ᠡᠪᠡᠳᠴᠢᠨ᠂ ᠰᠠ ᠡᠪᠡᠳᠴᠢᠨ᠂ ᠮᠡᠳᠡᠷᠡᠯ ᠢᠶᠠᠷ ᠡᠪᠡᠳᠭᠦ᠂ ᠭᠠᠳᠠᠷ ᠰᠢᠷᠬᠠ ᠶᠢᠨ | ᠬᠠᠯᠠᠭᠤᠨ ᠢᠶᠠᠷ ᠳᠠᠳᠠᠯᠳᠠᠬᠤ ᠵᠡᠷᠭᠡ ᠡᠪᠡᠳᠴᠢᠨ ᠢ ᠵᠠᠰᠠᠨᠠ᠃ | 43.ᠪᠤᠷᠨᠠᠭᠠ ᠭᠦᠵᠢ ︵苍术︶ ᠪᠤᠯ ᠤᠳᠠᠪᠠᠯᠠ ᠶᠢᠨ ᠢᠵᠠᠭᠤᠷ᠂ ᠭᠦᠭᠡ ᠭᠦᠵᠢ ᠶᠢᠨ ᠲᠦᠷᠦᠯ ᠤᠨ | ᠤᠯᠠᠨ ᠨᠠᠰᠤᠳᠤ ᠡᠪᠡᠰᠦᠯᠢᠭ ᠤᠷᠭᠤᠮᠠᠯ ᠮᠥᠨ᠂ ᠦᠨᠳᠦᠰᠦᠯᠢᠭ ᠡᠰᠢ ᠨᠢ ᠡᠮ ᠳᠤ ᠤᠷᠤᠨᠠ᠃ ᠴᠡᠭᠡᠵᠢ ᠲᠦᠭᠦᠷᠡᠭᠦ᠂ | ᠭᠡᠪᠡᠯᠢ ᠭᠦᠭᠡᠭᠡᠭᠦ᠂ ᠡᠰᠡ ᠰᠢᠩᠭᠡᠭᠰᠡᠨ᠂ ᠬᠤᠳᠤᠭᠤᠳᠤᠨ ᠡᠪᠡᠳᠴᠢᠨ᠂ ᠦᠶᠡ ᠭᠡᠰᠢᠭᠦᠦ ᠡᠪᠡᠳᠭᠦ᠂ ᠲᠠᠭᠢᠶᠠᠨ ᠬᠠᠷᠠᠩ | ᠡᠪᠡᠳᠴᠢᠨ ᠵᠡᠷᠭᠡ ᠶᠢ ᠵᠠᠰᠠᠨᠠ᠃ | 44.ᠮᠠᠳᠠᠷ ᠤᠨ ᠭᠢᠮᠤᠰᠤ ︵卷柏︶ ᠶᠢ ᠲᠦᠪᠡᠳ ᠢᠶᠠᠷ ᠦᠴᠦ᠋ᠰᠧᠷᠢᠨᠳᠧᠷᠮᠦ ᠭᠡᠳᠡᠭ᠃ ᠬᠠᠳᠠᠨ | ᠵᠠᠪᠰᠠᠷ ᠤᠷᠭᠤᠳᠠᠭ᠃ ᠮᠠᠳᠠᠷ ᠤᠨ ᠭᠢᠮᠤᠰᠤ ᠡᠪᠡᠰᠦᠨ ᠤ ᠢᠵᠠᠭᠤᠷ᠂ ᠮᠠᠳᠠᠷ ᠤᠨ ᠭᠢᠮᠤᠰᠤ ᠡᠪᠡᠰᠦᠨ ᠤ ᠲᠦᠷᠦᠯ ᠤᠨ | ᠤᠯᠠᠨ ᠨᠠᠰᠤᠳᠤ ᠮᠦᠩᠭᠡ ᠨᠤᠭᠤᠭᠠᠨ ᠡᠪᠡᠰᠦᠯᠢᠭ ᠤᠷᠭᠤᠮᠠᠯ ᠶᠤᠮ᠃ ᠪᠦᠭᠦᠯᠢ ᠡᠪᠡᠰᠦ ᠨᠢ ᠡᠮ ᠳᠤ ᠤᠷᠤᠨᠠ᠃ | ᠡᠮᠡᠭᠳᠠᠶᠢᠴᠤᠳ ᠤᠨ ᠨᠠᠷᠠᠢ ᠬᠠᠯᠠᠭᠤᠨ᠂ ᠰᠠᠷᠠ ᠶᠢᠨ ᠭᠬᠢᠷ ᠬᠤᠷᠢᠭᠳᠠᠬᠤ᠂ ᠰᠠᠷᠠ ᠶᠢᠨ ᠭᠬᠢᠷ ᠢᠷᠡᠭᠦ ᠳᠤ ᠡᠪᠡᠳᠭᠦ᠂ | ᠭᠡᠳᠡᠰᠦᠨ ᠠᠴᠠ ᠴᠢᠰᠤ ᠭᠠᠷᠬᠤ᠂ ᠴᠠᠭᠠᠨ ᠮᠢᠬᠠ ᠤᠷᠪᠠᠭ᠋ᠤ᠂ ᠤᠭᠰᠢᠨ ᠬᠠᠨᠢᠶᠠᠬᠤ᠂ ᠤᠶᠢᠴᠠᠭᠰᠠᠨ ᠰᠢᠷᠬᠠ᠂ ᠰᠢᠵᠢᠩ | ᠡᠪᠡᠳᠴᠢᠨ ᠵᠡᠷᠭᠡ ᠶᠢ ᠵᠠᠰᠠᠨᠠ᠃ | 45.ᠤᠳᠤᠯ ︵香蒲︶ ᠪᠤᠯ ᠵᠡᠭᠡᠰᠦ ᠶᠢᠨ ᠢᠵᠠᠭᠤᠷ᠂ ᠵᠡᠭᠡᠰᠦ ᠶᠢᠨ ᠲᠦᠷᠦᠯ ᠤᠨ ᠤᠯᠠᠨ ᠨᠠᠰᠤᠳᠤ | ᠡᠪᠡᠰᠦᠯᠢᠭ ᠤᠷᠭᠤᠮᠠᠯ ᠪᠤᠯᠤᠨᠠ᠂ ᠤᠳᠤᠯ ᠤᠨ ᠡᠷᠡ ᠪᠡᠯᠭᠡᠳᠦ ᠪᠠᠭ ᠴᠡᠴᠡᠭ ᠨᠢ ᠡᠮ ᠳᠤ ᠤᠷᠤᠳᠠᠭ᠃ ᠰᠠᠷᠠ ᠶᠢᠨ | ᠭᠬᠢᠷ ᠬᠤᠷᠢᠭᠳᠠᠬᠤ᠂ ᠭᠦᠩᠭᠡᠵᠢᠭᠰᠡᠨ ᠤ ᠲᠠᠷᠠᠭᠠ ᠭᠡᠪᠡᠯᠢ ᠡᠪᠡᠳᠭᠦ᠂ ᠠᠶᠤᠤᠯᠢᠬᠠᠢ ᠳᠡᠭᠡᠷᠡ ᠡᠪᠡᠳᠭᠦ᠂ ᠬᠠᠮᠠᠷ ᠠᠴᠠ | ᠴᠢᠰᠤ ᠭᠠᠷᠬᠤ᠂ ᠴᠢᠰᠤ ᠪᠠᠷ ᠪᠦᠭᠡᠯᠵᠢᠭᠦ᠂ ᠴᠢᠰᠤ ᠪᠠᠷ ᠪᠠᠭᠠᠬᠤ᠂ ᠴᠢᠰᠤ ᠲᠠᠢ ᠰᠢᠭᠡᠭᠦ᠂ ᠲᠠᠪᠤᠰᠠᠩ ᠤᠨ ᠥᠷᠪᠢᠰᠦᠯ᠂ | ᠰᠢᠭᠡᠰᠦᠨ ᠵᠠᠮ ᠤᠨ ᠥᠷᠪᠢᠰᠦᠯ᠂ ᠤᠶᠢᠴᠠᠭᠰᠠᠨ ᠰᠢᠷᠬᠠ᠂ ᠬᠠᠪᠤᠳᠠᠷ ᠶᠠᠷᠠ᠂ ᠤᠯᠠᠭᠠᠨ ᠢᠶᠠᠷ ᠪᠠᠭᠤᠯᠭᠠᠬᠤ᠂ ᠬᠤᠰᠭᠢᠨᠠᠭ | ᠤᠨ ᠭᠦᠪᠳᠦᠷᠦᠦ ᠠᠴᠠ ᠴᠢᠰᠤ ᠭᠠᠷᠬᠤ ᠵᠡᠷᠭᠡ ᠶᠢ ᠵᠠᠰᠠᠨᠠ᠃ | 46.ᠰᠤᠭᠤᠷᠠᠢ ︵ᠦᠮᠡᠭᠡᠢ ᠦᠨᠳᠦᠰᠦ︶ ︵白藓︶ ᠪᠤᠯ ᠰᠦᠯᠦ ᠬᠠᠷᠠᠪᠠᠷ ᠤᠨ ᠢᠵᠠᠭᠤᠷ᠂ ᠰᠤᠭᠤᠷᠠᠢ | ᠶᠢᠨ ᠲᠦᠷᠦᠯ ᠤᠨ ᠤᠯᠠᠨ ᠨᠠᠰᠤᠳᠤ ᠡᠪᠡᠰᠦᠯᠢᠭ ᠤᠷᠭᠤᠮᠠᠯ ᠪᠤᠯᠤᠨᠠ᠂ ᠦᠨᠳᠦᠰᠦ ᠶᠢᠨ ᠬᠠᠯᠢᠰᠤ ᠨᠢ ᠡᠮ ᠳᠤ | ᠤᠷᠤᠨᠠ᠃ ᠦᠶᠡ ᠭᠡᠰᠢᠭᠦᠦ ᠶᠢᠨ ᠰᠢᠷᠠ ᠤᠰᠤᠨ ᠡᠪᠡᠳᠴᠢᠨ᠂ ᠡᠯᠢᠭᠡᠨ ᠥᠷᠪᠢᠰᠦᠯ᠂ ᠬᠠᠮᠠᠭᠤ᠂ ᠢᠯᠢᠳᠦ᠂ ᠴᠢᠨ᠋ᠸᠠ | ᠶᠢᠨ ᠭᠦᠷᠪᠡᠰᠢ᠂ ᠠᠷᠠᠰᠤᠨ ᠡᠪᠡᠳᠴᠢᠨ᠂ ᠨᠤᠶᠢᠳᠠᠨ ᠭᠦᠪᠳᠦᠷᠦᠦ᠂ ᠰᠢᠷᠬᠠᠨ ᠠᠴᠠ ᠴᠢᠰᠤ ᠭᠠᠷᠬᠤ ᠵᠡᠷᠭᠡ ᠶᠢ ᠵᠠᠰᠠᠨᠠ᠃ | |