| ᠬᠦᠮᠦᠰ ᠤᠨ ᠬᠠᠷᠢᠯᠴᠠᠭᠠᠨ ᠳᠤ ᠬᠠᠷᠢᠯᠴᠠᠬᠤ ᠡᠲᠡᠭᠡᠳ᠂ ᠴᠠᠭ ᠤᠨ ᠠᠳᠠᠯᠢ ᠦᠭᠡᠢ ᠠᠴᠠ ᠪᠤᠯᠵᠤ᠂ | ᠮᠡᠨᠳᠦᠴᠢᠯᠡᠭᠡᠨ ᠴᠦ ᠠᠳᠠᠯᠢ ᠪᠤᠰᠤ ᠪᠠᠶᠢᠳᠠᠭ᠃ ᠵᠦᠪ ᠰᠠᠶᠢᠬᠠᠨ ᠮᠡᠨᠳᠦᠴᠢᠯᠡᠯ ᠬᠦᠮᠦᠰ ᠲᠤ ᠰᠠᠶᠢᠨ ᠰᠠᠶᠢᠬᠠᠨ | ᠨᠦᠯᠦᠭᠡ ᠲᠤᠰᠬᠠᠯ ᠦᠭᠳᠡᠭ ᠪᠠᠶᠢᠨᠠ᠃ ᠠᠳᠡ ᠮᠡᠨᠳᠦᠴᠢᠯᠡᠯ ᠤᠨ ᠲᠤᠬᠠᠢ ᠦᠪᠡᠷ ᠤᠨ ᠦᠵᠡᠯᠲᠡ ᠪᠠᠨ ᠳᠡᠯᠭᠡᠶᠡ᠂ | ᠰᠢᠭᠦᠮᠵᠢᠯᠡᠨ ᠤᠩᠰᠢᠭᠠᠷᠠᠢ︕ | ᠮᠠᠨ ᠤ ᠡᠪᠦᠭᠡ ᠳᠡᠭᠡᠳᠦᠰ ᠲᠤ ᠬᠤᠯᠪᠤᠭᠠ ᠬᠤᠷᠰᠢᠶᠡ ᠲᠠᠢ ᠰᠢᠯᠦᠭᠯᠡᠴᠢᠬᠡᠭᠰᠡᠨ ᠭᠤᠴᠤ ᠰᠠᠶᠢᠬᠠᠨ | ᠮᠡᠨᠳᠦᠴᠢᠯᠡᠯ ᠪᠠᠶᠢᠭᠰᠠᠨ ᠭᠡᠭᠴᠢ ᠶᠢ ᠠᠳᠡ ᠶᠠᠷᠢᠬᠤ ᠦᠭᠡᠢ᠃ ᠮᠠᠨ ᠤ ᠦᠶᠡ ᠳᠤ ᠬᠦᠷᠴᠦ ᠢᠷᠡᠭᠡᠳ ᠵᠠᠷᠢᠮ | ᠮᠡᠨᠳᠦᠴᠢᠯᠡᠯ ᠤᠯᠠᠮᠵᠢᠯᠠᠭᠳᠠᠭᠠ ᠦᠭᠡᠢ ᠬᠠᠶᠠᠭᠳᠠᠬᠤ ᠨᠢ ᠬᠠᠶᠠᠭᠳᠠᠵᠤ᠂ ᠰᠢᠨᠡᠴᠢᠯᠡᠭᠳᠡᠬᠦ ᠨᠢ ᠰᠢᠨᠡᠴᠢᠯᠡᠭᠳᠡᠵᠦ ᠪᠠᠶᠢᠭᠠ᠃ | ᠤᠳᠤ ︽ᠦᠷᠯᠦᠭᠡᠨ ᠤ ᠬᠠᠯᠠᠭᠤᠨ ᠮᠡᠨᠳᠦ ᠬᠦᠷᠭᠡᠶᠡ︾ ᠭᠡᠳᠡᠭ ᠮᠡᠨᠳᠦᠴᠢᠯᠡᠯ ᠶᠡᠬᠡᠬᠡᠨ ᠭᠠᠵᠠᠷ ᠠᠪᠴᠤ ᠪᠠᠶᠢᠭᠠ᠃ | ᠡᠭᠦᠨ ᠤ ᠲᠤᠬᠠᠢ ᠬᠡᠯᠡᠬᠦ ᠠᠴᠠ ᠡᠮᠦᠨᠡ ︽ᠪᠢ ᠲᠡᠭᠦᠨ ᠳᠤ ᠨᠤᠮ ᠬᠦᠷᠭᠡᠶᠡ︾ ᠭᠡᠳᠡᠭ ᠦᠭᠦᠯᠡᠪᠦᠷᠢ ᠪᠠᠷ ᠵᠢᠱᠢᠶᠡᠯᠡᠶᠡ᠃ | ᠡᠭᠦᠨ ᠳᠤ ︽ᠨᠤᠮ ᠢᠶᠠᠨ ᠪᠤᠰᠤᠳ ᠲᠤ ᠬᠦᠷᠭᠡᠵᠦ ᠦᠭᠬᠦᠶᠡ︾ ᠭᠡᠳᠡᠭ ᠰᠠᠨᠠᠭᠠ ᠲᠠᠢ ᠰᠢᠤ᠃ ᠢᠩᠭᠢᠵᠦ | ᠬᠠᠷᠢᠴᠠᠭᠤᠯᠵᠤ ᠦᠵᠡᠪᠡᠯ ︽ᠮᠡᠨᠳᠦ ᠬᠦᠷᠭᠡᠶᠡ︾ ᠭᠡᠳᠡᠭ ᠪᠤᠯ ︽ᠮᠡᠨᠳᠦ ᠪᠠᠨ ᠪᠤᠰᠤᠳ ᠲᠤ ᠬᠦᠷᠭᠡᠵᠦ ᠦᠭᠭᠦᠶᠡ︾ | ᠭᠡᠳᠡᠭ ᠰᠠᠨᠠᠭᠠ ᠲᠠᠢ ᠭᠡᠬᠦ ᠠᠴᠠ ᠦᠪᠡᠷ ᠤᠨ ᠮᠡᠨᠳᠦ ᠪᠠᠨ ᠪᠤᠰᠤᠳ ᠲᠤ ᠮᠡᠳᠡᠭᠦᠯᠵᠦ ᠪᠠᠶᠢᠭᠠ ᠰᠠᠨᠠᠭᠠ ᠭᠦᠨ | ᠠᠬᠤᠭᠤᠯᠤᠭᠳᠠᠵᠤ ᠪᠤᠢ᠃ ᠮᠡᠨᠳᠦᠴᠢᠯᠡᠴᠢᠬᠡᠪᠡᠯ ᠪᠤᠯᠴᠢᠬᠠᠭᠰᠠᠨ ᠤᠴᠢᠷ ᠡ᠂ ᠮᠡᠨᠳᠦᠴᠢᠯᠡᠯ ᠳᠤ ᠤᠷᠢᠳ ᠢᠶᠠᠷ ᠮᠡᠨᠳᠦ | ᠶᠢ ᠨᠢ ᠠᠰᠠᠭᠤᠬᠤ ᠬᠡᠷᠡᠭᠳᠡᠢ᠃ ᠳᠠᠷᠠᠭᠠ ᠨᠢ ᠨᠦᠭᠦᠭᠡ ᠡᠲᠡᠭᠡᠳ ᠴᠢᠨᠢ ᠮᠡᠨᠳᠦ ᠪᠠᠨ ᠮᠡᠳᠡᠭᠦᠯᠦᠨᠡ᠃ ᠭᠤᠳ᠋ᠭᠠᠷ ᠲᠤ | ᠨᠦᠭᠦᠭᠡ ᠡᠲᠡᠭᠡᠳ ᠴᠢᠨᠢ ᠮᠡᠨᠳᠦ ᠶᠢ ᠴᠢᠨᠢ ᠠᠰᠠᠭᠤᠬᠤ ᠵᠡᠷᠭᠡ ᠳᠡᠰ ᠳᠠᠷᠠᠭᠠ ᠪᠠᠷ ᠶᠠᠪᠤᠭᠳᠠᠨᠠ᠃ ᠡᠶᠢᠮᠦ ᠠᠴᠠ | ᠪᠤᠰᠤᠳ ᠤᠨ ᠮᠡᠨᠳᠦ ᠶᠢ ᠮᠡᠳᠡᠭᠡ ᠦᠭᠡᠢ ᠪᠠᠷ ᠪᠤᠰᠤᠳ ᠲᠤ ᠦᠪᠡᠷ ᠤᠨ ᠮᠡᠨᠳᠦ ᠪᠠᠨ ᠮᠡᠳᠡᠭᠦᠯᠦᠭᠰᠡᠨ ᠤᠴᠢᠷ | ᠬᠦᠨᠳᠦᠯᠡᠬᠦ ᠮᠡᠨᠳᠦᠯᠡᠬᠦ ᠶᠤᠰᠤᠨ ᠳᠤ ᠨᠡᠶᠢᠴᠡᠬᠦ ᠦᠭᠡᠢ᠃ ᠡᠶᠢᠮᠦ ᠳᠤ ᠮᠡᠨᠳᠦ ᠬᠦᠷᠭᠡᠬᠦ ᠪᠠᠷ ᠢᠶᠠᠨ ᠮᠡᠨᠳᠦ ᠶᠢ ᠨᠢ | ᠮᠡᠳᠡᠵᠦ ᠪᠠᠶᠢᠶᠠ︕ ︽ᠮᠡᠨᠳᠦ ᠤᠤ︖︾ ︽ᠰᠠᠶᠢᠨ ᠪᠠᠶᠢᠨᠠ ᠤᠤ︖︾ ᠭᠡᠳᠡᠭ ᠪᠤᠯ ᠮᠡᠨᠳᠦᠴᠢᠯᠡᠯ ᠮᠦᠨ ᠡ︕ | ᠬᠦᠮᠦᠰ ᠰᠠᠨᠠᠭᠠᠴᠢᠯᠠᠭᠠ ᠲᠠᠢ ᠰᠠᠨᠠᠭᠠᠴᠢᠯᠠᠭᠠ ᠦᠭᠡᠢ ᠪᠠᠷ ︽ᠮᠡᠨᠳᠦ ᠬᠦᠷᠭᠡᠶᠡ︾ ᠭᠡᠵᠦ ᠤᠯᠠᠨ ᠬᠡᠷᠡᠭᠯᠡᠳᠡᠭ | ᠪᠤᠯᠵᠠᠢ᠃ ᠵᠢᠱᠢᠶᠡᠯᠡᠪᠡᠯ᠄ ︽ᠲᠠ ᠪᠦᠬᠦᠨ ᠳᠤ ᠪᠠᠨ ᠢᠷᠡᠵᠦ ᠪᠤᠢ ᠰᠢᠨᠡ ᠤᠨ ᠤ ᠬᠠᠯᠠᠭᠤᠨ ᠮᠡᠨᠳᠦ ᠶᠢ ᠬᠦᠷᠭᠡᠵᠦ | ᠪᠠᠶᠢᠨᠠ᠃ ᠰᠢᠨᠡ ᠵᠢᠯ ᠤᠨ ᠮᠡᠨᠳᠦ ᠬᠦᠷᠭᠡᠶᠡ︾ ᠭᠡᠬᠦ ᠮᠡᠲᠦ ᠪᠠᠷ ᠬᠡᠷᠡᠭᠯᠡᠵᠦ ᠪᠠᠶᠢᠭᠠ ᠠᠴᠠ ᠮᠡᠳᠡᠵᠦ ᠪᠤᠯᠳᠠᠭ᠃ | ᠦᠩᠭᠡᠷᠡᠭᠰᠡᠨ ᠳᠤ ᠤᠨ ᠢᠶᠠᠷ᠂ ᠵᠢᠯ ᠢᠶᠠᠷ᠂ ᠤᠯᠠᠷᠢᠯ ᠢᠶᠠᠷ ᠮᠡᠨᠳᠦ ᠠᠰᠠᠭᠤᠵᠤ ᠮᠡᠨᠳᠦᠴᠢᠯᠡᠳᠡᠭ ᠪᠠᠶᠢᠭᠰᠠᠨ ᠪᠤᠯ | ᠤᠳᠤ ᠡᠳᠦᠷ ᠢᠶᠠᠷ᠂ ᠲᠡᠷᠡᠴᠢᠯᠡᠨ ᠡᠳᠦᠷ ᠢᠶᠠᠨ ᠭᠤᠷᠪᠠ ᠬᠤᠪᠢᠶᠠᠨ ᠮᠡᠨᠳᠦᠴᠢᠯᠡᠳᠡᠭ ᠪᠤᠯᠤᠭᠰᠠᠨ ᠳ᠋ᠠ᠃ ᠡᠨᠡ ᠪᠤᠯ ᠮᠠᠨ | ᠤ ᠨᠤᠳᠤᠭ ᠤᠨ ᠢᠪᠴᠦᠷᠡᠯ ᠠᠴᠠ ᠪᠠᠨ ᠬᠡᠯᠡ ᠰᠤᠶᠤᠯ ᠤᠨ ᠲᠠᠯᠠ ᠪᠠᠷ ᠴᠦ ᠢᠪᠴᠦᠷᠡᠯ ᠳᠤ ᠰᠢᠯᠵᠢᠵᠦ ᠪᠠᠶᠢᠭᠠ ᠶᠢ | ᠬᠠᠷᠠᠭᠤᠯᠵᠤ ᠪᠤᠢ᠃ | ᠮᠡᠨᠳᠦᠴᠢᠯᠡᠬᠦ ᠳᠤ ︽ᠮᠡᠨᠳᠦ ᠤᠤ︖ ᠮᠠᠨᠳᠦ ᠪᠠᠶᠢᠨᠠ ᠤᠤ︖ ᠮᠡᠨᠳᠦ ᠰᠠᠶᠢᠨ ᠪᠠᠶᠢᠨᠠ ᠤᠤ︖ ᠮᠡᠨᠳᠦ ᠰᠠᠶᠢᠨ | ᠪᠠᠶᠢᠵᠠᠭᠠᠨᠠ ᠤᠤ︖ ᠮᠡᠨᠳᠦ ᠬᠤᠨᠤᠪᠠ ᠤᠤ︖ ᠠᠮᠤᠭᠤᠯᠠᠩ ᠪᠠᠶᠢᠨᠠ ᠤᠤ︖ ᠠᠮᠤᠷ ᠤᠤ︖ ᠠᠮᠤᠷᠬᠠᠨ ᠰᠠᠶᠢᠨ | ᠤᠤ︖ ᠠᠵᠢᠯ ᠴᠢᠨᠢ ᠤᠷᠤᠭᠰᠢᠲᠠᠢ ᠤᠤ︖ ᠠᠶᠠᠨ ᠵᠠᠮ ᠳᠤ ᠪᠠᠨ ᠠᠯᠵᠢᠶᠠᠯ ᠦᠭᠡᠢ ᠲᠠᠪᠠᠲᠠᠢ ᠰᠠᠶᠢᠬᠠᠨ ᠮᠤᠷᠢᠯᠠᠵᠤ | ᠢᠷᠡᠪᠡ ᠤᠤ︖ ᠠᠶᠠᠨ ᠤ ᠠᠯᠲᠠᠨ ᠰᠢᠷᠠ ᠵᠠᠮ ᠴᠢᠨᠢ ᠦᠯᠵᠡᠢ ᠲᠠᠢ ᠤᠤ︖ ᠦᠩ ᠲᠠᠢ ᠵᠢᠯ ᠪᠤᠯᠤᠭᠰᠠᠨ ᠤᠤ︖ | ᠪᠡᠶᠡ ᠲᠡᠩᠬᠡᠭᠡ ᠰᠠᠶᠢᠨ ᠤᠤ︖ ᠪᠦᠬᠦᠳᠡᠭᠡᠷ ᠰᠠᠶᠢᠨ ᠪᠠᠶᠢᠨᠠ ᠤᠤ︖ ᠬᠡᠷᠡᠭ ᠤᠴᠢᠷ ᠴᠢᠨᠢ ᠪᠦᠲᠦᠮᠵᠢ ᠪᠠᠷ ᠰᠠᠶᠢᠨ | ᠤᠤ︖ ᠰᠠᠶᠢᠨ ᠪᠠᠶᠢᠨᠠ ᠤᠤ︖ ᠰᠠᠶᠢᠨ ᠶᠠᠪᠤᠵᠤ ᠢᠷᠡᠪᠡ ᠤᠤ︖ ᠲᠠᠨ ᠤ ᠠᠮᠤᠷ ᠠᠮᠤᠭᠤᠯᠠᠩ ᠢ ᠠᠶᠢᠯᠠᠳᠬᠠᠶᠠ᠂ | ᠲᠠ ᠪᠦᠬᠦᠨ ᠲᠠᠪᠠᠲᠠᠢ ᠰᠠᠶᠢᠬᠠᠨ ᠮᠤᠷᠢᠯᠠᠵᠤ ᠢᠷᠡᠪᠡ ᠤᠤ︖ ᠲᠠᠶᠢᠪᠤᠩ ᠪᠠᠶᠢᠨᠠ ᠤᠤ︖ ᠲᠠᠪᠠᠲᠠᠢ ᠰᠠᠶᠢᠬᠠᠨ | ᠵᠤᠰᠠᠵᠤ ᠪᠠᠶᠢᠨᠠ ᠤᠤ︖ ᠲᠠᠪᠠᠲᠠᠢ ᠪᠢᠲᠡᠭᠦᠯᠡᠵᠦ ᠪᠠᠶᠢᠨᠠ ᠤᠤ︖ ᠲᠠᠪᠠᠲᠠᠢ ᠰᠢᠨᠡᠯᠡᠵᠦ ᠪᠠᠶᠢᠨᠠ ᠤᠤ︖ | ᠲᠠᠷᠭᠤᠨ ᠲᠠᠪᠠᠲᠠᠢ ᠡᠪᠦᠯᠵᠢᠵᠦ ᠪᠠᠶᠢᠨᠠ ᠤᠤ︖ ᠲᠡᠩᠬᠡᠭᠡ ᠰᠠᠶᠢᠨ ᠤᠤ︖ ᠦᠩ ᠲᠠᠢ ᠰᠠᠶᠢᠨ ᠡᠪᠤᠯᠵᠢᠵᠦ | ᠪᠠᠶᠢᠨᠠ︖ ᠬᠠᠳᠤᠯᠠᠩ ᠰᠠᠶᠢᠨ ᠤᠤ︖ ᠮᠠᠯ ᠰᠦᠷᠦᠭ ᠮᠡᠨᠳᠦ ᠤᠤ᠁︾ ᠭᠡᠬᠦ ᠵᠡᠷᠭᠡ ᠪᠠᠶᠢᠳᠠᠭ ᠴᠦ ᠨᠤᠲᠤᠭ | ᠨᠤᠲᠤᠭ ᠤᠨ ᠮᠡᠨᠳᠦᠴᠢᠯᠡᠬᠦ ᠵᠠᠩ ᠦᠢᠯᠡ ᠢᠯᠭᠠᠭᠠ ᠲᠠᠢ᠃ ᠮᠡᠨᠳᠦᠴᠢᠯᠡᠬᠦ ᠳᠤ ᠪᠠᠰᠠ ︽ᠮᠡᠨᠳᠦ ᠠᠰᠠᠭᠤᠯᠭᠠᠬᠤ︾ ᠪᠠ | ︽ᠮᠡᠨᠳᠦ ᠮᠡᠳᠡᠭᠦᠯᠬᠦ︾ ᠭᠡᠵᠦ ᠪᠠᠶᠢᠳᠠᠭ᠂ ᠲᠠᠷᠤᠢ ᠪᠤᠰᠤᠳ ᠢᠶᠠᠷ ᠳᠠᠮᠵᠢᠭᠤᠯᠵᠤ ᠮᠡᠨᠳᠦ ᠶᠢ ᠨᠢ ᠠᠰᠠᠭᠤᠬᠤ ᠶᠢ ︽ᠮᠡᠨᠳᠦ | ᠠᠰᠠᠭᠤᠯᠭᠠᠬᠤ︾ ᠬᠡᠯᠡᠨᠡ᠃ ᠵᠢᠱᠢᠶᠡᠯᠡᠪᠡᠯ᠄ ︽ᠪᠢ ᠠᠬᠠ ᠶᠢᠨ ᠢᠶᠠᠨ ᠮᠡᠨᠳᠦ ᠶᠢ ᠲᠠᠨ ᠢᠶᠠᠷ ᠠᠰᠠᠭᠤᠯᠭᠠᠶᠠ︾ ᠭᠡᠬᠦ ᠮᠡᠲᠦ᠃ | ᠪᠤᠰᠤᠳ ᠢᠶᠠᠷ ᠳᠠᠮᠵᠢᠭᠤᠯᠵᠤ ᠮᠡᠨᠳᠦ ᠪᠠᠶᠢᠭᠠ ᠪᠠᠨ ᠮᠡᠳᠡᠭᠦᠯᠬᠦ ᠶᠢ ︽ᠮᠡᠨᠳᠦ ᠮᠡᠳᠡᠭᠦᠯᠬᠦ︾ ᠭᠡᠳᠡᠭ᠃ ᠮᠡᠨᠳᠦᠴᠢᠯᠡᠬᠦ ᠳᠤ | ᠮᠡᠨᠳᠦᠴᠢᠯᠡᠬᠦ ᠬᠦᠮᠦᠨ ᠳᠤ ᠪᠠᠨ ᠵᠤᠬᠢᠴᠠᠭᠤᠯᠤᠨ ᠮᠡᠨᠳᠦᠴᠢᠯᠡᠬᠦ᠂ ᠤᠯᠠᠷᠢᠯ ᠬᠤᠪᠢᠶᠠᠨ ᠮᠡᠨᠳᠦᠴᠢᠯᠡᠬᠦ᠂ ᠠᠵᠢᠯ ᠢ ᠨᠢ | ᠲᠦᠷᠦᠯᠰᠢᠭᠦᠯᠦᠨ ᠮᠡᠨᠳᠦᠴᠢᠯᠡᠬᠦ ᠵᠡᠷᠭᠡ ᠭᠡᠵᠦ ᠤᠯᠠᠨ ᠵᠦᠢᠯ ᠪᠤᠢ᠃ | ︽ᠠᠮᠤᠷ ᠲᠤ ᠮᠡᠨᠳᠦ ᠬᠠᠷᠢᠭᠤ᠂ ᠠᠶᠠᠭᠠᠨ ᠳᠤ ᠰᠢᠨᠠᠭᠠ ᠬᠠᠷᠢᠭᠤ︾ ᠭᠡᠭᠴᠢ ᠪᠠᠷ ᠮᠡᠨᠳᠦᠴᠢᠯᠡᠬᠦ ᠵᠦᠪ ᠵᠠᠩᠰᠢᠯ | ᠲᠠᠢ ᠪᠤᠯᠵᠠᠭᠠᠶᠠ︕ |