| ᠨᠢᠭᠤᠷ ᠤᠨ ᠰᠠ᠄ | ᠨᠢᠭᠤᠷ ᠤᠨ ᠬᠡᠰᠡᠭ ᠲᠠᠬᠢ ᠴᠠᠭᠠᠨ ᠰᠤᠳᠠᠯ ᠨᠢ ᠭᠡᠮᠳᠤᠭᠡᠳ᠂ ᠨᠢᠭᠤᠷ ᠠᠮᠠ ᠨᠢᠭᠡ ᠳᠡᠰᠢ ᠪᠠᠨ ᠮᠤᠷᠤᠶᠢᠬᠤ | ᠤᠨᠴᠠᠯᠢᠭ ᠰᠢᠨᠵᠢ ᠪᠦᠬᠦᠢ ᠡᠪᠡᠳᠴᠢᠨ ᠪᠤᠯᠤᠨᠠ᠃ ᠡᠭᠦᠨ ᠢ ᠪᠠᠰᠠ ︽ᠬᠡᠢ ᠶᠢᠨ ᠰᠠ ᠡᠪᠡᠳᠴᠢᠨ︾ ᠭᠡᠬᠦ ᠪᠤᠶᠤ | ︽ᠠᠮᠠ ᠮᠤᠷᠤᠶᠢᠬᠤ ᠡᠪᠡᠳᠴᠢᠨ︾ ᠭᠡᠳᠡᠭ᠃ ᠳᠤᠰ ᠡᠪᠡᠳᠴᠢᠨ ᠨᠢ ᠦᠳᠡᠯᠦᠭᠰᠡᠳ᠂ ᠵᠠᠯᠠᠭᠤ᠂ ᠨᠢᠯᠬᠠᠰ ᠡᠯᠡ ᠨᠠᠰᠤᠨ ᠤ | ᠬᠦᠮᠥᠨ ᠳᠤ ᠪᠦᠷ ᠳᠤᠬᠢᠶᠠᠯᠳᠤᠨᠠ᠃ ᠴᠠᠭ ᠤᠯᠠᠷᠢᠯ ᠢᠯᠭᠠᠯ ᠦᠭᠡᠢ ᠬᠦᠳᠡᠯᠳᠡᠭ᠃ ᠤᠳᠤ ᠦᠶᠡ ᠶᠢᠨ ᠠᠨᠠᠭᠠᠬᠤ | ᠤᠬᠠᠭᠠᠨ ᠤ ︽ᠨᠢᠭᠤᠷ ᠤᠨ ᠮᠢᠨᠴᠤᠭᠦᠷᠠᠯ︾ ᠲᠠᠢ ᠲᠦᠰᠦᠭᠡᠳᠡᠢ᠃ | ᠨᠢᠭᠤᠷ ᠤᠨ ᠰᠠ ᠡᠪᠡᠳᠴᠢᠨ ᠤᠯᠠᠩᠬᠢ ᠳᠠᠭᠠᠨ ᠰᠦᠨᠢ ᠬᠦᠳᠡᠯᠵᠤ᠂ ᠦᠷᠯᠦᠭᠡ ᠰᠡᠷᠡᠬᠦ ᠦᠶᠡ ᠳᠤ ᠨᠢᠳᠤ | ᠠᠮᠠ ᠨᠢ ᠮᠤᠷᠤᠶᠢᠭᠰᠠᠨ ᠪᠦᠭᠡᠳ ᠨᠢᠳᠤ ᠪᠠᠨ ᠠᠨᠢᠵᠤ ᠴᠢᠳᠠᠬᠤ ᠦᠭᠡᠢ ᠪᠤᠯᠵᠤ ᠨᠢᠯᠪᠤᠰᠤ ᠭᠤᠭᠤᠵᠢᠬᠤ᠂ ᠤᠷᠤᠭᠤᠯ | ᠨᠢ ᠵᠦᠷᠢᠵᠤ ᠨᠢᠭᠡ ᠳᠡᠰᠢ ᠪᠠᠨ ᠮᠤᠷᠤᠶᠢᠬᠤ ︵ᠡᠷᠡᠭᠦᠯ ᠲᠠᠯᠠ ᠳᠡᠰᠢ ᠪᠠᠨ ᠮᠤᠷᠤᠶᠢᠨᠠ︶᠂ ᠰᠢᠯᠤᠰᠤ ᠭᠤᠭᠤᠵᠢᠬᠤ᠂ | ᠦᠭᠡ ᠬᠡᠯᠡᠬᠦ ᠳᠤ ᠳᠤᠳᠤ ᠦᠭᠡᠢ᠂ ᠡᠪᠡᠳᠴᠢᠳᠡᠨ ᠤ ᠨᠢᠭᠤᠷ ᠤᠨ ᠬᠡᠰᠡᠭ ᠤᠨ ᠪᠤᠯᠴᠢᠩ ᠮᠢᠬᠠ ᠨᠢ ᠳᠠᠮᠪᠠᠭᠠᠷᠠᠵᠤ | ᠰᠤᠯᠠᠷᠠᠭᠰᠠᠨ ᠠᠴᠠ ᠨᠢᠭᠤᠷ ᠤᠨ ᠠᠳᠤᠷᠢᠶᠠ ᠠᠷᠢᠯᠵᠤ᠂ ᠮᠠᠩᠨᠠᠢ ᠶᠢᠨ ᠬᠡᠰᠡᠭ ᠤᠨ ᠠᠳᠤᠷᠢᠶᠠ ᠦᠭᠡᠢ ᠪᠤᠯᠵᠤ᠂ ᠬᠠᠮᠠᠷ | ᠤᠨ ᠬᠠᠵᠠᠭᠤᠳᠠᠬᠢ ᠭᠤᠤ ᠦᠭᠡᠢ ᠪᠤᠯᠵᠤ᠂ ᠢᠳᠡᠭᠡᠨ ᠢᠳᠡᠬᠦ ᠳᠤ ᠠᠮᠠᠨ ᠳᠤ ᠪᠤᠳᠠᠭᠠ ᠦᠯᠡᠳᠡᠵᠤ ᠬᠤᠴᠤᠷᠬᠤ᠂ | ᠡᠪᠡᠳᠴᠢᠯᠡᠭᠰᠡᠨ ᠲᠠᠯᠠ ᠶᠢᠨ ᠨᠢᠭᠤᠷ ᠤᠨ ᠬᠡᠰᠡᠭ ᠵᠠᠷᠢᠮ ᠨᠢ ᠬᠦᠭᠡᠷᠡᠵᠤ ᠬᠠᠪᠤᠳᠤᠭᠰᠠᠨ ᠪᠠᠶᠢᠳᠠᠭ᠃ | ᠤᠨᠤᠰᠢᠯᠠᠭᠠ ᠶᠢᠨ ᠭᠤᠤᠯᠳᠠᠯᠭᠠ᠄ | ᠨᠢᠭᠤᠷ ᠤᠨ ᠰᠠ ᠡᠪᠡᠳᠴᠢᠨ ᠪᠤᠯ ᠡᠪᠡᠳᠴᠢᠯᠡᠬᠦ ᠨᠢ ᠲᠦᠷᠭᠡᠨ᠂ ᠭᠡᠨᠡᠳᠳᠡ ᠪᠠᠷ ᠨᠢᠭᠤᠷ ᠤᠨ ᠬᠡᠰᠡᠭ ᠤᠨ | ᠪᠤᠯᠴᠢᠩ ᠮᠢᠬᠠ ᠮᠢᠨᠴᠤᠭᠦᠷᠡᠨ ᠳᠠᠮᠪᠠᠭᠠᠷᠠᠵᠤ᠂ ᠡᠪᠡᠳᠴᠢᠯᠡᠭᠰᠡᠨ ᠲᠠᠯᠠ ᠶᠢᠨ ᠮᠠᠩᠨᠠᠢ ᠶᠢᠨ ᠠᠳᠤᠷᠢᠶᠠ ᠠᠷᠢᠯᠬᠤ᠂ ᠨᠢᠳᠤ | ᠨᠢ ᠠᠨᠢᠵᠤ ᠳᠡᠶᠢᠯᠬᠦ ᠦᠭᠡᠢ᠂ ᠨᠢᠳᠤᠨ ᠠᠴᠠ ᠨᠢᠯᠪᠤᠰᠤ ᠭᠤᠭᠤᠵᠢᠬᠤ᠂ ᠬᠠᠮᠠᠷ ᠤᠷᠤᠭᠤᠯ ᠤᠨ ᠬᠠᠵᠠᠭᠤᠳᠠᠬᠢ ᠭᠤᠤ | ᠶᠢᠨ ᠠᠳᠤᠷᠢᠶᠠ ᠠᠷᠢᠯᠬᠤ ᠪᠤᠶᠤ ᠭᠦᠢᠬᠡᠨ ᠪᠤᠯᠬᠤ᠂ ᠤᠷᠤᠭᠤᠯ ᠠᠮᠠ ᠨᠢ ᠡᠷᠡᠭᠦᠯ ᠳᠡᠰᠢ ᠮᠤᠷᠤᠶᠢᠬᠤ᠂ ᠤᠨᠳᠠᠭᠰᠠᠨ ᠤ | ᠰᠡᠭᠦᠯᠡᠷ ᠨᠢᠳᠤᠨ ᠠᠴᠠ ᠨᠢᠯᠪᠤᠰᠤ ᠭᠤᠭᠤᠵᠢᠬᠤ ᠪᠤᠶᠤ ᠨᠢᠳᠤ ᠨᠢ ᠤᠯᠠᠶᠢᠬᠤ᠂ ᠠᠮᠠ ᠪᠠᠨ ᠬᠠᠮᠬᠢᠨ ᠬᠡᠢ ᠦᠯᠢᠶᠡᠬᠦ | ᠳᠤ ᠬᠡᠢ ᠭᠠᠷᠤᠨᠠ᠃ ᠵᠠᠷᠢᠮ ᠡᠪᠡᠳᠴᠢᠳᠡᠨ ᠨᠢ ᠡᠪᠡᠳᠴᠢᠯᠡᠭᠰᠡᠨ ᠤ ᠡᠬᠢᠨ ᠤ ᠦᠶᠡ ᠳᠤ ᠴᠢᠬᠢ ᠶᠢᠨ ᠠᠷᠤ ᠪᠤᠯᠤᠨ | ᠴᠢᠬᠢ ᠶᠢᠨ ᠳᠤᠤᠷᠠ ᠬᠡᠰᠡᠭ ᠲᠤ ᠴᠢᠨᠠᠭᠰᠢᠯᠡᠪᠡᠯ ᠲᠠᠯᠠ ᠳᠤᠯᠤᠭᠠᠢ ᠡᠪᠡᠳᠴᠤ᠂ ᠪᠠᠰᠠ ᠵᠠᠷᠢᠮ ᠤᠨ ᠬᠢᠨᠢ | ᠡᠪᠡᠳᠴᠢᠯᠡᠭᠰᠡᠨ ᠲᠠᠯᠠ ᠶᠢᠨ ᠬᠡᠯᠡᠨ ᠤ ᠡᠮᠤᠨᠡ ᠭᠤᠷᠪᠠᠨ ᠤ ᠬᠤᠶᠠᠷ ᠬᠡᠰᠡᠭ ᠤᠨ ᠮᠡᠳᠡᠷᠡᠯ ᠨᠢ ᠮᠠᠭᠤᠳᠠᠬᠤ ᠪᠤᠶᠤ | ᠦᠭᠡᠢ ᠪᠤᠯᠬᠤ᠂ ᠬᠡᠯᠡᠨ ᠤ ᠡᠪᠡᠳᠴᠢᠯᠡᠭᠰᠡᠨ ᠲᠡᠯᠡ ᠨᠢ ᠮᠢᠨᠴᠦᠭᠦᠷᠡᠬᠦ ᠪᠤᠶᠤ ᠮᠡᠳᠡᠭᠡ ᠦᠭᠡᠢ ᠪᠤᠯᠬᠤ᠂ ᠪᠤᠳᠠᠭᠠ | ᠢᠳᠡᠭᠰᠡᠨ ᠤ ᠰᠡᠭᠦᠯᠡᠷ ᠵᠠᠪᠠᠵᠢᠨ ᠳᠤᠳᠤᠷᠠ ᠨᠢ ᠪᠤᠳᠠᠭᠠ ᠦᠯᠡᠳᠡᠵᠤ ᠬᠤᠴᠤᠷᠤᠨᠠ᠃ ᠡᠪᠡᠳᠴᠢᠨ ᠨᠢ ᠨᠢᠭᠡ ᠭᠠᠷᠠᠭ | ᠳᠤᠳᠤᠷᠠ ᠦᠷᠬᠦᠯᠵᠢᠯᠡᠨ ᠬᠦᠨᠳᠤᠷᠡᠨᠡ᠃ | ᠪᠡᠶᠡ ᠶᠢᠨ ᠪᠠᠶᠢᠴᠠᠭᠠᠯᠳᠠ᠄ | ᠡᠪᠡᠳᠴᠢᠳᠡᠨ ᠢ ᠳᠡᠭᠰᠢ ᠰᠠᠭᠤᠯᠭᠠᠵᠤ᠂ ᠮᠠᠩᠨᠠᠢ ᠶᠢ ᠨᠢ ᠳᠡᠨᠢᠢᠯᠭᠡᠵᠤ ᠦᠵᠡᠬᠦ ᠳᠤ ᠡᠪᠡᠳᠴᠢᠯᠡᠭᠰᠡᠨ ᠲᠠᠯᠠ ᠨᠢ | ᠠᠳᠤᠷᠢᠶᠠ ᠦᠭᠡᠢ ᠪᠤᠯᠬᠤ᠂ ᠳᠡᠭᠰᠢ ᠳᠡᠨᠢᠢᠵᠤ ᠳᠡᠶᠢᠯᠬᠦ ᠦᠭᠡᠢ᠂ ᠨᠢᠳᠤ ᠶᠢ ᠨᠢ ᠠᠨᠢᠭᠤᠯᠬᠤ ᠳᠤ ᠡᠪᠡᠳᠴᠢᠯᠡᠭᠰᠡᠨ | ᠲᠠᠯᠠ ᠶᠢᠨ ᠨᠢᠳᠤ ᠪᠠᠨ ᠠᠨᠢᠵᠤ ᠳᠡᠶᠢᠯᠬᠦ ᠦᠭᠡᠢ᠂ ᠬᠠᠮᠠᠷ ᠢ ᠨᠢ ᠳᠡᠭᠡᠭᠰᠢ ᠳᠡᠨᠢᠢᠯᠭᠡᠵᠤ ᠦᠵᠡᠬᠦ ᠳᠤ ᠡᠪᠡᠳᠴᠢᠯᠡᠭᠰᠡᠨ | ᠲᠠᠯᠠ ᠶᠢᠨ ᠬᠠᠮᠠᠷ ᠨᠢ ᠳᠡᠨᠢᠢᠵᠤ ᠳᠡᠶᠢᠯᠬᠦ ᠦᠭᠡᠢ᠂ ᠰᠢᠳᠤ ᠪᠠᠨ ᠳᠡᠭᠰᠢᠬᠡᠨ ᠵᠢᠭᠤᠵᠤ ᠢᠷᠵᠠᠶᠢᠬᠤ ᠳᠤ ᠤᠷᠤᠭᠤᠯ | ᠮᠤᠷᠤᠶᠢᠭᠰᠠᠨ ᠨᠢ ᠳᠤᠳᠤᠷᠬᠠᠢ ᠮᠡᠳᠡᠭᠳᠡᠨᠡ᠃ ᠠᠮᠠ ᠪᠠᠨ ᠬᠠᠮᠬᠢᠨ ᠬᠡᠢ ᠦᠯᠢᠶᠡᠬᠦ ᠳᠤ ᠡᠪᠡᠳᠴᠢᠯᠡᠭᠰᠡᠨ ᠲᠠᠯᠠ ᠪᠠᠷ | ᠬᠢ ᠦᠯᠢᠶᠡᠭᠳᠡᠨ ᠭᠠᠷᠤᠨᠠ᠂ ᠵᠡᠬᠦᠦ ᠪᠠᠷ ᠬᠠᠳᠬᠤᠵᠤ ᠦᠵᠡᠬᠦ ᠳᠤ ᠡᠪᠡᠳᠴᠢᠯᠡᠭᠰᠡᠨ ᠲᠠᠯᠠ ᠶᠢᠨ ᠡᠪᠡᠳᠬᠦ ᠮᠡᠳᠡᠷᠡᠯ | ᠰᠤᠷᠭᠤᠭ ᠦᠭᠡᠢ ᠪᠤᠯᠬᠤ᠂ ᠡᠪᠡᠳᠴᠢᠯᠡᠭᠰᠡᠨ ᠳᠠᠷᠤᠢ ᠳᠤ ᠴᠢᠬᠢ ᠶᠢᠨ ᠠᠷᠤ ᠪᠤᠶᠤ ᠳᠤᠤᠷᠠ ᠬᠡᠰᠡᠭ ᠲᠤ ᠳᠠᠷᠤᠵᠤ | ᠦᠵᠡᠬᠦ ᠳᠤ ᠬᠦᠨᠳᠡᠭᠦᠷ ᠲᠠᠢ᠃ | ᠡᠮᠴᠢᠯᠡᠭᠡ᠄ | ⒈ᠵᠠᠰᠠᠬᠤ ᠵᠠᠷᠴᠢᠮ᠄ ᠪᠠᠳᠭᠠᠨ ᠬᠡᠢ ᠶᠢ ᠠᠷᠢᠯᠭᠠᠨ᠂ ᠨᠢᠶᠠᠨ ᠢ ᠨᠢᠳᠤᠯᠤᠨ᠂ ᠴᠠᠭᠠᠨ ᠰᠤᠳᠠᠯ ᠤᠨ ᠨᠡᠪᠳᠡᠷᠡᠯᠳᠠ | ᠶᠢ ᠠᠬᠢᠭᠤᠯᠵᠤ᠂ ᠬᠡᠢ ᠴᠢᠰᠤᠨ ᠤ ᠭᠦᠶᠦᠳᠡᠯ ᠢ ᠰᠠᠶᠢᠵᠢᠷᠠᠭᠤᠯᠤᠨ᠂ ᠮᠠᠬᠠᠪᠤᠳ ᠢ ᠳᠡᠭᠰᠢᠳᠭᠡᠵᠤ᠂ ᠪᠤᠳᠠᠳᠠᠢ ᠪᠠᠶᠢᠳᠠᠯ | ᠲᠠᠢ ᠨᠢ ᠤᠶᠠᠯᠳᠤᠭᠤᠯᠤᠨ ᠵᠠᠰᠠᠨᠠ᠃ | ⒉ᠵᠠᠰᠠᠯ᠄ ᠬᠠᠳᠬᠤᠬᠤ ᠵᠠᠰᠠᠯ᠄ ᠬᠥᠮᠦᠰᠭᠡᠨ ᠪᠡᠯᠴᠢᠷ᠂ ᠰᠢᠨᠠ ᠶᠢᠨ ᠪᠡᠯᠴᠢᠷ᠂ ᠬᠠᠴᠠᠷ ᠤᠨ ᠪᠡᠯᠴᠢᠷ᠂ ᠴᠢᠬᠢᠨ ᠤ | ᠡᠮᠤᠨᠡ᠂ ᠠᠷᠣ ᠵᠤᠨᠰᠢᠩ ᠪᠡᠯᠴᠢᠷ᠂ ᠲᠦᠭᠦᠰᠢᠨ ᠪᠡᠯᠴᠢᠷ᠂ ᠵᠠᠪᠠᠵᠢ ᠶᠢᠨ ᠬᠠᠵᠠᠭᠤ ᠪᠡᠯᠴᠢᠷ᠂ ᠡᠷᠡᠬᠡᠢ ᠳᠤᠯᠤᠪᠤᠷ ᠤᠨ | ᠵᠠᠪᠰᠠᠷ ᠪᠡᠯᠴᠢᠷ ᠲᠤ ᠳᠠᠩ ᠬᠠᠳᠬᠤᠭᠤᠷ ᠵᠠᠰᠠᠯ ᠬᠢᠬᠦ ᠪᠤᠶᠤ ᠴᠠᠬᠢᠯᠭᠠᠨ ᠵᠡᠭᠦᠦ ᠵᠠᠰᠠᠯ ᠢ 20 ᠠᠴᠠ 25 ᠮᠢᠨᠥ᠋ᠲ | ᠬᠢᠨᠡ᠃ | ᠲᠦᠭᠡᠨᠡᠬᠦ ᠵᠠᠰᠠᠯ᠄ ᠶᠡᠷᠤ ᠶᠢᠨ ᠪᠠᠶᠢᠳᠠᠯ ᠳᠤ ᠬᠠᠳᠬᠤᠬᠤ ᠵᠠᠰᠠᠯ ᠬᠢᠬᠦ ᠶᠢᠨ ᠬᠠᠮᠳᠤ ᠬᠠᠴᠠᠷ ᠤᠨ ᠪᠡᠯᠴᠢᠷ᠂ | ᠴᠢᠬᠢᠨ ᠤ ᠡᠮᠤᠨᠡ᠂ ᠠᠷᠤ ᠵᠤᠨᠰᠢᠩ ᠪᠡᠯᠴᠢᠷ ᠲᠤ ᠲᠦᠭᠡᠨᠡᠬᠦ ᠵᠠᠰᠠᠯ ᠬᠠᠪᠰᠤᠷᠭᠠᠨᠠ᠃ | ᠢᠯᠢᠵᠤ ᠨᠤᠬᠤᠯᠠᠬᠤ ᠵᠠᠰᠠᠯ᠄ ᠡᠪᠡᠳᠴᠢᠳᠡᠨ ᠤ ᠡᠪᠡᠳᠴᠢᠯᠡᠭᠰᠡᠨ ᠲᠠᠯᠠ ᠶᠢᠨ ᠬᠠᠴᠠᠷ ᠤᠨ ᠬᠡᠰᠡᠭ ᠲᠤ ᠬᠠᠷᠠ | ᠠᠷᠢᠬᠢ ᠦᠯᠢᠶᠡᠨ᠂ ᠠᠯᠠᠭᠠ ᠪᠠᠷ ᠢᠶᠠᠨ ᠪᠠᠷᠤᠭ ᠬᠤᠶᠠᠷ ᠮᠢᠨᠥ᠋ᠲ ᠢᠯᠢᠬᠦ ᠪᠤᠶᠤ ᠨᠤᠬᠤᠯᠠᠵᠤ᠂ ᠳᠠᠷᠠᠭᠠ ᠨᠢ | ᠠᠳᠬᠤᠬᠤ᠂ ᠴᠢᠮᠬᠢᠬᠦ ᠭᠠᠷ ᠳᠡᠮ ᠢ ᠬᠠᠪᠰᠤᠷᠤᠭᠤᠯᠤᠨ ᠬᠤᠶᠠᠷ ᠠᠴᠠ ᠲᠦᠷᠪᠡᠨ ᠮᠢᠨᠥ᠋ᠲ ᠢᠯᠢᠵᠤ ᠨᠤᠬᠤᠯᠠᠨᠠ᠃ | ᠬᠤᠶᠠᠷ ᠬᠥᠮᠦᠰᠭᠡᠨ ᠤ ᠬᠤᠭᠤᠷᠤᠨᠳᠤᠬᠢ ᠭᠤᠤᠯ ᠴᠡᠭ ᠠᠴᠠ ᠡᠪᠡᠳᠴᠢᠯᠡᠭᠰᠡᠨ ᠲᠠᠯᠠ ᠶᠢᠨ ᠬᠥᠮᠦᠰᠭᠡᠨ ᠤ ᠳᠡᠭᠡᠭᠦᠷ | ᠬᠥᠮᠦᠰᠭᠡᠨ ᠤ ᠭᠠᠳᠠᠷ ᠦᠨᠴᠦᠭ ᠬᠦᠷᠳᠡᠯᠡ᠂ ᠨᠢᠳᠤᠨ ᠤ ᠳᠤᠳᠤᠷ ᠪᠤᠯᠴᠢᠩ ᠠᠴᠠ ᠨᠢᠳᠤᠨ ᠤᠬᠤᠷᠬᠠᠢ ᠶᠢᠨ ᠳᠤᠤᠷᠠ | ᠢᠷᠮᠡᠭ ᠢ ᠳᠠᠭᠠᠭᠤᠯᠵᠤ ᠨᠢᠳᠤᠨ ᠤ ᠭᠠᠳᠠᠷ ᠵᠤᠪᠬᠢ ᠬᠦᠷᠳᠡᠯᠡ ᠳᠤᠰᠪᠤᠷᠢ ᠳᠠᠪᠤ ᠠᠴᠠ ᠳᠤᠯᠤᠭᠠᠨ ᠤᠳᠠᠭᠠ ᠡᠷᠡᠬᠡᠢ | ᠬᠤᠷᠤᠭᠤ ᠪᠠᠷ ᠲᠦᠯᠬᠢᠬᠦ ᠪᠦᠭᠡᠳ ᠤᠷᠤᠭᠤᠯ ᠤᠨ ᠳᠡᠭᠡᠷᠡ ᠪᠠ ᠳᠤᠤᠭᠤᠷ ᠨᠢ ᠡᠪᠡᠳᠴᠢᠯᠡᠭᠰᠡᠨ ᠲᠠᠯᠠ ᠶᠢᠨ ᠨᠢᠳᠤᠨ | ᠤ ᠠᠷᠤ ᠦᠪᠤᠷ ᠬᠦᠷᠳᠡᠯᠡ ᠭᠦᠳᠦᠭᠦᠷ ᠬᠦᠷᠳᠡᠯᠡ ᠳᠠᠪᠤ ᠠᠴᠠ ᠳᠤᠯᠤᠭᠠᠨ ᠤᠳᠠᠭᠠ ᠡᠷᠡᠬᠡᠢ ᠬᠤᠷᠤᠭᠤ ᠪᠤᠶᠤ | ᠠᠯᠠᠭᠠ ᠪᠠᠷ ᠲᠦᠯᠬᠢᠵᠤ᠂ ᠡᠪᠡᠳᠴᠢᠯᠡᠭᠰᠡᠨ ᠲᠠᠯᠠ ᠶᠢᠨ ᠬᠥᠮᠦᠰᠭᠡᠨ ᠤ ᠭᠤᠤᠯ ᠴᠡᠭ᠂ ᠨᠢᠳᠤᠨ ᠤ ᠭᠠᠳᠠᠷ ᠵᠤᠪᠬᠢᠨ ᠤ | ᠭᠠᠳᠠᠷ ᠳᠡᠭᠡᠷᠡ ᠬᠡᠰᠡᠭ ᠠᠴᠠ ᠬᠤᠳᠤᠭᠤᠷ᠂ ᠠᠮᠠ ᠬᠠᠮᠬᠢᠪᠡᠯ ᠬᠤᠳᠤᠶᠢᠵᠤ ᠠᠩᠭᠠᠶᠢᠪᠠᠯ ᠭᠦᠳᠦᠶᠢᠬᠦ ᠴᠡᠭ᠂ ᠴᠢᠮᠠᠷᠬᠠᠢ | ᠶᠢᠨ ᠬᠤᠩᠬᠤᠷ ᠵᠡᠷᠭᠡ ᠤᠷᠤᠨ ᠪᠡᠯᠴᠢᠷ ᠲᠤ ᠬᠤᠷᠤᠭᠤ ᠪᠠᠷ ᠳᠠᠷᠤᠬᠤ᠂ ᠳᠤᠯᠬᠤ ᠮᠡᠳᠤ ᠶᠢᠨ ᠭᠠᠷ ᠳᠡᠮ ᠢᠶᠠᠷ | ᠰᠡᠳᠤᠯᠳᠡ ᠦᠭᠴᠤ ᠬᠠᠮᠤᠭ ᠰᠡᠭᠦᠯ ᠳᠤᠨᠢ ᠪᠦᠬᠦ ᠬᠠᠴᠠᠷ ᠢ ᠨᠢ ᠠᠯᠠᠭᠠ ᠪᠠᠷ ᠵᠦᠭᠡᠯᠡᠪᠳᠤᠷ ᠢᠯᠡᠬᠦ ᠪᠤᠶᠤ | ᠨᠤᠬᠤᠯᠠᠨᠠ᠃ ᠡᠳᠤᠷ ᠲᠤ ᠨᠢᠭᠡ ᠤᠳᠠᠭᠠ ᠵᠠᠰᠠᠯ ᠬᠢᠨᠡ᠃ ᠪᠠᠷᠤᠭ ᠨᠢᠭᠡ ᠭᠠᠷᠤᠭ ᠲᠤ ᠢᠯᠡᠳᠳᠡ ᠰᠠᠶᠢᠵᠢᠷᠠᠵᠤ᠂ | ᠬᠤᠶᠠᠷ ᠭᠠᠷᠠᠭ ᠲᠤ ᠦᠨᠳᠤᠰᠤᠨ ᠳᠡᠭᠡᠨ ᠡᠳᠡᠭᠡᠷᠡᠨᠡ᠃ ᠨᠢᠭᠤᠷ ᠤᠨ ᠬᠡᠰᠡᠭ ᠤᠨ ᠬᠠᠮᠢᠶᠠ ᠪᠦᠬᠦᠢ ᠪᠡᠯᠴᠢᠷ ᠲᠤ | ᠵᠤᠬᠢᠰᠲᠠᠢ ᠪᠦᠯᠢᠶᠡᠨ ᠵᠢᠩ ᠳᠠᠯᠪᠢᠨᠠ᠃ | ⒊ᠬᠠᠪᠰᠤᠷᠤᠭᠤᠯᠤᠨ ᠬᠡᠷᠡᠭᠯᠡᠬᠦ ᠡᠮ᠄ ᠨᠢᠶᠠᠨ ᠬᠢᠵᠢᠭ ᠤᠨ ᠬᠤᠤᠷ ᠢᠶᠠᠷ ᠡᠪᠡᠳᠴᠢᠯᠡᠭᠰᠡᠨ ᠪᠤᠯ ᠨᠢᠶᠠᠨ ᠶᠢᠨ | ᠨᠢᠳᠤᠯᠬᠤ ᠡᠮ ᠨᠠᠶᠢᠷᠠᠯᠭᠠ ᠠᠴᠠ ᠬᠠᠪᠰᠤᠷᠤᠭᠤᠯᠤᠨᠠ᠃ ᠦᠷᠯᠦᠭᠡ ᠡᠷᠳᠡᠨᠢ ᠦᠷᠡᠯ ᠢ 15 ᠦᠷᠢᠯ᠂ ᠦᠳᠡ ᠳᠤ | ᠰᠢᠩᠭᠡᠭᠡᠭᠴᠢ ᠮᠠᠨᠳᠤᠯ 17 ᠦᠷᠢᠯ᠂ ᠤᠷᠤᠢ ᠨᠢ ᠬᠦᠬᠡ ᠭᠠᠷᠤᠳᠠᠢ— 9 ᠪᠤᠶᠤ᠂ ᠪᠠᠭᠠᠳᠤᠷ—7 ᠶᠢ 7 ᠠᠴᠠ 9 | ᠦᠷᠢᠯ ᠦᠭᠴᠦ ᠪᠤᠯᠤᠨᠠ᠃ ᠰᠠᠯᠬᠢᠨ ᠳᠤ ᠦᠯᠢᠶᠡᠭᠳᠡᠨ ᠤᠯᠤᠭᠰᠠᠨ ᠪᠤᠯ ᠦᠷᠯᠦᠭᠡ ᠡᠷᠳᠡᠨᠢ ᠦᠷᠢᠯ 15ᠦᠷᠢᠯ᠂ | ᠦᠳᠡ ᠳᠤ ᠰᠢᠩᠭᠡᠭᠡᠭᠴᠢ ᠮᠠᠨᠳᠤᠯ 17 ᠦᠷᠢᠯ᠂ ᠤᠷᠤᠢ ᠨᠢ ᠠᠭᠠᠷᠤ—17 ᠪᠤᠶᠤ ᠠᠭᠠᠷᠤ—8 ᠮᠡᠳᠤ ᠶᠢᠨ | ᠡᠮ ᠠᠴᠠ ᠰᠤᠩᠭᠤᠨ ᠬᠡᠷᠡᠭᠯᠡᠨᠡ᠃ | ⒋ ᠰᠤᠪᠢᠯᠠᠯᠳᠠ᠄ ᠰᠠᠯᠬᠢᠨ ᠵᠢᠪᠡᠷ ᠲᠤ ᠴᠤᠬᠢᠭᠳᠠᠵᠤ᠂ ᠳᠠᠭᠠᠷᠠᠵᠤ ᠵᠢᠩᠬᠢᠨᠡᠬᠦ ᠠᠴᠠ ᠰᠠᠶᠢᠳᠤᠷ ᠬᠢᠴᠢᠶᠡᠵᠤ᠂ | ᠬᠠᠯᠠᠭᠤᠨ ᠭᠤᠱᠤᠭᠤᠨ ᠴᠢᠨᠠᠷᠲᠠᠢ ᠢᠳᠡᠭᠡᠨ ᠤᠮᠳᠠᠭᠠᠨ ᠢ ᠴᠡᠭᠡᠷᠯᠡᠨᠡ᠃ ᠰᠡᠳᠬᠢᠯ ᠰᠠᠨᠠᠭᠠ ᠪᠠᠨ ᠪᠠᠶᠠᠰᠤᠩᠭᠤᠢ | ᠪᠠᠶᠢᠯᠭᠠᠨᠠ᠃ | ᠢᠷᠡᠯᠲᠡ᠄ ︽ᠮᠤᠩᠭᠤᠯ ᠠᠨᠠᠭᠠᠬᠤ ᠤᠬᠠᠭᠠᠨ ᠤ ᠤᠯᠠᠮᠵᠢᠯᠠᠯᠳᠤ ᠵᠠᠰᠠᠯ ᠤᠨ ᠡᠮᠴᠢᠯᠡᠭᠡᠨ ᠤ ᠰᠤᠳᠤᠯᠤᠯ︾ | |