ᠲᠡᠷᠢᠭᠦᠨ ᠬᠠᠭᠤᠳᠠᠰᠤ
ᠰᠣᠨᠢᠨ ᠮᠡᠳᠡᠭᠡ
ᠢᠯᠡ ᠵᠠᠰᠠᠭ
ᠰᠣᠶᠣᠯ ᠡᠷᠳᠡᠨᠢ
ᠦᠢᠯᠡᠴᠢᠯᠡᠭᠡ
ᠲᠡᠦᠭᠡᠨ ᠣᠯᠠᠷᠢᠯ ︵ᠲᠦᠷᠪᠡ︶
ᠨᠡᠶᠢᠲᠡᠯᠡᠭᠰᠡᠨ ᠴᠠᠭ᠄
2024/2/27
ᠲᠤᠮᠳᠠᠲᠤ ᠢᠷᠭᠡᠨ ᠣᠯᠣᠰ ᠤᠨ ᠦᠶ᠎ᠡ ︵1912 ~ 1949 ᠤᠨ︶     ᠢᠷᠭᠡᠨ ᠤᠯᠤᠰ ᠤᠨ 4 ᠤᠨ ︵1915 ᠤᠨ︶      ᠨᠢᠩᠰᠢᠶᠠ ᠶᠢᠨ ᠠᠭᠤᠷᠬᠠᠢ ᠶᠢᠨ ᠠᠷᠠᠯᠵᠢᠶᠠᠴᠢᠨ ᠵᠧᠩ ᠸᠠᠨ ᠹᠦ᠋᠂ ᠸᠠᠩ ᠵᠢᠶᠠ ᠪᠢᠨ᠂ ᠵᠠᠩ ᠵᠢᠶᠠ ᠿᠦᠩ ᠵᠡᠷᠭᠡ ᠬᠦᠮᠦᠰ ᠴᠠᠷᠠᠮ ᠤᠨ ᠭᠤᠤᠯ᠂ ᠯᠤᠭᠰᠢᠳᠠᠷ ᠤᠷᠴᠢᠮ ᠨᠡᠭᠦᠷᠡᠰᠦᠨ ᠠᠭᠤᠷᠬᠠᠢ ᠨᠡᠭᠡᠭᠡᠵᠤ ᠪᠠᠶᠢᠪᠠ᠃      ᠢᠷᠭᠡᠨ ᠤᠯᠤᠰ ᠤᠨ 6 ᠤᠨ ︵1917 ᠤᠨ︶      ᠭᠤᠷᠪᠠᠳᠣᠭᠠᠷ ᠰᠠᠷ᠎ᠠ   ᠴᠠᠭᠠᠭᠴᠢᠨ ᠭᠠᠭ᠋ᠠᠢ ᠵᠢᠯ ᠤᠨ ᠬᠤᠪᠢᠰᠬᠠᠯ ᠤᠨ ᠲᠤᠮᠳᠠ ᠯᠢᠩ ᠵᠸᠣ ᠶᠢᠨ ᠴᠡᠷᠢᠭ ᠠᠷᠠᠳ ᠤᠨ ᠪᠤᠰᠤᠯᠭ᠎ᠠ ᠶᠢ ᠤᠳᠤᠷᠢᠳᠴᠦ ᠦᠩᠭᠡᠷᠡᠭᠰᠡᠨ ᠭᠤᠤ ᠱᠢ ᠰᠢᠦ᠂ ᠶᠤᠸᠠᠨ ᠱᠢ ᠺᠠᠢ ᠶᠢ ᠦᠭᠦᠭᠰᠡᠨ ᠠᠴᠠ ᠰᠡᠭᠦᠯᠡᠷ᠂ ᠬᠠᠭᠤᠷᠮᠠᠭ ᠬᠠᠭᠠᠨ ︽ᠲᠠᠷᠠᠯᠤᠵᠢ︾ ᠶᠢᠨ ᠵᠠᠷᠯᠢᠭ ᠤᠨ ᠪᠢᠴᠢᠭ ᠢ ᠠᠰᠢᠭᠯᠠᠵᠤ᠂ ᠮᠤᠩᠭᠤᠯ ᠤᠨ ᠤᠯᠠᠨ ᠠᠶᠢᠮᠠᠭ ᠲᠠᠢ ᠬᠤᠯᠪᠤᠭᠠᠯᠠᠵᠤ᠂ ᠤᠯᠠᠭᠠᠨ ᠤᠪᠤᠭ᠎ᠠ ᠶᠢᠨ ᠲᠠᠶᠢᠯᠠᠯᠳᠤᠭᠠᠨ ᠢ ᠡᠭᠦᠰᠬᠡᠵᠦ᠂ ᠱᠠᠨᠰᠢ ᠶᠢᠨ ᠴᠡᠷᠢᠭ ᠢ ᠶᠡᠬᠡᠪᠡᠷ ᠢᠯᠠᠭᠰᠠᠨ ᠤ ᠰᠡᠭᠦᠯᠡᠷ ᠭᠡᠳᠦᠨ ᠮᠢᠩᠭᠠᠨ ᠬᠦᠮᠦᠨ ᠢᠶᠠᠨ ᠲᠠᠭᠠᠭᠤᠯᠵᠤ ᠳ᠋ᠧᠩᠺᠸᠤ ᠶᠢ ᠡᠵᠡᠯᠡᠵᠦ᠂ ᠲᠠᠬᠢᠨᠳᠠ ᠭᠤᠷᠪᠠᠨ ᠵᠠᠮ ᠤᠨ ᠴᠡᠷᠢᠭ ᠬᠤᠪᠢᠶᠠᠵᠤ᠂ ᠨᠢᠩᠰᠢᠶᠠ ᠶᠢ ᠴᠤᠬᠢᠪᠠ᠃ ᠨᠢᠩᠰᠢᠶᠠ ᠶᠢᠨ ᠬᠠᠮᠠᠭᠠᠯᠠᠭᠴᠢ ᠴᠡᠷᠢᠭ ᠤᠨ ᠲᠦᠰᠢᠮᠡᠯ ᠮᠠ ᠹᠦ᠋ ᠰᠢᠶᠠᠩ ᠲᠡᠭᠦᠨ ᠤ ᠠᠴᠢ ᠮᠠ ᠬᠤᠩ ᠪᠢᠨ ᠢᠶᠠᠷ ᠮᠤᠷᠢᠲᠤ᠂ ᠶᠠᠪᠠᠭᠠᠨ᠂ ᠫᠤᠤᠲᠤ ᠭᠤᠷᠪᠠᠨ ᠰᠠᠯᠠᠭ᠎ᠠ ᠴᠡᠷᠢᠭ ᠲᠠᠶᠢᠴᠢᠯᠠᠨ ᠲᠡᠭᠡᠷᠡᠮ ᠢ ᠤᠰᠠᠳᠬᠠᠬᠤ ᠪᠠᠷ ᠲᠤᠮᠢᠯᠠᠪᠠ᠂ 21 ᠤ ᠡᠳᠦᠷ ᠤᠨ ᠦᠷᠯᠦᠭᠡ ᠰᠠᠨ ᠵᠤᠸᠠᠨ ᠽᠢ ︵ᠣᠳᠣ ᠶᠢᠨ ᠣᠳᠠ ᠲᠤᠭᠤᠷᠢᠭ ᠤᠨ ᠬᠤᠶᠢᠲᠤ ᠬᠡᠰᠡᠭ︶ ᠲᠤ ᠪᠠᠶᠢᠯᠳᠣᠭᠠᠨ ᠪᠤᠯᠪᠠ᠃ ᠭᠤᠤ ᠱᠢ ᠰᠢᠤ ᠤᠪᠤᠭᠠᠲᠤ  ᠶᠢᠨ ᠰᠦᠮ᠎ᠡ ︵ᠣᠳᠣ ᠶᠢᠨ ᠣᠳᠠ ᠲᠤᠭᠤᠷᠢᠭ ᠤᠨ ᠴᠢᠩ ᠨᠢᠶᠠᠨ ᠴᠢᠶᠣᠣ ᠬᠦᠭᠦᠷᠭᠡ ᠶᠢᠨ ᠡᠮᠦᠨ᠎ᠡ ᠬᠡᠰᠡᠭ︶ ᠳᠤ ᠵᠢᠭᠤᠳᠠᠨ ᠤᠷᠤᠪᠠ᠂ ᠨᠢᠩᠰᠢᠶᠠ ᠴᠡᠷᠢᠭ ᠰᠦᠮ᠎ᠡ ᠶᠢ ᠪᠦᠰᠡᠯᠡᠨ ᠲᠠᠭᠠᠷᠢᠯᠳᠠ ᠬᠢᠭᠰᠡᠨ ᠳᠤ᠂ ᠭᠤᠤ ᠱᠢ ᠰᠢᠦ ᠰᠦᠮ᠎ᠡ  ᠠᠴᠠ ᠭᠠᠷᠴᠣ ᠤᠷᠲᠤ ᠭᠤᠤᠯ ︵ᠤᠳᠤ ᠶᠢᠨ ᠤᠳᠠ ᠲᠤᠭᠤᠷᠢᠭ ᠤᠨ ᠪᠠᠶᠠᠨᠰᠠᠶᠢᠨ ᠤ ᠡᠮᠦᠨᠡᠬᠢ ᠤᠷᠲᠤ ᠭᠤᠤᠯ︶ ᠳᠤ ᠲᠤᠳᠠᠭᠠᠨ ᠤᠷᠤᠪᠠ᠃ ᠭᠤᠷᠪᠠᠳᠣᠭᠠᠷ ᠰᠠᠷ᠎ᠠ ᠶᠢᠨ ᠰᠡᠭᠦᠯᠴᠢ ᠪᠠᠷ ᠬᠤᠶᠠᠷ ᠲᠠᠯ᠎ᠠ ᠪᠠᠷ ᠾᠧ ᠯᠠᠨ ᠱᠠᠨ ᠠᠭᠤᠯᠠ ᠶᠢᠨ ᠠᠷᠣ ᠳᠤ ᠪᠠᠶᠢᠯᠳᠤᠵᠤ᠂ ᠭᠤᠤ ᠶᠢᠨ ᠴᠡᠷᠢᠭ ᠤᠨ ᠵᠦᠪᠯᠡᠭᠴᠢ ᠢᠦᠢ ᠯᠢᠩ ᠶᠦᠨ ᠮᠠ ᠤᠪᠤᠭᠲᠤ ᠶᠢᠨ ᠴᠡᠷᠢᠭ ᠲᠤ ᠪᠠᠭᠤᠵᠤ ᠦᠭᠪᠡ᠂ ᠭᠤᠤ ᠶᠢᠨ ᠭᠤᠤᠯ ᠵᠠᠩᠵᠦᠨ ᠵᠠᠩ ᠫᠦ᠋ ᠵᠢᠴᠢ ᠬᠠᠭᠤᠷᠮᠠᠭ ᠬᠠᠭᠠᠨ ︽ᠲᠠᠷᠠᠯᠤᠵᠢ︾ ᠵᠡᠷᠭᠡ 200 ᠭᠠᠷᠤᠢ ᠬᠦᠮᠦᠨ ᠤᠯᠵᠠᠯᠠᠭᠳᠠᠵᠤ᠂ ᠭᠤᠤ ᠴᠦᠬᠡᠨ ᠬᠡᠳᠦᠨ ᠬᠦᠮᠦᠨ ᠲᠠᠭᠠᠭᠤᠯᠵᠤ ᠲᠤᠳᠠᠭᠠᠪᠠ᠃▲ ᠰᠠᠨ ᠱᠧᠩ ᠭᠦᠩ ᠤᠨ ᠬᠤᠳᠠᠯᠳᠤᠭᠠᠴᠢᠨ ᠲᠢᠶᠠᠨ ᠰᠢᠩ ᠴᠢᠤᠸᠠᠨ ᠤ ᠬᠦᠷᠦᠩᠭᠡᠳᠡᠨ ᠭᠤᠤ ᠱᠤᠸᠠᠩ ᠰᠢ ᠤᠳᠠ ᠶᠢᠨ ᠬᠤᠸᠠᠩ ᠪᠠᠢ ᠽᠢ ᠳᠤ ᠨᠡᠭᠦᠷᠡᠰᠦᠨ ᠠᠭᠤᠷᠬᠠᠢ ᠨᠡᠭᠡᠭᠡᠵᠦ ᠪᠠᠶᠢᠪᠠ᠃      ᠢᠷᠭᠡᠨ ᠤᠯᠤᠰ ᠤᠨ 9 ᠤᠨ ︵1920 ᠤᠨ︶      ᠠᠯᠠᠱᠠ ᠬᠤᠰᠢᠭᠤ ︵ᠤᠳᠤ ᠶᠢᠨ ᠤᠳᠠ ᠣᠷᠣᠨ ᠢ ᠬᠠᠷᠢᠶᠠᠯᠠᠨ᠎ᠠ︶ ᠭᠠᠩ ᠤᠨ ᠭᠠᠮᠰᠢᠭ ᠪᠤᠯᠵᠤ᠂ ᠠᠳᠤᠭᠤ ᠮᠠᠯ ᠦᠬᠦᠵᠦ ᠲᠠᠭᠤᠰᠪᠠ᠃ ᠶᠡᠭᠡ ᠵᠤᠤ ᠠᠶᠢᠮᠠᠭ ︵ᠤᠳᠤ ᠶᠢᠨ ᠬᠠᠶᠢᠷᠣᠪ ᠤᠨ ᠲᠤᠬᠤᠢ ᠲᠤᠭᠤᠷᠢᠭ ᠢ ᠬᠠᠮᠢᠶᠠᠷᠤᠨ᠎ᠠ︶ ᠶᠡᠭᠡ ᠰᠠᠯᠬᠢᠨ ᠤ ᠭᠠᠮᠰᠢᠭ ᠪᠤᠯᠵᠤ᠂ ᠬᠦᠨᠲᠦ ᠨᠦᠴᠢᠳᠡᠢ ᠬᠤᠬᠢᠷᠠᠯ ᠪᠤᠯᠪᠠ᠃▲ ᠱᠢ ᠽᠦᠢ ᠱᠠᠨ ᠤ ᠭᠠᠵᠠᠷ ᠤᠨ ᠡᠵᠡᠨ ᠯᠢ ᠱᠤᠸᠠᠩ ᠱᠧᠩ ᠣᠳᠠ ᠶᠢᠨ ᠰᠧ ᠬᠤᠸᠠᠩ ᠹᠧᠩ ᠭᠤᠤᠯ ᠳᠤ ᠨᠡᠭᠦᠷᠡᠰᠦᠨ ᠠᠭᠤᠷᠬᠠᠢ ᠨᠡᠭᠡᠭᠡᠵᠦ᠂ 7 ᠠᠭᠤᠷᠬᠠᠢ ᠶᠢᠨ ᠠᠵᠢᠯᠴᠢᠨ ᠲᠠᠢ ᠪᠠᠶᠢᠪᠠ᠃      ᠢᠷᠭᠡᠨ ᠤᠯᠤᠰ ᠤᠨ 10 ᠤᠨ ︵1921 ᠤᠨ︶      ᠬᠠᠪᠤᠷ   ᠨᠢᠩᠰᠢᠶᠠ ᠶᠢᠨ ᠰᠠᠬᠢᠨ ᠬᠠᠮᠠᠭᠠᠯᠠᠬᠤ ᠲᠦᠰᠢᠮᠡᠯ ᠮᠠ ᠬᠤᠩ ᠪᠢᠨ ᠱᠢ ᠽᠦᠢ ᠱᠠᠨ᠂ ᠾᠧ ᠭᠤᠸᠠᠢ ᠽᠢ᠂ ᠳ᠋ᠧᠩᠺᠸᠤ ︵ᠬᠠᠭᠤᠴᠢᠨ ᠳ᠋ᠧᠩᠺᠸᠤ︶᠂ ᠨᠠᠨ ᠯᠢᠶᠠᠩ ᠲᠠᠢ ᠵᠡᠷᠭᠡ ᠭᠠᠵᠠᠷ ᠲᠤᠰᠪᠤᠷᠢ ᠨᠢᠭᠡᠨ ᠴᠡᠷᠢᠭ ᠤᠨ ᠬᠤᠸᠠᠷᠠᠨ ᠪᠠᠶᠢᠭᠤᠯᠪᠠ᠃ ᠾᠧ ᠭᠤᠸᠠᠢ ᠽᠢ ᠤᠳᠤ ᠶᠢᠨ ᠣᠳᠠ ᠶᠢᠨ ᠬᠤᠶᠢᠲᠤ ᠲᠠᠯ᠎ᠠ ᠳᠤ ᠪᠠᠶᠢᠷᠢᠯᠠᠵᠤ᠂ ᠠᠷᠪᠠ ᠭᠠᠷᠤᠢ ᠲᠠᠰᠣᠯᠭ᠎ᠠ ᠴᠡᠷᠢᠭ ᠤᠨ ᠬᠤᠸᠠᠷᠠᠨ ᠲᠠᠢ ᠪᠠᠶᠢᠪᠠ᠃▲ ᠯᠢᠶᠠᠩ ᠹᠧᠩ ᠴᠢᠶᠠᠩ ᠤᠨ ᠤᠮᠪᠤᠯ ᠬᠦᠦ ᠯᠢᠶᠠᠩ ᠳ᠋ᠠ ᠭᠤᠤ ᠣᠳᠠ ᠶᠢᠨ ᠯᠢᠶᠠᠩ ᠵᠢᠶᠠ ᠭᠸᠤ ᠭᠤᠤᠯ ᠤᠨ ᠨᠡᠭᠦᠷᠡᠰᠦᠨ ᠠᠭᠤᠷᠬᠠᠢ ᠪᠠᠨ ᠨᠢᠩᠰᠢᠶᠠ ᠶᠢᠨ ᠭᠠᠵᠠᠷ ᠤᠨ ᠡᠵᠡᠨ ᠯᠢ ᠾᠧᠩ ᠯᠢᠨ ᠳᠤ ᠲᠦᠷᠢᠶᠡᠰᠦᠯᠡᠨ ᠦᠭᠪᠡ᠂ ᠭᠤᠷᠪᠠᠨ ᠵᠢᠯ ᠤᠨ ᠲᠠᠷᠠᠭ᠎ᠠ ᠤᠷᠬᠢᠭᠳᠠᠨ ᠬᠠᠶᠠᠭᠳᠠᠪᠠ᠃      ᠢᠷᠭᠡᠨ ᠤᠯᠤᠰ ᠤᠨ 12 ᠤᠨ ︵1923 ᠤᠨ︶      ᠲᠦᠷᠪᠡᠳᠦᠭᠡᠷ ᠰᠠᠷ᠎ᠠ   ᠰᠦᠢ ᠶᠤᠸᠠᠨ ᠤ ᠪᠦᠭᠦᠳᠡ ᠶᠢ ᠵᠠᠬᠢᠷᠤᠭᠴᠢ ᠮᠠ ᠹᠦ᠋ ᠰᠢᠶᠠᠩ ᠣᠳᠤᠭ ᠬᠤᠰᠢᠭᠤᠨ  ᠤ ᠬᠠᠳᠣᠨ ᠭᠤᠤᠯ ᠤᠨ ᠡᠷᠬᠢ ᠶᠢᠨ ᠨᠢᠭᠡ ᠬᠡᠰᠡᠭ ᠤᠷᠲᠤ ᠲᠦᠷᠪᠡᠯᠵᠢᠨ ᠭᠠᠵᠠᠷ ︵ᠤᠳᠤ ᠶᠢᠨ ᠦᠬᠠᠢ ᠣᠷᠣᠨ ᠪᠠᠭᠳᠠᠨ᠎ᠠ︶ ᠢ ᠭᠠᠨᠰᠣ ᠮᠣᠵᠢ ᠶᠢᠨ ᠨᠢᠩᠰᠢᠶᠠ ᠶᠢᠨ ᠰᠠᠬᠢᠨ ᠬᠠᠮᠠᠭᠠᠯᠠᠬᠤ ᠲᠦᠰᠢᠮᠡᠯ ᠤᠨ ᠠᠴᠢ ᠬᠦᠦ ᠮᠠ ᠬᠤᠩ ᠪᠢᠨ ᠢᠶᠠᠷ ᠮᠠᠯ ᠮᠠᠯᠵᠢᠭᠤᠯᠵᠤ᠂ ᠨᠢᠩᠰᠢᠶᠠ ᠶᠢᠨ ᠬᠠᠷᠢᠶ᠎ᠠ ᠣᠷᠣᠨ ᠪᠣᠯᠭᠠᠪᠠ᠃     ᠢᠷᠭᠡᠨ ᠤᠯᠤᠰ ᠤᠨ 15 ᠤᠨ ︵1926 ᠤᠨ︶     9 ᠰᠠᠷ᠎ᠠ ᠶᠢᠨ 17 ᠤ ᠡᠳᠦᠷ   ᠹᠧᠩ ᠢᠦᠢ ᠰᠢᠶᠠᠩ ᠢᠷᠭᠡᠨ ᠣᠯᠣᠰ ᠤᠨ ᠬᠤᠯᠪᠤᠭᠠᠲᠤ ᠴᠡᠷᠢᠭ ᠤᠨ ᠶᠡᠷᠦᠩᠬᠡᠢ ᠰᠧᠯᠢᠩ ᠤᠨ ᠨᠡᠷ᠎ᠡ ᠪᠠᠷ ᠦᠶᠤᠸᠠᠨ ᠳᠤ ᠲᠠᠩᠭᠠᠷᠢᠭᠯᠠᠵᠤ ᠲᠤᠰᠢᠶᠠᠯ ᠬᠦᠯᠢᠶᠡᠪᠡ᠃ ᠣᠯᠣᠰ ᠠᠷᠠᠳ ᠤᠨ ᠴᠡᠷᠢᠭ ᠬᠤᠶᠢᠨ᠎ᠠ ᠬᠤᠶᠢᠨ᠎ᠠ ᠠᠴᠠ ᠪᠠᠨ ᠪᠤᠭᠤᠲᠤ ᠠᠴᠠ ᠮᠣᠷᠳᠠᠨ ᠦᠬᠠᠢ ᠪᠠᠷ ᠲᠠᠮᠵᠢᠨ ᠭᠠᠨᠰᠤ ᠳᠤ ᠬᠦᠷᠴᠦ ᠱᠠᠨ ᠰᠢ ᠶᠢ ᠲᠤᠰᠠᠯᠠᠪᠠ᠃ ᠹᠧᠩ ᠢᠦᠢ ᠰᠢᠶᠠᠩ ᠪᠠᠰᠠ 11 ᠰᠠᠷ᠎ᠠ ᠶᠢᠨ 24 ᠤ ᠡᠳᠦᠷ ᠨᠠᠰᠢᠨ ᠲᠡᠷᠭᠡ ᠪᠠᠷ ᠦᠶᠤᠸᠠᠨ  ᠠᠴᠠ ᠮᠤᠷᠳᠠᠵᠤ᠂ ᠯᠢᠨ ᠾᠧ᠂ ᠳ᠋ᠧᠩᠺᠸᠤ᠂ ᠣᠳᠠ ᠶᠢ ᠦᠩᠭᠡᠷᠡᠨ ᠬᠠᠳᠤᠨ ᠭᠤᠤᠯ ᠤᠨ ᠪᠠᠷᠠᠭᠤᠨ ᠡᠷᠬᠢ ᠶᠢ ᠲᠠᠭᠠᠵᠤ 5 ᠡᠳᠦᠷ ᠤᠨ ᠲᠠᠷᠠᠭ᠎ᠠ ᠢᠷᠭᠠᠢ ᠳᠤ ᠬᠦᠷᠪᠡ᠃ ᠪᠤᠭᠤᠲᠤ ᠠᠴᠠ ᠨᠢᠩᠰᠢᠶᠠ ᠬᠦᠷᠬᠦ ᠡᠨᠡ ᠬᠡᠰᠡᠭ ᠵᠠᠮ ᠢ ᠹᠧᠩ ᠢᠦᠢ ᠰᠢᠶᠠᠩ ᠤᠨ ᠵᠠᠬᠢᠷᠣᠯ ᠲᠤᠤᠷᠠᠬᠢ ᠱᠢ ᠶᠢᠦ ᠰᠠᠨ ᠴᠡᠷᠢᠭ ᠠᠩᠬᠢ ᠲᠠᠭᠠᠭᠤᠯᠤᠨ ᠵᠠᠰᠠᠭᠰᠠᠨ ᠶᠤᠮ᠃      ᠢᠷᠭᠡᠨ ᠤᠯᠤᠰ ᠤᠨ 17 ᠤᠨ ︵1928 ᠤᠨ︶      10 ᠰᠠᠷ᠎ᠠ ᠶᠢᠨ 19 ᠤ ᠡᠳᠦᠷ   ᠨᠠᠨᠵᠢᠩ ᠤᠨ ᠢᠷᠭᠡᠨ ᠣᠯᠣᠰ ᠤᠨ ᠵᠠᠰᠠᠭ ᠤᠨ ᠣᠷᠳᠣᠨ ᠠᠴᠠ ᠢᠷᠭᠡᠨ ᠣᠯᠣᠰ ᠤᠨ ᠵᠰᠠᠭ ᠤᠨ ᠣᠷᠳᠣᠨ ᠤ ᠨᠡᠷ᠎ᠡ ᠪᠠᠷ ᠵᠠᠷᠯᠢᠭ ᠪᠤᠯᠵᠤ᠂ ᠨᠢᠩᠰᠢᠶᠠ ᠮᠤᠵᠢ ᠶᠢ ᠪᠠᠶᠢᠭᠤᠯᠵᠤ᠂ ᠠᠯᠠᠱᠠ ᠬᠤᠰᠢᠭᠤ ︵ᠤᠳᠤ ᠶᠢᠨ ᠤᠳᠠ ᠣᠷᠣᠨ ᠢ ᠬᠠᠷᠢᠶᠠᠯᠠᠨ᠎ᠠ︶᠂ ᠡᠵᠡᠨ᠎ᠡ ᠬᠤᠰᠢᠭᠤ ᠬᠢᠭᠡᠳ ᠳ᠋ᠧᠩᠺᠸᠤ ᠰᠢᠶᠠᠨ ᠢ ᠬᠠᠮᠲᠤ  ᠳᠤᠨᠢ ᠨᠢᠩᠰᠢᠶᠠ ᠮᠤᠵᠢ ᠶᠢᠨ ᠵᠠᠬᠢᠷᠭ᠎ᠠ ᠳᠤ ᠬᠤᠪᠢᠶᠠᠷᠢᠯᠠᠨ ᠤᠷᠤᠭᠤᠯᠪᠠ᠃      ᠢᠷᠭᠡᠨ ᠤᠯᠤᠰ ᠤᠨ 18 ᠤᠨ ︵1929 ᠤᠨ︶      1928 ᠣᠨ ᠤ 5 ᠰᠠᠷ᠎ᠠ ᠳᠤ ︵ᠾᠧ ᠬᠤᠸᠠᠩ ᠤᠨ ᠬᠡᠷᠡᠭ ᠬᠤᠪᠢᠰᠣᠯ︶ ᠡᠭᠦᠰᠪᠡ᠃ 1929 ᠤ 4 ᠰᠠᠷ᠎ᠠ  ᠳᠤ ᠮᠠ ᠵᠦᠩ ᠶᠢᠩ ᠵᠠᠬᠢᠷᠭ᠎ᠠ ᠶᠢᠨ ᠴᠡᠷᠢᠭ ᠢᠶᠠᠨ ᠲᠠᠶᠢᠴᠢᠯᠠᠨ ᠭᠠᠨᠰᠦ ᠶᠢᠨ ᠮᠢᠨ ᠴᠢᠨ ᠢᠶᠠᠷ ᠲᠡᠭᠷᠢ ᠡᠯᠡᠰᠦᠨ ᠴᠦᠯ ᠳᠤ ᠣᠷᠣᠵᠣ᠂ ᠠᠯᠠᠱᠠ ᠬᠤᠰᠢᠭᠤᠨ ᠤ ᠳ᠋ᠢᠩ ᠶᠤᠸᠠᠨ ᠶᠢᠩ ᠢᠶᠠᠷ ᠲᠠᠮᠵᠢᠨ᠂ 4 ᠰᠠᠷ᠎ᠠ ᠶᠢᠨ 12 ᠤᠨ ᠡᠳᠦᠷ ᠨᠢᠩᠰᠢᠶᠠ ᠮᠤᠵᠢ ᠶᠢ ᠡᠵᠡᠯᠡᠪᠡ᠂ ᠰᠡᠭᠦᠯᠡᠷ ᠢᠷᠭᠡᠨ ᠣᠯᠣᠰ ᠤᠨ ᠴᠡᠷᠢᠭ ᠵᠢᠢ ᠬᠤᠩ ᠴᠠᠩ ᠤᠨ ᠪᠦᠯᠦᠭ ᠤᠨ ᠨᠡᠭᠡᠯᠳᠡ ᠲᠤᠤᠷ᠎ᠠ ᠦᠬᠠᠢ ᠣᠷᠣᠨ ᠢ ᠲᠠᠮᠵᠢᠵᠤ ᠪᠤᠷᠤ ᠲᠤᠬᠤᠢ ᠵᠦᠭ ᠢᠯᠡᠭ᠌ᠳᠠᠨ ᠲᠤᠳᠠᠭᠠᠪᠠ᠃      ᠢᠷᠭᠡᠨ ᠤᠯᠤᠰ ᠤᠨ 19 ᠤᠨ ︵1930 ᠤᠨ︶      ᠰᠦᠢ ᠶᠤᠸᠠᠨ ᠮᠤᠵᠢ ᠶᠢᠨ ᠵᠠᠰᠠᠭ ᠤᠨ ᠣᠷᠳᠣᠨ ᠠᠴᠠ ᠬᠠᠳᠣᠨ ᠭᠤᠤᠯ ᠠᠴᠠ ᠵᠡᠭᠦᠨᠰᠢ ᠤᠳᠤᠭ ᠬᠤᠰᠢᠭᠤᠨ ᠤ ᠭᠠᠵᠠᠷ ᠤᠷᠤᠨ ᠳᠤ ᠸᠧ ᠶᠧ ᠶᠢᠨ ᠪᠠᠶᠢᠭᠤᠯᠤᠯᠳᠠ ᠶᠢᠨ ᠲᠤᠪᠴᠢᠶ᠎ᠠ ᠶᠢ ᠪᠠᠶᠢᠭᠤᠯᠵᠤ᠂ ᠰᠡᠭᠦᠯᠡᠷ ᠸᠧ ᠶᠧ ᠰᠢᠶᠠᠨ ᠬᠡᠮᠡᠨ ᠬᠠᠯᠠᠪᠠ᠂ ᠤᠳᠤ ᠶᠢᠨ ᠬᠠᠶᠢᠷᠣᠪ ᠤᠨ ᠲᠤᠬᠤᠢ ᠣᠷᠣᠨ ᠢ ᠬᠠᠷᠢᠶᠠᠯᠠᠨ᠎ᠠ᠃      ᠢᠷᠭᠡᠨ ᠤᠯᠤᠰ ᠤᠨ 23 ᠤᠨ ︵1934 ᠤᠨ︶      1 ᠰᠠᠷ᠎ᠠ   ᠰᠦᠢ ᠶᠤᠸᠠᠨ ᠤ ᠪᠠᠷᠠᠭᠤᠨ ᠳᠤ ᠰᠠᠭᠤᠭ᠎ᠠ ᠰᠦᠨ ᠳ᠋ᠢᠶᠠᠨ ᠶᠢᠩ ᠤᠨ ᠵᠠᠬᠢᠷᠭ᠎ᠠ ᠶᠢᠨ 7 ᠲᠦᠮᠨ ᠭᠠᠷᠣᠢ ᠬᠦᠮᠦᠨ ᠬᠠᠳᠣᠨ ᠭᠤᠤᠯ ᠤᠨ ᠬᠤᠶᠠᠷ ᠡᠷᠬᠢ ᠶᠢ ᠲᠠᠭᠠᠵᠤ ᠨᠢᠩᠰᠢᠶᠠ ᠶᠢ ᠲᠠᠭᠠᠷᠢᠨ ᠴᠤᠬᠢᠪᠠ᠃ 12 ᠤᠨ ᠡᠳᠦᠷ ᠤᠨ ᠰᠦᠨᠢ᠂ ᠲᠡᠷᠢᠬᠦᠨ ᠳᠤ ᠶᠠᠪᠤᠭ᠎ᠠ ᠴᠡᠷᠢᠭ ᠠᠩᠬᠢ ᠨᠢ ᠳ᠋ᠧᠩᠺᠸᠣ ᠶᠢ ᠬᠡᠨᠡᠳᠡᠭᠦᠯᠦᠨ ᠴᠤᠬᠢᠵᠤ᠂ 13 ᠤ ᠡᠳᠦᠷ ᠬᠤᠶᠠᠷ ᠵᠠᠮ ᠬᠤᠪᠢᠶᠠᠨ ᠱᠢ ᠽᠦᠢ ᠱᠠᠨ ᠢ ᠰᠢᠷᠦᠭᠦᠨ ᠲᠠᠭᠠᠷᠢᠪᠠ᠃ ᠫᠢᠩ ᠯᠦᠸᠧ᠂ ᠨᠢᠩᠰᠢᠶᠠ ᠶᠢᠨ ᠮᠤᠵᠢ  ᠶᠢᠨ ᠬᠤᠳᠠ ᠶᠢ ᠴᠤᠬᠢᠬᠤ ᠦᠶᠡᠰ᠂ ᠮᠠ ᠬᠤᠩ ᠺᠦᠢ᠂ ᠮᠠ ᠬᠤᠩ ᠪᠢᠨ᠂ ᠮᠠ ᠪᠦ᠋ ᠹᠠᠩ᠂ ᠮᠠ ᠪᠦ᠋ ᠴᠢᠩ ᠤᠨ ᠬᠤᠯᠪᠤᠭᠠᠲᠤ ᠴᠡᠷᠢᠭ ᠲᠤ ᠪᠤᠳᠠ ᠴᠤᠬᠢᠭᠳᠠᠪᠠ᠃ 3 ᠰᠠᠷ᠎ᠠ ᠳᠤ᠂ ᠰᠦᠨ ᠳ᠋ᠢᠶᠠᠨ ᠶᠢᠩ ᠤᠨ ᠦᠯᠡᠳᠡᠭᠰᠡᠨ ᠬᠤᠶᠠᠷ ᠲᠦᠮᠡ ᠭᠠᠷᠤᠢ ᠬᠦᠮᠦᠨ ᠱᠢ ᠽᠦᠢ ᠱᠠᠨ᠂ ᠦᠬᠠᠢ ᠪᠠᠷ ᠦᠩᠭᠡᠷᠡᠨ ᠰᠠᠨ ᠱᠧᠩ ᠬᠦᠩ ᠤᠷᠴᠢᠮ ᠶᠠᠨ ᠰᠢ ᠱᠠᠨ ᠤ ᠴᠡᠷᠢᠭ ᠤᠨ ᠵᠠᠬᠢᠷᠭ᠎ᠠ ᠳᠤ ᠤᠷᠤᠪᠠ᠃      ᠢᠷᠭᠡᠨ ᠤᠯᠤᠰ ᠤᠨ 26 ᠤᠨ ︵1937 ᠤᠨ︶      ᠱᠢ ᠽᠦᠢ ᠱᠠᠨ ᠤ ᠬᠦᠷᠦᠩᠭᠡᠳᠡᠨ ᠴᠧᠨ ᠱᠦᠨ ᠴᠢ ᠶᠢᠨ ᠤᠳᠠ ᠳᠤ ᠨᠡᠭᠡᠭᠡᠭᠰᠡᠨ ᠴᠧᠨ ᠵᠢᠶᠠ ᠭᠸᠤ ᠨᠡᠭᠦᠷᠡᠰᠦᠨ ᠠᠭᠤᠷᠬᠠᠢ ᠶᠢ ᠱᠢ ᠽᠦᠢ ᠱᠠᠨ ᠤ ᠲᠤᠮᠤ ᠭᠠᠵᠠᠷ ᠤᠨ ᠡᠵᠡᠨ ᠴᠧᠨ ᠿᠤ᠋ ᠯᠢᠨ ︵ᠬᠤᠴᠢ ᠨᠡᠷ᠎ᠡ ︽ᠶᠠᠳᠠᠭᠤ ᠬᠦᠮᠦᠨ ᠤ ᠡᠷᠯᠢᠭ ᠬᠠᠭᠠᠨ︾ ᠬᠡᠳᠡᠭ︶ ᠬᠢᠭᠡᠳ ᠢᠷᠭᠠᠢ ᠶᠢᠨ ᠴᠠᠭᠳᠠᠭᠠᠨ ᠲᠤᠪᠴᠢᠶᠠᠨ ᠤ ᠲᠦᠷᠪᠡᠳᠦᠭᠡᠷ ᠬᠤᠪᠢᠶᠠᠷᠢ ᠲᠤᠪᠴᠢᠶᠠᠨ ᠤ ᠲᠤᠪᠴᠢᠶᠠᠨ ᠲᠠᠷᠤᠭ᠎ᠠ ᠰᠢᠦᠸᠡᠢ ᠰᠢᠨ ᠡᠤ ᠲᠤᠰᠴᠣ ᠡᠵᠡᠩᠨᠡᠪᠡ᠂ 1945 ᠣᠨ ᠳᠤ ᠨᠡᠭᠡᠭᠡᠬᠦ ᠪᠠᠨ ᠵᠤᠭᠰᠣᠪᠠ᠃▲ ᠤᠳᠠ ᠣᠷᠣᠨ ᠳᠤ ᠬᠤᠶᠠᠷ ᠨᠡᠭᠦᠷᠡᠰᠦᠨ ᠺᠤᠮᠫᠠᠨᠢ ᠪᠠᠶᠢᠪᠠ᠃ ᠨᠢᠭᠡ ᠨᠢ ᠮᠠ ᠬᠤᠩ ᠺᠦᠢ ᠶᠢᠨ ᠲᠦᠷᠪᠡᠳᠦᠭᠡᠷ ᠪᠠᠭ᠎ᠠ ᠬᠠᠳᠣᠨ ᠯᠢᠦ ᠮᠤ᠋ ᠰᠢᠶᠠ ᠶᠢᠨ ᠡᠷᠬᠢᠯᠡᠭᠰᠡᠨ ᠨᠡᠭᠦᠷᠡᠰᠦᠨ ᠺᠤᠮᠫᠠᠨᠢ᠂ ᠬᠢᠬᠠᠯ ᠮᠦᠯᠵᠢᠯ ᠬᠡᠴᠡᠭᠦᠦ ᠠᠴᠠ ᠪᠤᠯᠵᠤ ᠠᠭᠤᠷᠬᠠᠢ ᠶᠢᠨ ᠠᠵᠢᠯᠳᠠᠨ ᠣᠷᠢᠳ ᠬᠤᠵᠢᠳ ᠠᠭᠤᠷᠬᠠᠢ ᠠᠴᠠ ᠰᠠᠯᠤᠭᠰᠠᠨ ᠠᠴᠠ ᠨᠡᠭᠦᠷᠡᠰᠦᠨ ᠺᠤᠮᠫᠠᠨᠢ ᠪᠠᠨ ᠲᠠᠷᠬᠠᠭᠠᠪᠠ᠃ ᠨᠦᠬᠦᠭᠡ ᠨᠢᠭᠡ ᠨᠢ ᠪᠤᠯ ᠠᠯᠠᠱᠠ ᠬᠤᠰᠢᠭᠤᠨ ᠤ ᠸᠠᠩ ᠨᠤᠶᠠᠨ ᠲᠠᠷᠢᠵᠢᠶᠠᠭ᠎ᠠ ᠠᠴᠠ ᠭᠠᠵᠠᠷ ᠤᠨ ᠳᠠᠷᠤᠭ᠎ᠠ ᠮᠤᠬᠤᠯᠠᠭ ︵ᠨᠦᠬᠦᠭᠡ ᠨᠡᠷ᠎ᠡ ᠯᠦᠸᠧ ᠶᠢ︶ ᠢ ᠲᠤᠮᠢᠯᠠᠠᠵᠤ ᠪᠠᠶᠢᠭᠤᠯᠤᠭᠰᠠᠨ ᠨᠡᠭᠦᠷᠡᠰᠦᠨ ᠺᠤᠮᠫᠠᠨᠢ ᠪᠤᠯᠤᠨ᠎ᠠ᠂ ᠡᠵᠡᠩᠨᠡᠯᠲᠡ ᠨᠢ ᠪᠠᠷᠤᠭᠲᠠᠢ ᠪᠤᠯᠬᠤᠷ ᠡᠭᠦᠳᠡ ᠪᠠᠨ ᠬᠠᠭᠠᠪᠠ᠃     ᠢᠷᠭᠡᠨ ᠤᠯᠤᠰ ᠤᠨ 29 ᠤᠨ ︵1940 ᠤᠨ︶     ᠮᠠ ᠬᠤᠩ ᠺᠦᠢ ᠬᠢᠭᠡᠳ ᠲᠡᠭᠦᠨ ᠤ ᠬᠠᠭᠤᠷᠠᠢ ᠬᠦᠦ ᠯᠢ ᠹᠠᠩ ᠫᠦᠸᠧ ᠵᠢᠴᠢ ᠭᠤᠮᠢᠨᠳᠠᠩ ᠤᠨ ᠴᠡᠷᠢᠭ ᠤᠨ ᠲᠡᠳ᠋ ᠨᠤᠶᠠᠨ ᠮᠢ ᠯᠢ ᠴᠢᠤᠸᠠᠨ ᠣᠳᠠ ᠶᠢᠨ ᠵᠢᠶᠤᠤ ᠽᠢ ᠭᠸᠤ ᠨᠡᠭᠦᠷᠡᠰᠦᠨ ᠠᠭᠤᠷᠬᠠᠢ ᠢ ᠬᠦᠴᠦᠷᠭᠡᠭᠯᠡᠨ ᠡᠵᠡᠯᠡᠪᠡ᠃ ᠠᠵᠢᠯᠴᠢᠨ ᠬᠦᠯᠦᠰᠦᠯᠡᠭᠰᠡᠨ ᠤ ᠲᠠᠷᠠᠭ᠎ᠠ ᠤᠷᠢᠳᠠᠪᠡᠷ ᠠᠵᠢᠯᠴᠢᠨ ᠤ ︽ᠪᠡᠶ᠎ᠡ ᠶᠢᠨ ᠦᠨᠡᠮᠯᠡᠯ︾ ᠢ ᠬᠤᠷᠢᠶᠠᠨ ᠠᠪᠴᠤ ᠲᠣᠳᠠᠭᠠᠬᠤ ᠠᠴᠠ ᠰᠡᠷᠭᠡᠶᠢᠯᠡᠪᠡ᠂ ᠰᠡᠭᠦᠯᠡᠷ ᠨᠢ ᠠᠵᠢᠯᠴᠢᠨ ᠤ ᠬᠦᠯᠦᠰᠦᠨ ᠵᠤᠭᠤᠰ ᠢ ᠬᠢᠮᠤᠰᠤᠯᠠᠪᠠ᠃      ᠢᠷᠭᠡᠨ ᠤᠯᠤᠰ ᠤᠨ 30 ᠤᠨ ︵1942 ᠤᠨ︶      ᠱᠢ ᠽᠦᠢ ᠱᠠᠨ ᠤ ᠬᠦᠷᠦᠩᠬᠡᠳᠡᠨ ᠭᠦᠸᠧ ᠵᠢᠶᠠ ᠰᠢᠶᠠᠨ ᠤᠳᠠ ᠶᠢᠨ ᠬᠤᠸᠠᠩ ᠪᠠᠢ ᠽᠢ ᠳᠤ ᠠᠭᠤᠷᠬᠠᠢ ᠨᠡᠭᠡᠭᠡᠵᠦ ᠨᠡᠭᠦᠷᠡᠰᠦ ᠮᠠᠯᠲᠠᠪᠠ᠃      ᠢᠷᠭᠡᠨ ᠤᠯᠤᠰ ᠤᠨ 31 ᠤᠨ ︵1943 ᠤᠨ︶      2 ᠰᠠᠷ᠎ᠠ  ᠰᠦᠢ ᠶᠤᠸᠠᠨ ᠮᠤᠵᠢ ᠶᠢᠨ ᠪᠠᠷᠠᠭᠤᠨ ᠬᠡᠰᠡᠭ ᠲᠤ ᠬᠤᠯᠤᠭᠠᠨ᠎ᠠ ᠶᠢᠨ ᠬᠢᠵᠢᠭ ᠲᠡᠯᠭᠡᠷᠡᠵᠦ᠂ ᠨᠢᠩᠰᠢᠶᠠ‌‍ᠶᠢᠨ ᠳ᠋ᠧᠩᠺᠸᠤ ᠰᠢᠶᠠᠨ ᠣᠷᠴᠢᠮ ᠬᠦᠷᠳᠡᠯ᠎ᠡ ᠲᠠᠷᠬᠠᠪᠠ᠃ ᠨᠢᠩᠰᠢᠶᠠ ᠮᠤᠵᠢ ᠠᠴᠠ ᠬᠢᠵᠢᠭ ᠰᠡᠷᠭᠡᠶᠢᠯᠡᠬᠦ ᠵᠦᠪᠯᠡᠯ ᠪᠠᠶᠢᠭᠤᠯᠵᠤ᠂ ᠱᠢ ᠽᠦᠢ ᠱᠠᠨ᠂ ᠲᠤᠤ ᠯᠧ᠂ ᠳ᠋ᠧᠩᠺᠸᠤ ᠪᠤᠯᠤᠨ ᠳ᠋ᠢᠩ ᠶᠤᠸᠠᠨ ᠶᠢᠩ ᠣᠷᠴᠢᠮ ᠬᠦᠷᠬᠦ ᠵᠠᠮ ᠬᠠᠷᠢᠯᠴᠠᠭ᠎ᠠ ᠶᠢ ᠲᠦᠷ ᠪᠢᠳᠡᠭᠦᠮᠵᠢᠯᠡᠪᠡ᠃ ᠬᠢᠵᠢᠭ ᠢ ᠴᠠᠭ ᠲᠤᠬᠠᠢ ᠳᠤᠨᠢ ᠰᠡᠷᠭᠡᠶᠢᠯᠡᠵᠦ᠂ ᠰᠦᠢ ᠶᠤᠸᠠᠨ ᠤ ᠬᠢᠯᠢ ᠬᠢᠵᠠᠭᠠᠷ ᠢᠶᠠᠷ ᠬᠦᠮᠦᠨ ᠠᠮᠠ ᠴᠦᠬᠡᠨ ᠪᠠᠶᠢᠭᠰᠠᠨ ᠣᠴᠢᠷ ᠠᠴᠠ ᠤᠳᠠᠯ ᠦᠭᠡᠢ ᠬᠢᠵᠢᠭ‌‍ᠤᠨ ᠪᠠᠶᠢᠳᠠᠯ ᠢ ᠡᠵᠡᠮᠳᠡᠪᠡ᠃      ᠢᠷᠭᠡᠨ ᠤᠯᠤᠰ ᠤᠨ 32 ᠤᠨ ︵1944 ᠤᠨ︶      ᠭᠠᠵᠠᠷ ᠰᠢᠨᠵᠢᠯᠡᠭᠡᠨ ᠤ ᠡᠷᠳᠡᠮᠳᠡᠨ ᠪᠢᠶᠠᠨ ᠵᠤᠤ ᠰᠢᠶᠠᠩ᠂ ᠡᠷᠳᠡᠨ ᠤ ᠠᠮᠢᠲᠤ ᠪᠤᠳᠠᠰ ᠤᠨ ᠡᠷᠳᠡᠮᠳᠡᠨ ᠯᠢ ᠰᠢᠩ ᠰᠢᠦᠸᠡᠢ ᠬᠧ ᠯᠠᠨ ᠱᠠᠨ ᠠᠭᠤᠯᠠᠨ ᠳᠤ ᠬᠦᠷᠴᠦ ᠭᠠᠵᠠᠷ ᠰᠢᠨᠵᠢᠯᠡᠭᠡᠨ ᠤ ᠪᠠᠶᠢᠴᠠᠭᠠᠯᠳᠠ ᠬᠢᠵᠦ᠂ ᠭᠤᠤᠯᠳᠠᠭᠤ ᠨᠡᠭᠦᠷᠡᠰᠦ ᠲᠡᠮᠦᠷ ᠤᠨ ᠲᠤᠬᠠᠢ ᠬᠠᠶᠢᠨ ᠪᠠᠶᠢᠴᠠᠭᠠᠯᠳᠠ ᠬᠢᠪᠡ᠃▲ ᠿᠧᠨ ᠵᠢᠢ᠂ ᠬᠤ᠋ ᠽᠧᠩ ᠪᠢ ᠬᠤᠶᠠᠭᠤᠯᠠ ᠣᠷᠠᠨ ᠲᠦᠰᠢ ᠠᠭᠤᠯᠠᠨ ᠤ ᠤᠷᠢᠲᠤ ᠲᠠᠯ᠎ᠠ ᠶᠢᠨ ᠴᠠᠷᠢᠮ ᠤᠨ ᠭᠤᠤᠯ ᠬᠢᠭᠡᠳ ᠯᠤᠭᠰᠢᠳᠣᠷ ᠬᠤᠶᠠᠷ ᠠᠭᠤᠷᠬᠠᠢ ᠶᠢᠨ ᠣᠷᠣᠨ ᠳᠤ ᠪᠠᠶᠢᠴᠠᠭᠠᠯᠳᠠ ᠬᠢᠪᠡ᠃ ︽ᠨᠡᠭᠦᠷᠡᠰᠦᠨ ᠠᠭᠤᠷᠬᠠᠢ  ᠶᠢᠨ ᠭᠠᠵᠠᠷ ᠰᠢᠨᠵᠢᠯᠡᠭᠡᠨ ᠤ ᠮᠡᠳᠡᠭᠦᠯᠦᠯᠳᠡ ᠶᠢᠨ ᠪᠢᠴᠢᠭ︾ ᠬᠡᠬᠦ ᠪᠦᠲᠦᠭᠡᠯ ᠢᠶᠠᠨ ︽ᠰᠢᠳᠠᠭᠠᠬᠤ ᠪᠤᠳᠠᠰ ᠤᠨ ᠬᠤᠷᠢᠶᠠᠩᠭᠤᠢ ᠡᠮᠬᠢᠳᠬᠡᠯ︾ ᠤᠨ ᠨᠢᠭᠡᠳᠦᠭᠡᠷ ᠪᠤᠳᠢ ᠳᠤ ᠨᠡᠶᠢᠳᠡᠯᠡᠪᠡ᠃      ᠢᠷᠭᠡᠨ ᠤᠯᠤᠰ ᠤᠨ 33 ᠤᠨ ︵1944 ᠤᠨ︶      ᠾᠦᠸᠧ ᠱᠢ ᠰᠢᠶᠠᠩ ᠴᠠᠷᠢᠮ ᠤᠨ ᠭᠤᠤᠯ ᠣᠷᠴᠢᠮ ᠤᠨ ᠨᠡᠭᠦᠷᠡᠰᠦᠨ ᠠᠭᠤᠷᠬᠠᠢ ᠳᠤ ᠨᠠᠷᠢᠨ ᠬᠡᠮᠵᠢᠯᠳᠡ ᠬᠢᠪᠡ᠃      ᠢᠷᠭᠡᠨ ᠤᠯᠤᠰ ᠤᠨ 34 ᠤᠨ ︵1945 ᠤᠨ︶      10 ᠰᠠᠷ᠎ᠠ   ᠠᠷᠠᠳ ᠤᠨ ᠴᠢᠯᠦᠭᠡᠯᠡᠬᠦ ᠴᠡᠷᠢᠭ ᠤᠨ ᠾᠧ ᠯᠦᠩ ᠤᠨ ᠵᠠᠬᠢᠷᠭ᠎ᠠ ᠠᠴᠠ ᠰᠦᠢ ᠶᠤᠸᠠᠨ᠂ ᠪᠤᠭᠤᠲᠤ ᠳᠤ ᠬᠡᠳᠡᠷᠭᠦ ᠲᠠᠭᠠᠷᠢᠯᠳᠠ ᠬᠢᠪᠡ᠃ 11 ᠰᠠᠷ᠎ᠠ ᠳᠤ᠂ ᠨᠢᠩᠰᠢᠶᠠ ᠶᠢᠨ ᠮᠠ ᠬᠤᠩ ᠺᠦᠢ᠂ ᠮᠠ ᠴᠢᠤᠸᠠᠨ ᠯᠢᠶᠠᠩ ᠢᠶᠠᠷ ᠮᠤᠷᠢᠲᠤ ᠴᠡᠷᠢᠭ ᠤᠨ ᠠᠷᠪᠠᠳᠤᠭᠠᠷ ᠪᠠᠷᠢᠭᠠᠳᠠ ᠶᠢᠨ 1600 ᠭᠠᠷᠣᠢ ᠬᠦᠮᠦᠨ ᠲᠠᠭᠠᠭᠤᠯᠵᠤ᠂ ᠦᠬᠠᠢ  ᠪᠠᠷ ᠦᠩᠭᠡᠷᠡᠨ ᠪᠤᠭᠤᠲᠤ ᠶᠢ ᠲᠤᠰᠠᠯᠠᠬᠤ ᠪᠠᠷ ᠮᠤᠷᠳᠠᠪᠠ᠂ ᠪᠤᠭᠤᠲᠤ ᠶᠢᠨ ᠪᠠᠷᠠᠭᠤᠨᠳᠡᠬᠢ ᠬᠤᠶᠠᠷᠬᠤᠳᠳᠤᠭ ᠲᠤ ᠴᠢᠯᠦᠭᠡᠯᠡᠬᠦ ᠴᠡᠷᠢᠭ ᠤᠨ ᠲᠠᠭᠠᠷᠢᠯᠳᠠ ᠳᠤ ᠣᠴᠠᠷᠠᠵᠦ 100 ᠭᠠᠷᠣᠢ ᠬᠦᠮᠦᠨ ᠦᠬᠦᠵᠦ ᠰᠢᠷᠬᠠᠳᠣᠭᠠᠳ᠂ ᠨᠢᠩᠰᠢᠶᠠ  ᠳᠠᠭᠠᠨ ᠪᠤᠴᠠᠪᠠ᠃       ᠢᠷᠭᠡᠨ ᠤᠯᠤᠰ ᠤᠨ 35 ᠤᠨ ︵1946 ᠤᠨ︶       ᠠᠯᠠᠱᠠ ᠬᠤᠰᠢᠭᠤ ᠵᠡᠬᠦᠨᠪᠡᠯ ᠤᠨ ᠪᠠᠭ᠎ᠠ ᠶᠡᠷᠦᠩᠭᠡᠢ ᠬᠠᠮᠢᠶᠠᠷᠤᠭᠴᠢ ᠶᠠᠩ ᠪᠤᠤ ᠱᠠᠨ ᠢ ᠲᠤᠮᠢᠯᠡᠵᠤ᠂ ᠣᠳᠠ  ᠶᠢᠨ ᠨᠡᠭᠦᠷᠡᠰᠦᠨ ᠠᠭᠤᠷᠬᠠᠢ ᠶᠢ ᠲᠤᠰᠴᠤ ᠡᠵᠡᠩᠨᠡᠪᠡ᠃       ᠢᠷᠭᠡᠨ ᠤᠯᠤᠰ ᠤᠨ 36 ᠤᠨ ︵1947 ᠤᠨ︶       ᠶᠡᠭᠡ ᠭᠠᠩ ᠪᠤᠯᠵᠤ᠂ ᠨᠢᠴᠦᠭᠦᠨ ᠬᠦᠷᠦᠰᠦ ᠮᠢᠩᠭᠠᠨ ᠭᠠᠵᠠᠷ ᠦᠷᠬᠦᠯᠵᠢᠯᠡᠵᠦ᠂ ᠠᠳᠣᠭᠤ ᠮᠠᠯ ᠲᠤᠭ᠎ᠠ ᠲᠤᠮᠰᠢ ᠦᠭᠡᠢ ᠦᠯᠪᠡᠷᠴᠦ ᠦᠬᠦᠪᠡ᠃ ᠠᠯᠠᠱᠠ ᠬᠤᠰᠢᠭᠤᠨ ︵ᠣᠳᠣ ᠶᠢᠨ ᠤᠳᠠ ᠶᠢ ᠬᠠᠷᠢᠶᠠᠯᠠᠨ᠎ᠠ︶ ᠳᠤ ᠬᠢᠵᠢᠭ ᠲᠡᠯᠭᠡᠷᠡᠵᠦ᠂ ᠵᠠᠭᠤᠭᠠᠳ ᠬᠦᠮᠦᠨ ᠦᠬᠦᠪᠡ᠃       ᠢᠷᠭᠡᠨ ᠤᠯᠤᠰ ᠤᠨ 37 ᠤᠨ ︵1948 ᠤᠨ︶       9 ᠰᠠᠷ᠎ᠠ  ᠤᠮᠠᠷᠠᠲᠤ ᠶᠢᠨ ᠴᠢᠯᠦᠬᠡᠯᠡᠬᠦ ᠴᠡᠷᠢᠭ ᠶᠠᠩ ᠴᠧᠩ ᠡᠣ ᠶᠢᠨ ᠠᠷᠮᠠᠢ ᠯᠢᠶᠤᠤ ᠱᠧᠨ ᠤ ᠲᠤᠯᠤᠯᠳᠤᠭᠠᠨ ᠢ ᠬᠠᠮᠵᠢᠯᠴᠠᠬᠤ ᠶᠢᠨ ᠲᠦᠯᠦᠭᠡ᠂ ᠪᠠᠷᠠᠭᠤᠨᠰᠢ ᠪᠠᠨ ᠮᠤᠷᠳᠠᠵᠦ ᠭᠦᠢ ᠰᠦᠢ᠂ ᠪᠤᠭᠤᠲᠤ ᠳᠤ ᠬᠦᠷᠴᠦ ᠹᠦ᠋ ᠽᠦᠸᠧ ᠢ ᠶᠢᠨ ᠵᠠᠬᠢᠷᠭ᠎ᠠ ᠶᠢ ᠬᠤᠷᠢᠭᠯᠠᠪᠠ᠃ ᠮᠠ ᠬᠤᠩ ᠺᠦᠢ ᠵᠠᠷᠯᠢᠭ ᠢᠶᠠᠷ ᠲᠡᠭᠦᠨ ᠤ ᠴᠡᠭᠴᠡᠯᠡᠨ ᠪᠠᠶᠢᠭᠤᠯᠤᠭᠰᠠᠨ ᠮᠤᠷᠢᠲᠤ ᠴᠡᠷᠢᠭ ᠤᠨ ᠠᠷᠪᠠᠳᠤᠭᠠᠷ ᠪᠷᠢᠭᠠᠳ᠋ ᠶᠢᠨ ᠲᠡᠳ᠋ ᠪᠷᠢᠭᠠᠳ᠋ ᠶᠢᠨ ᠲᠠᠷᠤᠭ᠎ᠠ ᠸᠠᠩ ᠪᠦᠸᠧ ᠰᠢᠶᠠᠩ ᠢ ᠲᠤᠮᠢᠯᠠᠵᠤ᠂ ᠮᠤᠷᠢᠲᠤ ᠴᠡᠷᠢᠭ ᠤᠨ ᠠᠷᠪᠠᠨ ᠶᠢᠰᠣᠳᠦᠭᠡᠷ ᠮᠤᠷᠢᠲᠤ ᠴᠡᠷᠢᠭ ᠤᠨ ᠭᠤᠴᠢᠨ ᠲᠤᠯᠤᠳᠤᠭᠠᠷ ᠬᠤᠷᠢᠶ᠎ᠠ ᠶᠢ ᠲᠠᠶᠢᠴᠢᠯᠠᠨ᠂ ᠪᠤᠭᠤᠲᠤ— ᠨᠢᠩᠰᠢᠶᠠ ᠶᠢᠨ ᠵᠠᠰᠠᠮᠠᠯ ᠵᠠᠮ ᠢ ᠲᠠᠭᠠᠵᠤ ᠦᠬᠠᠢ ᠪᠠᠷ ᠦᠩᠭᠡᠷᠡᠨ ᠪᠤᠭᠤᠲᠤ  ᠶᠢ ᠲᠤᠰᠠᠯᠠᠨ ᠲᠡᠮᠵᠢᠪᠡ᠃      ᠢᠷᠭᠡᠨ ᠤᠯᠤᠰ ᠤᠨ 38 ᠤᠨ ︵1949 ᠤᠨ︶      8 ᠰᠠᠷ᠎ᠠ ᠶᠢᠨ 23 ᠤ ᠡᠳᠦᠷ   ︽ᠣᠳᠤᠭ ᠬᠤᠰᠢᠭᠤ ᠶᠢ ᠴᠢᠯᠦᠬᠡᠯᠡᠬᠦ ᠡᠮᠦᠨ᠎ᠡ ᠹᠷᠤᠨᠲ ᠤᠨ ᠵᠢᠯᠣᠭᠤᠳᠬᠤ ᠭᠠᠵᠠᠷ︾ ᠤᠨ ᠬᠠᠷᠢᠭᠤᠴᠠᠬᠤ ᠬᠦᠮᠦᠨ ᠵᠢᠶᠠ ᠸᠧᠨ ᠬᠤᠸᠠ ᠠᠴᠠ ᠬᠦᠬᠡᠪᠦᠷ ᠪᠤᠬᠠᠪᠤᠷ ᠲᠠᠯ᠎ᠠ ︵ᠤᠳᠤ ᠶᠢᠨ ᠴᠠᠭᠠᠨᠨᠠᠭᠤᠷ ᠰᠣᠮᠣ ᠰᠠᠶᠢᠬᠠᠨᠲᠠᠯ᠎ᠠ ᠭᠠᠴᠠᠭᠠᠨ ᠤ ᠬᠢᠯᠢ ᠳᠤ ᠪᠤᠢ︶ ᠳᠤ ᠣᠳᠤᠭ ᠬᠤᠰᠢᠭᠤᠨ ᠤ ᠠᠮᠤᠷ ᠢ ᠬᠠᠮᠠᠭᠠᠯᠠᠬᠤ ᠠᠩᠬᠢ ᠶᠢᠨ 3 ᠰᠤᠮᠤᠨ ᠤ ᠵᠢᠷᠦᠮᠲᠦ ᠪᠣᠰᠣᠯᠭ᠎ᠠ ᠭᠠᠷᠭᠠᠨ ᠪᠠᠭᠤᠵᠤ ᠥᠭᠬᠦ ᠶᠢ ᠬᠦᠯᠢᠶᠡᠨ ᠠᠪᠤᠪᠠ᠃      9 ᠰᠠᠷ᠎ᠠ ᠶᠢᠨ 23 ᠤ ᠡᠳᠦᠷ   ᠠᠯᠠᠱᠠ ᠬᠤᠰᠢᠭᠤᠨ ᠤ ᠵᠠᠰᠠᠭ᠂ ᠣᠷᠣᠨ ᠢ ᠬᠠᠮᠠᠭᠠᠯᠠᠬᠤ ᠰᠧᠯᠢᠩᠪᠦ᠋ ᠶᠢᠨ ᠰᠧᠯᠢᠩ ᠲᠠᠷᠢᠵᠢᠶᠠᠭ᠎ᠠ ᠭᠤᠮᠢᠨᠳᠠᠩ ᠤᠨ ᠵᠠᠰᠠᠭ ᠤᠨ ᠤᠷᠳᠤᠨ ᠲᠠᠢ ᠬᠠᠷᠢᠴᠠᠭ᠎ᠠ ᠲᠠᠰᠣᠷᠠᠬᠤ ᠪᠠᠨ ᠨᠡᠶᠢᠳᠡᠯᠡᠵᠦ᠂ ᠠᠷᠠᠳ ᠤᠨ ᠵᠠᠰᠠᠭ ᠤᠨ ᠣᠷᠳᠣᠨ ᠤ ᠣᠳᠣᠷᠢᠳᠣᠯᠭ᠎ᠠ ᠶᠢ ᠬᠦᠯᠢᠶᠡᠪᠡ᠂ ᠠᠯᠠᠱᠠ ᠬᠤᠰᠢᠭᠤ ᠶᠢ ᠨᠠᠶᠢᠷᠠᠮᠳᠠᠯ ᠢᠶᠠᠷ ᠴᠢᠯᠦᠭᠡᠯᠡᠪᠡ᠃ ᠣᠳᠣ ᠶᠢᠨ ᠣᠳᠠ ᠣᠷᠣᠨ ᠴᠦ ᠲᠠᠭᠠᠯᠳᠣᠨ ᠴᠢᠯᠦᠬᠡᠯᠡᠭᠳᠡᠪᠡ᠃
  
ᠢᠷᠡᠯᠲᠡ᠄ ᠦᠬᠠᠢ ᠬᠤᠲᠠ ᠶᠢᠨ ᠠᠷᠠᠳ ᠤᠨ ᠵᠠᠰᠠᠭ ᠤᠨ ᠣᠷᠳᠣᠨ
 
 
ᠬᠠᠮᠢᠶ᠎ᠡ ᠪᠦᠬᠦᠢ ᠰᠣᠨᠢᠨ
  
ᠲᠡᠦᠭᠡᠨ ᠣᠯᠠᠷᠢᠯ ︵ᠭᠤᠷᠪᠠ︶
ᠲᠡᠦᠭᠡᠨ ᠣᠯᠠᠷᠢᠯ ︵ᠬᠤᠶᠠᠷ︶
ᠲᠡᠦᠭᠡᠨ ᠣᠯᠠᠷᠢᠯ ︵ᠨᠢᠭᠡ︶
ᠦᠬᠠᠢ ᠶᠢᠨ ᠦᠭᠡᠷᠡᠴᠢᠯᠡᠯᠳᠡ ᠬᠢᠵᠦ ᠴᠢᠯᠦᠭᠡᠲᠡᠢ ᠶᠠᠪᠤᠯᠴᠠᠭᠰᠠᠨ40 ᠵᠢᠯ ᠤᠨ ᠲᠤᠷᠰᠢ ᠶᠢᠨ ᠭᠱᠠᠡ ᠵᠠᠭᠤᠷ᠎ᠡ ᠶᠢᠨ ᠁
2014-2015 ©  ᠦᠪᠦᠷ ᠮᠣᠩᠭᠤᠯ ᠤᠨ ᠮᠦᠩᠭᠡᠭᠠᠯ ᠰᠣᠹᠲ ᠤᠨ ᠬᠤᠪᠢᠴᠠᠭᠠᠨ ᠤ ᠬᠢᠵᠠᠭᠠᠷᠲᠦ ᠺᠣᠮᠫᠠᠨᠢ ᠪᠦᠬᠦ ᠵᠦᠢᠯ ᠬᠠᠤᠯᠢ ᠪᠠᠷ ᠬᠠᠮᠠᠭᠠᠯᠠᠭᠳᠠᠭᠰᠠᠨ᠂ ᠵᠦᠪᠰᠢᠶᠡᠷᠡᠯ ᠦᠭᠡᠢ ᠪᠠᠷ ᠬᠠᠭᠤᠯᠪᠤᠷᠢᠯᠠᠬᠤ ᠶᠢ ᠡᠷᠡᠰ ᠬᠤᠷᠢᠭᠯᠠᠨ᠎ᠠ 蒙ICP备05070829号