ᠲᠡᠷᠢᠭᠦᠨ ᠬᠠᠭᠤᠳᠠᠰᠤ
ᠰᠣᠨᠢᠨ ᠮᠡᠳᠡᠭᠡ
ᠢᠯᠡ ᠵᠠᠰᠠᠭ
ᠰᠣᠶᠣᠯ ᠡᠷᠳᠡᠨᠢ
ᠦᠢᠯᠡᠴᠢᠯᠡᠭᠡ
ᠲᠡᠦᠭᠡᠨ ᠣᠯᠠᠷᠢᠯ ︵ᠭᠤᠷᠪᠠ︶
ᠨᠡᠶᠢᠲᠡᠯᠡᠭᠰᠡᠨ ᠴᠠᠭ᠄
2024/2/8
ᠰᠦᠩ  ᠯᠢᠶᠤᠤ  ᠠᠯᠳᠠᠨ ᠣᠯᠣᠰ  ᠪᠠᠷᠠᠭᠤᠨ ᠰᠢᠶᠠ  ᠶᠤᠸᠠᠨ ︵ᠨᠡᠶᠢᠳᠡ ᠶᠢᠨ ᠤᠨ ᠲᠤᠭᠠᠯᠠᠯ ᠤᠨ 960~ 1368 ᠤᠨ︶     ᠰᠦᠩ ᠲᠠᠶᠢᠽᠣ ᠶᠢᠨ ᠵᠢᠶᠠᠨ ᠯᠦᠩ ᠤᠨ ᠲᠡᠷᠢᠬᠦᠨ ᠤᠨ ︵ᠨᠡᠶᠢᠳᠡ ᠶᠢᠨ ᠤᠨ ᠲᠤᠭᠠᠯᠠᠯ ᠤᠨ 960 ᠤᠨ︶      ᠲᠦᠸᠧ ᠪᠠ ᠴᠢᠶᠦ᠋ᠩ ᠤᠨ ᠯᠢ ᠢ ᠰᠢᠩ ᠠᠴᠠ ᠰᠦᠩ ᠲᠠᠶᠢᠽᠣ ᠵᠤᠤ ᠺᠤᠸᠠᠩ ᠶᠢᠨ ᠳᠤ ᠠᠭᠳᠠ ᠮᠤᠷᠢ ᠡᠷᠭᠦᠨ ᠪᠠᠷᠢᠵᠦ᠂ ᠡᠶᠡᠳᠡᠨ ᠲᠠᠭᠠᠬᠤ ᠪᠠᠨ ᠢᠯᠡᠳᠭᠡᠪᠡ᠃ ᠶᠡᠭᠡ ᠵᠤᠤ ᠠᠶᠢᠮᠠᠭ ᠤᠨ ᠭᠠᠵᠠᠷ ᠤᠷᠤᠨ ︵ᠣᠳᠣ ᠶᠢᠨ ᠬᠠᠶᠢᠷᠤᠪ ᠤᠨ ᠲᠤᠬᠤᠢ ᠣᠷᠣᠨ ᠬᠠᠷᠢᠶᠠᠯᠠᠭᠳᠠᠨ᠎ᠠ︶ ᠰᠦᠩ ᠤᠯᠤᠰ ᠤᠨ ᠨᠤᠲᠤᠭ ᠲᠡᠪᠢᠰᠭᠡᠷ ᠤᠨ ᠬᠠᠷᠢᠶᠠᠨ ᠳᠤ ᠤᠷᠤᠪᠠ᠃      ᠰᠦᠩ ᠵᠧᠨ ᠽᠦᠩ ᠤᠨ ᠰᠢᠶᠠᠨ ᠫᠢᠩ ᠤᠨ ᠲᠠᠪᠤᠳᠤᠭᠠᠷ ᠤᠨ ︵1002 ᠤᠨ︶      ᠭᠤᠷᠪᠠᠳᠣᠭᠠᠷ ᠰᠠᠷ᠎ᠠ   ᠯᠢ ᠵᠢᠢ ᠴᠢᠶᠠᠨ ᠬᠢᠯᠢ ᠶᠢᠨ ᠵᠢᠶᠦ᠋ᠨ ᠵᠠᠬᠢᠷᠭ᠎ᠠ ᠳᠤ ᠴᠡᠷᠢᠭ ᠴᠤᠭᠯᠠᠭᠤᠯᠣᠨ᠂ ᠯᠢᠩ ᠵᠸᠤ ︵ᠤᠳᠤ ᠶᠢᠨ ᠬᠠᠶᠢᠷᠤᠪ ᠤᠨ ᠲᠤᠬᠤᠢ ᠣᠷᠣᠨ ᠬᠠᠷᠢᠶᠠᠯᠠᠭᠳᠠᠨ᠎ᠠ︶ ᠶᠢ ᠲᠤᠪᠳᠤᠯᠤᠨ ᠡᠵᠡᠯᠡᠵᠦ᠂ ᠰᠢ ᠫᠢᠩ ᠹᠦ᠋  ᠶᠢ ᠪᠠᠶᠢᠭᠤᠯᠪᠠ᠃      ᠰᠦᠩ ᠿᠧᠨ ᠽᠦᠩ ᠤᠨ ᠪᠤᠤ ᠶᠤᠸᠠᠨ ᠤ ᠲᠡᠷᠢᠬᠦᠨ ᠤᠨ ︵1038 ᠤᠨ︶      ᠯᠢ ᠵᠢᠢ ᠴᠢᠶᠠᠨ ᠤ ᠤᠮᠪᠤᠯ ᠬᠦᠦ ᠯᠢ ᠶᠤᠸᠠᠨ ᠬᠤᠤ ᠪᠠᠷᠠᠭᠤᠨ ᠰᠢᠶᠠ ᠣᠯᠣᠰ ᠢ ᠪᠠᠶᠢᠭᠤᠯᠪᠠ᠃ ᠤᠳᠤ ᠶᠢᠨ ᠬᠠᠶᠢᠷᠣᠪ ᠤᠨ ᠲᠤᠬᠤᠢ ᠣᠷᠣᠨ ᠪᠠᠷᠠᠭᠤᠨ ᠰᠢᠶᠠ ᠶᠢᠨ ᠯᠢᠩ ᠵᠸᠤ ᠶᠢᠨ ᠭᠠᠵᠠᠷ ᠪᠠᠶᠢᠵᠤ᠂ ᠤᠳᠠ ᠣᠷᠣᠨ ᠪᠠᠷᠠᠭᠤᠨ ᠰᠢᠶᠠ ᠶᠢᠨ ᠾᠧ ᠯᠠᠨ ᠱᠠᠨ ᠠᠭᠤᠯᠠ ᠶᠢᠨ ᠰᠡᠷᠭᠡᠶᠢᠯᠡᠯᠳᠡ ᠶᠢᠨ ᠣᠷᠣᠨ ᠪᠤᠯᠤᠨ᠎ᠠ᠃      ᠰᠦᠩ ᠿᠧᠨ ᠽᠦᠩ ᠤᠨ ᠴᠢᠩ ᠯᠢ ᠶᠢᠨ ᠲᠦᠷᠪᠡᠳᠦᠭᠡᠷ ᠤᠨ ︵1044 ᠤᠨ︶      ᠠᠷᠪᠠᠳᠣᠭᠠᠷ ᠰᠠᠷ᠎ᠠ   ᠯᠢᠶᠤᠤ ᠰᠢᠩ ᠽᠦᠩ ᠠᠷᠪᠠᠨ ᠲᠦᠮᠡᠨ ᠮᠤᠷᠢᠲᠤ ᠴᠡᠷᠢᠭ ᠲᠠᠶᠢᠴᠢᠯᠠᠨ ᠭᠤᠷᠪᠠᠨ ᠵᠠᠮ ᠬᠤᠪᠢᠶᠠᠵᠤ ᠬᠠᠳᠤᠨ ᠭᠤᠤᠯ ᠭᠠᠳᠣᠯᠣᠨ ᠪᠠᠷᠠᠭᠤᠨ ᠰᠢᠶᠠ ᠣᠯᠣᠰ ᠲᠤ ᠶᠡᠭᠡ ᠬᠡᠪᠴᠢᠶᠡᠨ ᠤ ᠲᠤᠪᠳᠤᠯᠤᠯᠳᠠ ᠬᠢᠵᠦ᠂ 400 ᠭᠠᠵᠠᠷ ᠲᠠᠭᠠᠷᠢᠨ ᠤᠷᠤᠵᠤ᠂ ᠾᠧ ᠯᠠᠨ ᠱᠠᠨ ᠠᠭᠤᠯᠠ ᠶᠢᠨ ᠠᠷᠣ ︵ᠣᠳᠣ ᠶᠢᠨ ᠦᠬᠠᠢ ᠴᠦ ᠭᠠᠵᠠᠷ ᠣᠷᠣᠨ︶ ᠳᠤ ᠶᠤᠸᠠᠨ ᠬᠤᠤ ᠶᠢᠨ ᠲᠠᠶᠢᠴᠢᠯᠠᠭᠰᠠᠨ ᠪᠠᠷᠠᠭᠤᠨ ᠰᠢᠶᠠ ᠤᠯᠤᠰ ᠤᠨ ᠴᠡᠷᠢᠭ ᠲᠠᠢ ᠰᠢᠷᠦᠭᠦᠨ ᠲᠤᠯᠤᠯᠳᠤᠪᠠ᠃ ᠶᠤᠸᠠᠨ ᠬᠤᠤ ᠡᠯᠴᠢ ᠶᠠᠪᠤᠭᠤᠯᠵᠤ ᠯᠢᠶᠤᠤ ᠣᠯᠣᠰ ᠲᠠᠢ ᠡᠪᠰᠡᠪᠡ᠃      ᠡᠮᠦᠨᠡᠲᠦ ᠰᠦᠩ ᠤᠨ ᠭᠤᠤ ᠽᠦᠩ ᠤᠨ ᠠᠷᠪᠠᠨ ᠭᠤᠷᠪᠠᠳᠣᠭᠠᠷ ᠤᠨ ︵1143 ᠤᠨ︶      ᠭᠤᠷᠪᠠᠳᠣᠭᠠᠷ ᠰᠠᠷ᠎ᠠ   ᠪᠠᠷᠠᠭᠤᠨ ᠰᠢᠶᠠ ︵ᠤᠳᠤ ᠶᠢᠨ ᠦᠬᠠᠢ ᠣᠷᠣᠨ ᠬᠠᠷᠢᠶᠠᠯᠠᠭᠳᠠᠨ᠎ᠠ︶ ᠭᠠᠵᠠᠷ ᠬᠦᠳᠡᠯᠵᠦ᠂ ᠰᠠᠷ᠎ᠠ ᠭᠠᠷᠣᠢ ᠵᠤᠭᠰᠣᠭᠰᠠᠨ ᠦᠭᠡᠢ᠂ ᠭᠠᠵᠠᠷ ᠠᠩ ᠵᠠᠪᠰᠠᠷ ᠭᠠᠷᠴᠤ ᠬᠠᠷ᠎ᠠ ᠡᠯᠡᠰᠦ ᠪᠣᠷᠬᠢᠯᠠᠨ ᠭᠠᠷᠴᠣ᠂ ᠬᠡᠳᠦᠨ ᠠᠷᠪᠠᠨ ᠵᠠᠩ ᠦᠨᠳᠦᠷ ᠲᠤᠪᠤ ᠪᠤᠯᠵᠤ᠂ ᠤᠷᠳᠤ ᠬᠠᠰᠢᠯᠭ᠎ᠠ ᠮᠡᠲᠦ ᠤᠪᠤᠭᠠᠷᠠᠨ᠂ ᠤᠢ ᠮᠤᠲᠤ ᠶᠢ ᠪᠤᠯᠠᠵᠤ᠂ ᠬᠡᠳᠦᠨ ᠮᠢᠩᠭᠠᠨ ᠠᠷᠠᠳ ᠠᠮᠢ ᠠᠯᠳᠠᠪᠠ᠃      ᠪᠠᠷᠠᠭᠤᠨ ᠰᠢᠶᠠ ᠶᠢᠨ ᠰᠡᠭᠦᠯᠴᠢ ᠶᠢᠨ ᠨᠠᠨ ᠫᠢᠩ ᠸᠠᠩ ᠤᠨ ᠪᠤᠤ ᠢ ᠶᠢᠨ ᠬᠤᠶᠠᠳᠣᠭᠠᠷ ᠤᠨ ︵1227 ᠤᠨ︶      ᠵᠢᠷᠭᠤᠳᠤᠭᠠᠷ ᠰᠠᠷ᠎ᠠ   ᠴᠢᠩᠭᠢᠰ ᠬᠠᠭᠠᠨ ᠪᠠᠷᠠᠭᠤᠨ ᠰᠢᠶᠠ ᠣᠯᠣᠰ ᠢ ᠮᠦᠬᠦᠭᠡᠪᠡ᠂ ᠤᠳᠤ ᠶᠢᠨ ᠶᠡᠭᠡ ᠵᠤᠤ ᠠᠶᠢᠮᠠᠭ ᠤᠨ ᠬᠤᠶᠢᠲᠤ ᠬᠡᠰᠡᠭ᠂ ᠦᠬᠠᠢ ᠣᠷᠣᠨ ᠢ ᠮᠤᠩᠭᠤᠯ ᠤᠨ ᠴᠡᠷᠢᠭ ᠡᠵᠡᠯᠡᠪᠡ᠃▲ ᠪᠠᠷᠠᠭᠤᠨ ᠰᠢᠶᠠ ᠣᠯᠣᠰ ᠭᠠᠵᠠᠷ ᠬᠦᠳᠡᠯᠵᠦ᠂ ᠤᠷᠳᠤᠨ ᠤ ᠪᠠᠶᠢᠰᠢᠩ ᠭᠡᠷ ᠤᠯᠠᠨ ᠡᠪᠳᠡᠭᠳᠡᠪᠡ᠃      ᠶᠤᠸᠠᠨ ᠱᠢᠽᠣ ᠶᠢᠨ ᠵᠦᠩ ᠲᠦᠩ ᠤᠨ ᠲᠦᠷᠪᠡᠳᠦᠭᠡᠷ ᠤᠨ ︵1263 ᠤᠨ︶      ᠲᠦᠷᠪᠡᠳᠦᠭᠡᠷ ᠰᠠᠷ᠎ᠠ   ᠲᠦᠪ ᠪᠢᠴᠢᠭ ᠤᠨ ᠬᠤᠷᠢᠶ᠎ᠠ ᠵᠠᠷᠯᠢᠭ ᠪᠠᠭᠤᠯᠭᠠᠵᠤ᠂ ᠶᠢᠩ ᠯᠢ ︵ᠤᠳᠤ ᠶᠢᠨ ᠨᠢᠩᠰᠢᠶᠠ ᠶᠢᠨ ᠵᠦᠩ ᠸᠧᠢ︶ ᠠᠴᠠ ᠬᠠᠳᠤᠨ ᠭᠤᠤᠯ ᠢ ᠲᠠᠭᠠᠵᠤ ᠳ᠋ᠦᠩ ᠱᠧᠩ ︵ᠤᠳᠤ ᠶᠢᠨ ᠦᠪᠦᠷ ᠮᠤᠩᠭᠤᠯ ᠤᠨ ᠲᠤᠭᠳᠠᠬᠤ ᠰᠢᠶᠠᠨ︶ ᠬᠦᠷᠳᠡᠯ᠎ᠡ ᠤᠰᠤᠨ ᠤᠯᠠᠭ᠎ᠠ ᠪᠠᠶᠢᠭᠤᠯᠪᠠ᠃ ᠲᠤᠯᠤᠳᠤᠭᠠᠷ ᠰᠠᠷ᠎ᠠ ᠳᠤ᠂ ᠲᠦᠪ ᠪᠢᠴᠢᠭ ᠤᠨ ᠬᠤᠷᠢᠶᠠᠨ ᠤ ᠵᠦᠪᠰᠢᠶᠡᠷᠡᠯ ᠢᠶᠠᠷ 30 ᠰᠢᠨ᠎ᠡ ᠣᠩᠭᠤᠴᠠ ᠦᠢᠯᠡᠳᠴᠦ᠂ 36 ᠬᠠᠭᠤᠴᠢᠨ ᠤᠩᠭᠤᠴᠠ ᠰᠢᠯᠵᠢᠭᠦᠯᠦᠨ ᠦᠭᠴᠦ᠂ 200 ᠤᠰᠤᠴᠢᠨ ᠲᠤᠬᠢᠷᠠᠭᠤᠯᠤᠨ᠂ ᠤᠯᠠᠭ᠎ᠠ ᠪᠦᠷᠢ ᠳᠤ 10 ᠲᠤᠯᠤᠭᠠᠢ ᠦᠭᠡᠷ᠂ 100 ᠲᠤᠯᠤᠭᠠᠢ ᠬᠤᠨᠢ ᠦᠭᠴᠦ᠂ ᠭᠡᠷ ᠪᠠᠶᠢᠰᠢᠩ ᠪᠠᠷᠢᠨ᠂ ᠲᠠᠷᠢᠶᠠᠨ ᠭᠠᠵᠠᠷ ᠬᠤᠪᠢᠶᠠᠪᠠ᠃ ᠡᠨᠡᠬᠦ 1700 ᠭᠠᠷᠣᠢ ᠭᠠᠵᠠᠷ ᠤᠨ ᠣᠰᠣᠨ ᠤᠯᠠᠭ᠎ᠠ ᠣᠳᠤ ᠶᠢᠨ ᠦᠬᠠᠢ ᠣᠷᠣᠨ ᠢᠶᠠᠷ ᠦᠩᠭᠡᠷᠡᠵᠦ ᠪᠠᠶᠢᠵᠠᠢ᠃      ᠶᠤᠸᠠᠨ ᠱᠢᠽᠣ ᠶᠢᠨ ᡁᠢ ᠶᠤᠸᠠᠨ ᠤ ᠬᠤᠶᠠᠳᠤᠭᠠᠷ ᠤᠨ ︵1265 ᠤᠨ︶      ᠭᠦᠸᠧ ᠱᠸᠤ ᠵᠢᠩ ᠪᠠᠷᠠᠭᠤᠨ ᠰᠢᠶᠠ ᠶᠢᠨ ᠤᠰᠤᠨ ᠠᠰᠢᠭᠯᠠᠯᠳᠠ ᠶᠢᠨ ᠪᠠᠷᠢᠯᠭ᠎ᠠ ᠶᠢ ᠡᠭᠦᠰᠬᠡᠨ ᠪᠠᠶᠢᠭᠤᠯᠤᠭᠰᠠᠨ ᠠᠴᠠ ᠰᠡᠭᠦᠯᠡᠷ᠂ ᠵᠦᠩ ᠰᠢᠩ ᠹᠦ᠋ ︵ᠤᠳᠤ ᠶᠢᠨ ᠢᠷᠭᠠᠢ ᠬᠤᠳᠠ︶ ᠠᠴᠠ ᠲᠤᠮᠳᠠᠲᠤ ᠨᠡᠶᠢᠰᠯᠡᠯ ︵ᠣᠳᠣ ᠶᠢᠨ ᠪᠡᠭᠡᠵᠢᠩ︶ ᠳᠤ ᠪᠤᠴᠠᠬᠤ ᠵᠠᠮ ᠳᠠᠭᠠᠨ ᠮᠤᠳᠤᠨ ᠣᠩᠭᠤᠴᠠᠨ ᠳᠤ ᠰᠠᠭᠤᠵᠤ᠂ ᠬᠠᠳᠣᠨ ᠭᠤᠤᠯ ᠤᠨ ᠤᠷᠣᠰᠬᠠᠯ ᠢ ᠲᠠᠭᠠᠵᠤ᠂ ᠤᠳᠤ ᠶᠢᠨ ᠦᠬᠠᠢ ᠪᠠᠷ ᠦᠩᠭᠡᠷᠡᠨ᠂ 4 ᠰᠦᠨᠢ 4 ᠡᠳᠦᠷ ᠠᠶᠠᠯᠠᠨ ᠳ᠋ᠦᠩ ᠱᠧᠩ ︵ᠤᠳᠤ  ᠶᠢᠨ ᠦᠪᠦᠷ ᠮᠤᠩᠭᠤᠯ ᠤᠨ ᠲᠤᠭᠳᠠᠬᠤ ᠰᠢᠶᠠᠨ︶ ᠳᠤ ᠬᠦᠷᠪᠡ᠃ ᠲᠡᠭᠦᠨ ᠠᠴᠠ ᠰᠡᠭᠦᠯᠡᠷ ᠨᠢᠩᠰᠢᠶᠠ ᠶᠢᠨ ᠲᠠᠯ᠎ᠠ ᠭᠠᠵᠠᠷ ᠪᠤᠯᠤᠨ ᠪᠤᠷᠤ ᠲᠤᠬᠤᠢ ᠣᠷᠣᠨ ᠠᠴᠠ ᠭᠠᠷᠣᠯᠳᠠ ᠲᠠᠢ ᠠᠮᠤ ᠪᠤᠳᠠᠭ᠎ᠠ ᠶᠢ ᠡᠨᠡᠬᠦ ᠬᠡᠰᠡᠭ ᠣᠰᠣᠨ ᠵᠠᠮ ᠢᠶᠠᠷ ᠲᠤᠮᠳᠠᠲᠤ ᠨᠡᠶᠢᠰᠯᠡᠯ ᠵᠦᠭ ᠵᠦᠭᠡᠭᠡᠪᠦᠷᠢᠯᠡᠬᠦ ᠳᠤ᠂ ᠣᠣᠯ ᠤᠨ ᠬᠠᠭᠤᠷᠠᠢ ᠵᠠᠮ ᠢ ᠪᠤᠳᠤᠪᠠᠯ ᠲᠤᠩ ᠲᠦᠬᠦᠮ ᠲᠦᠳᠡ ᠪᠤᠯᠵᠠᠢ᠃      ᠶᠤᠸᠠᠨ ᠱᠢᠽᠤ ᠶᠢᠨ ᡁᠢ ᠶᠤᠸᠠᠨ ᠤ ᠨᠠᠢᠮᠠᠳᠤᠭᠠᠷ ᠤᠨ ︵1271 ᠤᠨ︶      ᠤᠳᠤ ᠶᠢᠨ ᠦᠬᠠᠢ ᠣᠷᠣᠨ ᠨᠢᠩᠰᠢᠶᠠ ᠶᠢᠨ ᠵᠠᠬᠢᠷᠭᠠᠨ ᠮᠤᠵᠢ ᠶᠢᠨ ᠬᠠᠷᠢᠶᠠᠨ ᠳᠤ ᠪᠠᠶᠢᠪᠠ᠃      ᠶᠤᠸᠠᠨ ᠤᠯᠤᠰ ᠤᠨ ᠲᠠᠢ ᠳ᠋ᠢᠩ ᠤᠨ ᠭᠤᠷᠪᠠᠳᠣᠭᠠᠷ ᠤᠨ ︵1326 ᠤᠨ︶    ᠠᠷᠪᠠᠨ ᠬᠤᠶᠠᠳᠣᠭᠠᠷ ᠰᠠᠷ᠎ᠠ ᠤᠯᠠᠭᠠᠭᠴᠢᠨ ᠭᠠᠭ᠋ᠠᠢ ᠵᠢᠯ   ᠨᠢᠩᠰᠢᠶᠠ ︵ᠤᠳᠤ ᠶᠢᠨ ᠦᠬᠠᠢ ᠣᠷᠣᠨ ᠪᠠᠭᠳᠠᠨ᠎ᠠ︶ ᠨᠢᠵᠢᠬᠢᠨᠡᠭᠰᠡᠨ ᠭᠠᠵᠠᠷ ᠭᠦᠳᠡᠯᠵᠦ᠂ ᠪᠠᠷᠠᠭᠤᠨ ᠬᠤᠶᠢᠲᠤ ᠠᠴᠠ ᠡᠬᠢᠯᠡᠵᠦ᠂ ᠲᠠᠷᠠᠭᠠᠯᠠᠨ ᠭᠤᠷᠪᠠ ᠤᠳᠠᠭ᠎ᠠ ᠭᠠᠵᠠᠷ ᠬᠦᠳᠡᠯᠪᠡ᠃      ᠮᠢᠩ   ᠴᠢᠩ ︵1368~ 1911 ᠤᠨ︶      ᠮᠢᠩ ᠲᠠᠶᠢᠽᠣ ᠶᠢᠨ ᠬᠤᠩ ᠡᠣ ᠶᠢᠨ ᠲᠠᠪᠤᠳᠤᠭᠠᠷ ᠣᠨ ︵1372 ᠤᠨ︶      ᠤᠳᠤ ᠶᠢᠨ ᠤᠳᠠ ᠣᠷᠣᠨ ᠪᠤᠯ ᠭᠠᠨ ᠵᠸᠤ᠂ ᠰᠣ᠋ ᠵᠸᠤ ᠬᠤᠶᠠᠷ ᠤᠢ ᠶᠢᠨ ᠬᠢᠵᠠᠭᠠᠷ ᠤᠨ ᠭᠠᠳᠠᠨᠠᠬᠢ ᠣᠷᠣᠨ ᠪᠤᠯᠤᠨ᠎ᠠ᠃      ᠮᠢᠩ ᠲᠠᠶᠢᠽᠣ ᠶᠢᠨ ᠬᠤᠩ ᠡᠤ ᠶᠢᠨ ᠶᠢᠰᠦᠳᠦᠭᠡᠷ ᠤᠨ ︵1376 ᠤᠨ︶      ᠤᠳᠤ ᠶᠢᠨ ᠬᠠᠶᠢᠷᠣᠪ ᠤᠨ ᠲᠤᠬᠤᠢ ᠭᠠᠵᠠᠷ ᠤᠷᠤᠨ ᠪᠤᠯ ᠨᠢᠩᠰᠢᠶᠠ ᠤᠢ ᠶᠢᠨ ᠵᠠᠬᠢᠷᠭᠠᠨ ᠳᠤ ᠬᠠᠷᠢᠶᠠᠯᠠᠭᠳᠠᠵᠤ᠂ ᠱᠠᠨ ᠰᠢ ᠶᠢᠨ ᠲᠤᠰᠠᠯᠠᠭᠴᠢ ᠲᠦᠰᠢᠮᠡᠯ ᠳᠤ ᠬᠠᠷᠢᠶᠠᠯᠠᠭᠳᠠᠵᠤ᠂ ᠲᠦᠪ ᠤᠨ ᠪᠠᠷᠠᠭᠤᠨ ᠴᠡᠷᠢᠭ ᠤᠨ ᠳ᠋ᠦᠲᠦ ᠹᠦ᠋ ᠶᠢᠨ ᠵᠠᠬᠢᠷᠭᠠᠨ ᠳᠤ ᠬᠠᠷᠢᠶᠠᠯᠠᠭᠳᠠᠨ᠎ᠠ᠃      ᠮᠢᠩ ᠰᠢᠶᠠᠨ ᠽᠦᠩ ᠤᠨ ᠴᠧᠩ ᠬᠤᠸᠠ ᠶᠢᠨ ᠠᠷᠪᠠᠨ ᠬᠤᠶᠠᠳᠤᠭᠠᠷ ᠤᠨ ︵1477 ᠤᠨ︶      ᠲᠦᠷᠪᠡᠳᠦᠭᠡᠷ ᠰᠠᠷ᠎ᠠ   ᠨᠢᠩᠰᠢᠶᠠ ︵ᠣᠳᠣ ᠶᠢᠨ ᠦᠬᠠᠢ ᠣᠷᠣᠨ ᠬᠠᠷᠢᠶᠠᠯᠠᠭᠳᠠᠨ᠎ᠠ︶ ᠶᠡᠭᠡ ᠭᠠᠵᠠᠷ ᠭᠦᠳᠡᠯᠵᠤ᠂ ᠲᠡᠭᠷᠢ ᠲᠤᠤᠭᠠᠷᠬᠤ ᠮᠡᠲᠦ ᠲᠠᠭᠤᠨ ᠭᠠᠷᠴᠣ᠂ ᠬᠤᠲᠠ ᠶᠢᠨ ᠬᠡᠷᠡᠮ 83 ᠭᠠᠵᠠᠷ ᠶᠡᠭᠦᠷᠡᠨ ᠤᠨᠠᠪᠠ᠃      ᠴᠢᠩ ᠱᠢᠽᠤ ᠶᠢᠨ ᠡᠶᠡᠪᠡᠷ ᠵᠠᠰᠠᠭᠴᠢ ᠶᠢᠨ ᠵᠢᠷᠭᠤᠳᠤᠭᠠᠷ ᠤᠨ ︵1649 ᠤᠨ︶      ᠴᠢᠩ ᠤᠨ ᠵᠠᠰᠠᠭ ᠠᠴᠠ ᠤᠷᠳᠤᠰ ᠤᠷᠤᠨ ᠢ ᠵᠢᠷᠭᠤᠭᠠᠨ ᠬᠤᠰᠢᠭᠤ ᠪᠤᠯᠭᠠᠨ ᠬᠤᠪᠢᠶᠠᠪᠠ᠃ ᠣᠳᠣ ᠶᠢᠨ ᠬᠠᠶᠢᠷᠤᠪ ᠤᠨ ᠲᠤᠬᠤᠢ ᠤᠷᠤᠨ ᠤᠷᠳᠤᠰ ᠤᠨ ᠪᠠᠷᠠᠭᠤᠨ ᠭᠠᠷᠤᠨ ᠲᠤᠮᠳᠠᠲᠤ ᠬᠤᠰᠢᠭᠤᠨ ︵ᠤᠳᠤᠭ ᠬᠤᠰᠢᠭᠤ︶ ᠤ ᠪᠠᠷᠠᠭᠤᠨ ᠬᠤᠶᠢᠲᠤ ᠬᠢᠯᠢ ᠳᠤ ᠪᠠᠶᠢᠪᠠ᠃      ᠴᠢᠩ ᠱᠧᠩᠽᠣ ᠶᠢᠨ ᠡᠩᠭᠡ ᠠᠮᠤᠭᠤᠯᠠᠩ ᠤᠨ ᠭᠤᠴᠢᠨ ᠵᠢᠷᠭᠤᠳᠤᠭᠠᠷ ᠤᠨ ︵1697 ᠤᠨ︶      ᠠᠷᠪᠠ ᠨᠢᠭᠡᠳᠦᠭᠡᠷ ᠰᠠᠷ᠎ᠠ    ᠠᠯᠠᠱᠠ ᠪᠤᠯᠤᠨ ᠬᠤᠱᠤᠳ ᠬᠤᠶᠠᠷ ᠬᠤᠰᠢᠭᠤ ᠶᠢ ᠡᠬᠢᠯᠡᠨ ᠪᠠᠶᠢᠭᠤᠯᠵᠤ᠂ ︽ᠲᠦᠴᠢ ᠶᠢᠰᠤᠨ ᠬᠤᠰᠢᠭᠤᠨ ᠤ ᠬᠤᠪᠢᠶᠠᠷᠢᠯᠠᠯ ᠳᠤ ᠤᠷᠤᠵᠤ᠂ ᠰᠤᠮᠤᠨ ᠵᠠᠩᠬᠢ ᠲᠤᠬᠢᠷᠠᠭᠤᠯᠵᠤ︾᠂ ᠾᠧ ᠯᠦᠸᠧ ᠯᠢ ᠶᠢ ᠪᠡᠶᠢᠯᠡ ᠡᠷᠬᠦᠮᠵᠢᠯᠡᠵᠦ᠂ ᠤᠨᠲᠤᠤ ᠨᠢᠭᠡᠨ ᠵᠠᠰᠠᠭ ᠪᠤᠯᠭᠠᠵᠤ᠂ ᠣᠳᠣ ᠶᠢᠨ ᠤᠳᠠ ᠣᠷᠣᠨ ᠢ ᠬᠠᠷᠢᠶᠠᠯᠠᠨ᠎ᠠ᠃      ᠲᠤᠰ ᠵᠢᠯ   ᠡᠩᠬᠡ ᠠᠮᠤᠭᠤᠯᠠᠩ ᠭᠤᠷᠪᠠᠳᠣᠭᠠᠷ ᠤᠳᠠᠭ᠎ᠠ ᠭᠠᠯᠳᠠᠨ ᠪᠤᠱᠤᠭᠲᠤ ᠶᠢ ᠪᠡᠶ᠎ᠡ ᠪᠠᠷ ᠪᠠᠨ ᠲᠠᠶᠢᠯᠠᠬᠤ ᠪᠠᠷ ᠪᠡᠭᠡᠵᠢᠩ ᠠᠴᠠ ᠨᠢᠩᠰᠢᠶᠠ ᠳᠤ ᠬᠦᠷᠴᠦ᠂ ᠪᠤᠴᠠᠬᠤ ᠵᠠᠮ ᠳᠠᠭᠠᠨ ᠾᠧᠩ ᠴᠧᠩ ᠢᠶᠠᠷ ᠤᠩᠭᠤᠴᠠᠨ  ᠳᠤ ᠰᠠᠭᠤᠵᠤ ᠬᠠᠲᠣᠨ ᠭᠤᠤᠯ ᠤᠨ ᠤᠷᠣᠰᠬᠠᠯ ᠲᠠᠭᠠᠵᠤ ᠤᠮᠠᠷᠠᠰᠢ ᠪᠠᠨ ᠮᠤᠷᠳᠠᠪᠠ᠃ ᠬᠠᠭᠠᠨ ᠤ ᠲᠠᠭᠠᠯᠳᠠ ᠤᠩᠭᠤᠴᠠ 101 ᠰᠡᠯ ᠪᠠᠶᠢᠵᠤ᠂ ᠲᠡᠭᠦᠨ ᠤ ᠲᠤᠲᠤᠷ᠎ᠠ ᠠᠰᠠᠷᠲᠣ ᠣᠩᠭᠤᠴᠠ 3 ᠰᠡᠯ᠂ ᠨᠤᠶᠠᠳ ᠪᠤᠯᠤᠨ ᠰᠢᠳᠡᠷ ᠬᠠᠮᠠᠭᠠᠯᠠᠭᠴᠢ ᠶᠢᠨ ᠰᠠᠭᠤᠬᠤ ᠤᠩᠭᠤᠴᠠ 96 ᠰᠡᠯ᠂ ᠮᠤᠷᠢ ᠲᠡᠭᠡᠭᠡᠭᠰᠡᠨ ᠤᠩᠭᠤᠴᠠ 2 ᠰᠡᠯ ᠪᠠᠶᠢᠵᠤ᠂ ᠤᠳᠤ ᠶᠢᠨ ᠦᠬᠠᠢ ᠣᠷᠣᠨ ᠢᠶᠠᠷ ᠦᠩᠭᠡᠷᠡᠪᠡ᠃▲ ᠡᠩᠬᠡ ᠠᠮᠤᠭᠤᠯᠠᠩ ᠬᠠᠭᠠᠨ ᠠᠴᠠ ᠭᠠᠯᠳᠠᠨ ᠪᠤᠱᠤᠭᠲᠤ ᠶᠢᠨ ᠤᠷᠪᠠᠯᠭᠠᠨ ᠢ ᠲᠠᠷᠤᠬᠤ ᠬᠡᠵᠦ ᠨᠢᠩᠰᠢᠶᠠ ᠠᠴᠠ 1.17 ᠲᠦᠮᠡᠨ ᠳ᠋ᠠᠨ ᠠᠮᠤ ᠪᠤᠳᠠᠭ᠎ᠠ ᠲᠠᠲᠠᠪᠤᠷᠢᠯᠠᠵᠤ᠂ ᠣᠰᠣ ᠬᠠᠭᠤᠷᠠᠢ ᠬᠤᠶᠠᠷ ᠵᠠᠮ ᠢᠶᠠᠷ ᠦᠬᠠᠢ ᠣᠷᠣᠨ ᠢᠶᠠᠷ ᠦᠩᠭᠡᠷᠡᠨ ᠪᠠᠢ ᠲᠠ ︵ᠤᠳᠤ ᠶᠢᠨ ᠦᠪᠦᠷ ᠮᠤᠩᠭᠤᠯ ᠤᠨ ᠯᠢᠨ ᠾᠧ ᠣᠷᠴᠢᠮ︶ ᠳᠤ ᠵᠦᠬᠡᠬᠡᠪᠦᠷᠢᠯᠡᠪᠡ᠂ ᠱᠠᠨ ᠰᠢ᠂ ᠭᠠᠨᠰᠣ ᠵᠡᠷᠭᠡ ᠭᠠᠵᠠᠷ ᠠᠴᠠ ᠲᠠᠲᠠᠪᠤᠷᠢᠯᠠᠨ᠂ ᠨᠢᠩᠰᠢᠶᠠ ᠳᠤ ᠴᠤᠭᠯᠠᠭᠤᠯᠤᠨ ᠤᠮᠠᠷᠠᠲᠤ ᠶᠢᠨ ᠲᠠᠶᠢᠨ ᠤ ᠲᠠᠯᠠᠪᠤᠷ ᠲᠤ ᠬᠦᠷᠭᠡᠭᠰᠡᠨ ᠮᠤᠷᠢ ᠯᠠᠭᠤᠰᠠ 1.5 ᠲᠦᠮᠡᠨ ᠲᠤᠯᠤᠭᠠᠢ᠂ ᠲᠡᠮᠡᠭᠡ 1600 ᠲᠤᠯᠤᠭᠠᠢ ᠭᠦᠷᠪᠡ᠃      ᠴᠢᠩ ᠭᠤᠤᠽᠦᠩ ᠤᠨ ᠲᠡᠭᠷᠢ ᠲᠡᠳᠭᠦᠭᠴᠢ ᠶᠢᠨ ᠦᠶ᠎ᠡ ︵1736~ 1795 ᠤᠨ︶      ᠣᠰᠣᠨ ᠲᠡᠭᠡᠭᠡᠪᠦᠷᠢ ᠶᠢᠨ ᠦᠢᠯᠡᠰ ᠵᠤᠬᠢᠬᠤ ᠬᠡᠪᠴᠢᠶ᠎ᠡ ᠪᠠᠷ ᠬᠦᠭᠵᠢᠪᠡ᠃ ᠨᠢᠩᠰᠢᠶᠠ ᠠᠴᠠ ᠵᠢᠯ ᠪᠦᠷᠢ ᠶᠢᠨ ᠭᠤᠷᠪᠠᠳᠣᠭᠠᠷ ᠰᠠᠷ᠎ᠠ ᠠᠴᠠ ᠠᠷᠪᠠᠳᠣᠭᠠᠷ ᠰᠠᠷ᠎ᠠ ᠶᠢᠨ ᠬᠤᠭᠤᠷᠤᠨᠲᠤ᠂ ᠲᠦᠷᠪᠡ ᠲᠠᠪᠤᠨ ᠲᠦᠮᠡᠨ ᠵᠢᠩ ᠤᠨ ᠲᠡᠭᠡᠭᠡᠪᠦᠷᠢ ᠲᠠᠢ ᠮᠤᠳᠤᠨ ᠤᠩᠭᠤᠴᠠ ᠪᠤᠯᠤᠨ ᠶᠡᠭᠡ ᠪᠠᠭ᠎ᠠ ᠠᠷᠠᠰᠣᠨ ᠲᠤᠯᠤᠮ ᠬᠠᠲᠤᠨ ᠭᠤᠤᠯ ᠢ ᠲᠠᠭᠠᠵᠤ ᠤᠮᠠᠷᠠᠰᠢ ᠪᠠᠨ ᠦᠬᠠᠢ ᠣᠷᠣᠨ ᠢ ᠦᠩᠭᠡᠷᠡᠨ ᠪᠤᠷᠤ ᠲᠤᠬᠤᠢ ᠳᠤ ᠬᠦᠷᠳᠡᠭ᠂ ᠨᠡᠩ ᠴᠢᠨᠠᠭᠰᠢᠯᠠᠨ ᠪᠤᠭᠤᠲᠤ᠂ ᠲᠤᠭᠳᠠᠬᠤ ᠳᠤ ᠬᠦᠷᠳᠡᠭ᠃ ᠵᠠᠮ ᠲᠠᠭᠠᠤ ᠶᠢᠨ ᠴᠢᠨ᠋ᠸ᠎ᠠ ᠶᠢᠨ ᠬᠠᠷᠮᠠᠭ᠂ ᠠᠷᠠᠰᠣ ᠨᠤᠤᠰᠣ᠂ ᠠᠮᠤ ᠪᠤᠳᠠᠭ᠎ᠠ᠂ ᠢᠰᠡᠭᠡᠢ ᠵᠡᠷᠭᠡ ᠪᠦᠲᠦᠭᠡᠭᠳᠡᠭᠦᠨ ᠵᠡᠷᠭᠡ ᠶᠡᠭᠡ ᠬᠡᠪᠴᠢᠶᠡᠨ ᠤ ᠡᠳ᠋ ᠪᠠᠷᠠᠭ᠎ᠠ ᠶᠢᠨ ᠤᠯᠠᠩᠬᠢ ᠨᠢ ᠡᠨᠡᠬᠦ ᠣᠰᠣᠨ ᠵᠠᠮ ᠢᠶᠠᠷ ᠨᠢᠩᠰᠢᠶᠠ ᠹᠦ᠋ ᠠᠴᠠ ᠲᠡᠭᠡᠭᠡᠪᠦᠷᠢᠯᠡᠨ ᠭᠠᠷᠳᠠᠭ᠃▲ ᠨᠢᠩᠰᠢᠶᠠ ᠶᠢᠨ ᠬᠤᠶᠢᠲᠤ ᠬᠡᠰᠡᠭ ᠤᠨ ᠬᠤᠸᠠ ᠮᠠ ᡂᠢ᠂ ᠾᠧᠩ ᠴᠧᠩ ᠪᠤᠤ᠂ ᠱᠢ ᠽᠦᠢ ᠽᠢ ᠵᠡᠷᠭᠡ 3 ᠮᠤᠩᠭᠤᠯ ᠬᠢᠳᠠᠳ ᠠᠷᠠᠯᠵᠢᠶᠠᠨ ᠤ ᠵᠠᠬ᠎ᠠ ᠲᠡᠯᠭᠡᠭᠦᠷ ᠪᠠᠶᠢᠵᠤ᠂ ᠠᠷᠪᠠᠨ ᠡᠳᠦᠷ ᠲᠤ ᠨᠢᠭᠡ ᠤᠳᠠᠭ᠎ᠠ ᠠᠷᠠᠯᠵᠢᠶ᠎ᠠ ᠨᠡᠭᠡᠭᠡᠳᠡᠭ᠂ ᠡᠭᠦᠨ ᠤ ᠲᠤᠲᠤᠷ᠎ᠠ ᠦᠬᠠᠢ ᠣᠷᠣᠨ ᠢᠶᠠᠷ ᠦᠩᠭᠡᠷᠡᠨ ᠱᠢ ᠽᠦᠢ ᠽᠢ ᠭᠦᠷᠬᠦ ᠠᠷᠠᠯᠵᠢᠶ᠎ᠠ ᠬᠠᠮᠤᠭ ᠠᠴᠠ ᠤᠯᠠᠨ ᠪᠠᠶᠢᠳᠠᠭ᠂ ᠬᠠᠯᠬ᠎ᠠ᠂ ᠲᠤᠷᠭᠤᠳ ᠵᠡᠷᠭᠡ ᠠᠶᠢᠮᠠᠭ ᠪᠠᠰᠠ ᠭᠦᠷᠡᠯᠴᠡᠨ ᠢᠷᠡᠵᠦ᠂ ᠬᠤᠨᠢ ᠢᠮᠠᠭ᠎ᠠ᠂ ᠨᠤᠤᠰᠣ ᠢᠰᠡᠭᠡᠢ᠂ ᠠᠷᠠᠰᠣ ᠰᠢᠷᠢ᠂ ᠲᠠᠪᠤᠰᠤ ᠪᠠᠷ ᠪᠦᠰ ᠲᠤᠷᠳᠤᠩ᠂ ᠠᠮᠤ ᠪᠤᠳᠠᠭ᠎ᠠ ᠠᠷᠠᠯᠵᠢᠳᠠᠭ᠃      ᠴᠢᠩ ᠭᠤᠤᠽᠦᠩ ᠤᠨ ᠲᠡᠭᠷᠢ ᠲᠡᠳᠭᠦᠭᠴᠢ ᠶᠢᠨ ᠭᠤᠷᠪᠠᠳᠣᠭᠠᠷ ᠤᠨ ︵1738 ᠤᠨ︶      ᠪᠢᠯᠢᠭ ᠤᠨ ᠤᠯᠠᠷᠢᠯ ᠤᠨ ᠠᠷᠪᠠᠨ ᠨᠢᠭᠡᠳᠦᠭᠡᠷ ᠰᠠᠷ᠎ᠠ ᠶᠢᠨ ᠬᠤᠷᠢᠨ ᠲᠦᠷᠪᠡᠨ ᠤ ᠡᠳᠦᠷ ᠤᠨ ᠨᠤᠬᠠᠢ ᠴᠠᠭ  ᠲᠤ᠂ ᠨᠢᠩᠰᠢᠶᠠ ᠹᠦ᠋ ᠳᠤ ᠤᠨᠴᠠ ᠶᠡᠭᠡ ᠭᠠᠵᠠᠷ ᠬᠦᠳᠡᠯᠪᠡ᠃ ︽ᠲᠠᠪᠢᠭᠦᠷ ᠲᠤᠷ ᠪᠠᠶᠢᠭ᠎ᠠ ᠮᠡᠲᠦ᠂ ᠲᠡᠭᠡᠭᠰᠢ ᠲᠤᠷᠤᠭᠰᠢ ᠬᠤᠶᠠᠷ ᠰᠠᠵᠢᠯᠠᠪᠠᠢ᠃ ᠭᠱᠠᠨ ᠵᠠᠭᠤᠷ᠎ᠠ ᠪᠦᠬᠦ ᠬᠤᠳᠠ ᠶᠢᠨ ᠰᠦᠮ᠎ᠡ ᠬᠡᠶᠢᠳ᠂ ᠹᠦ᠋ ᠶᠢᠨ ᠶᠠᠮᠤᠨ᠂ ᠴᠡᠷᠢᠭ ᠠᠷᠠᠳ ᠤᠨ ᠭᠡᠷ ᠪᠠᠶᠢᠰᠢᠩ᠂ ᠨᠤᠷᠠᠵᠤ ᠤᠨᠠᠨ ᠲᠤᠪᠷᠠᠭ ᠪᠤᠯᠪᠠᠢ᠃ ᠡᠷᠡᠭᠳᠡᠢ ᠡᠮᠡᠭᠳᠡᠢ ᠣᠯᠠᠨ ᠬᠦᠮᠦᠨ ᠠᠮᠢ ᠵᠢᠭᠤᠳᠠᠬᠤ ᠵᠠᠪ ᠦᠭᠡᠢ᠂ ᠶᠡᠭᠡ ᠬᠠᠭᠠᠰ ᠠᠨᠤ ᠪᠤᠯᠠᠭᠳᠠᠪᠠᠢ︾᠃ ︽ᠰᠢᠨ ᠴᠢᠦᠢ ᠠᠴᠠ ᠬᠤᠷᠢ ᠭᠤᠴᠢᠨ ᠤ ᠭᠠᠵᠠᠷ ᠤᠨ ᠭᠠᠳᠠᠭᠤᠷᠬᠢ ᠪᠤᠤ ᠹᠧᠩ ᠠᠴᠠ ᠱᠢ ᠽᠦᠢ ᠽᠢ ︵ᠤᠳᠤ ᠶᠢᠨ ᠦᠬᠠᠢ ᠲᠠᠢ ᠵᠠᠬ᠎ᠠ ᠨᠡᠶᠢᠯᠡᠵᠦ ᠪᠤᠢ︶ ᠬᠦᠷᠳᠡᠯ᠎ᠡ᠂ ᠵᠡᠭᠦᠨᠰᠢ ᠪᠠᠨ ᠬᠠᠳᠣᠨ ᠭᠤᠤᠯ᠂ ᠪᠠᠷᠠᠭᠤᠨᠰᠢ ᠪᠠᠨ ᠾᠧ ᠯᠠᠨ ᠱᠠᠨ ᠠᠭᠤᠯᠠ ᠬᠦᠷᠳᠡᠯᠬᠢ ᠤᠶᠢᠷ᠎ᠠ ᠬᠠᠪᠢ ᠶᠢᠨ ᠬᠤᠶᠠᠷ ᠵᠠᠭᠤᠭᠠᠳ ᠭᠠᠵᠠᠷ  ᠲᠤᠷ ᠮᠦᠰᠦᠨ ᠲᠠᠯᠠᠢ ᠪᠤᠯᠪᠠᠢ︾ ᠬᠡᠮᠡᠬᠦ ᠲᠡᠮᠳᠡᠭᠯᠡᠯ ᠪᠤᠢ᠃ ᠡᠨᠡ ᠤᠳᠠᠭᠠᠨ ᠤ ᠶᠡᠭᠡ ᠭᠠᠵᠠᠷ ᠭᠦᠳᠡᠯᠦᠯᠳᠡ ᠳᠤ ᠴᠡᠷᠢᠭ ᠠᠷᠠᠳ 5 ᠲᠦᠮᠡ ᠭᠠᠷᠤᠢ ᠬᠦᠮᠦᠨ ᠠᠮᠢ ᠪᠠᠨ ᠠᠯᠳᠠᠵᠤ᠂ ᠰᠢᠨ ᠴᠢᠦᠢ᠂ ᠪᠤᠤ ᠹᠧᠩ ᠬᠤᠶᠠᠷ ᠰᠢᠶᠠᠨ ᠭᠠᠵᠠᠷ ᠭᠦᠳᠡᠯᠦᠯᠳᠡ ᠶᠢᠨ ᠲᠠᠷᠠᠭ᠎ᠠ ᠬᠠᠶᠠᠭᠳᠠᠯ ᠪᠤᠯᠪᠠ᠃ ᠭᠦᠳᠡᠯᠦᠯᠳᠡ ᠶᠢᠨ ᠲᠦᠪ ᠨᠢ ᠫᠢᠩ ᠯᠦᠸᠧ ᠰᠢᠶᠠᠨ ︵ᠦᠬᠠᠢ  ᠠᠴᠠ 105 ᠺᠢᠯᠤᠮᠧᠲᠷ ᠵᠠᠶᠢᠲᠠᠢ︶ ᠳᠤ ᠪᠤᠢ᠂ ᠬᠦᠴᠦᠯᠡᠴᠡ ᠨᠢ 10 ᠲᠡᠰ᠂ ᠭᠠᠵᠠᠷ ᠭᠦᠳᠡᠯᠦᠯᠳᠡ ᠶᠢᠨ ᠲᠡᠰ ᠨᠢ M 8 ᠲᠡᠰ ᠪᠤᠯᠤᠨ᠎ᠠ᠃      ᠴᠢᠩ ᠭᠤᠤᠽᠦᠩ ᠤᠨ ᠲᠡᠭᠷᠢ ᠲᠡᠳᠭᠦᠭᠴᠢ ᠶᠢᠨ ᠬᠤᠷᠢᠨ ᠨᠠᠢᠮᠠᠳᠣᠭᠠᠷ~ ᠭᠤᠴᠢᠨ ᠨᠢᠭᠡᠳᠦᠭᠡᠷ ᠤᠨ ︵1763~ 1766 ᠤᠨ︶      ᠤᠳᠤᠭ ᠬᠤᠰᠢᠭᠤᠨ ︵ᠣᠳᠣ ᠶᠢᠨ ᠬᠠᠶᠢᠷᠤᠪ ᠤᠨ ᠲᠤᠬᠤᠢ ᠣᠷᠣᠨ ᠢ ᠬᠠᠷᠢᠶᠠᠯᠠᠵᠤ ᠪᠠᠶᠢᠵᠠᠢ︶ ᠳᠤ ᠵᠢᠯ ᠲᠠᠷᠠᠭᠠᠯᠠᠭᠰᠠᠨ ᠶᠡᠭᠡ ᠭᠠᠩ ᠪᠤᠯᠪᠠ᠃      ᠴᠢᠩ ᠭᠤᠤᠽᠦᠩ ᠤᠨ ᠲᠡᠭᠷᠢ ᠲᠡᠳᠭᠦᠭᠴᠢ ᠶᠢᠨ ᠲᠦᠴᠢᠨ ᠭᠤᠷᠪᠠᠳᠣᠭᠠᠷ ᠤᠨ ︵1773 ᠤᠨ︶      ᠵᠠᠰᠠᠭ ᠤᠨ ᠵᠢᠷᠭᠤᠳᠤᠭᠠᠷ ᠦᠶ᠎ᠡ ᠶᠢᠨ ᠵᠠᠯᠭᠠᠮᠵᠢᠯᠠᠭᠴᠢ ᠲᠦᠩᠷᠤᠪᠰᠡᠷᠡᠩ ᠮᠠᠨᠪᠠᠷᠠᠰᠠᠩ ᠢ ᠦᠯᠵᠡᠶᠢᠲᠤ ᠰᠢᠷ᠎ᠠ ᠵᠤᠤ ︵ᠤᠳᠤ ᠶᠢᠨ ᠣᠳᠤᠭ ᠬᠤᠰᠢᠭᠤᠨ ᠤ ᠴᠠᠭᠠᠨᠨᠠᠭᠤᠷ ᠭᠠᠴᠠᠭᠠᠨ ᠤ ᠰᠢᠷ᠎ᠠ ᠪᠤᠷᠭᠠᠰᠣ ᠭᠠᠴᠠᠭᠠᠨ ᠤ ᠦᠯᠵᠡᠶᠢᠲᠦ ᠲᠠᠩ︶ ᠠᠴᠠ ᠲᠤᠬᠠᠢ ᠶᠢᠨ ᠠᠭᠤᠯᠠᠨ ︵ᠣᠳᠣ ᠶᠢᠨ ᠦᠬᠠᠢ ᠬᠤᠳᠠ ᠶᠢᠨ ᠷᠠᠰᠠᠩ ᠰᠦᠮ᠎ᠡ︶ ᠳᠤ ᠨᠡᠭᠦᠯᠭᠡᠨ ᠠᠪᠴᠢᠷᠠᠵᠤ᠂ ᠲᠤᠰᠠᠭᠠᠷᠯᠠᠭᠰᠠᠨ ᠮᠤᠩᠭᠤᠯ ᠡᠮᠨᠡᠯᠭᠡ ᠶᠢᠨ ᠰᠣᠷᠭᠠᠭᠤᠯᠢ ᠪᠠᠶᠢᠭᠤᠯᠪᠠ᠃      ᠴᠢᠩ ᠮᠤᠽᠦ᠋ᠩ ᠤᠨ ᠪᠦᠷᠢᠨᠲᠦ ᠵᠠᠰᠠᠭᠴᠢ ᠶᠢᠨ ᠨᠠᠢᠮᠠᠳᠣᠭᠠᠷ ᠤᠨ ︵1869 ᠤᠨ︶      ᠬᠤᠶᠠᠳᠣᠭᠠᠷ ᠰᠠᠷ᠎ᠠ   ᠵᠠᠨᠠᠭᠠᠷᠣᠳᠢ᠂ ᠣᠳᠣᠨᠠᠰᠣᠨ ᠤ ᠴᠡᠷᠢᠭ ᠪᠤᠯᠤᠨ ᠬᠤᠳᠤᠩ ᠠᠷᠠᠳ ᠤᠨ ᠴᠡᠷᠢᠭ ᠲᠠᠢ ᠷᠠᠰᠢᠴᠤᠶᠢᠯᠠ ᠵᠤᠤ ︵ᠤᠳᠤ ᠶᠢᠨ ᠬᠠᠶᠢᠨᠠᠨ ᠲᠤᠭᠤᠷᠢᠭ ᠤᠨ ᠪᠠᠷᠠᠭᠤᠨ ᠤᠷᠠᠨ ᠲᠦᠰᠢ ᠱᠦᠢᠨᠢ ᠶᠢᠨ ᠦᠢᠯᠡᠳᠪᠦᠷᠢ  ᠶᠢᠨ ᠤᠷᠴᠢᠮ︶ ᠶᠢᠨ ᠺᠦ᠋ ᠵᠢᠶᠠ ᠫᠦ᠋ ᠤᠶᠢᠷ᠎ᠠ ᠣᠷᠴᠢᠮ ᠰᠢᠷᠦᠭᠦᠨ ᠪᠠᠶᠢᠯᠳᠤᠵᠤ᠂ ᠬᠤᠳᠤᠩ ᠠᠷᠠᠳ ᠤᠨ ᠴᠡᠷᠢᠭ ᠢᠯᠠᠭᠳᠠᠪᠠ᠃        ᠴᠢᠩ ᠮᠤᠽᠦ᠋ᠩ ᠤᠨ ᠪᠦᠷᠢᠨᠲᠦ ᠵᠠᠰᠠᠭᠴᠢ ᠶᠢᠨ ᠶᠢᠰᠦᠳᠦᠭᠡᠷ ᠤᠨ ︵1870 ᠤᠨ︶      ᠬᠤᠶᠠᠳᠣᠭᠠᠡᠷ ᠰᠠᠷ᠎ᠠ   ᠱᠠᠨ ᠰᠢ ᠶᠢᠨ ᠤᠮᠠᠷᠠᠲᠤ ᠬᠡᠰᠡᠭ ᠢ ᠡᠵᠡᠯᠡᠭᠰᠡᠨ ᠬᠤᠲᠤᠩ ᠠᠷᠠᠳ ᠤᠨ ᠴᠡᠷᠢᠭ ᠬᠡᠳᠦᠨ ᠪᠦᠯᠦᠭ ᠬᠤᠪᠢᠶᠠᠵᠤ ᠬᠤᠸᠠ ᠮᠠ ᡂᠢ ᠶᠢ ᠲᠠᠭᠠᠷᠢᠨ ᠴᠤᠬᠢᠵᠦ᠂ ᠲᠡᠮᠡᠭᠡᠲᠦ ᠶᠢᠨ ᠪᠠᠷᠠᠭᠤᠨ ᠡᠮᠦᠨ᠎ᠡ ᠲᠠᠯ᠎ᠠ  ᠳᠤ ᠪᠠᠶᠢᠭ᠎ᠠ ᠣᠷᠳᠣᠰ ᠤᠨ ᠪᠠᠷᠠᠭᠤᠨ ᠭᠠᠷᠤᠨ ᠡᠮᠦᠨᠡᠲᠦ ᠬᠤᠰᠢᠭᠤ᠂ ᠱᠢ ᠽᠦᠢ ᠱᠠᠨ ᠤ ᠭᠠᠳᠠᠷ ᠬᠢᠵᠠᠭᠠᠷ ︵ᠤᠳᠤ  ᠶᠢᠨ ᠬᠠᠶᠢᠨᠠᠨ ᠲᠤᠭᠤᠷᠢᠭ ᠤᠨ ᠷᠠᠰᠠᠩ ᠰᠦᠮ᠎ᠡ︶ ᠳᠤ ᠬᠦᠳᠡᠯᠭᠡᠭᠡᠨ ᠬᠢᠪᠡ᠃ ᠴᠢᠩ ᠣᠯᠣᠰ ᠤᠨ ᠵᠠᠰᠠᠭ ᠠᠴᠠ ᠡᠯ᠎ᠡ ᠭᠠᠵᠠᠷ ᠤᠨ ᠴᠡᠷᠢᠭ ᠲᠤ ᠤᠷᠳᠤᠰ ᠤᠨ ᠲᠤᠯᠤᠭᠠᠨ ᠬᠤᠰᠢᠭᠤᠨ ᠤ ᠬᠢᠵᠠᠭᠠᠷ ᠲᠤᠲᠤᠷ᠎ᠠ ᠲᠤᠰᠤᠨ ᠴᠤᠬᠢᠬᠤ  ᠬᠡᠷᠡᠭᠳᠡᠢ ᠬᠡᠵᠦ ᠵᠠᠷᠯᠢᠭ ᠪᠠᠭᠤᠪᠠ᠃      ᠵᠢᠷᠭᠤᠳᠤᠭᠠᠷ ᠰᠠᠷ᠎ᠠ    ᠤᠷᠳᠤᠰ ᠤᠨ ᠪᠠᠷᠠᠭᠤᠨ ᠭᠠᠷᠤᠨ ᠲᠤᠮᠳᠠᠲᠤ ᠬᠤᠰᠢᠭᠤ᠂ ᠤᠷᠳᠤᠰ ᠤᠨ ᠪᠠᠷᠠᠭᠤᠨ ᠭᠠᠷᠤᠨ ᠡᠮᠦᠨᠡᠲᠦ ᠬᠤᠰᠢᠭᠤᠨ ᠤ ᠵᠠᠬᠢᠷᠤᠨ ᠲᠠᠭᠠᠭᠤᠯᠤᠭᠴᠢ ᠴᠢᠯᠠᠭᠤᠳᠣᠷᠵᠢ ᠴᠡᠷᠢᠭ ᠲᠠᠶᠢᠴᠢᠯᠠᠨ ᠲᠠᠭᠠᠷᠢᠯᠳᠠ ᠬᠢᠪᠠ᠂ ᠬᠤᠳᠤᠩ ᠠᠷᠠᠳ ᠤᠨ ᠴᠡᠷᠢᠭ ᠲᠤᠬᠤᠯᠢ ᠰᠦᠮ᠎ᠡ ︵ᠤᠳᠤ ᠶᠢᠨ ᠬᠠᠶᠢᠨᠠᠨ ᠲᠤᠭᠤᠷᠢᠭ ᠤᠨ ᠷᠠᠰᠠᠩ ᠰᠦᠮ᠎ᠡ︶ ᠳᠤ ᠤᠬᠤᠷᠢᠨ ᠤᠴᠢᠪᠠ᠃ ᠴᠢᠯᠠᠭᠤᠳᠣᠷᠵᠢ᠂ ᠵᠠᠯᠠᠨ ᠤ ᠵᠠᠩᠬᠢ ᠷᠠᠰᠢᠵᠠᠮᠰᠣ ᠲᠠᠶᠢᠨ ᠳᠤ ᠨᠠᠰᠤ ᠪᠠᠷᠠᠪᠠ᠃      ᠴᠢᠩ ᠳ᠋ᠧᠽᠦ᠋ᠩ ᠤᠨ ᠪᠠᠳᠠᠷᠠᠭᠤᠯᠲᠤ ᠲᠥᠷᠥ ᠶᠢᠨ ᠲᠡᠷᠢᠬᠦᠨ ᠤᠨ ︵1875 ᠤᠨ︶      ᠪᠤᠷᠤ ᠲᠤᠬᠤᠢ ᠶᠢᠨ ᠭᠠᠵᠠᠷ ᠤᠨ ᠡᠵᠡᠨ ᠰᠢᠨ ᠵᠢᠶᠠ ᠯᠢᠶᠠᠩ ᠵᠠᠷᠭᠤᠯᠳᠤᠭᠠᠨ ᠬᠢᠵᠦ ᠾᠧ ᠶᠤᠸᠠᠨᠸᠠᠢ ᠶᠢ ᠲᠡᠶᠢᠯᠡᠵᠦ᠂ ᠾᠧ ᠶᠢᠨ ᠤᠳᠠ ᠳᠤ ᠮᠠᠯᠳᠠᠵᠤ ᠪᠠᠶᠢᠭᠰᠠᠨ ᠨᠡᠭᠦᠷᠡᠰᠦᠨ ᠠᠭᠤᠷᠬᠠᠢ ᠶᠢ ᠰᠢᠨ ᠵᠢᠶᠠ ᠭᠸᠤ ᠬᠡᠮᠡᠨ ᠨᠡᠷᠡᠶᠢᠳᠪᠡ᠃ ᠰᠢᠨ ᠵᠢᠶᠠ ᠭᠸᠤ ᠨᠡᠭᠦᠷᠡᠰᠦᠨ ᠠᠭᠤᠷᠬᠠᠢ ᠶᠠᠫᠤᠨ ᠢ ᠡᠰᠡᠷᠭᠦᠴᠡᠭᠰᠡᠨ ᠲᠠᠶᠢᠨ ᠢᠯᠠᠯᠳᠠ ᠤᠯᠤᠭᠰᠠᠨ 1945 ᠣᠨ ᠪᠤᠯᠳᠠᠯ᠎ᠠ ᠡᠵᠡᠩᠨᠡᠵᠦ ᠪᠠᠶᠢᠪᠠ᠃      ᠴᠢᠩ ᠳ᠋ᠧᠽᠦ᠋ᠩ ᠤᠨ ᠪᠠᠳᠠᠷᠠᠭᠤᠯᠲᠤ ᠲᠥᠷᠥ ᠶᠢᠨ ᠦᠶ᠎ᠡ ︵1875~1908 ᠤᠨ︶      ᠤᠳᠤᠭ ᠬᠤᠰᠢᠭᠤᠨ ᠤ ᠵᠠᠰᠠᠭ ᠠᠴᠠ ᠴᠠᠭᠠᠨᠲᠤᠯᠤᠭᠠᠢ ᠶᠢᠨ ᠭᠠᠵᠠᠷ ᠢ ᠨᠢᠩᠰᠢᠶᠠ ᠬᠦᠮᠦᠨ ᠸᠠᠩ ᠶᠤᠸᠠᠨ ᠳᠤ ᠲᠦᠷᠢᠶᠡᠰᠦᠯᠡᠨ ᠦᠭᠴᠦ ᠲᠠᠷᠢᠭᠤᠯᠪᠠ᠂ ᠰᠡᠭᠦᠯᠡᠷ ᠡᠨᠡᠬᠦ ᠬᠡᠰᠡᠭ ᠭᠠᠵᠠᠷ ᠢ ︽ᠸᠠᠩ ᠶᠤᠸᠠᠨ ᠳ᠋ᠢ︾ ᠬᠡᠮᠡᠨ ᠨᠡᠷᠡᠶᠢᠳᠴᠣ᠂ ᠤᠳᠤ ᠶᠢᠨ ᠬᠠᠶᠢᠷᠣᠪ ᠤᠨ ᠲᠤᠬᠤᠢ ᠶᠢᠨ ᠲᠠᠷᠢᠶᠠᠯᠠᠩ ᠤᠨ ᠲᠠᠯᠠᠪᠠᠢ ᠶᠢᠨ ᠬᠤᠶᠢᠲᠤ ᠬᠡᠰᠡᠭ ᠲᠤ ᠪᠤᠢ᠃      ᠴᠢᠩ ᠳ᠋ᠧᠽᠦ᠋ᠩ ᠤᠨ ᠪᠠᠳᠠᠷᠠᠭᠤᠯᠲᠤ ᠲᠥᠷᠥ ᠶᠢᠨ ᠠᠷᠪᠠᠨ ᠭᠤᠷᠪᠠᠳᠣᠭᠠᠷ ᠤᠨ ︵1887 ᠤᠨ︶      ᠨᠢᠩᠰᠢᠶᠠ ᠬᠦᠮᠦᠨ ᠭᠦ᠋ ᠯᠣᠣ ᠴᠢᠤᠸᠠᠨ ᠤᠳᠠ ᠳᠤ ᠢᠷᠡᠵᠦ ᠠᠭᠤᠷᠬᠠᠢ ᠨᠡᠭᠡᠭᠡᠵᠦ ᠨᠡᠭᠦᠷᠡᠰᠦ ᠮᠠᠯᠳᠠᠪᠠ᠂ ᠰᠡᠭᠦᠯᠡᠷ ᠲᠡᠭᠦᠨ ᠤ ᠭᠦᠪᠡᠭᠦᠨ ᠭᠦ᠋ ᠴᠢ ᠭᠤᠤ ᠡᠵᠡᠩᠨᠡᠪᠡ᠃ ᠲᠠᠷᠠᠭᠠᠪᠡᠷ ᠭᠦ᠋ ᠤᠪᠤᠭᠲᠤ ᠶᠢᠨ ᠠᠭᠤᠷᠬᠠᠢ ᠶᠢᠨ ᠬᠤᠳᠳᠤᠭ ᠢ ᠭᠦ᠋ ᠪᠤᠤ ᠭᠤᠤ ᠦᠷᠭᠦᠯᠵᠢᠯᠡᠨ ᠡᠵᠡᠩᠨᠡᠵᠦ᠂ 1947 ᠤᠨ ᠪᠤᠯᠳᠠᠯ᠎ᠠ ᠡᠵᠡᠩᠨᠡᠭᠡᠳ ᠪᠢᠳᠡᠭᠦᠮᠵᠢᠯᠡᠪᠡ᠃ ᠤᠳᠠ ᠶᠢᠨ ᠨᠡᠭᠦᠷᠡᠰᠦᠨ ᠠᠭᠤᠷᠬᠠᠢ ᠶᠢᠨ ᠭᠦ᠋ ᠵᠢᠶᠠ ᠭᠸᠤ ᠶᠢᠨ ᠨᠡᠷᠡᠶᠢᠳᠦᠯ ᠡᠭᠦᠨ ᠠᠴᠠ ᠢᠷᠡᠯᠳᠡᠢ᠃     ᠴᠢᠩ ᠳ᠋ᠧᠽᠦ᠋ᠩ ᠤᠨ ᠪᠠᠳᠠᠷᠠᠭᠤᠯᠲᠤ ᠲᠥᠷᠥ ᠶᠢᠨ ᠠᠷᠪᠠᠨ ᠶᠢᠰᠦᠳᠦᠭᠡᠷ ᠤᠨ ︵1893 ᠤᠨ︶      ᠲᠦᠷᠪᠡᠳᠦᠭᠡᠷ ᠰᠠᠷ᠎ᠠ   ᠠᠯᠠᠱᠠ ︵ᠣᠳᠣ ᠶᠢᠨ ᠣᠳᠠ ᠣᠷᠣᠨ︶ ᠵᠢᠯ ᠲᠠᠷᠠᠭᠠᠯᠠᠨ ᠭᠠᠩ ᠬᠠᠭᠰᠠᠷᠭᠠᠨ ᠪᠤᠯᠪᠠ᠂ ᠴᠢᠩ ᠤᠨ ᠵᠠᠰᠠᠭ ᠣᠯᠣᠰ ᠤᠨ ᠰᠠᠩ ᠠᠴᠠ ᠭᠤᠷᠪᠠᠨ ᠲᠦᠮᠡᠨ ᠯᠠᠩ ᠮᠦᠩᠬᠦ ᠭᠠᠷᠭᠠᠵᠤ ᠲᠡᠳᠭᠦᠪᠡ᠃      ᠴᠢᠩ ᠳ᠋ᠧᠽᠦ᠋ᠩ ᠤᠨ ᠪᠠᠳᠠᠷᠠᠭᠤᠯᠲᠤ ᠲᠥᠷᠥ ᠶᠢᠨ ᠭᠤᠴᠢᠳᠣᠭᠠᠷ ᠤᠨ ︵1904 ᠤᠨ︶      ᠰᠦᠢ ᠶᠤᠸᠠᠨ ᠮᠤᠵᠢ ᠶᠢᠨ ᠠᠳᠠᠷ ᠬᠠᠭᠠᠯᠪᠤᠷᠢᠯᠠᠬᠤ ᠶᠠᠪᠤᠳᠠᠯ ᠤᠨ ᠲᠤᠪᠴᠢᠶ᠎ᠠ ᠸᠠᠩ ᠶᠤᠸᠠᠨ ᠳ᠋ᠢ ᠢ ᠬᠦᠯᠢᠶᠠᠨ ᠠᠪᠴᠣ ᠬᠠᠮᠢᠶᠠᠷᠣᠨ᠂ ᠸᠠᠩ ᠶᠤᠸᠠᠨ ᠳᠤ 1300 ᠮᠤ᠋ ᠬᠤᠳᠠᠯᠳᠣᠨ ᠦᠭᠴᠦ᠂ ᠵᠠᠭᠤᠨ ᠮᠤ᠋ ᠪᠦᠷᠢ ᠠᠴᠠ ᠲᠦᠷᠢᠶᠡᠰᠦᠨ ᠭᠠᠶᠢᠯᠢ 3 ᠯᠠᠩ ᠬᠤᠷᠢᠶᠠᠬᠤ ᠪᠠᠷ ᠲᠤᠭᠳᠠᠪᠠ᠃
  
ᠢᠷᠡᠯᠲᠡ᠄ ᠦᠬᠠᠢ ᠬᠤᠲᠠ ᠶᠢᠨ ᠠᠷᠠᠳ ᠤᠨ ᠵᠠᠰᠠᠭ ᠤᠨ ᠣᠷᠳᠤᠨ
 
 
ᠬᠠᠮᠢᠶ᠎ᠡ ᠪᠦᠬᠦᠢ ᠰᠣᠨᠢᠨ
  
ᠲᠡᠦᠭᠡᠨ ᠣᠯᠠᠷᠢᠯ ︵ᠲᠦᠷᠪᠡ︶
ᠲᠡᠦᠭᠡᠨ ᠣᠯᠠᠷᠢᠯ ︵ᠬᠤᠶᠠᠷ︶
ᠲᠡᠦᠭᠡᠨ ᠣᠯᠠᠷᠢᠯ ︵ᠨᠢᠭᠡ︶
ᠦᠬᠠᠢ ᠶᠢᠨ ᠦᠭᠡᠷᠡᠴᠢᠯᠡᠯᠳᠡ ᠬᠢᠵᠦ ᠴᠢᠯᠦᠭᠡᠲᠡᠢ ᠶᠠᠪᠤᠯᠴᠠᠭᠰᠠᠨ40 ᠵᠢᠯ ᠤᠨ ᠲᠤᠷᠰᠢ ᠶᠢᠨ ᠭᠱᠠᠡ ᠵᠠᠭᠤᠷ᠎ᠡ ᠶᠢᠨ ᠁
2014-2015 ©  ᠦᠪᠦᠷ ᠮᠣᠩᠭᠤᠯ ᠤᠨ ᠮᠦᠩᠭᠡᠭᠠᠯ ᠰᠣᠹᠲ ᠤᠨ ᠬᠤᠪᠢᠴᠠᠭᠠᠨ ᠤ ᠬᠢᠵᠠᠭᠠᠷᠲᠦ ᠺᠣᠮᠫᠠᠨᠢ ᠪᠦᠬᠦ ᠵᠦᠢᠯ ᠬᠠᠤᠯᠢ ᠪᠠᠷ ᠬᠠᠮᠠᠭᠠᠯᠠᠭᠳᠠᠭᠰᠠᠨ᠂ ᠵᠦᠪᠰᠢᠶᠡᠷᠡᠯ ᠦᠭᠡᠢ ᠪᠠᠷ ᠬᠠᠭᠤᠯᠪᠤᠷᠢᠯᠠᠬᠤ ᠶᠢ ᠡᠷᠡᠰ ᠬᠤᠷᠢᠭᠯᠠᠨ᠎ᠠ 蒙ICP备05070829号