| ᠬᠤᠶᠠᠷ᠂ ᠢᠳᠡᠭᠡᠨ ᠢᠶᠠᠷ ᠪᠡᠶᠡ ᠪᠠᠨ ᠰᠤᠪᠢᠯᠠᠬᠤ ᠳᠤ᠄ | 1. ᠠᠮᠤ ᠪᠤᠳᠠᠭᠠ | ᠡᠷᠳᠡᠨᠢ ᠰᠢᠰᠢ — ᠰᠢᠵᠢᠷ ᠠᠯᠳᠠᠨ ᠪᠤᠳᠠᠭᠠ ᠭᠡᠬᠦ ᠨᠡᠷᠡ ᠲᠠᠢ᠃ ᠤᠯᠠᠨ ᠲᠦᠷᠦᠯ ᠤᠨ ᠰᠢᠮᠡ | ᠲᠡᠵᠢᠬᠡᠯ ᠲᠠᠢ ᠪᠠᠶᠢᠳᠠᠭ᠃ ᠴᠢᠰᠤᠨ ᠲᠠᠷᠤᠯᠳᠠ ᠦᠨᠳᠦᠷ᠂ ᠴᠢᠰᠤᠨ ᠰᠤᠳᠠᠯ ᠤᠨ ᠬᠠᠳᠠᠭᠤᠷᠠᠯ ᠡᠪᠡᠳᠴᠢᠨ ᠢ | ᠰᠡᠷᠭᠡᠶᠢᠯᠡᠬᠦ ᠳᠤ ᠤᠨᠴᠠ ᠲᠤᠰᠠᠳᠠᠢ ᠠᠮᠤ ᠪᠤᠳᠠᠭᠠ᠃ | ᠰᠠᠭᠠᠭ — ᠴᠢᠰᠤᠨ ᠲᠠᠷᠤᠯᠳᠠ ᠦᠨᠳᠦᠷ᠂ ᠴᠢᠰᠤᠨ ᠦᠭᠡᠬᠦ ᠶᠡᠭᠡ᠂ ᠴᠢᠰᠤᠨ ᠰᠢᠬᠢᠷ ᠶᠡᠭᠡ ᠶᠢ | ᠪᠠᠭᠤᠷᠠᠭᠤᠯᠬᠤ ᠤᠨᠴᠠ ᠲᠦᠷᠦᠯ ᠤᠨ ᠠᠮᠤ᠃ ᠰᠠᠭᠠᠭ ᠤᠨ ᠲᠤᠳᠤᠷᠠ 18% ᠶᠢᠨ ᠰᠢᠷᠭᠡᠭᠯᠢᠭ ᠡᠳ᠋ ᠠᠭᠤᠯᠤᠭᠳᠠᠵᠦ᠂ | ᠦᠷᠭᠦᠯᠵᠢ ᠢᠳᠡᠪᠡᠯ ᠬᠡᠳᠡᠰᠦᠨ ᠤ ᠦᠮᠡᠨ᠂ ᠰᠢᠯᠤᠭᠤᠨ ᠬᠡᠳᠡᠰᠦᠨ ᠤ ᠦᠮᠡᠨ᠂ ᠨᠤᠭᠤᠯᠤᠭᠤᠷ ᠬᠡᠳᠡᠰᠦᠨ ᠤ ᠦᠮᠡᠨ | ᠨᠠᠭᠠᠯᠳᠤᠬᠤ ᠦᠭᠡᠢ ᠪᠠᠶᠢᠳᠠᠭ᠃ ᠡᠳᠡᠭᠡᠷ ᠢ ᠦᠷᠭᠦᠯᠵᠢ ᠢᠳᠡᠬᠦ ᠨᠢ ᠰᠢᠯᠤᠭᠤᠨ ᠬᠡᠳᠡᠰᠦ᠂ ᠨᠤᠭᠤᠯᠤᠭᠤᠷ ᠭᠡᠳᠡᠰᠦᠨ ᠤ | ᠤᠰᠤ ᠶᠢ ᠰᠢᠩᠭᠡᠭᠡᠵᠦ᠂ ᠦᠬᠡᠬᠦ ᠶᠢᠨ ᠲᠦᠷᠦᠯ᠂ ᠰᠢᠬᠢᠷ ᠤᠨ ᠲᠦᠷᠦᠯ ᠢ ᠰᠢᠩᠭᠡᠭᠡᠵᠦ᠂ ᠬᠤᠳᠤᠭᠤᠳᠤ ᠭᠡᠳᠡᠰᠦᠨ ᠤ | ᠬᠤᠤᠷ ᠤᠳ ᠢ ᠰᠢᠩᠭᠡᠭᠡᠵᠦ ᠭᠠᠳᠠᠭᠰᠢᠯᠠᠭᠤᠯᠳᠠᠭ ᠶᠤᠮ᠃ | ᠨᠤᠬᠠᠢ ᠶᠢᠨ ᠬᠤᠰᠢᠭᠤ ︵燕麦︶ — ᠨᠤᠬᠠᠢ ᠶᠢᠨ ᠬᠤᠰᠢᠭᠤ ᠪᠤᠯ ᠴᠢᠰᠤᠨ ᠦᠬᠡᠬᠦ᠂ ᠴᠢᠰᠤᠨ | ᠲᠠᠷᠤᠯᠳᠠ ᠶᠢ ᠪᠠᠭᠤᠷᠠᠭᠤᠯᠬᠤ᠂ ᠺᠯᠢᠽᠧᠷᠢᠨ ᠭᠤᠷᠪᠠᠴᠢ ᠡᠰᠲ᠋ᠧᠷ ︵甘油三酯︶ ᠢ ᠪᠠᠭᠤᠷᠠᠭᠤᠯᠬᠤ ᠳᠤ | ᠤᠨᠴᠠ ᠲᠤᠰᠠᠳᠠᠢ ᠠᠮᠤ᠃ ᠨᠤᠬᠠᠢ ᠬᠤᠰᠢᠭᠤ ᠬᠤᠯᠢᠭᠰᠠᠨ ᠪᠤᠳᠠᠭᠠ᠂ ᠨᠤᠬᠠᠢ ᠶᠢᠨ ᠬᠤᠰᠢᠭᠤ ᠲᠠᠢ ᠰᠢᠩᠭᠡᠨ ᠪᠤᠳᠠᠭᠠ᠂ | ᠨᠤᠬᠠᠢ ᠬᠤᠰᠢᠭᠤ ᠶᠢᠨ ᠭᠤᠯᠢᠷ ᠪᠤᠶᠤ ᠬᠠᠳᠠᠭᠠᠮᠠᠯ ᠵᠡᠷᠭᠡ ᠶᠢ ᠢᠳᠡᠵᠦ᠂ ᠴᠢᠰᠤᠨ ᠦᠬᠡᠬᠦ ᠪᠠᠨ ᠪᠠᠭᠤᠷᠠᠭᠤᠯᠵᠦ | ᠪᠠᠶᠢᠭᠠᠷᠠᠢ᠃ | 2. ᠪᠤᠷᠴᠠᠭ | ᠪᠤᠷᠴᠠᠭ ᠤᠨ ᠲᠤᠳᠤᠷᠠ ᠪᠠᠭᠠ ᠳᠤ ᠪᠠᠨ ᠲᠠᠪᠤᠨ ᠲᠦᠷᠦᠯ ᠤᠨ ᠦᠮᠡᠨ ᠢ ᠡᠰᠡᠷᠭᠦᠴᠡᠬᠦ ᠡᠳ᠋ ᠠᠭᠤᠯᠤᠭᠳᠠᠳᠠᠭ᠃ | ᠭᠠᠤᠯᠢ ᠪᠤᠯ ᠭᠠᠭᠴᠠ ᠪᠤᠷᠴᠠᠭ ᠤᠨ ᠲᠦᠷᠦᠯ ᠳᠤ ᠯᠡ ᠠᠭᠤᠯᠤᠭᠳᠠᠳᠠᠭ᠃ ᠲᠡᠷᠡ ᠨᠢ ᠬᠦᠬᠦᠨ ᠤ ᠦᠮᠡᠨ᠂ ᠰᠢᠯᠤᠭᠤᠨ | ᠬᠡᠳᠡᠰᠦᠨ ᠤ ᠦᠮᠡᠨ᠂ ᠨᠤᠭᠤᠯᠤᠭᠤᠷ ᠭᠡᠳᠡᠰᠦᠨ ᠤ ᠦᠮᠡᠨ ᠢ ᠰᠡᠷᠭᠡᠶᠢᠯᠡᠨ ᠵᠠᠰᠠᠬᠤ ᠳᠤ ᠤᠨᠴᠠ ᠲᠤᠰᠠᠳᠠᠢ᠃ ︽ᠨᠢᠭᠡ | ᠠᠳᠬᠤ ᠨᠤᠭᠤᠭᠠ᠂ ᠨᠢᠭᠡ ᠠᠳᠬᠤ ᠪᠤᠷᠴᠠᠭ᠂ ᠨᠢᠭᠡ ᠦᠨᠳᠡᠭᠡ᠂ ᠵᠢᠭᠠᠬᠠᠨ ᠮᠢᠬᠠ︾ ᠨᠢ ᠰᠢᠮᠡ ᠲᠡᠵᠢᠬᠡᠯ ᠮᠠᠰᠢ | ᠦᠨᠳᠦᠷ ᠨᠢᠭᠡ ᠡᠷᠡᠨ ᠤ ᠨᠤᠭᠤᠭᠠ ᠵᠠᠭᠤᠰᠢ ᠮᠦᠨ ᠰᠢᠦ ᠳ᠋ᠠ᠃ | 3. ᠨᠤᠭᠤᠭᠠ | ᠬᠤᠯᠤᠤᠪᠠᠩ — ᠬᠤᠯᠤᠤᠪᠠᠩ ᠨᠢ ᠨᠢᠳᠦᠨ ᠬᠠᠷᠠᠭᠠ ᠳᠤ ᠰᠢᠮᠡ ᠲᠡᠵᠢᠬᠡᠯ ᠬᠠᠩᠭᠠᠳᠠᠭ ᠤᠨᠴᠠ | ᠲᠦᠷᠦᠯ ᠤᠨ ᠨᠤᠭᠤᠭᠠ᠃ ᠨᠢᠳᠦᠨ ᠤ ᠨᠡᠬᠡᠳᠡᠰᠦ ᠪᠦᠷᠬᠦᠬᠦᠯ ᠢ ᠬᠠᠮᠠᠭᠠᠯᠠᠵᠦ ᠬᠢᠮᠤᠷᠠᠬᠤ ᠠᠴᠠ ᠰᠡᠷᠭᠡᠶᠢᠯᠡᠳᠡᠭ᠃ ᠦᠰᠦ | ᠬᠡᠵᠢᠬᠡ ᠠᠷᠠᠰᠤ ᠮᠢᠬᠠᠨ ᠳᠤ ᠰᠢᠮᠡ ᠲᠡᠵᠢᠬᠡᠯ ᠬᠠᠩᠭᠠᠵᠦ ᠬᠢᠯᠦᠭᠡᠷ ᠰᠠᠶᠢᠬᠠᠨ ᠪᠤᠯᠭᠠᠳᠠᠭ᠃ ᠦᠮᠡᠨ ᠢ ᠡᠰᠡᠷᠭᠦᠴᠡᠬᠦ | ᠦᠢᠯᠡᠳᠦᠯ ᠲᠠᠢ᠃ ᠲᠠᠬᠢᠶᠠᠨ ᠬᠠᠷᠠᠩ ᠡᠪᠡᠳᠴᠢᠨ ᠢ ᠰᠡᠷᠭᠡᠶᠢᠯᠡᠬᠦ ᠳᠤ ᠬᠤᠯᠤᠤᠪᠠᠩ ᠤᠨᠴᠠ ᠲᠤᠰᠠᠳᠠᠢ ᠪᠠᠶᠢᠳᠠᠭ᠃ | ᠯᠠᠩᠭᠤᠸᠠ — ᠸᠢᠲ᠋ᠠᠮᠢᠨ ᠤ ᠡᠰ ᠲᠤ ᠰᠡᠳᠦᠯᠳᠡ ᠦᠭᠴᠦ ᠨᠦᠢᠷ ᠤᠨ ᠠᠷᠠᠯ ᠤᠨ ᠡᠳ᠋ ᠢ ᠪᠤᠢ ᠪᠤᠯᠭᠠᠳᠠᠭ | ᠶᠤᠮ᠃ ᠦᠷᠭᠦᠯᠵᠢ ᠶᠢᠨ ᠴᠢᠨᠠᠷ ᠲᠠᠢ ᠯᠠᠩᠭᠤᠸᠠ ᠢᠳᠡᠳᠡᠭ ᠬᠦᠮᠦᠨ᠂ ᠴᠢᠰᠦᠨ ᠰᠢᠬᠢᠷ ᠤᠨ ᠡᠪᠡᠳᠴᠢᠨ ᠠᠮᠠᠷᠬᠠᠨ | ᠤᠯᠳᠠᠭ ᠦᠭᠡᠢ ᠶᠤᠮ᠃ | ᠲᠦᠪᠡᠳ ᠬᠠᠰᠢ — ᠲᠦᠪᠡᠳ ᠬᠠᠰᠢ ᠦᠷᠬᠦᠯᠵᠢ ᠢᠳᠡᠬᠦ ᠨᠢ ᠬᠡᠪᠳᠡᠰᠢᠨ ᠤ ᠦᠮᠡᠨ᠂ ᠦᠨᠳᠡᠭᠡᠪᠴᠢ ᠶᠢᠨ | ᠦᠮᠡᠨ᠂ ᠨᠦᠢᠷ ᠤᠨ ᠦᠮᠡᠨ᠂ ᠲᠠᠪᠤᠰᠠᠩ ᠤᠨ ᠦᠮᠡᠨ᠂ ᠤᠷᠳᠤ ᠪᠤᠯᠴᠢᠷᠬᠠᠢ ᠶᠢᠨ ᠦᠮᠡᠨ ᠵᠡᠷᠭᠡ ᠶᠢ ᠪᠠᠷᠤᠭ ᠲᠠᠢ ᠳᠤ | ᠤᠯᠳᠠᠭ ᠦᠭᠡᠢ ᠶᠤᠮ᠃ ᠲᠦᠪᠡᠳ ᠬᠠᠰᠢ ᠶᠢᠨ ᠲᠤᠳᠤᠷᠠ ᠲᠦᠪᠡᠳ ᠬᠠᠰᠢ ᠶᠢᠨ ᠡᠳ᠋ ᠭᠡᠳᠡᠭ ᠡᠯᠧᠮᠧᠨ᠋ᠲ ᠪᠤᠢ᠂ | ᠲᠡᠷᠡ ᠨᠢ ᠤᠭᠤᠷᠠᠭ ᠡᠳ᠋ ᠲᠠᠢ ᠨᠡᠶᠢᠯᠡᠯᠳᠦᠨ ᠰᠢᠷᠭᠡᠭᠯᠢᠭ ᠡᠳ᠋ ᠢᠶᠠᠷ ᠪᠠᠭᠯᠠᠭᠳᠠᠵᠦ ᠪᠠᠶᠢᠳᠠᠭ᠂ ᠵᠤᠬᠢᠬᠤ ᠲᠤᠯᠠᠭᠠᠨ ᠤ | ᠨᠦᠬᠦᠴᠡᠯ ᠳᠤ ᠰᠠᠶ᠋ᠢ ᠵᠠᠳᠠᠷᠠᠨ ᠰᠢᠩᠭᠡᠭᠡᠭᠳᠡᠳᠡᠭ᠂ ᠡᠶᠢᠮᠦ ᠠᠴᠠ ᠲᠦᠪᠡᠳ ᠬᠠᠰᠢ ᠶᠢ ᠦᠨᠳᠡᠭᠡ ᠲᠠᠢ ᠬᠠᠭᠤᠷᠴᠤ | ᠢᠳᠡᠬᠦ ᠪᠤᠶᠤ ᠲᠦᠪᠡᠳ ᠬᠠᠰᠢ ᠶᠢᠨ ᠱᠦᠯᠦ᠂ ᠦᠨᠳᠡᠭᠡ ᠶᠢ ᠲᠦᠪᠡᠳ ᠬᠠᠰᠢ ᠲᠠᠢ ᠬᠤᠯᠢᠭᠰᠠᠨ ᠱᠦᠯᠦ ᠵᠡᠷᠭᠡ ᠪᠠᠷ | ᠢᠳᠡᠬᠦ ᠨᠢ ᠠᠰᠢᠭᠯᠠᠮᠵᠢ ᠦᠨᠳᠦᠷ ᠪᠠᠶᠢᠳᠠᠭ᠃ ᠲᠦᠪᠡᠳ ᠬᠠᠰᠢ ᠶᠢ ᠲᠦᠬᠦᠭᠡᠢ ᠪᠠᠷ ᠢᠳᠡᠬᠦ ᠨᠢ ᠦᠮᠡᠨ ᠢ ᠡᠰᠡᠷᠭᠦᠴᠡᠬᠦ | ᠴᠢᠨᠡᠷ ᠢᠶᠠᠷ ᠮᠠᠰᠢ ᠲᠤᠤᠷᠠ ᠪᠠᠶᠢᠳᠠᠭ᠃ | ᠰᠠᠷᠢᠮᠰᠠᠭ — ᠦᠮᠡᠨ ᠢ ᠡᠰᠡᠷᠭᠦᠴᠡᠬᠦ ᠶᠡᠭᠡ ᠸᠠᠩ ᠴᠤᠯᠠ ᠲᠠᠢ ᠨᠤᠭᠤᠭᠠ᠃ ᠰᠡᠷᠢᠮᠰᠠᠭ ᠢ ᠢᠳᠡᠬᠦ | ᠠᠷᠭᠠ ᠶᠢ ᠤᠨᠴᠠᠯᠠᠨ ᠠᠩᠬᠠᠷᠤᠨᠠ᠂ ᠬᠠᠯᠢᠰᠤ ᠶᠢ ᠨᠢ ᠱᠠᠭᠠᠯᠤᠭᠠᠳ ᠯᠡ ᠰᠢᠳᠤ ᠰᠢᠳᠤ ᠪᠠᠷ ᠢᠳᠡᠬᠦ ᠨᠢ ᠦᠢᠯᠡᠳᠦᠯ | ᠬᠡᠷᠡᠭᠴᠡᠭᠡ ᠲᠤᠩ ᠪᠠᠷᠤᠭᠳᠠᠢ ᠪᠠᠶᠢᠳᠠᠭ᠃ ᠲᠠᠷᠤᠢ ᠦᠮᠡᠨ ᠢ ᠡᠰᠡᠷᠭᠦᠴᠡᠬᠦ ᠦᠢᠯᠡᠳᠦᠯ ᠦᠭᠡᠢ᠂ ᠢᠳᠡᠬᠦ ᠠᠴᠠ ᠪᠠᠨ | ᠡᠮᠦᠨᠡ ᠨᠠᠷᠢᠨ ᠬᠡᠷᠴᠢᠮᠡᠯ ᠪᠤᠯᠭᠠᠬᠤ ᠪᠤᠶᠤ ᠨᠦᠳᠦᠵᠦ ᠨᠤᠨᠳᠠᠭ ᠪᠤᠯᠭᠠᠭᠠᠳ᠂ ᠠᠭᠠᠷ ᠨᠡᠪᠳᠡᠷᠡᠬᠦ ᠭᠠᠵᠠᠷ 15 ᠮᠢᠨᠦ᠋ᠲ | ᠤᠷᠴᠢᠮ ᠲᠠᠯᠪᠢᠪᠠᠯ᠂ ᠠᠭᠠᠷ ᠲᠠᠢ ᠤᠷᠪᠠᠯᠳᠤᠵᠦ᠂ ᠰᠡᠷᠢᠮᠰᠠᠭ ᠤᠨ ᠡᠳ᠋ ᠭᠡᠳᠡᠭ ᠶᠠᠭᠤᠮᠠ ᠪᠤᠢ ᠪᠤᠯᠤᠨᠠ᠂ ᠡᠨᠡᠬᠦ | ᠰᠡᠷᠢᠮᠰᠠᠭ ᠤᠨ ᠡᠳ᠋ ᠭᠡᠳᠡᠭ ᠶᠠᠭᠤᠮᠠ ᠨᠢ ᠦᠮᠡᠨ ᠢ ᠡᠰᠡᠷᠭᠦᠴᠡᠳᠡᠭ ᠠᠴᠠ ᠪᠢᠰᠢ ᠪᠤᠰᠤᠳ ᠵᠦᠢᠯ ᠨᠢ ᠡᠰᠡᠷᠭᠦᠴᠡᠳᠡᠭ | ᠦᠭᠡᠢ ᠶᠤᠮ᠃ ᠤᠯᠠᠩᠬᠢ ᠬᠦᠮᠦᠨ ᠰᠠᠷᠢᠮᠰᠠᠭ ᠢᠳᠡᠪᠡᠯ ᠠᠮᠠᠨ ᠠᠴᠠ ᠦᠮᠡᠭᠡᠢ ᠦᠨᠦᠷ ᠭᠠᠷᠤᠨᠠ ᠭᠡᠳ ᠰᠠᠷᠢᠮᠰᠠᠭ | ᠢᠳᠡᠬᠦ ᠠᠴᠠ ᠵᠠᠶᠢᠯᠠᠰᠬᠢᠭᠡᠳ ᠪᠠᠶᠢᠳᠠᠭ᠂ ᠰᠠᠷᠢᠮᠰᠠᠭ ᠢᠳᠡᠭᠰᠡᠨ ᠤ ᠲᠠᠷᠠᠭᠠ ᠲᠤᠯᠤᠭᠤᠨᠠ᠂ ᠯᠤᠬᠠᠱᠧᠩ ᠢᠳᠡᠬᠦ ᠪᠤᠶᠤ | ᠴᠠᠢ ᠶᠢᠨ ᠱᠠᠭᠠᠷᠤᠭ ᠵᠢᠭᠠᠬᠠᠨ ᠵᠠᠵᠢᠯᠠᠪᠠᠯ ᠰᠠᠷᠢᠮᠰᠠᠭ ᠤᠨ ᠦᠨᠦᠷ ᠢ ᠲᠠᠷᠤᠵᠦ ᠪᠤᠯᠤᠨᠠ᠃ | ᠬᠠᠷᠠ ᠲᠡᠯᠳᠡᠤ — ᠨᠢᠭᠡ ᠲᠦᠷᠦᠯ ᠤᠨ ᠮᠦᠬᠦ᠃ ᠤᠳᠤ ᠶᠢᠨ ᠬᠦᠮᠦᠰ ᠤᠨ ᠤᠯᠠᠩᠬᠢ ᠨᠢ ᠴᠢᠰᠤ | ᠦᠳᠭᠡᠷᠡᠬᠦ ᠬᠡᠮ ᠲᠠᠢ ᠪᠤᠯᠵᠠᠢ᠃ ᠬᠦᠵᠦᠬᠦᠦ ᠨᠢ ᠤᠬᠤᠷ ᠤᠭᠵᠤᠭᠤᠷ ᠬᠦᠮᠦᠨ᠂ ᠴᠢᠰᠤᠨ ᠤ ᠬᠡᠯᠪᠡᠷᠢ ᠨᠢ AB | ᠬᠡᠯᠪᠡᠷᠢ ᠶᠢᠨ ᠬᠦᠮᠦᠨ᠂ ᠭᠡᠬᠦᠷ ᠪᠡᠷᠡ ᠶᠡᠭᠡ ᠲᠠᠢ ᠬᠦᠮᠦᠨ᠂ ᠴᠡᠪᠡᠷᠰᠢᠯ ᠤᠨ ᠬᠤᠭᠤᠴᠠᠭᠠᠨ ᠤ ᠪᠦᠰᠡᠭᠦ᠋ᠢᠴᠤᠣᠯ ᠴᠢᠰᠤ | ᠦᠳᠭᠡᠷᠡᠬᠦ ᠬᠡᠮ ᠳᠤ ᠠᠮᠠᠷᠬᠠᠨ ᠨᠡᠷᠪᠡᠭᠳᠡᠳᠡᠭ ᠶᠤᠮ᠃ ᠴᠢᠰᠤ ᠦᠳᠭᠡᠷᠡᠬᠦ ᠬᠡᠮ ᠳᠤ ᠨᠡᠷᠪᠡᠭᠳᠡᠭᠰᠡᠨ ᠬᠦᠮᠦᠨ ᠵᠢᠷᠦᠬᠡᠨ | ᠪᠤᠯᠴᠢᠩ ᠤᠨ ᠲᠦᠭᠵᠢᠷᠡᠯ ᠢᠶᠠᠷ ᠦᠬᠦᠬᠦ ᠨᠤᠷᠮᠠ ᠨᠢ ᠦᠨᠳᠦᠷ ᠪᠠᠶᠢᠳᠠᠭ᠂ ᠬᠠᠷᠠ ᠲᠡᠯᠳᠡᠤ ᠦᠷᠭᠦᠯᠵᠢ ᠢᠳᠡᠪᠡᠯ | ᠴᠢᠰᠤ ᠦᠳᠭᠡᠷᠡᠬᠦ ᠬᠡᠮ ᠢ ᠵᠠᠰᠠᠬᠤ ᠳᠤ ᠤᠨᠴᠠ ᠲᠤᠰᠠᠳᠠᠢ᠃ | 4. ᠠᠮᠢᠳᠠᠨ ᠤ ᠲᠦᠷᠦᠯ ᠤᠨ ᠢᠳᠡᠭᠡᠨ | ᠭᠠᠭ᠋ᠠᠢ ᠶᠢᠨ ᠮᠢᠬᠠ᠂ ᠬᠤᠨᠢ ᠢᠮᠠᠭᠠᠨ ᠮᠢᠬᠠ ᠪᠠᠶᠢᠪᠠᠯ ᠬᠤᠨᠢ ᠢᠮᠠᠭᠠᠨ ᠮᠢᠬᠠ ᠶᠢ ᠨᠢ ᠢᠳᠡᠨᠡ ᠭᠡᠳᠡᠭ᠃ | ᠬᠤᠨᠢ ᠢᠮᠠᠭᠠᠨ ᠮᠢᠬᠠ᠂ ᠲᠠᠬᠢᠶᠠ ᠭᠠᠯᠠᠭᠤ ᠶᠢᠨ ᠮᠢᠬᠠ ᠪᠠᠶᠢᠪᠠᠯ᠂ ᠲᠠᠬᠢᠶᠠ ᠭᠠᠯᠠᠭᠤ ᠶᠢᠨ ᠮᠢᠬᠠ ᠶᠢ ᠨᠢ ᠢᠳᠡᠨᠡ | ᠭᠡᠳᠡᠭ᠃ ᠲᠠᠬᠢᠶᠠ ᠭᠠᠯᠠᠭᠤ ᠶᠢᠨ ᠮᠢᠬᠠ᠂ ᠵᠢᠭᠠᠰᠤᠨ ᠮᠢᠬᠠ ᠪᠠᠶᠢᠪᠠᠯ ᠵᠢᠭᠠᠰᠤᠨ ᠮᠢᠬᠠ ᠶᠢ ᠨᠢ ᠢᠳᠡᠨᠡ ᠭᠡᠳᠡᠭ᠃ | ᠵᠢᠭᠠᠰᠤᠨ ᠮᠢᠬᠠ᠂ ᠰᠠᠮ ᠬᠤᠷᠤᠬᠠᠢ ᠪᠠᠶᠢᠪᠠᠯ ᠰᠠᠮ ᠬᠤᠷᠤᠬᠠᠢ ᠶᠢ ᠨᠢ ᠢᠳᠡᠨᠡ ᠭᠡᠳᠡᠭ᠃ ᠵᠢᠵᠢᠭ ᠵᠢᠭᠠᠰᠤ ᠵᠢᠵᠢᠭ | ᠰᠠᠮ ᠬᠤᠷᠤᠬᠠᠢ ᠨᠢ ᠬᠠᠮᠤᠭ ᠰᠢᠮᠡ ᠲᠡᠵᠢᠭᠡᠯ ᠲᠠᠢ ᠪᠠᠶᠢᠵᠦ᠂ ᠪᠦᠬᠦᠯᠢ ᠪᠠᠷ ᠨᠢ ᠢᠳᠡᠪᠡᠯ ᠰᠢᠮᠡ ᠲᠡᠵᠢᠭᠡᠯ ᠡᠯᠪᠡᠭ | ᠠᠭᠤᠯᠤᠭᠳᠠᠳᠠᠭ ᠶᠤᠮ᠃ | 5. ᠱᠤᠷᠠᠭ ᠵᠠᠮᠠᠭ ︵螺旋藻︶ | ᠱᠤᠷᠠᠭ ᠵᠠᠮᠠᠭ ᠨᠢ ᠰᠢᠮᠡ ᠲᠡᠵᠢᠬᠡᠯ ᠡᠯᠪᠡᠭ ᠠᠭᠤᠯᠤᠭᠳᠠᠳᠠᠭ ᠢᠳᠡᠭᠡᠨ᠃ ᠲᠠᠪᠤᠰᠤᠯᠢᠭ ᠴᠢᠨᠡᠷ ᠲᠠᠢ᠂ ᠢᠳᠡᠭᠡᠨ | ᠤᠮᠳᠠᠭᠠᠨ ᠤ ᠲᠡᠩᠴᠡᠭᠦᠷᠢᠰᠢᠯ ᠢ ᠠᠬᠢᠭᠤᠯᠳᠠᠭ᠂ ᠱᠤᠷᠠᠭ ᠵᠠᠮᠠᠭ ᠨᠢ ᠰᠠᠴᠤᠷᠠᠯᠳᠠ ᠶᠢ ᠰᠡᠷᠭᠡᠶᠢᠯᠡᠬᠦ ᠦᠢᠯᠡᠳᠦᠯ ᠲᠠᠢ᠃ | ᠱᠤᠷᠠᠭ ᠵᠠᠮᠠᠭ ᠨᠢ ᠵᠢᠷᠦᠬᠡ ᠴᠢᠰᠤᠨ ᠰᠤᠳᠠᠯ ᠤᠨ ᠡᠪᠡᠳᠴᠢᠨ᠂ ᠴᠢᠰᠤᠨ ᠲᠠᠷᠤᠯᠳᠠ ᠦᠨᠳᠦᠷ᠂ ᠴᠢᠰᠤᠨ ᠦᠬᠡᠬᠦ ᠶᠡᠭᠡ | ᠵᠡᠷᠭᠡ ᠶᠢ ᠪᠠᠭᠤᠷᠠᠭᠤᠯᠬᠤ ᠦᠢᠯᠡᠳᠦᠯ ᠲᠠᠢ᠃ ᠰᠢᠬᠢᠷ ᠰᠢᠵᠢᠩ ᠡᠪᠡᠳᠴᠢᠳᠡᠨ ᠤ ᠤᠭᠤᠷᠠᠭ᠂ ᠸᠢᠲ᠋ᠠᠮᠢᠨ ᠨᠢ | ᠲᠤᠳᠠᠭᠳᠠᠵᠦ ᠴᠢᠰᠤᠨ ᠰᠢᠬᠢᠷ ᠨᠢ ᠲᠡᠩᠴᠡᠭᠦᠷᠢ ᠦᠭᠡᠢ ᠪᠠᠶᠢᠳᠠᠭ᠂ ᠱᠤᠷᠠᠭ ᠵᠠᠮᠠᠭ ᠲᠤ ᠨᠠᠪᠴᠢᠨ ᠤ ᠨᠤᠭᠤᠭᠠᠨ ᠡᠳ᠋ | ᠭᠡᠳᠡᠭ ᠶᠠᠭᠤᠮᠠ ᠪᠠᠶᠢᠵᠦ᠂ ᠤᠭᠤᠷᠠᠭ᠂ ᠸᠢᠲ᠋ᠠᠮᠢᠨ ᠢ ᠰᠢᠬᠢᠷ ᠰᠢᠵᠢᠩ ᠡᠪᠡᠳᠴᠢᠳᠡᠨ ᠳᠤ ᠨᠦᠬᠦᠪᠦᠷᠢᠯᠡᠵᠦ ᠦᠭᠳᠡᠭ | ᠶᠤᠮ᠃ ᠬᠤᠳᠤᠭᠤᠳᠤᠨ ᠤ ᠦᠷᠪᠢᠰᠦᠯ ᠢ ᠲᠠᠷᠤᠵᠦ᠂ ᠬᠤᠳᠤᠭᠤᠳᠤᠨ ᠤ ᠦᠩᠭᠦᠷ ᠢ ᠠᠨᠠᠭᠠᠵᠦ᠂ ᠡᠯᠢᠭᠡ ᠶᠢ | ᠲᠦᠯᠵᠢᠭᠦᠯᠳᠡᠭ ᠶᠤᠮ᠃ ᠡᠪᠡᠳᠴᠢᠨ ᠡᠰᠡᠷᠭᠦᠴᠡᠬᠦ ᠴᠢᠳᠠᠪᠤᠷᠢ ᠶᠢ ᠴᠦ ᠲᠡᠭᠡᠭᠰᠢᠯᠡᠭᠦᠯᠵᠦ ᠦᠭᠳᠡᠭ᠃ | ᠢᠳᠡᠭᠡᠨ ᠤᠮᠳᠠᠭᠠᠨ ᠤ ᠪᠠᠷᠢᠮᠳᠠᠯᠠᠯ ᠢᠶᠠᠷ ᠪᠡᠶᠡ ᠪᠠᠨ ᠰᠤᠪᠢᠯᠠᠬᠤ ᠳᠤ᠂ ᠲᠤᠯᠤᠭᠠᠨ ᠬᠤᠪᠢ ᠴᠠᠳᠴᠤ ᠶᠠᠪᠤᠭᠠᠷᠠᠢ᠃ | ᠡᠪᠡᠳᠴᠢᠨ ᠦᠭᠡᠢ ᠪᠡᠶᠡ ᠡᠷᠡᠭᠦᠯ ᠶᠠᠪᠤᠬᠤ ᠶᠢᠨ ᠨᠢᠭᠡ ᠠᠨᠢᠰᠤ ᠪᠤᠯᠳᠠᠭ ᠶᠤᠮ᠃ ᠨᠠᠢᠮᠠᠨ ᠬᠤᠪᠢ ᠴᠠᠳᠪᠠᠯ | ᠬᠡᠳᠦᠷᠡᠳᠡᠯᠡ ᠴᠠᠳᠤᠭᠰᠠᠨ ᠳᠤ ᠪᠠᠨ ᠤᠷᠤᠨᠠ᠃ ᠠᠷᠪᠠᠨ ᠬᠤᠪᠢ ᠴᠠᠳᠪᠠᠯ᠂ ᠬᠤᠶᠠᠷ ᠬᠤᠪᠢ ᠬᠤᠭ ᠤᠨ ᠢᠳᠡᠭᠡᠨ | ᠢᠳᠡᠭᠰᠡᠨ ᠲᠠᠢ ᠲᠡᠩᠴᠡᠨᠡ᠃ ᠢᠳᠡᠭᠡᠨ ᠤ ᠬᠤᠯᠢᠴᠡ ᠳᠤ 4 ᠬᠤᠪᠢ ᠶᠢᠨ ᠪᠤᠳᠠᠭᠠ᠂ 6 ᠬᠤᠪᠢ ᠶᠢᠨ ᠬᠤᠯᠢᠰᠢᠨ | ᠢᠳᠡᠭᠡᠨ᠂ ᠪᠦᠳᠦᠬᠦᠯᠢᠭ ᠠᠮᠤ ᠨᠢ 6 ᠬᠤᠪᠢ ᠪᠤᠯ᠂ ᠨᠠᠷᠢᠯᠢᠭ ᠠᠮᠤ ᠨᠢ 4 ᠬᠤᠪᠢ᠂ ᠤᠷᠭᠤᠮᠠᠯ ᠤᠨ ᠲᠦᠷᠦᠯ ᠨᠢ 6 | ᠬᠤᠪᠢ ᠪᠤᠯ᠂ ᠠᠮᠢᠳᠠᠨ ᠤ ᠲᠦᠷᠦᠯ ᠨᠢ 4 ᠬᠤᠪᠢ ᠭᠡᠵᠦ ᠲᠡᠩᠴᠡᠭᠦᠯᠵᠦ ᠢᠳᠡᠵᠦ ᠪᠠᠶᠢᠪᠠᠯ ᠡᠷᠡᠭᠦᠯ ᠮᠡᠨᠳᠦ ᠳᠤ | ᠶᠡᠬᠡᠳᠡ ᠲᠤᠰᠠᠯᠠᠨᠠ᠃ ᠬᠦᠴᠢᠯᠳᠦ᠋ᠷᠦᠭᠴᠢᠳᠤ ᠬᠦᠳᠡᠯᠭᠡᠭᠡᠨ ᠢ ᠪᠠᠷᠢᠮᠳᠠᠯᠠᠨᠠ᠂ ᠦᠷᠯᠦᠭᠡ ᠡᠷᠳᠡ ᠬᠦᠳᠡᠯᠭᠡᠭᠡᠨ | ᠬᠢᠬᠦ ᠳᠤ ᠪᠠᠨ ᠰᠢᠷᠦᠭᠦᠨ ᠬᠦᠳᠡᠯᠭᠡᠭᠡᠨ ᠬᠢᠬᠦ ᠠᠴᠠ ᠵᠠᠶᠢᠯᠠᠰᠬᠢᠪᠡᠯ ᠵᠤᠬᠢᠨᠠ᠂ ᠦᠷᠯᠦᠭᠡ ᠡᠷᠳᠡ ᠬᠦᠮᠦᠨ ᠤ ᠪᠡᠶᠡ ᠶᠢᠨ | ᠲᠤᠯᠠᠭᠠᠨ ᠦᠨᠳᠦᠷ᠂ ᠴᠢᠰᠤᠨ ᠲᠠᠷᠤᠯᠳᠠ ᠦᠨᠳᠦᠷ ᠪᠠᠶᠢᠳᠠᠭ ᠪᠤᠯᠬᠤᠷ᠂ ᠠᠮᠠᠷᠬᠠᠨ ᠵᠢᠷᠦᠬᠡᠨ ᠡᠪᠡᠳᠴᠢᠨ ᠬᠦᠳᠡᠯᠵᠦ᠂ | ᠠᠮᠢ ᠨᠠᠰᠤᠨ ᠤ ᠠᠶᠤᠯ ᠭᠠᠷᠴᠤ ᠮᠡᠳᠡᠨᠡ᠃ ᠦᠳᠡ ᠶᠢᠨ ᠬᠤᠶᠢᠨᠠ ᠪᠤᠶᠤ ᠤᠷᠤᠢ ᠳᠤ ᠪᠠᠨ ᠲᠠᠮᠢᠷ ᠤᠨ ᠬᠦᠳᠡᠯᠭᠡᠭᠡᠨ | ᠬᠢᠵᠦ ᠪᠤᠯᠪᠠᠰᠤᠷᠠᠬᠤ ᠶᠢ ᠪᠠᠷᠢᠮᠳᠠᠯᠠᠪᠠᠯ ᠰᠠᠶᠢᠨ᠃ ᠬᠤᠭᠤᠯᠠ ᠢᠳᠡᠭᠰᠡᠨ ᠤ ᠲᠠᠷᠠᠭᠠ 45 ᠮᠢᠨᠦ᠋ᠲ ᠠᠴᠠ ᠡᠬᠢᠯᠡᠨ | ᠬᠦᠳᠡᠯᠭᠡᠭᠡᠨ ᠬᠢᠬᠦ ᠶᠢ ᠪᠠᠷᠢᠮᠳᠠᠯᠠᠪᠠᠯ ᠦᠢᠯᠡᠳᠦᠯ ᠲᠤᠩ ᠰᠠᠶᠢᠨ᠃ ᠦᠷᠯᠦᠭᠡ ᠳᠤ ᠪᠠᠨ 6 ᠴᠠᠭ ᠲᠤ ᠪᠤᠰᠴᠤ᠂ 9— | 11 ᠴᠠᠭ᠂ 14— 16 ᠴᠠᠭ ᠤᠨ ᠬᠤᠭᠤᠷᠤᠨᠳᠤ ᠴᠤᠩᠬᠤ ᠬᠠᠭᠠᠯᠭᠠ ᠪᠠᠨ ᠨᠡᠬᠡᠭᠡᠵᠦ᠂ ᠠᠭᠠᠷ ᠵᠢᠪᠠᠷ | ᠨᠡᠪᠳᠡᠷᠡᠭᠦᠯᠦᠨ ᠠᠭᠤᠷ ᠠᠮᠢᠰᠬᠤᠯ ᠤᠨ ᠰᠤᠯᠢᠭᠳᠠᠯ ᠬᠢᠯᠭᠡᠵᠦ ᠪᠠᠶᠢᠪᠠᠯ ᠲᠤᠩ ᠠᠴᠢ ᠲᠤᠰᠠ ᠲᠠᠢ᠃ ᠦᠳᠡ ᠳᠤ | ᠤᠨᠳᠠᠬᠤ ᠲᠠᠳᠬᠠᠯ ᠲᠠᠢ ᠬᠦᠮᠦᠰ ᠨᠢᠭᠡ ᠴᠠᠭ ᠠᠴᠠ ᠬᠡᠳᠦᠷᠡᠬᠦᠦ ᠤᠨᠳᠠᠬᠤ ᠦᠭᠡᠢ ᠪᠤᠯ ᠰᠠᠶᠢᠨ᠃ ᠤᠷᠤᠢ ᠳᠤ ᠪᠠᠨ | 22 ᠴᠠᠭ ᠪᠤᠶᠤ 22 ᠴᠠᠭ ᠬᠠᠭᠠᠰ ᠠᠴᠠ ᠡᠮᠦᠨᠡ ᠤᠨᠳᠠᠬᠤ ᠶᠢ ᠪᠠᠷᠢᠮᠳᠠᠯᠠᠨᠠ᠂ ᠤᠨᠳᠠᠬᠤ ᠠᠴᠠ ᠪᠠᠨ ᠡᠮᠦᠨᠡ | 40— 50 ᠭᠷᠠᠳᠦ᠋ᠰ ᠤᠨ ᠤᠰᠤ ᠪᠠᠷ ᠪᠡᠶᠡ ᠪᠠᠨ ᠤᠬᠢᠶᠠᠭᠠᠳ ᠤᠨᠳᠠᠪᠠᠯ ᠰᠠᠶᠢᠨ ᠪᠠᠶᠢᠳᠠᠭ᠃ ᠲᠠᠮᠢᠷ ᠤᠨ | ᠬᠦᠳᠡᠯᠭᠡᠭᠡᠨ ᠳᠤ᠂ ᠬᠠᠮᠤᠭ ᠰᠠᠶᠢᠨ ᠲᠠᠮᠢᠷ ᠤᠨ ᠬᠦᠳᠡᠯᠭᠡᠭᠡᠨ ᠪᠤᠯ ᠠᠯᠬᠤᠬᠤ ᠬᠦᠳᠡᠯᠭᠡᠭᠡᠨ ᠮᠦᠨ᠃ ᠰᠡᠳᠬᠢᠴᠡ ᠪᠠᠷ | ᠪᠡᠶᠡ ᠪᠠᠨ ᠰᠤᠪᠢᠯᠠᠬᠤ ᠳᠤ᠂ ᠰᠡᠳᠬᠢᠯ ᠰᠠᠨᠠᠭᠠ ᠲᠠᠭᠠᠯᠠᠮᠵᠢ ᠦᠭᠡᠢ ᠪᠤᠯ ᠪᠡᠶᠡ ᠲᠠᠮᠢᠷ ᠤᠨ ᠪᠤᠯᠪᠠᠰᠤᠷᠠᠯ ᠢ ᠬᠡᠳᠦᠢ | ᠬᠢᠯᠡ ᠭᠡᠳ ᠬᠤᠭᠤᠰᠤᠨ ᠪᠤᠯᠪᠠᠰᠤᠷᠠᠯ ᠲᠡᠳᠦ᠋ᠢᠯᠡ ᠭᠡᠳᠡᠭ ᠢ ᠤᠬᠠᠮᠰᠠᠷᠯᠠᠭᠠᠷᠠᠢ᠃ ᠰᠡᠳᠬᠢᠴᠡ ᠪᠠᠷ ᠪᠡᠶᠡ ᠪᠠᠨ | ᠰᠤᠪᠢᠯᠠᠬᠤ ᠳᠤ ᠶᠠᠭᠤᠨ ᠲᠡᠷᠢᠭᠦᠨ ᠳᠤ᠂ ᠰᠡᠳᠬᠢᠯᠭᠡ ᠶᠢᠨ ᠲᠡᠩᠴᠡᠭᠦᠷᠢ ᠶᠢ ᠲᠤᠭᠳᠠᠪᠤᠷᠢᠵᠢᠭᠤᠯᠬᠤ ᠬᠡᠷᠡᠭᠳᠡᠢ᠂ ᠠᠭᠤᠷ | ᠬᠢᠯᠢᠩ ᠨᠢ ᠬᠤᠤᠷᠳᠤ ᠬᠠᠪᠤᠳᠠᠷ ᠢ ᠡᠭᠦᠰᠭᠡᠳᠡᠭ ᠶᠤᠮ᠃ |