ᠲᠡᠷᠢᠭᠦᠨ ᠬᠠᠭᠤᠳᠠᠰᠤ
ᠰᠣᠨᠢᠨ ᠮᠡᠳᠡᠭᠡ
ᠢᠯᠡ ᠵᠠᠰᠠᠭ
ᠰᠣᠶᠣᠯ ᠡᠷᠳᠡᠨᠢ
ᠦᠢᠯᠡᠴᠢᠯᠡᠭᠡ
ᠪᠠᠶᠢᠭᠠᠯᠢ ᠲᠤᠬᠢᠶ᠎ᠠ ︵ᠵᠢᠷᠭᠤᠭ᠎ᠠ︶
ᠨᠡᠶᠢᠲᠡᠯᠡᠭᠰᠡᠨ ᠴᠠᠭ᠄
2023/11/27
     ᠮᠤᠩᠭᠤᠯ ᠬᠦᠮᠦᠨ ᠤ ᠰᠤᠶᠤᠯ ᠪᠤᠯ ᠪᠠᠶᠢᠭᠠᠯᠢ ᠶᠢᠨ ᠰᠤᠶᠤᠯ᠂ ᠬᠠᠶᠢᠷ᠎ᠠ ᠶᠢᠨ ᠰᠤᠶᠤᠯ ᠶᠤᠮ ᠭᠡᠵᠤ ᠭᠡᠯᠡᠵᠤ ᠪᠤᠯᠬᠤ ᠶᠤᠰᠤ ᠴᠦ ᠡᠨᠡ᠃ ᠲᠡᠭᠡᠬᠦ ᠳᠤ ᠮᠤᠩᠭᠤᠯ ᠬᠦᠮᠦᠨ ᠪᠠᠶᠢᠭᠠᠯᠢ ᠪᠠᠨ ᠭᠡᠷᠬᠢᠨ ᠤᠶᠢᠯᠠᠭᠠᠵᠤ᠂ ᠪᠠᠶᠢᠭᠠᠯᠢ ᠨᠢ ᠮᠤᠩᠭᠤᠯ ᠬᠦᠮᠦᠨ ᠳᠤ ᠶᠠᠭᠠᠬᠢᠵᠤ ᠲᠤᠬᠢᠶ᠎ᠠ ᠪᠠᠨ ᠦᠭᠳᠡᠭ ᠪᠠᠶᠢᠨ᠎ᠠ︖ ᠤᠷᠴᠢᠯᠠᠩ ᠲᠡᠯᠡᠭᠡᠢ ᠶᠢᠨ ᠲᠦᠮᠡᠨ ᠪᠤᠳᠠᠰ᠂ ᠬᠤᠷᠤᠬᠠᠢ ᠰᠢᠪᠡᠵᠢ ᠠᠴᠠ ᠡᠬᠢᠯᠡᠭᠡᠳ ᠠᠷᠢᠶᠠᠳᠠᠨ ᠵᠢᠬᠦᠷᠳᠡᠨ ᠮᠤᠩᠭᠤᠯ ᠬᠦᠮᠦᠨ ᠳᠤ ᠶᠠᠭᠠᠬᠢᠵᠤ ᠰᠤᠷᠠᠭ ᠴᠢᠮᠡᠭᠡ ᠬᠦᠷᠭᠡᠳᠡᠭ ᠪᠠᠶᠢᠨ᠎ᠠ︖      101 ᠶᠢᠰᠦ ᠲᠤᠭᠠᠯᠠᠭᠰᠠᠨ ᠤ ᠨᠢᠭᠡᠳᠦᠭᠡᠷ ᠡᠳᠦᠷ ᠨᠢ ᠶᠠᠮᠠᠷ ᠪᠤᠯ ᠡᠨᠡ ᠶᠢᠰᠦᠨ ᠡᠳᠦᠷ ᠮᠥᠨ ᠲᠡᠶᠢᠮᠤ᠃ ᠬᠤᠶᠠᠳᠤᠭᠠᠷ ᠶᠢᠰᠦ ᠲᠤᠭᠠᠯᠠᠭᠰᠠᠨ ᠡᠳᠦᠷ ᠨᠢ ᠶᠠᠮᠠᠷ ᠪᠤᠯ ᠬᠤᠶᠠᠳᠡᠬᠢ ᠶᠢᠰᠦᠨ ᠡᠳᠦᠷ ᠨᠢ ᠮᠥᠨ ᠲᠡᠶᠢᠮᠤ᠃ ᠵᠠᠯᠭᠠᠭᠠᠳ ᠠᠳᠠᠯᠢ᠃      102 ᠶᠢᠰᠤ ᠲᠤᠭᠠᠯᠠᠭᠰᠠᠨ ᠡᠳᠦᠷ ᠵᠡᠬᠦᠨ ᠲᠠᠯ᠎ᠠ ᠪᠠᠷ ᠰᠠᠮᠡᠵᠢᠨ ᠴᠠᠭᠠᠨ ᠡᠬᠦᠯᠠ ᠲᠠᠢ᠂ ᠬᠤᠷᠭᠤᠯ ᠬᠦᠳᠡᠯᠭᠡᠮᠠᠷ ᠰᠠᠯᠬᠢᠨ ᠲᠠᠢ ᠪᠤᠯ ᠰᠠᠶᠢᠨ ᠵᠢᠯ ᠢᠷᠡᠨ᠎ᠠ᠃      103 ᠶᠢᠰᠤ ᠲᠤᠭᠠᠯᠠᠬᠤ ᠡᠳᠦᠷ ᠤᠨ ᠰᠠᠯᠬᠢᠨ ᠬᠤᠶᠢᠨ᠎ᠠ ᠪᠠᠨ ᠭᠠᠷᠪᠠᠯ ᠪᠤᠷᠤᠭ᠎ᠠ ᠬᠤᠷ᠎ᠠ ᠲᠠᠢ ᠵᠢᠯ ᠪᠤᠯᠤᠨ᠎ᠠ᠂ ᠡᠮᠦᠨ᠎ᠠ ᠪᠠᠨ ᠭᠠᠷᠪᠠᠯ ᠭᠠᠩ ᠲᠠᠢ ᠵᠢᠯ ᠪᠤᠯᠤᠨ᠎ᠠ᠃      104 ᠨᠠᠷᠠ ᠰᠠᠷᠠ ᠭᠬᠢᠷᠳᠦᠪᠠᠯ ᠨᠢᠭᠤᠷ ᠢᠶᠠᠨ ᠤᠬᠢᠶᠠᠬᠤ ᠶᠢᠨ ᠲᠦᠯᠦᠭᠡ ᠭᠤᠷᠪᠠᠨ ᠡᠳᠦᠷ ᠤᠨ ᠲᠤᠳᠤᠷ᠎ᠠ ᠪᠠᠭ᠎ᠠ ᠴᠦ ᠭᠡᠰᠡᠨ ᠪᠤᠷᠤᠭ᠎ᠠ ᠬᠤᠷ᠎ᠠ ᠪᠠᠭᠤᠨ᠎ᠠ᠃      105 ᠬᠤᠶᠠᠷ ᠴᠠᠰᠤᠨ ᠪᠤᠯᠵᠤᠭᠠᠨ ᠳᠤ ᠴᠠᠰᠤ ᠲᠠᠢ ᠪᠤᠯ ᠬᠠᠭᠠᠰ ᠵᠢᠯ ᠪᠤᠷᠤᠭ᠎ᠠ ᠤᠷᠤᠬᠤ ᠦᠭᠡᠢ᠃      106 ᠰᠡᠬᠦᠯ ᠰᠠᠷ᠎ᠠ᠂ ᠬᠤᠪᠢ ᠰᠠᠷ᠎ᠠ ︵ᠤᠷᠳᠤᠰ ᠲᠤᠭᠠᠯᠠᠯ︶ ᠶᠢᠨ ᠪᠤᠳᠠᠩᠨᠠᠪᠠᠯ ᠮᠠᠭᠤ ᠵᠢᠯ ᠢᠷᠡᠬᠦ ᠶᠢᠨ ᠰᠢᠨᠵᠢ᠃      107 ᠬᠠᠩᠰᠢ ᠶᠢᠨ ᠡᠳᠦᠷ ᠬᠤᠷᠭᠤᠯ ᠬᠦᠳᠡᠯᠬᠦ ᠰᠡᠯᠬᠢᠨ ᠲᠠᠢ ᠪᠤᠯ ᠁      108 ᠡᠪᠦᠯ ᠭᠡᠨᠡᠳᠳᠡ ᠪᠠᠷ ᠰᠦᠷᠡᠭᠡᠢ ᠲᠤᠯᠠᠭᠠᠷᠠᠪᠠᠯ ᠶᠡᠭᠡ ᠴᠠᠰᠤ ᠤᠨᠠᠨ᠎ᠠ᠃      109 ᠰᠠᠷ᠎ᠠ ᠪᠤᠯᠭᠠᠨ ᠤ ᠰᠢᠨ᠎ᠠ ᠶᠢᠨ ᠨᠢᠭᠡᠨ ᠶᠠᠮᠠᠷ ᠪᠤᠯ ᠲᠤᠰ ᠰᠠᠷ᠎ᠠ ᠪᠠᠷᠤᠭ ᠲᠠᠭᠠᠨ ᠮᠥᠨ ᠲᠠᠶᠢᠮᠤ ᠪᠠᠶᠢᠳᠠᠭ᠃      110 ᠪᠢᠳᠡᠬᠦᠦ ᠬᠤᠷᠢ ᠶᠢᠰᠦᠨ ᠳᠤ ᠬᠤᠶᠢᠨ᠎ᠠ ᠬᠤᠷᠭᠤᠯ ᠬᠦᠳᠡᠯᠭᠡᠮᠠᠷ ᠰᠠᠯᠬᠢᠯᠠᠪᠠᠯ ᠬᠤᠶᠢᠳᠤ ᠵᠢᠯ ᠪᠤᠷᠤᠭᠠᠨ ᠲᠠᠢ᠃      111 ᠪᠢᠳᠡᠬᠦᠦ ᠰᠦᠨᠢ ᠲᠡᠭᠷᠢ ᠶᠢᠨ ᠬᠠᠶᠠᠭ᠎ᠠ ᠬᠠᠮᠢᠭᠠᠭᠤᠷᠢ ᠬᠠᠷᠠᠩᠭᠤᠶᠢᠯᠠᠵᠤ ᠪᠠᠶᠢᠪᠠᠯ ᠢᠷᠡᠬᠦ ᠵᠢᠯ ᠲᠡᠨᠳᠡ ᠰᠠᠶᠢᠨ ᠪᠤᠷᠤᠭ᠎ᠠ ᠤᠷᠤᠨ᠎ᠠ᠃      112 ᠲᠠᠪᠤᠨ ᠰᠠᠷ᠎ᠠ ︵ᠤᠷᠳᠤᠰ ᠲᠤᠭᠠᠯᠠᠯ︶ ᠳᠤ ᠬᠠᠩᠰᠢ ᠢᠷᠡᠪᠡᠯ ᠲᠠᠯ᠎ᠠ ᠬᠦᠭᠡᠷᠡᠨ᠎ᠠ᠂ ᠵᠢᠷᠭᠤᠭᠠᠨ ᠰᠠᠷ᠎ᠠ  ᠳᠤ ᠬᠠᠩᠰᠢ ᠢᠷᠡᠪᠠᠯ ᠡᠷᠳᠡ ᠨᠤᠭᠤᠭᠠᠷᠠᠬᠤ ᠦᠭᠡᠢ᠃      113 ᠬᠠᠩᠰᠢ ᠶᠢᠨ ᠡᠳᠦᠷ ᠪᠠᠭ᠎ᠠ ᠰᠠᠭ᠎ᠠ ᠪᠤᠷᠤᠭᠠᠯᠠᠪᠠᠯ ᠡᠪᠡᠰᠦᠨ ᠲᠤᠯᠤᠭᠠᠢ ᠵᠢᠷᠠ ᠬᠤᠨᠤᠭ ᠲᠤᠭᠤᠭᠰᠢ ᠬᠠᠨᠳᠤᠨ᠎ᠠ᠂ ᠬᠠᠷᠢᠨ ᠲᠠᠭᠠᠭᠠᠳᠠᠯ᠎ᠠ ᠪᠠᠨ ᠤᠷᠤᠴᠢᠬᠠᠪᠠᠯ ᠶᠡᠭᠡ ᠰᠠᠶᠢᠨ᠃      114 ᠶᠡᠭᠡ ᠴᠠᠰᠤ᠂ ᠪᠠᠭ᠎ᠠ ᠴᠠᠰᠤ ᠶᠢᠨ ᠲᠤᠳᠤᠷ᠎ᠠ ᠴᠠᠰᠤ ᠤᠨᠠᠪᠠᠯ ᠶᠡᠭᠡ ᠬᠠᠯᠠᠭᠤᠨ ᠪᠠᠭ᠎ᠠ ᠬᠠᠯᠠᠭᠤᠨ ᠢᠶᠠᠷ ᠭᠠᠩ ᠲᠠᠢ᠃      115 ᠲᠠᠪᠤ ᠶᠢᠰᠦ ᠳᠤ ᠲᠠᠪᠤᠨ ᠤᠳᠠᠭ᠎ᠠ ᠭᠠᠵᠠᠷ ᠴᠠᠶᠢᠪᠠᠯ ︵ᠶᠢᠰᠦ ᠪᠦᠷᠢ ᠨᠢᠭᠡ ᠤᠳᠠᠭ᠎ᠠ︶ ᠨᠤᠬᠠᠢ ᠴᠠᠭᠠᠨ ᠪᠤᠳᠠᠭᠠᠨ ᠠᠴᠠ ᠭᠠᠷᠤᠨ᠎ᠠ᠃ ᠲᠠᠷᠤᠢ ᠵᠤᠪᠠᠯᠭ᠎ᠠ ᠢᠳᠡᠨ᠎ᠠ ᠭᠡᠰᠡᠨ ᠦᠭᠡ᠂ ᠭᠠᠩ ᠶᠡᠭᠡ ᠲᠠᠢ᠃      116 ᠶᠡᠭᠡ ᠪᠤᠳᠠᠩᠳᠤ ᠵᠢᠯ ᠴᠦᠯᠢᠬᠡᠷ ᠲᠡᠮᠡᠢ ᠤᠷᠭᠤᠬᠤ ᠦᠭᠡᠢ᠃      117 ᠰᠤᠭᠳᠤᠭᠤ ᠡᠪᠡᠰᠦ ᠰᠦᠷᠡᠭᠡᠢ ᠤᠷᠭᠤᠪᠠᠯ ᠭᠠᠩᠳᠠᠨ᠎ᠠ᠃ ᠰᠤᠭᠳᠤᠭᠤ ᠡᠪᠡᠰᠦ ᠲᠠᠭᠤᠳᠤ ᠪᠤᠷᠤᠭᠠᠨ᠂ ᠢᠯᠡᠩᠭᠤᠶ᠎ᠠ ᠰᠦᠨᠢ ᠶᠢᠨ ᠲᠠᠭᠤᠳᠤ ᠪᠤᠷᠤᠭᠠᠨ ᠳᠤ ᠬᠠᠷᠰᠢ᠃      118 ᠬᠠᠷᠢᠶᠠᠴᠢ ᠰᠠᠶᠢᠨ ᠡᠳᠦᠷ ᠢ ᠰᠤᠩᠭᠤᠵᠤ ᠢᠷᠡᠳᠡᠭ ᠪᠦᠭᠡᠳ ᠨᠡᠩ ᠴᠦ ᠰᠢᠪᠠᠷ ᠰᠢᠷᠦᠢ ᠬᠦᠳᠡᠯᠭᠡᠵᠤ ᠪᠤᠯᠳᠠᠭ ᠰᠠᠶᠢᠨ ᠡᠳᠦᠷ ᠪᠠᠶᠢᠳᠠᠭ ᠶᠤᠮ ᠪᠤᠯᠬᠤᠷ ᠬᠠᠷᠢᠶᠠᠴᠢ ᠢᠷᠡᠭᠰᠡᠨ ᠡᠳᠦᠷ ᠭᠠᠵᠠᠷ ᠰᠢᠷᠦᠢ ᠬᠦᠳᠡᠯᠭᠡᠵᠤ ᠯᠠᠪᠳᠠᠶᠢᠶ᠎ᠠ ᠪᠤᠯᠤᠨ᠎ᠠ᠃      119 ᠬᠠᠷᠢᠶᠠᠴᠢ ᠭᠡᠷ ᠤᠨ ᠮᠤᠬᠤᠷ ᠤᠷᠤᠭᠤ ᠬᠠᠨᠳᠤᠭᠤᠯᠤᠨ ᠡᠬᠦᠷ ᠢᠶᠠᠨ ᠪᠠᠷᠢᠪᠠᠯ ᠡᠨᠡ ᠠᠶᠢᠯ ᠤᠨ ᠠᠮᠢᠳᠤᠷᠠᠯ ᠤᠷᠤᠯᠭ᠎ᠠ ᠶᠡᠭᠡ ᠰᠠᠶᠢᠨ᠃      120 ᠱᠠᠭᠠᠵᠠᠭᠠᠢ ᠡᠬᠦᠷ ᠤᠨ ᠡᠬᠦᠳᠡ ᠪᠠᠨ ᠬᠠᠮᠢᠭᠠᠰᠢ ᠬᠠᠨᠳᠤᠭᠤᠯᠵᠤ ᠪᠠᠷᠢᠭᠰᠠᠨ ᠪᠠᠶᠢᠪᠡᠯ ᠲᠠᠷᠠ ᠨᠢ ᠰᠠᠶᠢᠨ ᠵᠦᠭ᠃      121 ᠱᠠᠭᠠᠵᠠᠭᠠᠢ ᠶᠢᠨ ᠡᠬᠦᠷ ᠡᠮᠦᠨᠡᠰᠢ ᠬᠠᠨᠳᠤᠵᠤ ᠪᠠᠶᠢᠪᠠᠯ ᠭᠠᠩᠳᠠᠳᠠᠭ᠂ ᠬᠤᠶᠢᠰᠢ ᠬᠠᠨᠳᠤᠵᠤ ᠪᠠᠶᠢᠪᠠᠯ ᠪᠤᠷᠤᠭ᠎ᠠ ᠲᠠᠢ᠃      122 ᠡᠯᠢᠶ᠎ᠡ ᠢᠨᠴᠠᠭᠠᠵᠤ ᠢᠨᠴᠠᠭᠠᠭᠰᠠᠭᠠᠷ ᠲᠡᠭᠡᠭᠰᠢ ᠪᠠᠨ ᠨᠢᠰᠦᠭᠡᠳ ᠪᠠᠶᠢᠪᠠᠯ ᠪᠤᠷᠤᠭ᠎ᠠ ᠰᠠᠶᠢᠨ ᠤᠷᠤᠨ᠎ᠠ᠃      123 ᠦᠭᠡᠷ ᠡᠷᠪᠡᠭᠡᠢ ᠭᠡᠷ ᠲᠤ ᠤᠷᠤᠪᠠᠯ ᠪᠤᠷᠤᠭ᠎ᠠ ᠤᠷᠤᠨ᠎ᠠ᠃      124 ᠦᠷᠯᠦᠭᠡ ᠡᠷᠳᠡ ᠦᠯᠦᠨ ᠬᠠᠯᠵᠠᠨ ︵ᠲᠤᠭᠤᠷᠤᠤ︶ ᠬᠠᠰᠬᠢᠷᠬᠤ᠂ ᠡᠯᠢᠶ᠎ᠡ ᠢᠨᠴᠠᠭᠠᠬᠤ᠂ ᠰᠢᠷᠭᠤᠯᠵᠢ ᠱᠠᠯᠠ ᠲᠠᠪᠠᠭ᠋ᠤ᠂ ᠶᠠᠯᠠᠮᠠᠩ ᠦᠨᠳᠦᠷ ᠤᠷᠤᠢ ᠲᠡᠭᠡᠷ᠎ᠡ ᠬᠠᠵᠠᠭᠤ ᠲᠤᠭᠤᠭᠰᠢ ᠬᠠᠨᠳᠤᠭᠤᠯᠤᠨ ᠬᠦᠨ ᠨᠦᠭᠡ ᠮᠠᠯᠳᠠᠬᠤ ᠵᠡᠷᠭᠡ ᠢᠯᠡᠷᠡᠯ ᠪᠤᠯ ᠲᠤᠭᠰᠢᠨ ᠪᠤᠷᠤᠭ᠎ᠠ ᠤᠷᠤᠬᠤ ᠶᠢᠨ ᠰᠢᠨᠵᠢ᠃      125 ᠠᠯᠠᠭ ᠲᠤᠩᠬᠠᠢ ᠬᠠᠰᠬᠢᠷᠪᠠᠯ ᠮᠠᠯ ᠠᠯᠳᠠᠬᠤ ᠪᠤᠶᠤ᠂ ᠴᠢᠨ᠋ᠸ᠎ᠠ ᠠᠷᠢᠶᠠᠳᠠᠨ ᠳᠤ ᠲᠠᠳᠠᠭᠳᠠᠬᠤ ᠠᠶᠤᠯ  ᠲᠠᠢ᠃      126 ᠬᠤᠨᠢᠨ ᠡᠳᠦᠷ ᠪᠤᠷᠤᠭᠠᠨ ᠤᠷᠤᠭᠠᠳ ᠡᠳᠦᠷ ᠲᠡᠭᠡᠨ ᠭᠡᠶᠢᠬᠦ ᠦᠭᠡᠢ ᠪᠤᠯ ᠦᠭᠡᠷ ᠡᠳᠦᠷ ᠪᠤᠯᠳᠠᠯ᠎ᠠ ᠦᠷᠭᠦᠯᠵᠢᠯᠡᠳᠡᠭ ᠭᠡᠳᠡᠭ᠃ ᠦᠭᠡᠷ ᠡᠳᠦᠷ ᠨᠢ ᠬᠦᠷᠦᠭᠡᠳ ᠮᠥᠨ ᠭᠡᠶᠢᠬᠦ ᠦᠭᠡᠢ ᠪᠤᠯ ᠪᠠᠰᠠ ᠵᠠᠯᠭᠠᠭᠠᠳ ᠲᠤᠯᠤᠭᠠᠨ ᠡᠳᠦᠷ ᠪᠤᠷᠤᠭᠠᠯᠠᠨ᠎ᠠ᠃      127 ᠲᠡᠭᠷᠢ ᠮᠠᠭᠤᠬᠠᠨ ᠰᠢᠭ᠋ ᠪᠠᠶᠢᠬᠤ ᠦᠶ᠎ᠡ ᠨᠠᠷᠠ ᠴᠢᠬᠢᠯᠡᠵᠤ ᠰᠢᠩᠭᠡᠪᠡᠯ ᠰᠠᠶᠢᠬᠠᠨ ᠡᠳᠦᠷ ᠪᠤᠯᠬᠤ ᠶᠢᠨ ᠲᠡᠮᠳᠡᠭ᠂ ᠭᠡᠷᠪᠡ ᠰᠠᠶᠢᠬᠠᠨ ᠡᠳᠦᠷ ᠤᠨ ᠨᠠᠷᠠ ᠨᠢ ᠴᠢᠬᠢᠯᠡᠵᠤ ᠰᠢᠩᠭᠡᠪᠡᠯ ᠲᠡᠭᠷᠢ ᠬᠤᠪᠢᠯᠬᠤ ᠶᠢᠨ ᠲᠡᠮᠳᠡᠭ᠃      128 ᠨᠠᠮᠤᠷ ᠤᠨ ᠪᠤᠷᠤᠭᠠᠨ ᠤ ᠲᠠᠷᠠᠭ᠎ᠠ ᠮᠦᠬᠦ ᠤᠯᠠᠨ ᠭᠠᠷᠤᠭᠰᠠᠨ ᠪᠤᠯ ᠡᠪᠦᠯ ᠨᠢ ᠲᠤᠯᠠᠭᠠᠨ ᠪᠤᠯᠵᠤ᠂ ᠮᠦᠬᠦ ᠲᠡᠮᠡᠢ ᠭᠠᠷᠬᠤ ᠦᠭᠡᠢ ᠪᠤᠯ ᠢᠷᠡᠬᠦ ᠡᠪᠦᠯ ᠨᠢ ᠴᠠᠰᠤ ᠲᠠᠢ ᠬᠦᠢᠳᠡᠨ ᠪᠤᠯᠤᠨ᠎ᠠ᠃      129 ᠮᠤᠤᠷ ᠴᠠᠭᠠᠷᠢᠭᠯᠠᠵᠤ ᠭᠡᠪᠳᠡᠪᠡᠯ ᠲᠡᠭᠷᠢ ᠬᠦᠢᠳᠡᠷᠡᠨ᠎ᠠ᠂ ᠰᠤᠨᠤᠵᠤ ᠭᠡᠪᠳᠡᠪᠡᠯ ᠲᠤᠯᠠᠭᠠᠷᠠᠨ᠎ᠠ᠃      130 ᠨᠤᠬᠠᠢ ᠭᠠᠵᠠᠷ ᠬᠦᠷᠪᠡᠪᠡᠯ ᠪᠤᠷᠤᠭᠠᠨ ᠤᠷᠤᠨ᠎ᠠ᠂ ᠰᠤᠨᠤᠭᠠᠵᠤ ᠭᠡᠪᠳᠠᠪᠠᠯ ᠲᠤᠯᠠᠭᠠᠨ ᠪᠤᠯᠤᠨ᠎ᠠ᠃
  
ᠢᠷᠡᠯᠲᠡ᠄ ᠬᠤᠯᠪᠤᠭ᠎ᠠ ᠪᠦᠷᠭᠡ ᠰᠦᠯᠵᠢᠶ᠎ᠡ
 
 
ᠬᠠᠮᠢᠶ᠎ᠡ ᠪᠦᠬᠦᠢ ᠰᠣᠨᠢᠨ
  
ᠪᠠᠶᠢᠭᠠᠯᠢ ᠲᠤᠬᠢᠶ᠎ᠠ ︵ᠲᠠᠪᠤ︶
ᠪᠠᠶᠢᠭᠠᠯᠢ ᠲᠤᠬᠢᠶ᠎ᠠ ︵ᠳᠥᠷᠪᠡ︶
ᠪᠠᠶᠢᠭᠠᠯᠢ ᠲᠤᠬᠢᠶ᠎ᠠ ︵ᠭᠤᠷᠪᠠ︶
ᠪᠠᠶᠢᠭᠠᠯᠢ ᠲᠤᠬᠢᠶ᠎ᠠ ︵ᠬᠤᠶᠠᠷ︶
ᠪᠠᠶᠢᠭᠠᠯᠢ ᠲᠤᠬᠢᠶ᠎ᠠ ︵ᠨᠢᠭᠡ︶
2014-2015 ©  ᠦᠪᠦᠷ ᠮᠣᠩᠭᠤᠯ ᠤᠨ ᠮᠦᠩᠭᠡᠭᠠᠯ ᠰᠣᠹᠲ ᠤᠨ ᠬᠤᠪᠢᠴᠠᠭᠠᠨ ᠤ ᠬᠢᠵᠠᠭᠠᠷᠲᠦ ᠺᠣᠮᠫᠠᠨᠢ ᠪᠦᠬᠦ ᠵᠦᠢᠯ ᠬᠠᠤᠯᠢ ᠪᠠᠷ ᠬᠠᠮᠠᠭᠠᠯᠠᠭᠳᠠᠭᠰᠠᠨ᠂ ᠵᠦᠪᠰᠢᠶᠡᠷᠡᠯ ᠦᠭᠡᠢ ᠪᠠᠷ ᠬᠠᠭᠤᠯᠪᠤᠷᠢᠯᠠᠬᠤ ᠶᠢ ᠡᠷᠡᠰ ᠬᠤᠷᠢᠭᠯᠠᠨ᠎ᠠ 蒙ICP备05070829号